更多
2017-12-23
294 瀏覽
聽聞餐廳雲集既大鴻輝中心又有新店,今次係已經有兩間分店係銅鑼灣同旺角既台灣過江龍養心殿,緊係要黎會下佢!湯底黎講緊係要試下佢既招牌薑母鴨同埋好襯我地既美人鍋😂😂呢煲鴨真係好高質!陪埋佢地自家既鴨醬腐乳,唔會太鹹之餘仲可以吊到鴨本身既味出黎!佢既海鮮盤超級新鮮,啲蝦上臺既時候仲識郁🤦🏾♀️雖然望住啲蝦郁下郁下真係有啲內疚,但係熟左一食落口就真係明白咩叫「食蝦有蝦味」,超好食!仲有即炸既響鈴!我地四個人食足曬左兩盤仲有要推薦下香港少啲見到既寬粉!小妹我本來都唔識佢,同行朋友強烈建議後一齊食曬成碗!寬粉有啲咬口得黎又掛到湯一齊食,打邊爐真係好夾!最後最後,就由益力多雪糕波波收尾!大滿足!
張貼