魔膳廚房 (已結業)

今日黎觀塘同朋友食lunch佢約左黎呢間餐廳我之前都未聽過不過黎到就發現好多好多人差唔多都full哂我諗除左地理位置好仲係呢到嘅lunch set都幾吸引有得加廿蚊食自助沙律吧我就當然加左先呢個沙律吧款式都算多有唔同蔬菜同水果揀唔會淨係食肉咁dry岩哂想食得健康既人另外仲有餐湯蜆肉忌廉湯好重忌廉味加埋少少海鮮味好鮮味好開胃湯入面既蜆肉都幾多都好新鮮到主菜美國醬燒bbq豬肋骨了好大份好足料而且醬汁調味好好濃郁得黎又唔會遮到豬肋骨既肉味而且醬汁加埋配菜食都好好味 另外朋友就食香煎美國西冷好粉嫩但又唔會有血水好吸睛食落肉質比較結實而且好有牛味黑椒味都調得唔錯 我地仲有兩杯水果茶雖然係茶包不過都好重水果味飲落好享受

好耐冇黎魔膳lunch啦，今次好有新鮮感，除左換左新裝修，menu轉左，更加左沙律bar 。唯一冇變就係呢個花花牆。未睇menu 已經俾 salad bar 吸引左。幾欣賞呢度餐湯餐包+$10 ， salad bar +$20 ，可以因應自己想食先嗌，唔會 default 上左俾客人先。所以大部分餐都係五，六十蚊，跟餐亦有餐飲，價錢非常合理! 呢度salad bar 特別在於除左有西或沙律，檻欖，蕃茄仔，仲有日式螺，帶子邊等選擇。而且啲彩椒，蕃茄同生菜都好新鮮，生果有西瓜，啖啖肉! 食左好多，今日既生果營養目標達成! 白湯係黑松露蘑菇忌廉湯，勁多菇粒又 creamy , 濃郁順口，食到有黑松露味，大推! 紅湯係雜菜湯，酸辣集於一身，重口味朋友岩飲。麵包軟身，仲暖暖地，唔錯。首先上左蝦球Parma ham 意粉，蝦有醃過咸咸地，意粉既咸度食得出用 Parma ham 黎調味，口感亦不會過淋過硬，算是合格，用紅辣椒炒有啲辣味，如果可有蒜片炒相信會更香口。另一份係西冷，叫左medium rare ，煎得不錯有點炭香 。可以看到仍然係紅色既肉不會處理得過了火候，建議加鹽吊出肉味。藍檸檬梳打+$

上網睇到魔膳廚房有個假日午市自助餐，$88可以食足兩個鐘，幾抵食。比起其他觀塘樓上餐廳，我猜呢間餐廳最大嘅賣點，一定係佢嘅地理位置：一起觀塘地鐵站B3出口，行一分鐘先到業發大廈一期！唔好睇少$88自助餐，菜式方面都做得好足。首先有個salad bar，沙律、水果、冷盤都有，可是每類嘅款式選擇都唔會太多了。炸物方面，有炸紫薯、咖哩角、雞翼、薯角、洋蔥圈等等。旁邊仲有六種醬汁可選擇：茄汁、燒汁、黑椒汁、泰式辣醬等等。我自己最鐘意炸紫薯，一嚟平時少食到，二嚟佢真係外脆內軟，即刻食完一舊都唔會覺得好濟，甜甜少好好食。是日餐湯就係黑松露忌廉蘑菇、意式雜菜湯。呢個係我第一round嘅戰利品。主菜方面都有十多款選擇。我最滿意係龍蝦汁海鮮意粉，非常足料嘅海鮮，爽脆嘅大蝦、青口、魷魚。仲有白汁芝士龍脷柳，非常之淋，入口即融。另外，每人包咗一杯飲品，我點了mocha，上面仲有好可愛嘅狗仔腳印。美中不足嘅係，我希望可以有多啲甜品嘅款式，咁就啱哂我啦～

星期六呢日陪媽咪去秀荗坪，之後就落返觀塘食LUNCH,所以就去返呢間係觀塘廣場對面既魔膳廚房。門口見到單張寫住有午市自助餐。係假日限定架。午市唔多人, 唔會好嘈, 員工反應都快, 食完好快就過尼收碟。自助沙律吧選擇多多，撈好左同未撈既都有。熱葷都有好多款食物，清晒的話有時會換過另外一款tim沙律吧旁邊有兩款湯，其一係雜菜湯, 另一個係黑松露忌廉湯。仲會有唔同款既香口小食，加埋幾款醬汁比我揀。飲品方面, 每人包一杯汽水或熱茶, 特飲、咖啡果D要加錢既。檸檬蜜，蜜糖帶有菊花味好清新唔過甜玫瑰蜜花茶，比較甜少少，幾岩女仔飲既。兩小時任食，每人只不過$100，食飽仲可以坐低吹吓水，以今時今日一個常餐都要$50 尼講，呢度非常抵食。

