魔膳廚房

MS KITCHEN
383
14
6
港鐵觀塘站 B3 出口, 步行約2分鐘 繼續閱讀
電話號碼
39551460
39551461
63192511
營業時間
今日營業
12:00 - 22:15
星期一至日
12:00 - 22:15
公眾假期
12:00 - 22:15
公眾假期前夕
12:00 - 22:15
付款方式
Visa Master AE 現金 銀聯 支付寶
座位數目
150
其他資料
網上訂座
Wi-Fi
酒精飲品
VIP房
電話訂座
加一服務費
海景景觀
Live Music
電視播放
當面支付
有關餐廳
魔膳廚房:味力與別不同 變奏神奇「魔」力
在位於工廈間的魔膳廚房,將為繁忙工作的你帶來清新忘憂的感覺!
地利位置極為方便,鄰近觀塘地鐵站,僅三分鐘路程。店內佔地面積達4600呎,地方寬敞,座位舒適,讓你與友人坐得自在無束縛!場內特設2間VIP ROOM,可以享有高度私密的餐飲場景,感受猶如時空靜止的空間感。
美食方面,大廚花心思,菜式設計以西式創意路線為主打。不論小食、意粉、海鮮或扒類,都一應俱全,選擇多元化,舌尖大滿足。更特設沙律吧,滿足三心兩意而又注重健康的你,飽嚐滋味又可吃得盡興。
除了可預約訂檯外,更免收切餅費,提供免費畫碟服務,想慶祝生日、週年慶典又或特別時刻,都可為友人或摯愛創出別注心意。在魔膳廚房,盡顯「魔」力,讓你和大伙朋友開心渡過每一次的難忘聚會!

有關獎賞計劃
食評 (430)
唔係朋友介紹都唔知呢度有個假日午市buffet,時間由12:00 至 4:30~~限時兩個鐘。價錢係$88! 係$88!!😱未食聽到都覺得超抵,抱住無乜期望既心情,輕輕鬆鬆黎食個lunch~~~✨估唔到都幾多一家大細黎食,未到聖誕已經充滿聖誕氣氛。✨除左幾款特色飲品,幾驚喜佢有好多唔同種類既茶包。試左款蘋果紅茶,味道幾清香。平時真係好怕d 勁酸既果茶,但佢呢款完全無酸味,仲有淡淡既蘋果香。佢個雲石杯有d 燙金圖案真係好靚xD 好想要~~~✨熱盤大約有12款,大部份都好好食。最鍾意呢個紅酒燴牛臉脥肉,個牛炆得好腍,但食落又好有彈性,有d 似食緊牛筋既感覺,入面有d膠質。 個汁好好味,一定要撈白飯😍連d 甘筍仔都好腍入晒味。✨麵類有兩款:金菇牛肉炒烏冬勁入味,煙鴨胸蜜桃炒意粉都好好食。意粉炒得好乾身同煙韌,鴨胸上面勁多黑椒幾惹味。✨瑞士雞翼同照燒雞扒都好嫩滑,飽滿多汁。✨泰式魚餅辣辣地,好香香茅味,而且食落好彈牙,點埋泰式辣醬好食。✨仲有款黑松露忌廉焗魚柳都好正,魚柳同薯蓉都好滑,仲好香黑松露味。✨餐湯有雜菜湯同周打蜆湯,兩款都唔錯。仲有蒜蓉包同炸蝦片送口。✨沙律吧,仲有西瓜,啫哩糖等等~~✨甜品最鍾意係椰汁西米糕,可惜出左一轉未等到佢再出。✨椰青糕同芒果椰奶糕都唔錯,係大菜糕既口感,食落好爽口,椰味清香唔會太甜。✨另外仲有爆谷,棉花糖機,同埋有卡通片播放,真係食正小朋友條水。埋單唔使一百蚊,性價比非常高👍🏻大胃王食多幾舊牛都起番度~~😆我覺得d 熟食真係唔錯,如果唔夠仲可以加$30 要個主菜,不過我無加都已經飽到震。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-11-26
