高麗軒韓國料理 (已結業)

今日來到位於尖沙咀的高麗軒韓國料理吃午市放題，很久沒吃很期待呢！一坐下就送來五款前菜，可無限添食。海鮮拼盤裡的魚柳、帆立貝同青口都好新鮮、魷魚份量似乎特別多。如果唔係樣樣都鍾意食、可以逐樣叫。帶子、鮮蝦推介的是這皇者牛排骨、肉質超嫩滑、食落又juicy。我們encore 了好幾碟平時食韓燒最鍾意用生菜包燒肉同泡菜吃，特別美味。牛頸脊肉質軟滑亦充滿肉香。牛脷還是厚切的好吃😌除了燒物外，還有不少熱食選擇。試左人蔘雞湯、海藻湯、最喜歡的要數這個牛骨紹菜豆醬湯。牛肉炆得好淋、湯底亦好濃郁。這裡食物質素不錯、以$260來說很抵食。

韓燒到處都係，食既野其實差唔多，但每個細節都可以睇得出餐廳既高低同質素了!!位於地庫既高麗軒就係我今晚既目的臣，因為我睇上左佢既燒網!呢個網唔係平時用個個隻鐵板，啲肉唔會燒到痴著哂，而且感覺上唔會咁熱氣!5碟前菜，非常豐富呀!而呢度既前菜味度調得好好，可以不停refill，荳芽同泡菜我不停refill，太好食了除左一般既肉類任食，仲有唔同種類既熟食可以揀，湯，飯，麵，小食，應有盡有，非常多選擇!照顧到唔同需要既食客。除左正常memu，仲有特別推介既menu!呢份menu既食材高級啲，仲有海鮮添!!見到有人參雞湯即刻點左一份湯入口好smooth好滑，原來加左少少米去煮，有飲緊粥水既口感人參味同雞味十分配合，淡淡既人參甘香，唔會太濃，good!霜降牛肉牛頸肉同肉眼扒主角終於出場!其實見到有特別menu，而且食材感覺上比普通menu既高級，就已經專攻特別menu3隻肉黎講，牛頸肉最好食!牛肉味濃之餘，十分嫩滑多汁!同埋應該係餐廳用既網同火力既功勞!網既格仔大，放上去令各部份既肉都可以均勻受到火力。唔似用鐵板，一放肉上去已經俾鐵板熟左表面但入邊唔熟，而餐廳既火set左係中等吧?火力確保唔會過大

呢晚約左幾位同事放工一齊食韓燒, 佢地就簡左係尖沙咀既高麗軒~配菜都有幾多選擇~因為係任食, 大家都叫得好瘋狂除左基本package之外, 每位額外加多$38蚊就可以升級可以order 肉眼扒 帆立貝 黑毛豬等等其中既皇者牛排骨, 大家都一致讚好!整體黎講, 所有肉既質素都唔錯而且唔會醃到好咸 好重味精生菜都係無限refill, 包住食無咁油~除左燒肉, menu仲包埋其他湯類同小食我地就叫左人參雞湯, 個湯一d都唔hea, 食到好濃烈既人參味最後叫埋韓式煎餅, 始終都係有少少澱粉質落肚先會飽好滿足既一餐

呢幾年食親韓燒都會去散叫講啲，成日覺得會比任食好味啲，不過今次好少有咁同一大班FD去左食任食韓燒，發覺啲野食質素都啊錯架Wor！基本上呢到豬牛雞都有任食，而且仲有唔同部位揀，加多$38就可以食再好啲既肉同海鮮，Total都係一人200令蚊，所以我地都加左。 另外除左肉類，佢原本都包左好多韓國菜係任食既好似炒年糕、各類石鍋咁，都幾抵。一如既往既韓國菜，呢到都有6碟小菜，味道都唔錯，特別係佢既泡菜同埋菠菜，我地無限添加左好多次。個日我地一共6人，叫既野食真係多到影唔晒，不過最值得推介既一定係熊本霜降和牛同埋肉眼扒，熊本霜降和牛真係有入口即溶既感覺，而肉眼扒都好嫩一啲都唔韌。另外如果鍾意食羊肉既我都推介呢到既羊，佢都好嫩不過就有少少So味，睇你本身鍾唔鍾意喇！至於韓燒必食既五花腩就不過不失啦！ 而呢到既海鮮拼盤呢都唔差， 佢既蜆同扇貝都好好味。除左燒肉，我地都叫左個人蔘雞湯，佢清清地都幾好飲，最緊要係佢又真係有幾重既人蔘雞湯味。 我地仲有叫左個海鮮煎餅做小食，不過呢個煎餅唔夠脆，所以只係還可以！

