魔膳廚房

MS KITCHEN
432
14
11
港鐵觀塘站 B2 出口, 步行約2分鐘 繼續閱讀
電話號碼
39551460
39551461
63192511
營業時間
今日營業
12:00 - 22:15
星期一至日
12:00 - 22:15
公眾假期
12:00 - 22:15
公眾假期前夕
12:00 - 22:15
付款方式
Visa Master AlipayHK 支付寶 現金 AE 銀聯
座位數目
150
其他資料
網上訂座
Wi-Fi
酒精飲品
VIP房
電話訂座
加一服務費
海景景觀
Live Music
電視播放
當面支付
有關餐廳
魔膳廚房:味力與別不同 變奏神奇「魔」力
在位於工廈間的魔膳廚房,將為繁忙工作的你帶來清新忘憂的感覺!
地利位置極為方便,鄰近觀塘地鐵站,僅三分鐘路程。店內佔地面積達4600呎,地方寬敞,座位舒適,讓你與友人坐得自在無束縛!場內特設2間VIP ROOM,可以享有高度私密的餐飲場景,感受猶如時空靜止的空間感。
美食方面,大廚花心思,菜式設計以西式創意路線為主打。不論小食、意粉、海鮮或扒類,都一應俱全,選擇多元化,舌尖大滿足。更特設沙律吧,滿足三心兩意而又注重健康的你,飽嚐滋味又可吃得盡興。
除了可預約訂檯外,更免收切餅費,提供免費畫碟服務,想慶祝生日、週年慶典又或特別時刻,都可為友人或摯愛創出別注心意。在魔膳廚房,盡顯「魔」力,讓你和大伙朋友開心渡過每一次的難忘聚會!

有關獎賞計劃
食評 (486)
等級4 2019-03-22
47 瀏覽
鋪頭開左係格離,一直都想黎食依間,今晚準時收鋪約埋朋友仔黎試下😋一入到餐廳好似去左魔法世界咁,佈置得好靚睇得出好用心去設計過叫左2個dinner set再加$38就可以任食沙律吧🥗好抵食,沙律吧除左有沙律菜,仲有蕃茄仔、粟米粒、青瓜、菠蘿、洋蔥、三色椒、橄欖、酸蘿蔔…………有成十幾款非常豐富,醬汁都有3款可以選擇餐包:唔同出面食既餐包,口感非常豐盈餐湯:濃郁既南瓜蓉,加上忌廉更加滑溜扒大虎蝦配龍蝦汁扁意粉$178烤過既虎蝦好彈牙配埋龍蝦汁非常惹味旁邊仲有粒粒帶子三色芝士美式豬肋骨配烤鮮菠蘿薯角$178一上台已經非常吸引,切開豬肋骨既時候芝士拉絲既效果望住都流哂口水😆豬肋骨既肉好嫩滑加上芝士真係一流👍🏻驚食到會好濟咩,餐廳已經細心地配上烤鮮菠蘿🍍酸酸甜甜食落仲有燒烤既香味即刻可以再食多條豬肋骨😝青蘋果梳打漸變既色彩靚到已經忍不住馬上要影相打卡,裡面仲有一片片青蘋果藍柑檸檬梳打第一次飲藍柑檸檬,夢幻既漸變色,解膩又 解渴 繼續閱讀
(以上食評乃用戶個人意見 , 並不代表OpenRice之觀點。)
等級4 2019-02-07
3607 瀏覽
今日經朋友介紹未到呢間「魔膳廚房」。雖然是位於觀塘工廠區,其實就是位於觀塘廣場對面,位置很容易搵到。我哋食咗個自助午餐,價錢很吸引,喺 openrice 有優惠券 download, 大人$88/head, 小朋友$59/head。有多款沙律自己配搭,有車厘茄,菠蘿, 不同種類啫喱糖,青瓜,粟米,羅馬生菜,雜果沙律,三色椒,西瓜。醬汁有千島醬,mayonnaise, 意大利黑醋汁。各款配料都很新鮮,讚!