335
20
15
港鐵尖沙咀/尖東站 B1 出口, 步行約6分鐘 繼續閱讀
電話號碼
23689409
開飯介紹
有韓燒亦有傳統韓食的韓國餐廳,牛肉和海鮮都很新鮮。 繼續閱讀
附加資料
- 午市提供套餐及韓式放題; 晚市只提供放題任食 - 用餐時間入座起計,三位或以下一個半小時 四位或以上兩個小時
營業時間
今日營業
11:30 - 15:30
17:30 - 23:00
星期一至日
11:30 - 15:30
17:30 - 23:00
公眾假期
11:30 - 15:30
17:30 - 23:00
公眾假期前夕
11:30 - 15:30
17:30 - 23:00
付款方式
Visa Master AlipayHK 支付寶 現金 AE 銀聯
座位數目
90
其他資料
網上訂座
Wi-Fi
酒精飲品
自帶酒水
泊車 詳細介紹
電話訂座 詳細介紹
外賣服務
加一服務費
電視播放
當面支付
有關獎賞計劃
食評 (406)
等級4 2020-01-22
573 瀏覽
今日同男朋友講起,好耐冇食過韓燒,所以佢就話帶我去食一間高級啲嘅韓式燒烤放題。好耐之前我都食過呢一間尖沙咀嘅高麗軒,印象中佢係一個好傳統嘅韓燒放題,今次再嚟食果然冇令我失望。一坐低首先會放低幾碟小菜,呢樣係我食韓國菜嘅時候最鍾意嘅嘢,呢度一共有五款小菜,每款都係任添。當中韓式菠菜我就refill左兩次,平時嘅鋪頭好多都冇呢一款。之後侍應就放低一本Menu,原來呢度嘅落單方式係手寫食品編號。睇完本Menu,發現原來嘢食嘅種類都有好多。我哋另外加咗$68有一個高級小小嘅Menu可以叫,有靚牛同埋帶子。另外熟食都係任叫。飲品亦都係放題,就放咗喺出面嘅冰桶。一般放題會想飲到嘅嘢都會有。好快,啲牛就上枱啦!首先睇樣已經覺得抵食先,雪花紋理好均勻,油脂啱啱好,好適合燒肉。相比起有啲食放題嘅韓燒,呢間既肉真係高級啲,有散叫嘅級數。咬落去都有好多肉汁,有牛味,值得一讚。另外一樣我哋叫咗嘅嘢食就係帶子,呢度嘅嘢食真係好大份。帶子佢用麻油醃過,輕輕燒,唔好燒到太熟感受到佢嘅肉質係鮮甜,係新鮮嘅。另外我哋仲叫咗多春魚,同埋韓式辣豬腩肉,我想講嗰個辣豬腩肉真係好好食,我哋最後仲encore多咗一次。豬腩肉嘅辣汁調校得好好,而且佢嘅豬腩肉仲有埋嗰條好彈牙嘅邊,好正!!壓軸出場要介紹嘅就係韓式生牛肉。啲人食物喺韓國嘅時候我係會成日食,但係香港總係擔心佢整得唔正宗或者唔乾淨。知道呢度嘅生牛肉好出名,所以點都叫來試吓。見到佢有梨同薑絲,就知道呢個真係正宗,而且同韓國食到嘅肉質有九成相似。食物係完全冇腥味,調味做得非常好。呢樣亦都係再encore左嘅。大家嚟到一定要試!埋單每人三百幾蚊,就食咗一餐非常之完美好滿足嘅韓式放題。其實食普通嘅韓燒放題有時都要成二百幾蚊,咁你俾我揀我會加多少少錢食你一度 繼續閱讀
(以上食評乃用戶個人意見 , 並不代表OpenRice之觀點。)
等級4 2020-01-16