和姊妹們在金巴利道試了姊妹裙、準新娘新郎提議一齊食飯，就揀左附近的高麗軒食韓燒放題。午市任食每人$198，大家想食好啲，可以upgrade$38有和牛、特級牛頸肉等。海鮮拼盤有海蝦、扇貝、青口、魚柳、魷魚。 比較喜歡燒扇貝、還有汁留在扇貝裡保持juicy。 魚柳也不錯，我們另外再叫了一碟。皇者牛排骨肉質軟嫩、牛肉味超香、encore 了三次！牛肋骨牛脷切薄片、略嫌唔夠軟稔牛頸肉甜甜地、味道不錯好大的豬排骨、要燒長一點時間才熟。燒熟後仍能保持軟滑的質感。熊本霜降和牛掌握了火候、有入口即溶感覺、燒和牛真的很好吃！帶子細細隻幾爽口人蔘雞湯鍋頗濃郁的人蔘味、燉雞仍然嫩滑、加上紅棗感覺更滋補鰻魚石鍋飯新鮮熱騰騰送上，燒汁鰻魚配上少許韓式辣醬，惹味非常。忘記拍下的牛骨紹菜豆醬湯都很好喝、牛肋肉很軟稔入味。有多款汽水可選，仲有韓牌Apple Cider。

今日與親友們中午飯聚，因為各人住的地方很分散，於是揀左尖沙咀作為聚會地點。高麗軒的午市韓燒好抵食，成人是$188/位。如想點埋特別推介餐牌的食物，就要加$38/位。我覺得這個是必加的，因為可任食熊本霜降和牛、帶子、帆立貝、黑毛豬腩等。侍應送來5小碟前菜，豆卜及泡菜也不錯。非酒精類飲品是任飲的，冰凍的罐裝飲品放在一個大冰桶內。飲品選擇不少，有韓國檸七（蘋果味及青檸味）、Coca Cola、康師傅冰糖雪梨或水蜜桃飲品。我地點左推介餐牌上的烤什錦海鮮拼盤，份量是3-4人份。拼盤有魚柳、海蝦、魷魚、青口和帆立貝。魚柳在烤過後仍然嫩滑多汁。帆立貝放左少少蒜蓉在上面，鮮味皇者牛排骨（圖上），牛肉（圖下）皇者牛排骨肉質腍，有牛味，調味不俗。帶子屬普通大小，但肉厚。熊本霜降和牛好正，佈滿雪花。但燒的時候會好易燶，要好專注咁燒，以免浪費了咁靚嘅和牛。由於脂肪多，入口充滿油脂香氣。親友們對和牛大讚！人蔘雞湯滋補燒銀雪魚原來任食韓燒都會有高質素肉類海鮮，值得推介！

任食韓燒來說，高麗軒一向是我心中的top1高麗軒的韓燒模式跟外間的完全不同，最明顯是無需拿著碗碟出去和別人迫，坐下舒舒服服等待店員遞上食物再慢慢燒除此之外，還有不少韓式熟食供選擇，石頭飯、豆腐鍋、炒粉絲、韓式煎餅、生牛肉他他等也可order。有韓燒食之餘又有韓式料理，岩曬款款都想吃的朋友餐廳還不時加入新菜式，隔一排無去又有新野。今天約了舊同事食飯，便帶他來一嚐高麗軒。餐廳位於金巴利道，即婚紗街附近，門外有大大個招牌清楚列明價錢。當晚約8時到達餐廳，入座率達9成，幸好幾天前有預先訂位晚市每位$208, 1至3人可吃1.5小時，4人或以上有2小時，店員表示如果沒人等的話可以繼續享用坐下不久，店員便上前介紹最近餐廳引進了熊本霜降和牛，只要加$38就可以任食！咁抵當然二話不說加錢事不宜遲，甫坐下立即order食物了。韓式前菜也是可無限refill第一味上枱的是紅炆牛肋骨，熱辣辣滾住上🔥湯底味道濃郁，牛肋骨不會太韌，如果送飯食就頂瓜瓜一如以往，點了數款肉類。牛排骨、肉眼扒、黑毛豬腩等等...唔夠就再叫，食到飽為止霜降和牛，超強雪花，賣相一流燒後油滋滿溢，肉味香濃。兩個女生旋風式掃了四，五碟，回本