874 瀏覽
朋友在觀塘上班,間中也會在魔膳廚房吃午餐和晚餐。得知假日有自助餐,成人$88,小童$59,就試一試。星期日的中午,有很多一家大細。餐廳已有聖誕佈置,很有氣氛。自助餐$88抵吃,食物選擇也多,有沙律吧。 熟食也夠熱,味道也可以。有法式紅酒燴牛臉頰肉、有煙鴨胸蜜桃炒意粉、菠蘿海鮮炒飯、泰式炸魚餅、瑞士雞翼、鮮茄豬扒、日式洋蔥金菇牛肉炒烏冬、日式照燒雞扒、煙肉芝士焗西蘭花、黑松露忌廉焗魚柳、蒜蓉炒雜菜。 有多款泰式甜品,玫瑰千層糕、玫瑰水晶糕、泰式千層糕、椰汁西米糕、芒果糯米飯、椰青糕、芒果椰奶糕,最好吃是椰青糕、芒果椰奶糕和玫瑰千層糕。 另外有爆谷機、朱古力溶漿、棉花糖機,小朋友在自製棉花糖,樂在其中,難怪吸引一家大細來吃自助餐。 飲品選擇也多,自助形式,洋甘菊、蝶豆花、薰衣草、洛神花,花茶可以放在茶袋,我放了少許洋甘菊,加上熱水,清清茶香。另外也有茶包,蜜桃紅茶、蘋果紅茶、伯爵茶、士多啤梨芒果紅茶,味道更濃。鳳梨茶、荔枝梳打、檸檬茶,這三款是凍飲。其次還有咖啡、濃茶、花奶、檸檬,任君選擇。 繼續閱讀
(以上食評乃用戶個人意見 , 並不代表OpenRice之觀點。)
經過一個星期的勞累,假日一定要好好獎勵自己,想吃個自助餐,但酒店形式的又有點貴,不如,到cafe吃個假日午市自助餐吧。 這天就來到觀塘的魔膳廚房吃自助餐,成日價HK$88,小童價HK$59,就可以吃足2小時。 自助餐的選擇雖然不及酒店,但勝在價錢親民,加上任飲任食。 當中包括多款熱食、新鮮沙律、甜品、綿花糖及冷熱飲品。 就個人所見,店員會不時為補充食物,而且還會細心地查看爐火的熱度,確保食物處放溫熱狀態。 餐湯有兩款,分別是羅宋湯及南瓜湯,兩款味道都超級濃郁,個人私心推介南瓜湯,口感細滑香濃,充滿南瓜甜香。 瑞士雞翼煮得非常入味,味道不會過鹹,肉嫩嫩滑。 個人最愛吃炸魚餅,入口帶點微脆及咬口,蘸上甜酸醬很惹味。 甜品方面,這裏的甜品偏向泰式,如芒果糯米飯及泰式千層糕等,千層糕椰汁味突出,口感 煙韌,推介。 隨自助餐附送飲品一杯,不過,最好還是自行確定,因為飲品區可以任飲,所以即使沒有附送,也可以自行沖泡茶包、奶茶及檸檬茶等飲品。 魔膳廚房觀塘開源道77號業發大廈一期2樓D室 ******************************Bee Happy Fanpage 繼續閱讀
(以上食評乃用戶個人意見 , 並不代表OpenRice之觀點。)
等級4 2018-11-18
952 瀏覽
今日約了個好耐冇見的朋友在觀塘見面,他介紹我喺觀塘工廈吃自助午餐,還說價錢很平,起初冇什麼期望,只要有個位坐低食下嘢、傾下偈、飲杯嘢就得啦!魔膳廚房好近觀塘港鐵站,行過去只要兩三分鐘便到,非常方便。一上樓梯便見到不同的油畫、烏絲燈泡,門口處有主題牆顯示出魔膳廚房的招牌。餐廳裏面座位也不少,佈置舒適舒服、裝飾都幾有心思,加上木枱木椅,幾有工業風的味道。先來一碗羅宋湯和蒜蓉包,羅宋湯味道真不錯,蒜蓉包又脆又新鮮。我最喜歡吃沙律,以咁實惠的價錢,沙律吧都算多選擇和新鮮,有雜果沙律、沙律菜、菠蘿、粟米、紅腰豆、橄欖、西瓜、青瓜、酸紅蘿蔔、啫喱和紫洋蔥圈,青紅椒等。