養心殿台式養生鍋 (已結業)

上次同朋友嚟食過，覺得呢度幾好。所以今次就帶埋屋企人黎試吓，再加上呢度好近我屋企，行過去食都一啲都唔遠因為上次試咗呢個鴛鴦鍋，可以一次過試下兩款湯底，所以今次都係叫返呢款，美人鍋同養生鍋嘅鴛鴦鍋。而且個湯底一啲都唔Hea，仲好足料，真係有一隻烏雞係入面。我屋企人好鍾意食海鮮，尤其係魚，所以今次特別叫咗條魚，就係沙巴龍躉班。條魚就咁睇都擺得好靚，魚肉好快就熟，所以淥一淥就食得，味道好鮮甜，而且食魚最怕腥，呢個一啲腥味都冇，好新鮮。另外，我哋仲叫咗個稻庭烏龍麵，面吸收晒湯嘅精華，好鮮味，而且好爽口彈牙。我哋仲叫咗個小食鹽酥雞，鹽酥雞炸得好脆，細細粒，好食。今次佢哋對我揀呢度都好滿意，覺得環境好優雅，好古色古香。

台式養生湯已來到荃灣，仲要在17樓高，一定要上去看看。入到店內，環境清幽，設計風格別緻。我地選了養生鍋，呢款有半隻烏雞。湯低鮮甜，人參味濃，烏雞肉質嫩滑。呢度火鍋食材種類繁多，有D仲係飛機運到。有手工丸類，各式肉類，餃類，新鮮蔬菜等我就先選手切牛肉和雪花肥牛，我覺得雪花肥牛比較好味，有口感。手切肥牛雖然油脂分佈均勻，但一入口就溶化。另外芝士牛肉丸都好特別，外層係爽口手打牛肉，內層係流心芝士，兩都夾得相當好。呢度嘅蝦滑相當有膠質黏感，還配有小許蝦子，當配合養生湯後，味道更上一層。浸透人參味，鮮蝦味中帶有小許參味，都幾特別。餃子拼盤都係呢度必食，因可以試齊咁多口味，每款都是選用新鮮新材制成，皮簿入口有肉汁流出。淮山麵都幾好食，麵條細滑，在湯低滾一滾，麵條已有小小黏膠，食落仲好嫩滑。雖然生菜$58只得幾顆，有點覺得貴，但可能真是有機和新鮮。所以只得幾顆，但的確係好爽甜。蝦棒$58/6條，味道似長腳蝦棒，都幾鮮甜。

天寒地凍最好緊係打邊爐，普通嘅港式湯底已經滿足唔到我，今晚同老媽子倆口子晚餐，當然要黎個進補養生滋潤湯底好好保養一下！近排最hit台式養生鍋，湯底滋潤又不燥熱，仲可以對皮膚好，我當然要試試吧！店內裝潢古色古香，枱到枱之間空間十足，好有私人空間。調味醬料不多，放在外頭供人客自己盛裝。而木牌上會寫上每日的海鮮款式，價錢供客人選擇。我地決定選擇美人鍋補一補, 湯底用上烏雞，金華火腿，杞子，南棗等等滋陰食材，最適合女士享用火鍋配料選擇都好多，而且仲有台灣直送嘅特色食材，簡直眼花撩亂。由於得我們2人，唔可以選太多配料避免浪費，所以今次就揀幾款最想食嘅試下。極上雪花肥牛牛肉油花均勻，入口軟嫩有牛味，肉味濃郁。御選梅花豬豬肉爽口彈牙，好有咬口，味道仲好鮮甜美味。墨魚丸（半份）手打墨魚丸充滿彈性，墨魚味濃郁又夠鮮味，好好食呀雜錦蔬菜盤各款唔同嘅蔬菜+菇菌類，最適合鐘意多花款選擇嘅我，每個種類都有少少，而且所有蔬菜都好新鮮，食落仲好爽脆清甜呢！當然一定唔可以缺少嘅稻庭烏龍麵，烏冬吸收咗清甜嘅湯底，味道清甜軟滑，入口滑嘟嘟好美味呀！今餐真係超大滿足，而媽媽又非常滿意！

第一次係同老公囡囡去食見食評都幾好...入到去黑媽媽好似好有格調，入座員工都禮貌招待...椅子唔舒服唔會想坐太耐，見like fb有free drink...但好似唔太想計埋小朋友咁但最後都free左...小朋友都係人姐...呢間野都算係走貴價路線值唔值得就見人見智，$88一碟竹‘生’得8條好...到湯底！叫左辣麻同埋美人鍋因爲小朋友食唔到辣...湯係好飲既...但返到屋企要狂飲水，有味精？第二次係同朋友兩家人一齊去因爲朋友見我地去過想試下...今次叫左養心鍋...但黎到飲先知個湯有胡椒粒小朋友怕辣根本飲唔到..諗住睇下可唔可以加錢轉鴛鴦湯底..但最後都係唔得因爲材料己經加左，呢度我地都理解，之後叫另一鍋湯底...原本個鍋唯有放埋一邊，好！到like fb 送free drink...其實佢地每個員工既說法都唔一致...同埋其實好似好唔想free 咁......咁點解唔索性取消呢個優惠呢？又要free比人但又孤寒一d都唔大方...因為好似當小朋友唔係人咁...詳細都唔想再講！總之最後索性唔like唔要free drink......講緊係埋單唔係一百幾十！何必咁執著最後要個唔係著制服既

