影片
更多
2017-06-30
70 瀏覽
上年暑假黎過高麗軒, 記得當時食過覺得食物質素唔錯, 於是今晚同妹妹再黎Encorn!價錢都係二百蚊左右, 對於尖沙咀黎講, 任飲任食既價錢算係幾抵~用餐時限為1.5小時, 任飲任食, 其實時間上感覺有D趕, 事關呢度款式多, 如果想食多幾款, 就真係要密密食先得。除左任叫多款韓燒肉類、海鮮、熟食等等外….+HK$38仲可以升級食以下呢幾款再高d質素既款式tim….價錢唔太貴, 所以我地都有照加。 自己寫no.落order, 保證唔會錯同亂單。飲品方面就自助出去拎, 以罐裝汽水為主。 先來幾碟韓式前菜開開胃, 個人好中意食呢度既芽菜, 味道跟韓國既真係一樣! Order黎得好快, 每碟份量都以人頭數量分配。 先黎一盤雜錦海鮮併盤, 每款海鮮都先試試。每款海鮮都可以無限量order, 海蝦係好爽ga!! 絕對唔係死蝦~而我每次黎必食既一定魚柳, 無骨魚塊被切成厚厚, 上面加左少少蒜蓉, 除左冇腥味之外, 肉質有點彈、嫩滑而且入味, 啖啖肉, 我係encorn完再encorn!! 除左魚柳, 其實呢度既雞翼都醃得好入味ga!! 其他韓燒餐廳一般只會提供蜆仔做任食, 而呢度竟然供應比蜆貴少少
價錢都係二百蚊左右, 對於尖沙咀黎講, 任飲任食既價錢算係幾抵~
用餐時限為1.5小時, 任飲任食, 其實時間上感覺有D趕, 事關呢度款式多, 如果想食多幾款, 就真係要密密食先得。
除左任叫多款韓燒肉類、海鮮、熟食等等外….+HK$38仲可以升級食以下呢幾款再高d質素既款式tim….價錢唔太貴, 所以我地都有照加。
自己寫no.落order, 保證唔會錯同亂單。飲品方面就自助出去拎, 以罐裝汽水為主。
先來幾碟韓式前菜開開胃, 個人好中意食呢度既芽菜, 味道跟韓國既真係一樣!
Order黎得好快, 每碟份量都以人頭數量分配。
先黎一盤雜錦海鮮併盤, 每款海鮮都先試試。
每款海鮮都可以無限量order, 海蝦係好爽ga!! 絕對唔係死蝦~
而我每次黎必食既一定魚柳, 無骨魚塊被切成厚厚, 上面加左少少蒜蓉, 除左冇腥味之外, 肉質有點彈、嫩滑而且入味, 啖啖肉, 我係encorn完再encorn!!
除左魚柳, 其實呢度既雞翼都醃得好入味ga!!
其他韓燒餐廳一般只會提供蜆仔做任食, 而呢度竟然供應比蜆貴少少既花甲。驚喜地我地order左兩round, 食既所有花甲都冇沙, 而且粒粒花甲肉都很飽滿、鮮甜!!
牛舌
每片都切成薄薄一片, 係燒既過程中容易被燒得香口
至於肉類方面, 豬、牛、羊、雞都齊哂, 當中既牛最為多選擇!!
每款牛都很新鮮, 色澤鮮紅, 新鮮得還見血水滲出, 絕對唔係雪左好耐、冰雪係表面果種質素。
先點左個普通既牛肉, 雖然沒太多牛脂, 但醃得入味, 夠林, 味道唔錯, 不過賣相就冇咁靚。
肉眼扒, 較為有咬口
今次黎試左新出既 “熊本霜降”, 脂肪分佈很平均, 肉質鮮嫩, 很juicy….
當我地食緊既時候, 聽到隔離檯食客話”皇者牛排骨超超超正”, 於是我地唔執輸又點黎試試。
果然冇講錯, 肉質較林, 有豐富既牛脂, 牛味很突出。雖然話牛排骨, 但餐廳細心得已為我地去骨。
除左牛之外,我仲試埋呢度既羊架
羊架size都幾大件, 我地燒到5成熟, 保留左少少血水, 入口亦唔會有太重既羊羶味, 唔錯!!
蔬菜類我地就揀左冬菇, 大大隻~
係韓燒過程中, 都可以點d熟食一面燒一面食, 我地就order左個海鮮煎蔥餅,
以鐵板上, 熱辣辣, 煎餅整得好香口, 唔算好油。
有點美中不足既就係呢度沒有任何甜品供應, 同埋用餐時間比較短, 相對上一次黎食物質素又再進步左好多!!! 呢個價錢可以任食, 其實都幾易回本, 絕對係值得encorn!
張貼
