養心殿台式養生鍋 (已結業)

今日又食火鍋喇，不過特別D揀咗一間台式的火鍋店，店內大概每四張枱就隔開，唔知係唔係用木隔開的關係完全唔覺得很嘈，而且採用了通花木造古色古香幾優雅，坐下來先揀湯底，有好幾款可以選擇，每款都用靚料來肴制，我地選擇了名叫「美人鍋」，湯中的配料除一般的藥材如桃膠，𣏌子、南棗外還有原隻烏雞確實是滋補又養顏！美人鍋$188我覺得底食起碼材料十足，當然肥牛是火鍋必選之食物，我選了霜降肉眼肥牛$178，肥牛好嫩滑不過份量唔多，至於底唔底食見人見智喇！跟著還有黑松露蝦丸一定要叫，超正！仲有大腸頭都唔錯又腍又滑，當日唯一失望就是豬天梯沒有來貨，不能嘗試到，希望下次可以食到啦！P.S 如果人數不多可以叫半份便可以嘗試更多其他款式來食。

一星期前打去卜位，原本卜8點，當晚放工遲，提早打去改8:30，店家話無問題會幫我哋hold枱，8:30準時人齊，個女人叫我哋等陣，有人埋單第一張大枱就係我哋，結果我哋等咗一個鐘，中間問咗佢幾次，都話無人埋單，忍唔住問佢：「你又話hold咗枱比我哋？唔係駛乜卜位呀？」個女人答：「我哋8:30埋單有七折，但客人唔埋我哋都控制唔到㗎。」原來佢根本無幫我哋hold枱！問佢咁仲要等幾耐？佢話答唔到，最後我哋成班白等一個鐘！咁嘅態度究竟係咪做生意？幾好食都無用啦！

之前同朋友去過養心殿火鍋。最愛佢地嘅鍋底, 養生鍋，簡直喺美味嘅老火湯。今次介紹比妹妹同妹夫試下。養心殿最近喺荃灣開左分店，順同試下新店先。荃灣新店喺荃灣市中心，非常就腳。店於高層，窗外街景很美。下次要book 枱要留窗口位先。我地訂位@6:30，想不到已差不多8成客滿。真多捧場客。7點㡬後已滿座，怪不得而家7點半前埋單仲有折扣。妹妹望左一望個餐牌，就毫不猶豫擇美人鍋，佢話美人吃美人鍋。佢話個鍋底好鬼正，有養顏桃膠，豐富膠原蛋白，原隻烏雞，夠滋陰，仲有南棗、杞子、桂圓、北芪、黨蔘、金華火腿，不愧是美人鍋。識食嘅一定咁食。當然要先飲湯，吃雞肉，先開始打邊爐。D雞肉估吾到好鮮嫰，吾會煲完煲後靱。三個人，晚餐時間又早，吃不到太多，但又眼濶肚窄，好彩有半份選擇，咁就好可以試多D款式。梅菜豬肉丸，我至愛，每次必選。妹夫揀鵝肝墨魚丸，夠特式，仲要試自家製極品水餃同水蓮餃。再嚟極上雪花肥牛。新鮮。新竹米粉口感非常好，一絲絲，煑完不會過焾。配埋湯底，妹夫忍不住要來多一客。妹妹同妹夫好欣賞，話好介紹 ，讚不絕口，非一般打邊邊💕

是日放假，與女朋友一同試新食店。剛於OPENRICE敝見中午至下午茶，有訂座優惠有半價，咁平緊係要去試啦。剛到火鍋店，眼見十室九空，以為仍未開門，見到有另外有兩個男子正在進餐，至知道原來係真係營業當中，只不過下午時段食客較少。當下情況猶如包場。既然可以任坐，便進佔了窗口位置用膳，面向落地玻璃，好不寫意。來到點著名嘅美人鍋及養生鍋，一煲兩湯，鴛鴦湯底，一次過試哂兩種健康湯底，淺嚐湯底，都真係幾好味道。兩人無法吃太多，便隨手點了雜錦蔬菜盤、雜錦餃子盤、雜錦肉丸、響鈴、極上雪花肥牛，一碟6款組合，兩個人乜都有得試啲，兩個人都食唔哂。再點一勺冰凍嘅酸梅汁，解渴又生津，一樂事也。比起那些兩百元任吃嘅火鍋，我寧可比多少少，享受高質素嘅火鍋。

臨近新年..同老公班老死臨住搵間好坐啲既..見呢間啲相幾好..就訂..訂既時候仲話可以俾間房我地..點知去到求其俾張檯就算..仲要叫咩野食冇咩野食...最基本連可樂..都話冇返貨...野食普通..環境係舒服既...但職員態度..可有可無咁...星期六叫咩冇咩就難睇左啲...又話Like有野飲..但今日飲品唔夠.所以無...總括.你想環境靚.有你想要服務.冇你想飲可樂.冇你訂位講明要房.到現場冇...

