影片
更多
2017-06-30
115 瀏覽
當日係星期一，Blue Monday依然咁多人，我地book咗位都要等一陣，不過唔緊要，越多人証明啲嘢越好食啦～燒烤網係全新嘅，乾淨~我地加咗$38，可以叫「特別推介」餐牌嘅食物，連和牛都任食喎，唔駛考慮太多。叫咗杯熱嘅韓國柚子蜜$22，食韓燒熱氣，甜甜哋潤吓喉都好。杯底有好多柚子粒，真材實料。其他普通嘅飲品例如汽水就任飲，自己出去攞就得。熊本霜降和牛 - 啲油脂分佈得好均勻，好似用個白色網仔包住塊和牛咁。睇住佢一邊燒一燒咇啲油出嚟，香味四溢。煮到啱啱熟就急不及待放入口，肉味豐富而且滿口油香，唔瘋狂encore對唔住自己。肉眼扒 - 雖然有和牛呢粒「珠玉在前」，但肉眼扒味道唔會差和牛好多，有肥有瘦，好似我咁鍾意食肥肥哋有油感嘅肉就啱晒。黑毛豬腩 - 厚厚哋又肥美嘅豬腩，油脂豐富，一邊燒一邊滴油，連個火都旺埋。食落非常香口，厚厚哋食落好有滿足感。Encore之選。皇者牛排骨 - 切到好工整細細塊易入口，醃到甜甜地嘅正宗韓式味道，另一番風味。花甲 - 我哋兩個人，一次過俾咗十幾粒我地，絕不欺場。燒出嚟仲係好水潤，食落極之鮮甜。唯一缺點就係個殼比較厚，燒嘅時間比較耐，不過由於好好食我地都叫左
燒烤網係全新嘅，乾淨~
我地加咗$38，可以叫「特別推介」餐牌嘅食物，連和牛都任食喎，唔駛考慮太多。
叫咗杯熱嘅韓國柚子蜜$22，食韓燒熱氣，甜甜哋潤吓喉都好。杯底有好多柚子粒，真材實料。其他普通嘅飲品例如汽水就任飲，自己出去攞就得。
熊本霜降和牛 - 啲油脂分佈得好均勻，好似用個白色網仔包住塊和牛咁。睇住佢一邊燒一燒咇啲油出嚟，香味四溢。煮到啱啱熟就急不及待放入口，肉味豐富而且滿口油香，唔瘋狂encore對唔住自己。
肉眼扒 - 雖然有和牛呢粒「珠玉在前」，但肉眼扒味道唔會差和牛好多，有肥有瘦，好似我咁鍾意食肥肥哋有油感嘅肉就啱晒。
黑毛豬腩 - 厚厚哋又肥美嘅豬腩，油脂豐富，一邊燒一邊滴油，連個火都旺埋。食落非常香口，厚厚哋食落好有滿足感。Encore之選。
皇者牛排骨 - 切到好工整細細塊易入口，醃到甜甜地嘅正宗韓式味道，另一番風味。
花甲 - 我哋兩個人，一次過俾咗十幾粒我地，絕不欺場。燒出嚟仲係好水潤，食落極之鮮甜。唯一缺點就係個殼比較厚，燒嘅時間比較耐，不過由於好好食我地都叫左兩次。
海虎蝦 - 蝦鮮甜但唔算大隻，不過既然係任叫就無所謂啦～仲要呢個喺普通餐牌就可以order添～
除咗海鮮同肉類外，仲有好多韓式一品料理、飯類、湯類可以order，唔想燒燒燒嘅朋友都啱食。
我哋就叫咗個牛骨湯。個湯都幾大碗吓，牛骨味中帶點鮮甜，加咗唔少蔥花所以較香口，不錯。下次多啲人嚟食可以試多啲料理。
唯一要講講就係我坐嗰張枱比較大風，個火有啲飄忽，所以比較難控制，但整體嚟講呢度啲食物質素喺平價任燒嚟講幾高，選擇都唔少。下次會再嚟～
張貼
