魔膳廚房 (已結業)

今晚等我男人收工過黎, 帶左佢去食依間西餐廳..之前同同事Lunch已經食左幾次, 味道同環境都唔錯, 今次終於同男人浪漫享受一下。位置工廈裡面,鄰近APM, 經鱷魚恤中心落去唔使1分鐘就到了,好方便。雖然需要上樓梯,但樓梯同門面既裝橫都特別設計過,好似入左愛麗斯世界入面都好大,一入去就係水吧, 中間有個沙律吧, 只要跟餐加多$38就可以任食,有彩椒,沙律菜,蓄茄,生果,啫喱等,都唔少選擇架!今次叫左個扒套餐同意大利飯套餐,都有跟餐湯+包,飲品。加埋個沙律餐湯有羅宋湯同黑松露忌廉湯,每款都叫左黎品嘗。羅宋湯酸酸地好開胃,仲有好多雜菜係裡面。黑松露忌廉湯,好香既松露味,裡面都仲有一粒粒蘑菇,唔會太膩,味道調得恰到好處。配埋個暖哄哄既麵包,真係好好味,好鬆軟,平時D餐包都又凍又硬好少食, 依個整盤食晒。到主菜了, 叫左個美國西冷牛排10oz配薯菜,5成熟, 西冷好大塊,肉厚脂肪少,牛味好重,肉汁仲鎖住裡面。5成熟剛好,軟硬適中。薯菜都好豐富,有烤蓄茄,裡面有D洋蔥,蓄茄肉,芝士等,好惹味。仲有烤蒜頭, 蒜味唔會好勁,烤完仲香香地。仲有薯仔同蘆筍卷,都係好健康而飽肚既食材。香煎帶子黑松露雜菌

觀塘勁多人、餐廳勁多選擇，一直想試下呢間好評多到爆嘅餐廳，可以午膳時間實在一位難求。相反，晚飯時間真係少人好多，環境都寧靜d。晚餐menu 好多選擇，大部分都係加錢可配任食自助沙律吧及餐飲。自助沙律吧選擇不算多，但基本嘢都叫做有齊，沙律菜、蕃茄、哈蜜瓜加埋d日式前菜例如: 中華沙律、帶子群邊等等。醬汁有千島醬、黑醋同芝麻醬，實在係任你配搭。我哋叫咗個墨西哥香辣豬肋骨配焗芝士瘋薯& 香煎帶子黑松露雜菌意大利飯。餐湯係雜菜湯，蕃茄味濃郁，好開胃。香辣豬肋骨好大條，直程係4人份量！辣辣地，勁惹味，燒完之後肉質仲係好juicy，唔乾唔鞋。另一主菜煎帶子黑松露意大利飯，帶子唔算大粒，但表面煎到金黃色，食落尚鮮味。意大利飯略嫌熟咗少少，無咗正宗意大利飯嘅咬口，但味道不錯。外貌雖然未至於奶白色，但忌廉味突出，雜箘切碎完全融入飯中，每一啖都食到淡淡嘅雜菌味。兩個人埋單$640，以食物份量同味道嚟講，算係幾合理嘅價錢。我朋友話價錢拍得住尖沙咀等旺區，但就話呢到勝在唔駛等位，又夠靜，可以一齊慢慢享受。

今晚約左男朋友觀塘行街，正岩落雨，途經開源道，見到有間西餐幾雅緻，決定試一試。有自助沙律吧，可以隨意挑選。薯仔沙律幾好味，有生果又有啫喱，質素OK。揀左一個雜菜湯同一個忌廉湯，最好味系餐包！點左一份青口，份量足。要左一份雞槌，少少辣，幾入味，點上沙律醬，昧道即時昇華。主食系咸豬手，薯角有少少冧，油味太濃，豬手就還可以，兩人分都夠晒飽，所以冇再點其他主食。食左咸豬手，飲左凍檸茶都未夠解渴，所以又去沙律吧拎哈蜜瓜食。