觀塘apm附近有間工廈西餐廳，地點方便，食物質素亦唔差。座位闊落，讚！二人行大蝦和牛餐（$398）先來餐包及餐湯，有紅湯同白湯（松露蘑菇湯）選擇。餐廳其中一個selling point係任食沙律吧（每位加$18），價錢合理、又可以食多啲蔬果。Side dish 係法式焗釀田螺：顧名思義，主菜當然係大蝦同和牛啦。扒大虎蝦配龍蝦汁扁意粉，龍蝦汁幾入味wor，大蝦有兩隻，一人一隻剛剛好。極上和牛漢堡配薯角，夠份量，如果和牛唔煎咁耐會更好。魔饍甜品：方別係Mango mousse cake 同埋Raspberry tiramisu ，後者賣相得，味道都可以。餐飲：凍茉莉蜜花茶（+$3）及藍柑檸檬梳打（$5）

觀塘工廈內藏大量食肆, 相信大家都知, 但林林種種餐廳中邊間先唔會中伏? 今次食呢間就係無伏之選。餐廳位置方便, 觀塘B出口在消防局出口直行到馬會對面就係, 3分鐘路程。餐廳佔地非常大, 空間非常廣, 唔會坐到迫一迫我與友人各自選了一個dinner set有餐包, 餐湯, 飲品, 還+38蚊有沙律吧任食沙律吧有少有的三文治, 食一舊都已經飽羅宋湯就比較普通, 但磨菇湯就好濃好多料, 好好飲德國炸原隻豬手配薯角好巨型既一隻豬手, 皮厚而且多汁, 肉質嫩滑, 少少咸味不會太咸, 非常好味香煎帶子黑松露雜菌意大利飯有炸金菇, 大量芝士粉, 飛魚子, 非常香濃的黑松露, 同埋兩大粒帶子, 非常豐富炸金菇味似炸軟殼蟹, 相信係用同一做法, 建議將芝士粉, 飛魚子同意大利飯攪拌一起先食, 口感豐富有層次, 飛魚子令creamy 既意大利飯同芝士粉平衡一下, 帶子外脆內軟, 而且飯的份量係非常多的最後餐飲要了杯熱檸水作結呢間餐廳真係抵食無伏, 每人都係大約2百o靚蚊, 非常豐富, 非常值得一試

南瓜忌廉湯及羅宋湯西餐就一定有餐湯同餐包，南瓜蓉口感非常豐富，清甜之餘加上忌廉真係飲唔停口，而羅宋湯亦有大量蔬菜，酸酸甜甜非常開胃。值得一提係個餐包，熱辣辣香噴噴，極之鬆軟，真係想食多幾個。墨西哥香辣豬肋骨配芝士焗瘋薯 $178主菜叫左兩款，首先就係豬肋骨，一上枱真係「嘩」左一聲，豬肋骨份量大之餘，配菜有焗薯、燒菠蘿、沙律，非常抵食。豬肋骨燒到啱啱好，肉質軟腍，醬汁豐富，另外燒菠蘿亦非常鮮甜，經燒過後味道更加提升，配豬肋骨真係一絕。自家制海膽汁海鮮意粉 $178意粉份量都唔少，海膽汁做得好好，加上海鮮令成碟意粉鮮味充足，口感豐富。荔枝玫瑰梳打味道唔會太甜，中間仲有淡淡既玫瑰香味， 仲有飲品杯有唔同既顏色，影相呃Like一流。檸檬蛋白批 $48上枱時以一個透明罩罩住，店員話裡面既蛋白遇到空氣就會溶，食落檸檬味唔太酸，餅底軟硬適中，值得推介。

今日約咗舊同事食 lunch，又嚟到觀塘工業區，同事係地頭蟲，特登帶我到呢間魔膳廚房，睇吓佢有咩好介紹。雖然位於舊式工業大廈，但佈置十分有心思，樓梯两旁都掛滿美術作品，D畫都幾得意。推開門一看，面積比想像中大，裝修格局都別具一格，坐得舒服。攞起餐牌一睇，lunch set 都有好多選擇，加$10 可以配餐湯餐包，再加$20自助沙律任食。先上黑松露菌蘑菇湯同餐包，湯夠香濃，餐包亦都唔係一般貨色。跟住嚟蒜香欖油巴馬火腿蝦球意粉，賣相不俗，淡淡蒜香中帶點微辣，水準之作。舊同事叫嘅係香煎美國西冷8oz配薯菜跟黑椒汁，賣相十分吸引，牛扒食落都夠juicy，配埋醬汁就更美味。自助沙律吧選擇唔算好多，不過夠新鮮，大熱天時，整碟沙律，人都refresh啲。餐茶叫咗個cappuccino同荔枝玫瑰梳打，我最鍾意試新口味。下次再去觀塘工業區揾食，又多一個好選擇。