記得上年響台北食左個超正 養生鍋原來響香港已經開業左1段時間無論 環境 食物 都媲美到台灣呀真係不得不來一次一入到去餐廳 超好氣氛 有獨立空間唔太嘈 大家平時去酒樓就明好正呀 凍冰冰既天氣 食個暖暖又養生 真係對自己好d 揀左個酸菜白肉同薑母鴨鍋超足料既火鍋呀醬油區 好乾淨 要蒜蓉 辣椒都有太餓 點左個滷水拼盤 幾入味 台式牛好香 牛肚好爽 腸好肥美 鍾意內臟要點呀鍋入面既薑母鴨 份量多 厚肉 濃味野點左呢個個酸菜白玉鍋會送多1份配料另外點左份鵝肝墨魚丸同1份餃裡面既鵝肝真係好吸引個餃 好足料呢個菜 係推介 翠絲水蓮 空運到港店員教我地 煮10秒就可以 食落口好爽脆 又新鮮~~總括 真係好似去左台灣咁食完好暖 仲好回味2個人 食左700幾 值得~

終於嚟到呢一間超人氣嘅台灣火鍋，果然聞名不如見面。一入到門口已經香味陣陣，而且人頭湧湧，見到鋪頭入面都座無虛席。我哋已經一早上網揀定咗呢一個美人鍋，美人鍋嘅湯底材料十分之豐富，包括多種藥材，又有紅棗龍眼等等十分之滋補嘅食物，最重要係有一隻烏雞！諗起打邊爐可以有雞味濃郁嘅湯底都流晒口水。呢個墨魚丸真係值回票價，因為咬開嘅時候真係食到香濃嘅鵝肝味。我哋仲叫咗個滷水拼盤，滷水拼盤有豬腸豬耳等等嘅滷水物，十粒星！呢個淮山麵係絕對值得一試，因為我哋呀印象中嘅淮山係十分之鞋口但，係呢一個淮山麵就非常之滑，同普通麵冇分別，但係仲有一陣香味。烏梅汁10分開胃，味道類似酸梅湯。菊花蜜就有少少甜，但係亦都非常之易入口。

今日一家人黎到荃灣食台式火鍋，依家香港越黎越多台式火鍋，啱晒飛唔到去台灣，又癮起嘅台灣愛好者。晏晝黎打邊爐都係第一次，因為有午市半價呀！！！無理由錯過架環境不錯，都好有私人空間嘅感覺。有好幾款湯底都相當吸引，我地揀左兩個湯底係爸媽都啱飲嘅，就係養心鍋同養生鍋喇！台式火鍋特別之處就係個湯底就已經好有心思，好足料，而且仲有好多配料。建議先飲左湯先，之後先加湯打邊爐。養心鍋係用20斤魚淆成，奶白色嘅湯，一飲就飲得出係真材實料喇！有魚嘅鮮味，飲多幾啖就有胡椒嘅微辣，飲完之後都覺得好温暖。養生鍋就加入人參，黨參，仲有其他藥材，正呀！即時覺得好養生呀，依個湯再煲耐d，參味會更濃。兩個湯底都係推介！我地幾個每款湯都飲左兩碗，飲左半煲湯先加湯打邊爐依度有好幾款鹵水食品，可以等野食熟嘅時候食。我地叫左鹵水牛肚，份量都唔少架。手切牛肉好有牛肉，好好食呀，食打邊爐真係要食手切牛肉，推！油炸鬼好正！吸晒d湯咁食，正呀！推介！仲有QQ寬粉條，依個粉條好快熟，食落煙韌，好食呀！！其他丸類同魚滑都不錯！所有配料都好正呀!今次可惜食唔到響鈴，依度嘅響鈴係自家製，鬆脆，可惜太早，未整好呀，我地食飽晒見到隔離枱有，太遲喇

荃灣終於開了一間養心澱台灣養生火鍋分店了。方便很多呀。餐廳環境很舒服，暗淡燈光，令餐廳增添不少情調，餐廳設計的格局特別，每一張枱好像一個角落。適合朋友相聚的地方。我們選擇了不少餸菜，有響鈴，豆腐，霜降肉眼肥牛和一個海鮮拼盤。在養生鍋方面，我們選擇了酸菜白肉鍋。價錢是128元。響鈴size很大，是餐廳是日鮮炸的，食落很開胃，加上湯底配搭，令人很回味。霜降肉眼肥牛，肉質鮮甜，入口軟綿綿的，份量也不少。令人不停想追加的感覺。在海鮮拼盤方面，個人感覺份量太少。若能調整份量應該變更好。酸菜白肉鍋，酸菜或白肉可以免費追加多一次，湯底中，白肉份量可以接受。味道酸甜，增加開胃感覺。