呢間工廈餐廳喺觀塘APM隔離😆 入口係一條好特別嘅樓梯 牆壁上掛滿特色油畫 加上牆上有燈光嘅照射下好似入左去一個童話世界☺佢嘅門口都好特別俾重重嘅花包圍 好有森林探險嘅感覺同朋友兩個一人叫左個餐黎share 🤤 每個餐一人會包一個餐湯同埋餐包🤤可以簡忌廉或者雜菜羅宋湯😆忌廉湯都幾足料入邊有蜆肉 同埋幾creamy👍 仲有個熱乎乎 軟綿綿嘅法包 入面有少少果仁核桃之類 更添口感☺ 香煎帶子黑松露意大利飯 $168 帶子微微煎香 肉質厚實 大大粒 加上我好鍾意嘅蟹子 撈埋落充滿黑松露嘅意大利飯 令成個飯更加有口感 好味😍 香煎三文魚柳配麥藜沙律 $178 三文魚剛剛熟 肉質鮮嫩 條文分明 配上甜甜地嘅沙律醬汁 芒果好甜 令油煎嘅三文魚口感更加豐富 估唔到呢個組合又好夾！ 仲可以配飲品叫咗凍檸茶同埋桂花香茶 桂花茶唔錯 清甜清甜☺ 整體黎講 呢間餐廳環境好舒服 燈光柔和 可以慢慢享受西餐 而且食物唔錯值得再嚟！

又是去接太太放工及晚餐，選址是非常接近她的公司，步行也不用五分鐘。餐廳位於人流非常旺的大街上的一座工業大廈的二樓。進入餐廳內，燈光柔和，環境頗為舒適，到處放了些乾花及絲帶花的擺設，女士會更加覺得溫馨窩心。我們6時半就到，所以沒有很多人。我們要了兩份套餐，太太的一份是雜菜湯及香煎帶子黑松露意大利飯($168)，跟熱奶茶；我的一份是黑松露忌廉湯及墨西哥香辣豬肋骨配芝士焗瘋薯($178)，跟藍柑檸檬梳打(+$5)，另外甜品就要了泡沫咖啡慕思($48)。之後還發現太太認識的友人也在用餐，所點的與我們的也差不多。雜菜湯略帶微辣，十分濃郁，味道很好。黑松露忌廉湯也十分濃稠，黑松露的芳香亦十分吸引。餐湯還跟麵包，微溫而香軟，配上牛油都很不錯。主菜的墨西哥香辣豬肋骨配芝士焗瘋薯，一上來就聞到有點像味噌醬的醬料香味，微辣中帶有茄汁味，可惜豬肋骨有點兒嚡。伴碟有燒過的鮮菠蘿及沙律菜，而配上的芝士焗瘋薯也非常好味，焗薯香脆可口，上面有蕃茄及煙肉與芝士焗成一餅，甘香可口。香煎帶子黑松露意大利飯特別在帶子不像平常食的完全煮熟的樣子，而是慢煮般較為軟腍而半透明的，上面配有蟹籽及豆芽。意大利飯很香黑松露味，軟硬適中

收工朋友約我來觀塘食飯，俾咗個地埗我，我自己走上嚟先。原來馬明、草蜢、貝貝，周中師傅都嚟過，呢度果真夠人氣。餐廳好大好大，呢度只係影咗一邊乍，另一邊都未影，可想而知幾鬼大。無他嘅，呢度話晒都係由工廈單位變身成餐廳，當然可以要幾大有幾大啦，嚟開P 都仲得呀。裝修都幾有格調㗎，譬如，佢用咗好多酒樽，甚至gas 燈來做裝飾擺置，係咪好特別呢? 全程侍應招呼周到，抵讚!朋友 whatsapp 我，話要遲少少才到，叫我發板幫佢叫埋嘢食，等佢上到嚟就即刻有得食。啲餐牌有成10張咁多，咁多字真係有點選擇困難，最好佢有埋相就好嘞。卒之，我都係揀咗兩個套餐，一個係 “墨西哥香辣豬助骨配芝士焗瘋薯 $178”，另一個係 “自家製海膽汁海鮮意粉 $178”，包餐湯、餐包和餐飲。侍應姐姐問我有無興趣食埋個自助沙律吧，加$38啫，緊係好啦，我預咗係朋友埋單，因為佢遲到囉。沙律吧嘅選擇都OK 多，乾淨衛生企理。我隨意攞啲菠蘿、紅腰豆、番茄、薯仔、海蜇頭和海蜇裙返埋位，諗住食住等，點知個朋友已經現身。佢現身，當然就即係叫侍應上嘢啦，費事餓親今餐個 Boss 嘛。【雜菜湯】好足料，番茄、雜菜有好多，味道有少少辣，我鍾