今日工作比上星期少，所以同班同事約埋lunch嘆一嘆Happy下；同事建議食附近一間西式餐廳，餐廳內仲有沙律吧！岩哂d唔食肉又減緊肥既同事一齊去上樓既樓梯佈置得非常有Feel，掛左好多掛畫，好有歐陸風格沙律吧款式唔多，但沙律真係整得好好食，未食正餐我地一班同事都已經食左人地出面幾碟沙律啦除左沙律仲有好多前菜配料，仲有埋西瓜呀⋯⋯沙律吧位於餐廳正中間，一樣佈置得非常精緻，擺設亦用歐陸風餐牌內真係花多眼亂，每款都好想試，最後我都係選我最愛既牛扒黎食B12「香煎美國西冷8oz配薯菜跟黑椒汁」除左黑椒汁仲可以跟燒汁架！加$10就有餐湯同餐包啦⋯⋯荔枝梳打水好香甜易入口我要求5成熟！估唔到餐廳煎得出合我心意的生熟度真係要俾個Like佢呀！平時出面唔係煎過龍就煎唔夠，呢間餐廳果然無令我失望西冷肉質厚，肉味濃，所以5成熟真係岩岩好，仲已經好美味，而且脂肪分佈平均好有咬口但配菜薯角就比較鹹左d!走個時俾我發現門口附近仲有個位都好靚架下次要坐呢個位先得..

朋友致电比我，話揾到份工，好開心，想同我食反分享吓，知我係觀塘做嘢，問我有乜好介紹，我話呢排多嘢做唔想行太遠，就係樓下間魔鱔厨房食啦。因為時間尚早，好易有位，座底，問侍應攞左個歺牌睇吓，都有好多撰擇，同個朋友揀左一個二人行大蝦和牛套歺，可以一齊食，有任食沙律吧，法式焗田螺，扒大虎蝦配龍蝦汁扁意大利粉，極上和牛漢堡配薯角，有兩杯飲品，我叫左凍O樂，朋友揀左青蘋果梳打，叫左套歺後，侍應叫我地可以出去沙律吧自己揀。我朋友都係揀左少少沙律就返埋位食，等咗一陣，先來個法式焗釀田螺，田螺焗得啱啱好，薯蓉有些少香脆，跟住上埋兩個主菜，扒大虎蝦配扁意粉，虎蝦都有兩大隻，蝦肉鮮甜，龍蝦汁配意大利粉十分之好味，極上和牛漢堡超大塊，食入口重有啲汁係件和牛漢堡流出，超正，朋友話杯青蘋果梳打入口有啲酸酸甜甜嘅感覺，最後重有兩個甜品，差啲食唔晒，埋單嘅時候朋友同我爭住比錢，我話等佢出糧再請我食啦，預祝佢工作順利。

今晚同朋友去左官塘既工廈食飯場內既環境好大，檯與檯之間有唔少空間，坐得好舒服！！meun上有dinner set同二人set，仲有啲散點既小食order左之後就先上餐湯同餐包餐湯有紅有白，我就揀左飲雜菌忌廉湯個餐包加熱左之後熱辣辣又軟綿綿，仲有唔合桃粒係入面添我地order左碟糯米釀雞翼$68 share 每隻都脹卜卜，入面有chewy既糯米，食落辣辣地，幾惹味main course 我要左份 香煎三文魚柳$178配上藜麥沙律，混合左唔少生果同新鮮蔬菜，清爽又開胃而個三文魚柳煎得皮脆肉嫩，魚肉嫩滑而不腥沾上伴碟既芒果莎莎醬一齊食就更覺滋味兼唔漏跟餐加3蚊就有大大杯凍檸蜜飲，so sweet ------------------------------食物質素：🤤🤤🤤(5🤤最優)價格水平：💰💰💰(5💰最貴)環境裝修：✨✨✨✨(5✨最好)服務態度：🌟🌟🌟+0.5(5🌟最佳)整體評分：❤❤❤❤❤❤❤(10❤滿分)是次評論及分數視乎進餐當天的品質而訂，亦同為個人觀感：）------------------------------