沙律新鮮,配搭起來美美的,加上千島醬,黑醋橄欖油配沙律菜,非常美味!瑞士雞翼,多汁又入味。煙肉芝士焗西蘭花,西蘭花上面鋪了厚厚的芝士醬汁,惹味。日式照燒雞扒,嫩滑味道不錯。另外,香滑焗薯蓉也是香滑可口,令人回味無窮。主食還有:法式紅酒燴牛臉頰肉、鮮茄豬扒、泰式炸魚餅、菠蘿海鮮炒飯、煙鴨胸蜜桃炒意粉、日式洋蔥金菇牛肉炒烏冬、蒜蓉炒雜菜等。還有兩款飲品是我非常喜歡的,就是草莓紅茶、荔枝梳打,味道酸酸甜甜,很開胃,非常令人喜愛,值得推介的。至於泰式甜品也不馬虎,有玫瑰千層糕、玫瑰水晶糕、泰式千層糕、椰汁西米糕、芒果糯米飯、椰青糕,樣樣味道都不錯,又不會太甜,令你吃得非常滿足。自助午餐,每位只係HK$88,款式眾多,新鮮好味,有中餐,西餐,甜品,飲品及沙律,在那裡可以找到呀?只有魔膳廚房做得到,讚! 讚! 讚!我和朋友一邊吃,一邊讚不絕口,覺得非常超值,超出預期中,這個自助午餐絕對值得推介。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-11-06
1651 瀏覽
朋友食完觀塘APM的魔膳廚房,大贊又平又好味,今日決定去試嚇這間朋友推薦的魔膳廚房。魔膳廚房位於一樓,行一層樓梯,門口樓梯一直上有烏絲燈泡和一幅幅的掛畫做裝飾,可以邊行邊欣賞。餐廳座位舒適,裝修優雅,看得出老板為裝修也花了一翻心思。這是假日才有的午市自助餐$88/位,小朋友3-12歲$44/位,3歲以下還可以享有免費優惠。款式有中餐,西餐,甜品,飲品及沙律,都十分多選擇。一入門口見到的是甜品,非常多款式,甜品有晶瑩剔透的玫瑰水晶糕,玫瑰千層糕,芒果椰奶糕,椰青糕,泰式千層糕,芒果糯米飯,椰汁西米糕,還有一個大大的水果壽司盒...等。最喜歡食的是泰式千層糕,軟滑香甜,芒果1椰奶糕,椰汁西米糕等,非常香椰奶味。還有一部棉花糖機,小朋友在大人指㸃下學識自製棉花糖,令大人小朋友都非常開心。飲品有檸檬茶,橙汁,及荔枝玫瑰梳打,還有花奶及咖啡,濃茶,檸檬放在旁邊可以自己添加調製喜好的飲品。頭盤也有蝦片、芝士、炸春卷、咖哩角,吉士酥,香脆的蒜蓉包等等 ,還有沙律,餐湯。炸春卷及五顏六色的蝦片非常香脆,我非常喜歡食。沙律巴有粟米粒,菠蘿,青瓜及提子,五顏六色帶透明的啫喱還有酸得十分惹味的酸嬌子,沙律菜,紫洋蔥圈,青紅椒...等,可自製沙津。我自製了一份沙律菜,加了喜歡的沙律醬,非常清新又好味。熟食有法式紅酒燴牛面頰肉,還有白飯可以自己裝,有煙鴨胸蜜桃炒意粉,菠蘿海鮮炒飯,炸魚餅,瑞士雞翼,鮮茄豬扒,日式洋蔥金菇牛肉炒烏冬,日式照燒雞扒,墨西哥香辣醬燒豬肋骨,煙肉芝士焗西蘭花,黑鬆露忌廉焗魚柳...等。當中最喜愛法式紅酒燴牛臉頰肉,肉質很嫩,帶少少紅酒香味,與牛臉頰肉非常夾!瑞士雞翼見到啡啡的顏色已經覺得很吸引,軟滑多汁,非常入味,我和先生都食完再添加。煙鴨胸蜜桃炒意粉及菠蘿海鮮炒飯也是很得我愛,煙鴨胸帶煙燻味非常入味及好味。蜜桃炒意粉及菠蘿海鮮炒飯也是很香口。黑鬆露忌廉焗魚柳也是非常正,黑鬆露味不是很濃,配上帶㸃甜的忌廉,令肉質嫩滑的魚柳味道更清新鮮甜。無貴乎朋友推薦,這個自助午餐,真是非常抵食及美味,很有驚喜。 繼續閱讀
(以上食評乃用戶個人意見 , 並不代表OpenRice之觀點。)