其實我好多年前都有來過魔膳廚房，不過當時是吃甜品buffet~(他們的甜品也很好吃今次來是要慶祝生日所以預訂了晚餐)一進門口已經有種回到家的感覺，他們的燈光好柔和好舒服啊～長期在播一出動畫，我之前也很愛看，不過名字我已經忘記了餐包跟湯先上~紅白各一麵包好鬆軟啊～很愛這種餐包羅宋湯很足料，不會很咸那種，好吃白湯偏重奶香香煎帶子risott:必點後面那個炸物同行朋友說是炸菌類，滿好口感(同行朋友整個吃了，一點也沒有留給我，還跟我說好吃，氣死了)西餐我覺得必點的豬肋骨~鮮嫩多汁，肉汁燒得剛好鎖實，不會燒得乾巴巴，表皮香口~芝士焗薯略覺芝士不夠 再多點就好了，因為去到底芝士不太夠點薯條(其實已經好多，不過對於我這芝士狂人好像不太夠)]最近迷上梳打水，顏色味道放心飲剛上枱見到這種顏色有點怕，但攪拌後飲用是很好喝的 一點兒藥水味也沒有多年沒有來水準還是很好，希望下次來的時候還是保有如此高cp值的質素

啲人成日話工廠區有好多好嘢食，今次朋友介紹咗呢間魔膳廚房，終於去咗試下，果然名不虛傳。由大街上到去店舖門口， 佈滿好多唔同嘅油畫，成個藝術廊咁 ，勁有藝術氣息。而且仲見到原來好多明星都有幫襯過架。入到去餐廳完全唔覺得喺工廠區，餐廳裝修有特色，有格調。中間有一個好吸睛嘅沙律吧，七彩繽紛。老闆話睇下你叫咩餐，然後加番錢就可以任食沙律吧。一坐低，老闆就介紹新張期間，惠顧任何晚市套餐，加一蚊可以多一個小食，有 帕爾瑪火腿伴哈密瓜、泰式香茅蔗蝦、糯米釀香辣雞翼、精選蛋糕 ，全部都非常吸引，好難揀啊。最後聽老闆介紹，揀咗佢哋出名嘅糯米釀香辣雞翼。 果然真係冇介紹錯，金黃香脆嘅雞翼入面釀住少少嘅糯米，口感十足，而且有少少辣非常之惹味。餐湯方面當然唔少得紅湯同白湯，但今次呢個湯真係不得不介紹，羅宋湯材料真係好豐富，味道配合得啱啱好，唔會太酸，而忌廉湯係周打蜆忌廉湯，粒粒蜆肉新鮮肥美， 湯底唔會太稀，又唔會太傑，質地啱啱好 ，仲充滿忌廉香味， 堅係好好飲。 餐包一樣唔使講，冇得彈，包身鬆軟可口， 完全食得出係新鮮出爐，唔似一般西餐廳嗰啲硬掘掘嘅餐包。加埋牛油更加能夠散發出佢嘅香味。除左餐湯，我地都叫咗兩