多種熱盤任君選擇,洋蔥鮮茄菠蘿焗雞扒、瑞士雞翼雞翼、冬陰公海鮮炒扁意粉、泰式菠蘿海鮮炒飯、焗龍利薯蓉配蔬菜汁、蒜香㰖油炒時蔬、日式燒汁炒雜菜、日式肥牛炒烏冬、红酒懀牛臉脥肉、芝士肉醬尖通粉、泰式青咖喱雞配飯。款式很多而且水準平均。我尤其喜歡瑞士雞翼,很入味,泰式菠蘿海鮮炒飯和日式肥牛炒烏冬也很不錯!餐湯有兩款,黑松露雜菌忌廉湯和二式雜菜湯,水準頗高,絕不遜色!飲品方面有蜜桃茶、荔枝特飲、檸檬茶、咖啡、奶茶、及各種茶包。我最喜歡的是荔枝特飲,味道清新不太甜。水果味茶包是我最愛的牌子是dilmah!很好喝的!甜品選擇亦不少,有泰式千層糕、玫瑰水晶榚、玫瑰千層糕、椰青榚、椰汁西米糕、芒果糯米飯、芒果椰奶榚。我是了椰汁西米糕和芒果糯米飯,不是太甜正合我口味!我看見還有可以自製棉花糖,小朋友見到一定好開心!總括而言,此餐廳性價比極高,座位闊落,食物水準很不錯,而且價錢超值,是一間值得再來的餐廳! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-01-28
2659 瀏覽
星期六約左朋友去觀塘行街, 聽朋友講呢間既lunch幾抵食~原來位置真係好方便, 好快就搵到!餐廳要行一層樓梯先到, 原來條樓梯都落左唔少心思樓梯間掛左好多畫, 加埋黃黃地既燈, 幾舒適~餐廳既入口都有佈置入面既裝潢都好有情調我地2點半左右去到, 入面都已經坐左唔少人環境好舒適, 唔會逼~ 去拎野食又唔驚同人撞埋一碟行個圈睇下有咩野食~首先食個沙律~仲有蒜蓉包同蝦片仲有蜆湯, 好香~有個小corner 有爆谷, 細塊pizza同芝士拼盤小食飲品方面, 除左有凍飲, 仲可以自己沖花茶呢度仲有茶包提供, 等客人可以入起D花茶去沖, 好貼心! 試左蝶豆花茶!~主食時間~~冬蔭公海鮮炒意粉, 帶有D酸辣, 好惹味!蒜香欖油炒時蔬(脆肉瓜,雞脾菇,茄子), 炒得幾乾身, 但都keep D食材係juicy!雞全部都係雞系列: 雞翼, 蕃茄雞扒, 青咖哩雞焗雞扒好正, 雞肉好滑!瑞士雞翼好入味, 煮得唔會過淋, 食左好幾隻焗龍脷薯蓉配蔬菜汁, 魚柳包住d 蔬菜, 幾特別!~薯蓉好滑, 個汁亦好夾!甜品就主要係泰式既,有芒果糯米飯, 玫瑰千層糕, 玫瑰水晶糕, 泰式千層糕, 椰汁西米糕, 椰青糕...好多好多好在整得唔會好甜~全部都試勻哂玫瑰水晶糕好靚, 好香~~overall, 店員服務態度好, 佢地會不斷refill野食野食多選擇, 抵食又坐得舒服, 岩哂weekend過黎relax~下次可以試埋呢度既dinner 繼續閱讀
(以上食評乃用戶個人意見 , 並不代表OpenRice之觀點。)
等級4 2019-01-15
321 瀏覽
今晚同好耐冇見既老友去食飯,佢住九龍區,就佢方便就揀左係觀塘食,問佢有冇咩好推薦,佢就諗到呢間,話坐得耐味道又幾好。餐廳內外先走過一條長長樓梯,就會到餐廳,門口有花圃做Background,有啲魔法既感覺,襯返餐廳個名,內裡空間都大。食物選擇影左行樓梯上餐廳時既Menu,有唔少選擇,可以散叫亦可以叫SET餐,老友食過Set Menu話抵食,所以我地都係叫Set。Set Dinner MenuMenu:餐湯、餐包、主菜、餐飲,可以簡單概括即係3 Courses menu,可以加個自助沙律吧,但冇加到。