對台灣印象最深刻除左佢既夜市之外 就係林林種種既火鍋店。呢間養心殿台式火鍋都係經朋友口中得知香港少有既台式火鍋。甫一入店口，古式古鄉既裝潢已經迎入眼簾，飯枱擺位都十分寬敞，食起上黎難得地有休閒寬鬆既感覺。湯底一共有六款選擇，我同另一半都不約而同既揀左經典既麻辣同酸菜白肉鴛鴦鍋，其中仲可以揀麻辣鴨血或者酸菜白肉鍋refill一次。好老實地講 我地有八成都係沖住個麻辣鴨血而黎，湯底香辣得黎帶有點點藥材味而又唔會令人反感。係打邊爐其間我地都有不其然地畢d湯黎飲，一d都唔誇張。而差酸菜白肉鍋都唔錯，配有寬粉條，但記得要盡快食，如果唔係會煮得太淋同比較難夾。肥牛配火鍋從來都係常識，我地就叫左極上雪花肥牛，油脂分佈十分靚，係麻辣鍋中淥個十來秒，肉質熟度剛剛好，嫩滑而帶有濃郁既牛肉香，無愧當得上極上雪花肥牛。另外叫左近排每逢打邊爐都會嗌既蟹柳。蟹柳質素亦都唔錯，相信蟹肉佔成分比例都幾高，食落有啖啖肉既感覺。呢份炸豆皮係最令人喜出望外既配料。平時就食響鈴多，呢個炸豆皮既賣相同味道亦都類近，但就比較煙韌，再浸滿著麻辣既湯汁，可謂一絕。鵝肝墨魚丸，一款抱著好奇試新野而點既一款配料。外層係彈牙墨魚肉包裹住一

今日經過荃灣發現開左間台式養生鍋，上次在旺角已經食過，食完都覺得都好好，果晚都幾好睡，所以今天再食多餐。呢度在17樓，居高臨下，可以欣賞到荃灣景色，廣闊視野。唔係咁容易看到。除了有特大風景外，內裏裝潢都非常別緻，有獨特風格。使客人覺得有自己房間。與三五知己相聚食吓嘢嘅好地方。講番湯低先，今次就選了寧神養生鍋拼養生鍋。兩種湯味道都相似，但一個有當歸味，另一個有人參味，各有特色。我食火鍋一定要有牛，手切牛肉，極上雪花肥牛都係我最喜歡食的。但兩者比較下，手切牛肉是最好食，新鮮牛肉切成薄薄的一片，顯示出油脂分佈均勻，燙一燙湯水就放入口，嘩即溶。相比下雪花肥牛，比較廷身，油脂分佈都算均勻，食落仲有口感，好味嘅。另外我覺得呢碟餃子拼盤，都幾低食。有12粒，可以食齊咁多款味。每款都係用新鮮食材整的，食落仲有肉汁。我仲食淮山麵，呢個淮山麵好有黏感 。都好柔滑。另外芝士牛肉丸都係唔錯選擇，牛丸爽口彈牙，中間有芝士流出，口感豐富。還有特別長又厚嘅竹笙，爽口帶有濃湯味。蝦滑新鮮夠滑，膠質黏感豐富，夠彈牙。呢度食物價格算中上價，但食材選用上品食材，有D仲飛機運到。想食好嘢和坐得舒適就選養生殿火鍋就無錯。

最近同屋企人去左荃灣呢間「養心殿台式養生鍋」到打邊爐，入面嘅環境好舒服，好似間開左好多間房咁，非常夠私人空間。食物方面，湯底非常特別，大部分都係滋補養生嘅湯底。另外，有好多唔同特色嘅湯料俾食客選擇，而我哋就揀咗（美人鍋）裹面有好大隻嘅黑烏雞，不但美顏，而且仲有益健康！而我地都試咗好多唔同嘅食材，其中（炸響鈴）非常新鮮香脆，即叫即炸，而且份量都算。仲有墨魚蝦滑，雖然外表份量細，但一放湯時便會脹起黎，又滑又軟熟，好似食緊魚蛋一樣。除左呢啲之外，例如粟米，茹類等都非常鮮甜架！