經常都聽到依間餐廳嘅名，但係想去食都係第一次，想來依家唔餐廳嘅時候喺樓下已經見到一啲好特別嘅裝修，感覺非常之夢幻加上佢依個餐廳嘅名咁特別就吸引左我上嚟食。餐廳嘅地方都幾方便地鐵站行過嚟都係兩三分鐘。今次同朋友就食咗一個套餐，首先一坐低嘅時候店員就會想餐包俾我哋，餐包係加熱左所以味道唔錯，餐湯係忌廉湯。然後我哋就叫咗兩個主食，第一個就係豬手配薯角，第二個就係海膽汁海鮮意粉。然後我地就叫咗兩個煮食,第一個就係德國豬手第二個就係海膽汁海鮮意粉。依個豬手嘅味道同埋口感都令我覺得好特別，因為依個豬手係幫我地起咗骨令我哋食嘅時候非常之方便，而且豬手嘅味道非常之入味又唔會太鹹係好適合香港人嘅口味添。因為食落去啖啖肉所以食得非常之滋味。另外海膽汁海鮮意粉都非常好食，海膽汁嘅味道非常之濃郁配埋好多款唔同嘅另外海膽汁海鮮意粉都非常好食,海膽汁嘅味道非常之濃郁配埋好多款唔同嘅時海鮮就變到非常之特別。飲品方面我就叫咗一杯洋甘菊，甜品係依間餐廳最特色嘅食物，tiramisu 蛋糕，外貌已經非常之靚，睇落去非常之夢幻用嚟影相打卡就一流啦，當然食落去都係非常之標準同埋好味，食完都仲想食多個。

今天要到觀塘辦點事情, 順到約好朋友聚一聚, 她在觀塘工作, 對這裡非常熟悉。她帶我們來到魔膳廚房，位於地鐡站旁，非常隱敝。黑松露蘑菇湯：湯濃細滑，啖啖黑松路香氣。這裏的沙律吧以自助形式運作，蔬果新鮮，配有好多種醬汁，一定有一款啱你。和牛漢堡：厚厚的和牛漢堡扒，烤得外層蕉香內裏多汁，配上薯角一起吃，誰可以抗拒？兩隻有手掌般大的虎蝦，配上彈牙意大利粉，超正！紐西蘭頂級西冷扒，六成熟，外邊煎得焦香焦香的，裏面粉紅鲜嫩，肉汁滿瀉，配上黑椒汁，完美的演繹。

好鐘意去工廈區搵食, 因為工廈區嘅餐廳往往都會搵到驚喜 😁今晚黎到魔膳廚房, 一入去就覺得間餐廳好大, 經理話餐廳可以坐成 170 人｡同行朋友間公司想搞 Party, 所以順便向經理查詢一下, 經理介紹左 D 廳 & 包場詳情，仲帶我地睇左 2 間 VIP 房｡大VIP 房可容納 10-12 人, 同一大班朋友開  Party 一流 🎉細VIP 房可容納 6-8人, 小型  Private Room 🎈餐廳中間有個小型沙律 Bar, 晚間時段 +$18 就可以任食 🤗Menu 上有一人餐 & 二人餐, 跟餐已包餐包、餐湯、小食 & 飲品  今晚我就選擇左食二人餐 – 二人行大蝦和牛套餐｡餐湯 + 餐包餐湯揀左雜菜湯, 唔係辣嗰款, 有大量蔬菜, 飲落去比較清甜, 又帶少少 🍅 蕃茄嘅酸味, 非常開胃  餐包亦都唔係普通餐包, 入面有 D 碎 Nuts, 鬆軟得黎又有 D 口感｡法式焗釀田螺田螺都幾大粒, 食落去啖啖肉, 薯蓉好香滑 極上和牛漢堡配薯角 個和牛漢堡非常大份, 個包面有大量芝麻, 烘到好香口, 和牛漢堡都算厚身, 肉汁豐富, 配上新鮮生菜、洋蔥 & 芝士一齊食, 唔會覺得