328 瀏覽
今日天氣凍凍地,所以就約埋朋友仔去食韓燒。去到韓國街見到主打韓燒放題嘅高麗軒唔洗點排隊,就直接入左去試下。我地兩個本身諗住食最基本嘅任食韓燒套餐,不過朋友鐘意食海鮮,最後每人加多68蚊升級,大約每人300幾蚊就食到有多種海鮮配料嘅韓燒啦。侍應好快就上左5碟韓式前菜,有泡菜、青瓜同豆角等,味道酸酸辣辣好開胃。喺燒肉之前,我地叫左啲熟食食住先。牛筋煮到好腍,估唔到仲有養生嘅人參雞湯飲添!平時魚生刺身就食得多,生牛肉配生雞蛋都係第一次食,原來比想像中易入口,牛肉都幾新鮮,食落口感滑溜而且調味唔會過重,食完要再encore!期待已久嘅扇貝終於到啦,喺連埋個殼一齊上的,所以燒起上嚟啲汁唔會咁易流失,又唔怕黐網。黑毛豬腩雖然望落好邪惡,但燒完之後會將部份油脂迫出,食落充滿油香!牛肉同埋羊架望落顏色都唔錯,肥瘦適中。朋友鐘意食海鮮,所以我地都點左一份蝦黎試下,估唔到啲蝦幾新鮮,食落蝦肉彈牙之餘亦都唔腥。羊架好大塊所以要比啲耐心去慢慢燒,燒完之後嘅羊架仍然保留住肉汁,肉味濃郁但唔會羶,平時唔太食羊嘅我都覺得好味。飲品方面,除咗有平時常見嘅韓國飲品任飲之外,仲有比較少見嘅牛蒡茶。牛蒡茶唔太甜,飲落帶淡淡茶甘味,完韓燒之後飲返罐中和油膩感就最岩啦!美中不足嘅喺用餐時間只有1個半鐘,燒肉比較花時間,而上菜速度又唔算快,所以用餐時間有啲趕。 繼續閱讀
(以上食評乃用戶個人意見 , 並不代表OpenRice之觀點。)
我個食肉獸朋友次次都話食唔飽😂,佢呢日就帶咗我去尖沙咀韓國街食飯,話帶我吃到飽,佢食過高麗軒話唔錯,因為係🇰🇷韓式放題 X 烤肉放題🥩。餐廳位置喺地庫,但有大大個招牌,唔怕miss咗。我哋成八點半先去到餐廳,店員好快安排我哋入座,並講解我哋知落單係自己寫號碼喺紙就ok。正如我朋友所講,呢到係唔止得燒肉放題,仲有大量韓式料理,例如湯品、炒肉、炒年糕同煎餅等等!烤肉方面,就有牛肉、豬肉、海鮮同什錦類!烤肉餐廳首先送上五款韓式小碟前菜,開一開胃先!事不宜遲,即刻嗌一轉🐮牛肉先,因為快熟嘛😆。我哋要咗(93)牛仔骨、(3)肉眼扒、(5)特級牛頸肉、(4)加拿大3A雪花牛同(90)加拿大Prime雪花牛。雪花牛嘅油脂分佈好靚好吸引,食落味都唔錯。海鮮就要咗(19)帶子、(20)海虎蝦🦐、(23)多春魚同(17)鮮魷🦑。全部都幾新鮮,份量亦都幾慷慨,我估兩人份量,佢就畀起碼四件,即係每人兩件。肉我哋嗌多咗一轉,其中encore咗(4)加拿大3A雪花牛;另外試咗(8)牛肋骨肉、(98)肥牛同(10)五花腩。牛肋骨肉有驚喜,因為餐廳有稍為醃過下嘅其中一款😋。餐廳最抵讚係烤肉類送餐超快,完全無漏單同唔使催單👍。燒到咁上下,都有啲攰喇,就嗌啲唔使自己燒嘅。韓式料理方面,就真係要時間煮,但都係好快就有得食。(72)蛋包蝦🍤,有四隻,蛋煎得幾香口,而且蛋味濃郁,個組合幾夾。(63)韓式炒年糕,依個唔太辣喎🌶,我都食到。年糕份量適中,唔會食到滯咗,仲有用肉炒添。