白酒煮青口  $44推廣價$44可以食到青口,聽到都覺得好吸引,所以叫黎試下,以$44黎講好大兜,份量十足,可惜唔算新鮮,味道較遜色。Set Dinner Menu:餐包、餐湯餐包幾好,好SOFT又唔會食空氣,而餐湯有紅湯白湯,要左紅湯,味道還可以,當然一定要有湯渣,微酸,唔算濃稠但亦唔會過稀。Main Course:三色芝士醬燒豬肋骨配烤菠蘿 $178勁多芝士係豬肋骨上面,成條骨長過手臂,都幾抵食,係出面食Pork Ribs動不動都$200幾,呢到連個set咁叫都係$178,肉質都算稔,而且幾入味,我比較少食會舖芝士係面既Pork Ribs,估唔到又幾Match,唔會太咸。配菜都唔可以忽略,烤菠蘿真係好清甜而且熱騰騰,好正。Main Course:菠菜大蝦扁意粉 $168意粉炒得比較乾身 ,用左蒜片辣椒炒香,食落幾彈牙,帶微辣好惹味,而大蝦開左邊,可惜得一隻,略為單調左少少,呢款相對上冇咁抵食。餐飲:凍焦糖咖啡(+$10) & 凍咖啡(+$10)凍咖啡類都要另加$10,都算大杯,焦糖咖啡面頭仲有奶泡添。提拉米蘇 $48一餐完整既西餐又點少得甜品,雖然個SET冇包,我地就另外叫個Tiramisu試下。賣相好吸引,用成個木板連透明玻璃蓋上,擺盤超級有心思,仲有食用花瓣碎,蛋糕用冧酒浸到好軟,十分重酒味,不過個底就過濕,底部稔哂,而cream就做得幾smooth,整體酒味十分出,中意食酒味重Tiramisu既朋友會中意。3 Courses menu每人都只係$200左右,都幾抵食,而份量都多,相比之下Pork Ribs真係好值得叫黎試下。 繼續閱讀
(以上食評乃用戶個人意見 , 並不代表OpenRice之觀點。)
香港百物騰貴,租金尤其高昂,不過原來在觀塘工廈的魔膳廚房,竟然有$88任飲任食自助餐供應,絕對是抗通漲價錢!店內面積寬敞,坐得舒適,幸好這天早來了,之後都差不多全場爆滿。假日午市自助餐供應時間為下午12:00 - 4:30,成人收費也只不過是 $88一位,可說是極抵食。沙律吧:菠蘿、椰絲啫喱、車厘茄、青瓜、粟米薯仔沙律、三色椒、西瓜、生菜先來吃點沙律喚醒味蕾,點上黑醋油特別開胃。提子乾、芝士粒、梳打餅爆谷就連芝士粒都是任食,肯定可滿足各芝士控。湯品有忌廉湯及羅宋湯兩款可選。蒜茸包略為烘得乾了點,蝦片入口脆卜卜。Pizza 鋪滿芝士,芝味濃郁,只是可能放久了,餅皮較韌不夠脆。厚切吐司盒擺了滿滿的新鮮水果,五彩繽紛。以這個價位來說,熱盤選擇遠比想像中繁多。黑松露忌廉焗魚柳、煙肉芝士焗西蘭花鮮茄豬扒、蒜蓉炒雜菜日式照燒雞扒、瑞士雞翼菠蘿炒飯、炸蝦餅日式牛肉炒烏冬、煙鴨胸蜜桃炒意粉法式紅酒燴牛臉脥肉、白飯肉食方面,個人尤其喜歡魚柳和雞扒,兩者都是啖啖肉,肉質嫩滑。菠蘿炒飯亦不錯,炒得夠乾身,不算過油,粒粒分明,不會黏作一團。相對熱盤小食,甜品款式就略為失色,只有泰式糕點。糕身偏硬,質素中規中矩,還是覺得熱盤比較好吃。可以DIY棉花糖,當日見到甚受小朋友歡迎。飲品都是自助形式,除了基本的奶茶、檸茶和咖啡之外,還有很多款式的凍飲特飲和茶包。而且可自行混搭製成花茶茶包,消滯又解膩。 繼續閱讀
(以上食評乃用戶個人意見 , 並不代表OpenRice之觀點。)