近年政府起動九龍東，觀塘定位搖身一變，眾多摩天大樓相繼落成。傳統工廈租金相較廉宜，有水準出色的西餐廳相繼在此落户，主打工商客。（魔膳廚房）地址於apm旁的業發工業大廈，入口旁更設有一條直達餐廳的私家樓梯，尊貴大班感覺，便是如此。點選Dinner Set可以$38享用沙律美食吧， 有煙鴨胸、味付螺肉等貴價食材供應，性價比應該頗高吧。餐前的Regular type餐包，麵包頗鬆軟，餘温温暖，再塗上牛油豐富味蕾，本人甚為喜歡。大虎蝦配龍蝦汁扁意粉，大蝦煎得入味且帶微焦香，肉身不會過老過韌，充滿咸香鮮味的龍蝦汁，吃起來更柔滑。和牛芝士漢堡，portion亦夠大，上枱時芝士不時溢出，配合主角和牛加添層次感。Lemon meringue tart，酸甜得來又不膩口，帶有鮮檸檬清香。

鄰近APM 商場的工廈西餐廳，從觀塘地鐵站B出口步行，大概三分鐘就直達餐廳，非常方便。餐廳地方闊落寬敞，店內有2間VIP ROOM可以book，適合大型聚會。場內亦有兩個projector播放不同的卡通片， 適合一家大細一齊過嚟聚餐。 裝修帶些許文藝色彩，牆身掛有不同的油彩畫。餐牌上無論小食、沙律、主食、肉類、甜品都相當多元化，令人目不暇給。餐廳有一個自助沙律吧，加hkd $38就可以任食沙律吧，非常有賣點。沙律吧有：沙律菜、粟米、西瓜、車厘茄、螺肉、帶子裙邊、中華沙律，啫喱糖等等，多不勝數。沙律醬有三款：芝麻醬、黑醋、千島醬。適合唔同人嘅口味，亦可先充充肚子。隨餐附送的包非常鬆軟、軟熟，酸酸辣辣的羅宋湯亦特別開胃，很足料。墨西哥香辣豬肋骨配芝士焗瘋薯(hkd $178)豬肋骨size非常大，面層淋上墨西哥香辣秘製醬汁，豬肋骨燒得外脆內軟，好香口，肉質依然保持軟腍嫩滑，醬汁香香辣辣亦能提升豬肉的味道，食落好滿足。伴菜還有芝士焗瘋薯、黑醋沙律菜、燒菠蘿，賣相相當豐富。焗薯角内裹有雜菜及煙肉粒，配上芝士一起焗，非常滋味。香煎帶子黑松露意大利飯(hkd $168)兩粒帶子都煎得香香，很軟熟。

開頭係openrice search係比呢間餐廳個名吸引同埋見呢排咁興去試工廈既餐廳 就決定黎一試以為工廈就好難搵？咁你就大錯特錯係kwun tong mtr exit B 開源道 一落天橋 係鱷魚恤mall行前少少 就見到開源道77號入口由mtr行過黎都吾洗5 mins由地下行上二樓見到條樓梯既裝飾已經好有style門口更是打卡一流星期4既晚餐時間 都好多人下有個大projector播緊卡通 帶小朋友黎都吾怕悶親 只要加3x蚊就無限次享用salad bar沙律菜都好新鮮 正嗌左兩個main course質素好高甜品更係俘虜少女心so fancy!!!好食又好睇可以睇番我嗌左d咩Overall, nice atmosphere, nice food n convenient location!!!

一直都知道觀塘工廈入面有好多餐廳，一直都想試下。今次約開朋友就試下工廈入面嘅魔膳廚房。估唔到入面嘅裝修都行工業風，好寬敞。因為我地book嘅時間比較晏，所以餐廳比較少人，靜靜地啱哂傾計。講番嘢食先，呢到食飯會包埋沙律吧，有番茄、西瓜、沙律菜等等。而且絕對唔馬虎，沙律菜新鮮就一定㗎喇。最驚喜係個番茄，佢用檸檬汁醃過，完全辟走哂番茄嘅草青味，好清新。估唔到佢哋嘅餐包會係自家製，軟熟之餘仲有淡淡嘅麥味。而蔬菜湯都十分唔錯。嚟到主菜，我哋叫咗個海膽汁海鮮意粉同埋ribs。意粉嘅汁保留咗海膽嘅鮮味，而且十分creamy。大蝦輕輕煎過，有微微嘅焦香，好鮮甜，並唔係一般嘅雪藏貨。而ribs就燒得啱啱好，肉唔會乾哂或過腍。配菜都好標青，菠蘿燒過有grill marks都唔乾，仲好juicy。仲有極邪惡嘅芝士煙肉薯角，芝士做到拉絲效果，薯角都好脆。呢餐飯最後埋單475蚊，都唔算貴。埋單嘅時候經理仲推介埋佢地嘅假日自助餐，88蚊包埋野飲，又真係幾抵。