(58)牛肋骨湯,依個同我想像中有啲分別,味道唔夠濃,自己覺得麻麻。(77)石鍋飯🗿,我哋嗌咗牛肉,其實飯類都有好多款式選擇。石鍋飯好鬼大個呀哈哈,夠哂熱,我哋預咗最後食,食埋啱啱好,吃到飽!除咗🍚飯唔夠乾身外,味道唔錯,幾多料,但一開始覺得好似爭緊啲嘢咁,原來係辣醬,好彩店員主動發現,即刻拎畀俾我哋。餐廳九點半到就last order,可能係weekday晚上啦,不過最後店員都好貼心咁去每一枱問夠唔夠食,有無乜嘢上漏咗😊。其中有枱男仔再次追加咗蛋伴生牛肉,睇嚟好好食,但我無興趣想試🤣。餐廳收費中等啦,基本任食$248,另外加$68可以嗌多幾款靚嘢,限時個半鐘,唔算長,但好彩食物上得快。罐裝汽水都係任飲的,有兩個雪櫃仔。不過美中不足嘅係我張枱個爐一開始燒得唔太順😟,燒到第二輪就有改善。總括嚟講,呢一間韓燒任食係有賣點嘅,因為連料理菜式都係無限追加,一個價錢一餐入面可以任食烤肉、石頭飯、煎餅等,真係無幾多間餐廳做到。最後,環境抽風都算不錯,食完個身都無味。題外話,成餐最搞笑係個燈光,因為掛正咗粒聖誕波係燈下面,當個波被吹郁時,就燈光陰影就會郁下郁下🤣。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-01-22
130 瀏覽
因為朋友生日,想找家燒肉店食,見高麗軒多好評又多人排隊,就決定食一食啦。價錢是人頭計,個半鐘任食任飲,和朋友加多$68就可以選擇更多的食物種類,例如黑毛豬腩和帶子等等。一入座就有齊五款小食,又乾淨,感覺良好!有幾款食物是必點的:生牛肉拌雞蛋、香辣五花腩、人蔘雞湯、帶子和牛頸肉!生牛肉拌雞蛋真是不是每家餐廳都可以點,這裡竟然有,還要是任點的,當然要試試啦~生牛肉像刺身的感覺,是用上最靚的牛肉先可以生食,不錯!小編建議加點泡菜拌吃,味道更佳~燒完香辣五花腩一定要加一份生菜,做生菜包!超好食!加上蒜頭、豆瓣醬,口感和味道超豐富,必食!人蔘雞湯好有驚喜,是真感覺煮到好有火喉,有人蔘甘味,值得一試。帶子份量會不會太多呀!好抵食,又新鮮。牛頸肉偏瘦,但脂肪分佈都好均勻,入口不會太膩,好吃! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-01-16
131 瀏覽
好開心,今日撞正朋友生日,可以食豪D。見呢間韓燒咁多like,就黎book枱食!食完真心,超級滿意,不論係食物質素定員工服務態度、上菜速度全部都好好,好快,又好食!個人覺得呢間餐廳好適合聚會,因為每人既套餐價錢包括任飲茶水和任食。同朋友都係食肉獸,每款肉都叫左一份,仲叫埋海帶湯(韓國慶祝生日傳統)。肉方面,特別想強調佢地既豬肉加上秘製韓式醬汁醃製,超好食!叫左勁多碟~食到中途,店員推薦我地再另加錢去升級餐單,因為裡面有3A肥牛高級肉揀,仲會有海鮮帆立貝同羊扒,真心好正! 繼續閱讀
(以上食評乃用戶個人意見 , 並不代表OpenRice之觀點。)