好耐無食韓式料理，但樣樣都想食，於是便約朋友到尖沙咀高麗軒食【韓式料理放題】。  高麗軒位於購物中心尖沙咀金巴利道，集中提供【任飲任食、韓燒放題】。  全日提供午市、優惠、晚市及深夜四大時段，以便我們選擇合適時段享受韓燒。   餐廳位於地庫，環境寬敞雅緻、整潔，抽風及冷氣系統很好，緃使很多人食韓燒，都不會煙霧瀰漫。  餐廳提供多款美食，如燒烤海鮮、燒烤牛肉、湯類、蔬菜類、飯麵、飲品等，全程無缺貨，來得又快，讚！ 落單方法簡單易明，只需自行寫下所需美食的編號，交給友善的服務員便可。  韓燒放題包括汽水任飲，可自行到大型汽水筒內取。其他特式飲品則需另行收費。  一向愛食韓燒，除享受主菜外，就連前菜都十分喜愛，餐廳會無限供應5款小食。  當中我最喜歡辣味適中，開胃惹味的泡菜。  當晚我們除了點選餐牌內的食物外，更另加HKD38/位添食【特別推介】的特式美色。  跟平日一樣，我們先選放上蒜蓉的【青口】及【帆立貝】。  青口跟帆立貝燒了不久，已散發陣陣蒜香，由於很新鮮，咬下去時爽口彈牙，很不錯！  接著便到超多片的【鮮魷】，廚師已界了花，放在爐上後，很快便看到鮮魷受熱後自動捲起來，口感柔軟帶煙韌

當日係星期一，Blue Monday依然咁多人，我地book咗位都要等一陣，不過唔緊要，越多人証明啲嘢越好食啦～燒烤網係全新嘅，乾淨~我地加咗$38，可以叫「特別推介」餐牌嘅食物，連和牛都任食喎，唔駛考慮太多。叫咗杯熱嘅韓國柚子蜜$22，食韓燒熱氣，甜甜哋潤吓喉都好。杯底有好多柚子粒，真材實料。其他普通嘅飲品例如汽水就任飲，自己出去攞就得。熊本霜降和牛 - 啲油脂分佈得好均勻，好似用個白色網仔包住塊和牛咁。睇住佢一邊燒一燒咇啲油出嚟，香味四溢。煮到啱啱熟就急不及待放入口，肉味豐富而且滿口油香，唔瘋狂encore對唔住自己。肉眼扒 - 雖然有和牛呢粒「珠玉在前」，但肉眼扒味道唔會差和牛好多，有肥有瘦，好似我咁鍾意食肥肥哋有油感嘅肉就啱晒。黑毛豬腩 - 厚厚哋又肥美嘅豬腩，油脂豐富，一邊燒一邊滴油，連個火都旺埋。食落非常香口，厚厚哋食落好有滿足感。Encore之選。皇者牛排骨 - 切到好工整細細塊易入口，醃到甜甜地嘅正宗韓式味道，另一番風味。花甲 - 我哋兩個人，一次過俾咗十幾粒我地，絕不欺場。燒出嚟仲係好水潤，食落極之鮮甜。唯一缺點就係個殼比較厚，燒嘅時間比較耐，不過由於好好食我地都叫左

上年暑假黎過高麗軒, 記得當時食過覺得食物質素唔錯, 於是今晚同妹妹再黎Encorn!價錢都係二百蚊左右, 對於尖沙咀黎講, 任飲任食既價錢算係幾抵~用餐時限為1.5小時, 任飲任食, 其實時間上感覺有D趕, 事關呢度款式多, 如果想食多幾款, 就真係要密密食先得。除左任叫多款韓燒肉類、海鮮、熟食等等外….+HK$38仲可以升級食以下呢幾款再高d質素既款式tim….價錢唔太貴, 所以我地都有照加。 自己寫no.落order, 保證唔會錯同亂單。飲品方面就自助出去拎, 以罐裝汽水為主。 先來幾碟韓式前菜開開胃, 個人好中意食呢度既芽菜, 味道跟韓國既真係一樣! Order黎得好快, 每碟份量都以人頭數量分配。 先黎一盤雜錦海鮮併盤, 每款海鮮都先試試。每款海鮮都可以無限量order, 海蝦係好爽ga!! 絕對唔係死蝦~而我每次黎必食既一定魚柳, 無骨魚塊被切成厚厚, 上面加左少少蒜蓉, 除左冇腥味之外, 肉質有點彈、嫩滑而且入味, 啖啖肉, 我係encorn完再encorn!! 除左魚柳, 其實呢度既雞翼都醃得好入味ga!! 其他韓燒餐廳一般只會提供蜆仔做任食, 而呢度竟然供應比蜆貴少少

