影片
更多
2018-07-14
63 瀏覽
收工朋友約我來觀塘食飯，俾咗個地埗我，我自己走上嚟先。原來馬明、草蜢、貝貝，周中師傅都嚟過，呢度果真夠人氣。餐廳好大好大，呢度只係影咗一邊乍，另一邊都未影，可想而知幾鬼大。無他嘅，呢度話晒都係由工廈單位變身成餐廳，當然可以要幾大有幾大啦，嚟開P 都仲得呀。裝修都幾有格調㗎，譬如，佢用咗好多酒樽，甚至gas 燈來做裝飾擺置，係咪好特別呢? 全程侍應招呼周到，抵讚!朋友 whatsapp 我，話要遲少少才到，叫我發板幫佢叫埋嘢食，等佢上到嚟就即刻有得食。啲餐牌有成10張咁多，咁多字真係有點選擇困難，最好佢有埋相就好嘞。卒之，我都係揀咗兩個套餐，一個係 “墨西哥香辣豬助骨配芝士焗瘋薯 $178”，另一個係 “自家製海膽汁海鮮意粉 $178”，包餐湯、餐包和餐飲。侍應姐姐問我有無興趣食埋個自助沙律吧，加$38啫，緊係好啦，我預咗係朋友埋單，因為佢遲到囉。沙律吧嘅選擇都OK 多，乾淨衛生企理。我隨意攞啲菠蘿、紅腰豆、番茄、薯仔、海蜇頭和海蜇裙返埋位，諗住食住等，點知個朋友已經現身。佢現身，當然就即係叫侍應上嘢啦，費事餓親今餐個 Boss 嘛。【雜菜湯】好足料，番茄、雜菜有好多，味道有少少辣，我鍾
原來馬明、草蜢、貝貝，周中師傅都嚟過，呢度果真夠人氣。
餐廳好大好大，呢度只係影咗一邊乍，另一邊都未影，可想而知幾鬼大。無他嘅，呢度話晒都係由工廈單位變身成餐廳，當然可以要幾大有幾大啦，嚟開P 都仲得呀。
裝修都幾有格調㗎，譬如，佢用咗好多酒樽，甚至gas 燈來做裝飾擺置，係咪好特別呢? 全程侍應招呼周到，抵讚!
朋友 whatsapp 我，話要遲少少才到，叫我發板幫佢叫埋嘢食，等佢上到嚟就即刻有得食。啲餐牌有成10張咁多，咁多字真係有點選擇困難，最好佢有埋相就好嘞。卒之，我都係揀咗兩個套餐，一個係 “墨西哥香辣豬助骨配芝士焗瘋薯 $178”，另一個係 “自家製海膽汁海鮮意粉 $178”，包餐湯、餐包和餐飲。侍應姐姐問我有無興趣食埋個自助沙律吧，加$38啫，緊係好啦，我預咗係朋友埋單，因為佢遲到囉。
沙律吧嘅選擇都OK 多，乾淨衛生企理。
我隨意攞啲菠蘿、紅腰豆、番茄、薯仔、海蜇頭和海蜇裙返埋位，諗住食住等，點知個朋友已經現身。
佢現身，當然就即係叫侍應上嘢啦，費事餓親今餐個 Boss 嘛。
【雜菜湯】
好足料，番茄、雜菜有好多，味道有少少辣，我鍾意。【忌廉湯】
唔稀唔杰，啱啱好，仲好滑添。餐包烘熱咗，所以食起嚟唔覺硬。
搽牛油就會容易好多，都幾好食。
【自家製海膽汁海鮮意粉】
賣相好得。海鮮有大蝦、青口、魷魚和蜆肉。意粉充滿海鮮味和海膽汁味道，呢啲咪叫做色香味俱全囉。
【墨西哥香辣豬肋骨配芝士焗瘋薯】
好震撼! 尺半長嘅豬肋骨上面淋滿香辣汁，旁邊仲有沙律菜、燒菠蘿和芝士焗薯，配搭上便得到平衡了。忌唔住先食燒菠蘿，好清甜，好開胃。
豬肋骨好腍，好 juicy。
朋友堅持用叉叉住食，我都費事睬佢，食呢啲嘢緊係用手食先夠滋味㗎啦。
薯仔焗得好香脆，上面舖咗一層厚芝士番茄煙肉碎。你睇，啲芝士拉絲幾咁正!
跟住叫埋飲品，青蘋果梳打 (跟餐加 $5) 和凍桂花蜜花茶 (跟餐加 $3)。一杯黃，一杯綠，好襯色。我嗰杯青蘋果梳打嘅蘋果有點酸，可能係浸在梳打水耐得滯。朋友話佢杯花茶就好清香。
最後，朋友好有風度問我仲想要咩? 隨便叫。我當然唔會同佢客氣，一於叫多個檸檬蛋白批 $48。
【檸檬蛋白批】
竟然用個玻璃罩罩住! 朋友話個甜品好靚，真係唔捨得食。
咪傻啦! 靚你咪用手機影低佢囉，我唔客氣喇! 餅底好脆，而且充滿檸檬味，好正!
呢餐埋單五百幾，物超所值。靠你喇，老友!
張貼