打邊爐就梗係要叫多啲水餃同埋丸類一齊分享啦，佢呢度既水餃都十分之好味入面好多餡好好食又唔會太鹹，但最驚喜就係呢一個芝士牛肉丸，裏面有好多好多芝士，一食落去直頭係係你個口爆發，成個口都係芝士味真係好滿足！另外呢個蜂巢豆腐吸湯嘅能力一流，超級好味，亦都好有豆味，大推俾大家。佢有好多種肥牛，由於我哋資金有限所以就叫咗比較平既，但係都相當出色，牛肉有雪花紋但又唔會太肥唔會令到個湯底油，好有肉味係上等嘅牛肉。開始打邊爐前都不妨試吓個湯底嘅味道飲一飲個湯，我哋叫咗養生鍋同埋美人鍋兩個湯都有藥材味但係又好易入口相當之好飲㗎。

湯底味好濃，已經係第3次去食，服務態度好唔錯!! 嚮鈴係必食，真係好好味。推介湯底： 養生/養心如果你係一個好鍾意食辣嘅朋友， 咁呢度嘅麻辣湯底就可能會令你失望。 我哋今次嗌咗中辣但係我同朋友都覺得唔辣， 而本人平時食X仔米線係食五小辣的。

今天是假期 約了朋友吃飯， 可能天氣好凍 所以大家 都想吃火鍋。 聽說荃灣有間台式火鍋 於是 就想去睇一睇 ，火鍋店 好有古色古香 的風格 而且每個座位都很寬敞 唔會覺得好迫。 可能唔係任食所以啲鍋底比外面 比較有特色 ，而我就選擇 酸菜白肉鍋底， 鍋裏面有好多酸菜白肉而且還有好多 QQ闊粉條， 火鍋D味道酸酸地食落比較開胃。我地叫了霜降肥牛和御選梅花豬， 啲牛肉好有層次而且好新鮮好滑，而猪D肉好似入口即溶。還有這店特色水蓮餃＆鵝肝墨丸。 啲餃裏面有芹菜 食落去好爽口 而且豬肉好有肉汁味道 ，而鵝肝墨丸外面吃落好彈牙中間有鵝肝口感非常特別， 其他地方都冇這樣墨魚丸。 最後叫埋蔬菜盤有粟米，冬菇 ，金菇， 生菜 等等。 不過可能鍋裏面好多酸菜白肉所以已經覺得好飽了。

在天氣冷的時候，很難想像沒有打邊爐的日子。天氣這麼冷，吃一點熱辣辣的東西令到個心暖和一點所以我們今天又出發去打邊爐，方便又快捷，只是人比較多，可能大家的想法也一樣，天氣凍的時候就想打邊爐。我們叫了一個鴛鴦鍋，感覺比較化算，可以吃兩種湯底，一個是養生鍋，一個是美人鍋，說到湯底這裏真是無敵，味道非常濃郁，而且湯底的材料也非常豐富我還喝了幾碗湯呢這裏還可以選擇食物是半份或者一份，這樣可以方便我試多幾種食物，我們叫了魚皮餃，蝦丸，芝士牛肉丸，十分有特色！我們還叫了手切牛肉，肉質很軟熟，牛肉果然是打邊爐的最佳拍檔另外，這裏的調味料需要自己出面調校的，也有很多不同的選擇。

即興約食飯 同朋友2人傻更更比"養生" 2個字吸引黎左呢間完全唔岩2個人去食既打邊爐餐廳因為...真係幾貴呀！！2個人食更加變得超貴因為可以鴛鴦湯底，美人鍋同養生鍋各半（$188) 睇返相都覺得流口水因為真係好好飲！！好滋補既感覺美人鍋仲有原隻烏雞 建議可以飲返幾碗先打邊爐 唔好污染煲咁正既湯😆😆由於野食係單點計錢既兩位慳妹就住就住 叫得好少野食 好彩中意食既都係平野！野食份量適中，可能飲得湯多叫左唔多野都食得幾飽下不過埋單每人都要3百幾下次叫多人黎食應該會好d

最近同班朋友去咗養心殿食台式火鍋，估唔裡面嘅食材咁新鮮，尢其係雪花肥牛，外面鮮紅色，脂肪唔算多，簿切，放入湯底超快熟。而雞柳就非常嫰滑，放湯後，好入味，而且份量充足，價格合宜。而丸類方面，餐廳主要推出手打丸，各式各樣，選擇非常多，例如芝心丸丶黑松露、墨魚丸等，好食又快熟、有時仲會有其他雜丸等。至於雞肉和其他肉類方面，非常新鮮嫩滑，一放入水就好快熟透，而且味道鮮味濃郁，沾滿醬汁仲更加好吃。今次選咗美人鍋湯底，有豐富嘅湯底食材，其中一個最值得欣賞嘅係「烏雞」非常大隻，用黎放湯非常好味，美顏又滋潤，仲好滋補添。而雪花肥牛嘅色澤更加鮮紅，簿切，非常新鮮，而且份量十分充足，我們仲食過番尋味，重複叫左兩次添，真係值得一試。