觀塘工廠區原來有好多秘密花園，今日又去咗搵一個新落腳點去食飯！呢間叫魔膳廚房，真係有非一般嘅魔法力量，一入到去嘅時候就比佢光鮮嘅走廊燈吸引住，上面放滿壁畫，忍唔住喺度留倩影。我哋一早訂咗枱，餐廳安排左我哋坐一個比較私人嘅空間，每一張單櫈都有好似綠野仙蹤嘅感覺，設計用上兔仔嘅耳朵。出邊仲有沙律吧竟然係任食，有超過10多款嘅食物可以選擇，最令我意外竟然有日本嘅螺肉可以選擇，我好鍾意食螺肉！螺肉同海藻都係比較少食到嘅沙律吧食材。我哋先叫咗和風醬爆魷魚，全部都係日本運過嚟，魷魚切成一條條方便食用，真係好新鮮！唔會有揸宰，再加上上面佈滿和風醬同埋木魚，充滿日本風味。另外仲叫咗個三式芝士醬燒豬肋骨配薯角，豬肋骨好大塊，有我嘅手掌連埋上手臂咁長！再配上德國豬手專用嘅酸椰菜，去除油膩感，口感幾夾，將佢斬件每人都分到三件呢！

近排朋友轉左工係觀塘返工，所以去左佢附近既餐廳食dinner 😋我聽佢介紹觀塘有間餐廳叫魔膳廚房裝修得好靚同好有品味，所以我就同佢黎左。 😁一上樓梯就比d 畫吸引住。個門口超靚，好有魔幻電影既感覺。😈左：藍柑檸檬梳打右：荔枝玫瑰梳打兩杯顏色都好靚。😍呃like 必叫！！同埋杯野好好飲，又唔甜。 我自己就比較鐘意藍柑檸檬多d 糯米釀香辣雞翼我個人本身好懶，但又鐘意食雞翼，所以呢個無骨雞翼就岩晒我，唔會好辣。必叫。白湯配包白湯好好味，配埋包一流！！墨西哥香辣豬肋骨配芝士焗瘋薯我其實都唔太食得辣，但呢個我覺得唔算好辣，怕辣既人我建議你地可以試下。芝士焗瘋薯真係超好食，超過一半都係我食晒，呵呵。😘自家製海膽汁海鮮意粉呢個意粉真係無得輸，鐘意海鮮既朋友一定好鐘意，事關d 意粉入晒d海膽汁既味，又唔會好咸，必叫！！紅桑子草莓提拉米蘇打開蓋真係好靚，我影左呢個甜品超過10幾張相。btw 呢個甜品無酒味，所以唔鐘意酒精既朋友都可以點，我本人鐘意呢個甜品多過下面果個。 特級朱古力心太軟我其實第一次食配水果既心太軟，估唔到都幾夾，因為心太軟係好濃既朱古力味，甜甜的。再配上清新既水果，如酸酸的青蘋果。真係幾

Happy Friday 約左朋友食飯，係觀塘平時反工都有路過，成日俾佢個門口吸引住，一直好想試，今日終於有機會去食睇下呢個小花園有咩好食餐廳係二樓，要行樓梯上去，但沿路好似睇緊畫展咁，好多好令既畫行到門口，真係幾似花園雖然都唔少人食，不過好在我地等左五分鐘左右就有位😆都幾多款式揀，我們叫左一個飯同主菜。餐湯，我揀左白湯，朋友揀紅湯。白湯幾好飲，唔會好漏。反而紅湯有少少酸仲有餐飽，暖暖地，軟淋淋。如果再熱d會再好d飯就叫左香煎帶子黑松露意大利飯黑松露味唔係太濃，個飯質感幾煙un，中意個口感。帶子個面煎過，外面有咬感，入面都軟身上面個炸物係金菇，係幾脆，但個味同平時食既金菇味有啲唔同另外，叫左德國烤原隻豬手配薯角跟黑椒汁。面有小小煎過咁，食落幾juicy問店員，原來係用慢煮既方法做，可以保留肉汁，令入面唔會好乾。配埋個酸蘿蔔絲，中和反豬手既肥膩，幾開胃黑椒汁都好食，重口味d，用黎配薯角就岩曬。。。。。。。。。。。。。。。。。。小食方面，我們揀左pama ham沙律🥗哈蜜瓜都甜，如果多幾舊就更好😋😋另外，我地仲叫左個糯米釀香辣雞翼🐓呢個幾特別，少少辣辣地，入面配既糯米都有少少辣，幾有驚喜好