又來到我最喜歡的尖東。金巴利道一帶也是韓國餐廳，最後我們進去了這間高麗軒吃燒肉放題。星期一的晚上也很熱鬧，座無虛席，見到職員們也忙得透不過氣來，因此大家要給點耐性，多體諒體諒呢！光是小菜已經很豐富! 特別一提黃瓜很不錯，酸酸的，微辣，很開胃，不像出面其他餐廳般太酸或太咸。我們還特地多叫一碟。XD 聽朋友說特別推介的菜更好吃，於是叫了牛頸肉，熊本霜降和牛和海鮮拼盤嚐嚐。菜很快就一次過送上來了。牛肉肉質很靚，夠稔軟，有肉汁，不用加調味料已經很有味。海鮮拼盤很豐富，光是這個拼盤已經夠吃很久了 。最好吃的是魚，已去骨，肉質滑嫩彈牙，厚厚的一塊肉吃起來很滿足，同樣的不用加什麼調味料，烤好之後吃已經很好味 ~ 秋刀魚已經燒好給我們，不用自己燒。^^ 烤得很香。人參雞湯Ok 大碗。味道夠清淡，不會太濃和油膩。雞肉很滑又彈牙。因為我口味比較清淡，因此還覺得不錯!湯水餃年糕水餃超大隻好可愛，皮超滑，裡面的肉很多，而且不會太咸或有醃味，好! 韓式粉米絲晶瑩剔透的米絲，口感像薯粉，好滑好彈牙，頗有鑊氣，牛肉也燒得很好吃呀！可惜米絲稍微油了點。飲品方面，罐裝汽水可以自己隨便拿，有各種韓式果汁或雪梨茶。^.^

Just back from Korea recently, and very much missing the BBQ taste there, and so, let’s give us a crazy night to order as much meats tonight with the kids… and we found that this is quite a good place. Comparing to other KOREAN BBQ shops, I found this one is very easy to locate in TST, very close to Mira and The One, and in fact, right near the shops, there are some parking spaces as well, very much convenient. Food choices are quite a lot, especially, we like their premium set, just add HKD38/

今日男朋友終於都放假啦既然大家都唔洗返工就緊係去拍拖啦！男朋友係“牛魔皇”，我地上網睇到呢間韓燒有得任食和牛所以今日晏就決定忘記何謂脂肪，齊齊去放肆一下揀中午黎食貪佢無咁多人，可以邊食邊傾，仲平啲嘛中午放題每位HKd$188(星期六、日加$10)+10%，加多HKd38+10%就可以任食和牛同其他星級食材啦一坐底就見到韓國菜不可缺少既前菜除左燒肉（豬、牛、雞同海鮮）都仲有好多其他韓式料理可以order啵，一陣點啲黎試下先未食之前去拎返罐心水飲品先我地order既肉都黎到啦整體肉質都唔錯，我地最中意既當然係富有牛脂既和牛啦（估唔到任食既質素都唔差啵）！而牛肋骨肉都值得一試呀，淋得黎又重牛味除左牛之外，羊架都ok啵！燒左一陣，“牛魔皇”order左個牛肋骨煲食黎試下，唔唔到呢個個炆牛肋骨令我地好有驚喜！！炆得好入味之餘，肉質又唔會韌以任食韓燒黎講，食物質素算唔錯！加上地方夠大，亦唔會太大油煙燒下食下咁就傾足三個鐘

好久沒有見面的韓國朋友來了香港，今晚約左我食晚餐，因為他上次來香港，我們在尖沙咀金巴利道的高麗軒韓國料理食過放題，佢話好味，今次來港希望我帶他再食一次!冇問題，有好嘢梗會再去食！只需加38元就可以任食比較高質素的食材。本身任食已經有好多選擇，但只需加38元，是但叫一樣都值返，何況是成張餐牌任食，而且朋友又是來旅遊，當然要食好d，一於加錢食餐好的！先來些前菜醒醒胃！烤什錦海鮮拼盤：有青口、海虎蝦、鮮魷、帶子、魚柳等。海鮮很新鮮，味道鮮甜又爽口！多款烤肉：豬肉、豬排骨、法式羊扒，醃得好入味，豬肉夠林、豬排骨有口感、羊扒不會羶，烤肉味道帶甜，十分美味！墨魚仔爽口、帶子鮮甜、雞翼入味嫩滑。另外還有熟食。鹽燒鯖魚：魚燒得外脆內軟，加少許鹽巴，十分惹味！蛋包蝦：用蛋漿包住蝦，炸至金黃色，蛋香蝦彈牙，很香口！人蔘雞湯：人蔘味濃郁，和去韓國食的一樣味道，只是沒有成隻雞，但有雞肉，味道一樣鮮甜！