入內裝修昏暗舒適，唔知係咪價單貴，入座率應該得2、3成，因同大廈既任食火鍋排長龍先走落嚟食，叫左鴛鴦湯分別有麻辣湯/美人湯，美人湯湯底真係超好飲，麻辣湯附送鴨血一份,叫咗肉眼肥牛感覺普通，響鈴新鮮熱辣，紫淮山麵冇味，併餃$118有12粒每款兩粒，其實差唔多成$10粒，感覺一啲都唔抵，竹笙＄88得7、8條，其實皇牌只係個湯，人均消費＄470，如果大家想試個湯認為抵嘅咪試吓囉！啲人話啲餛飩蝦肉好新鮮，好彈牙！做飲食業既我知道，想令啲蝦彈牙食落新鮮，落啲化學劑（特麗素）搞掂晒，其實越彈牙先越要驚，因為落咗好多化學劑。入去時基層服務有禮，到埋單問有冇匯豐信用卡，有雪糕送，揀咗榴槤味同益力多味，榴槤味OK！之後張單由個後生啲既管理層送到嚟，俾匯豐卡佢，佢話卡機壞咗，要俾現金，心諗我幾分鐘前先聽到其他枱埋單碌卡機聲，加上基層員工主動問有冇匯豐信用卡，好照俾現金，但心愈諗愈唔憤氣，埋單＄940如果冇帶咁多現金點算，門口又冇張貼卡機壞，行去收銀嘈佢，見到有個五隻手指紋晒身嘅阿叔，同佢講幾分鐘前先聽到卡機聲，佢同我地講部卡機時得時唔得，問佢咁點解一開頭後生啲嗰位走埋嚟話直情唔得呢？試都未試！心諗我9倍信

已經第三次來荃灣店養心殿，食物好味，湯底好飲，試過麻辣，酸菜白肉，美人鍋都唔錯。一定要吃以下食物手切牛極上牛水蓮菜鴨血墨魚滑蝦(新鮮好爽口）凍豆腐7:30前埋单5折，超抵酸菜白肉+麻辣極上雪花肥牛超好味嘅蝦

最近同朋友落荃灣 ，慶祝生日， 同事介紹我們到荃灣廣場17樓新開了間 火鍋店 ， (養心殿養生鍋)。 餐廳地點交通方便近沙咀道， 鄰近有大型商場方便 餐後 行街購物。餐廳內環境裝修 舒適 ， 燈光柔和， 充滿台式 格調，像置身於台灣用餐 感覺。 我們先點了一個酸菜白肉火鍋 湯底。 湯底 內有蕃茄， 白肉， 酸菜等， 酸菜味濃郁使 湯底 非常出味，作為 湯底 最醒胃。餐牌上 火鍋 配料， 選擇款式非常豐富 齊備， 我們 柯打咗 新鮮薄切的肥牛 ， 口感 嫩滑的羊肉 ， 還有各種新鮮的丸類，還有 韭菜餃，皮薄餡料多，一碟有4只。響鈴也是和我的最好配搭 ， 皮脆 新鮮。只放落 湯煱過一陣，可以進食非常方便。飲品方面，也有唐茶提供。

冬天就梗係要去打鍋啦，仲要係麻辣就最正喇！雖然lee間火鍋店開左冇耐，但我已經係第四次幫襯！佢哋lee度個環境吾錯，服務都幾好，最重要係個養生湯底真係好好味嫁，佢哋加湯係加返嗰隻湯底嫁！叫麻辣鍋加送鴨血一份！👍🏻👍🏻👍🏻一定要食粟米，真係好甜👍🏻👍🏻👍🏻個山藥吸收曬個湯👍🏻👍🏻👍🏻牛肉吾係特別出色，不過打邊爐又點可以冇牛肉呢？lee隻係幾款牛入面最好味的！個一人海鮮份都幾好嫁lee個菊花又係最啱打邊爐飲！不過啤酒就太貴了，$60一杯最後食埋個山竹米粉，吸曬d湯👍🏻👍🏻🎂⭐️埋單用滙豐信用卡有折⭐️

冬天最好梗係去打邊爐，但係打得多邊爐又怕好唔健康？咁可以選擇養生鍋！既保暖又健康，一舉兩得！荃灣嘅養心殿位於大鴻輝中心，晚飯時間好多人等lift, 但係為咗美食，大家都願意等。其實人龍雖然長，但都唔需要排太耐。menu選擇都唔少。好欣賞餐廳嘅中國式設計，圍欄同埋座椅都好古色古香， 好似回到古代中國飲茶咁。一場來到想試多個湯底，好在都唔需要加錢，只係計最貴嗰個鍋嘅價錢。我哋選擇咗美人鍋同埋養生鍋。美人鍋＄188湯底入面有桃膠、原隻烏雞、杞子、紅棗及金華火腿，膠原蛋白好豐富而且又補血，好味又養顏，真係好啱女仔飲！養生鍋＄188湯底有多款名貴藥材，仲有人參、火腿、老雞及豬肉，材料好豐富而且煲出來嘅湯好濃郁。兩款湯都咁好味，忍唔住飲咗幾碗，湯渣又多，未食餸已經飽左一半！霜降肉眼肥牛＄178雖然份量唔多，但美食既野貴精不貴多，睇個樣就知份肥牛好精緻。入口即溶手工丸類拼盤＄108鵝肝墨魚丸、黑松露蝦丸、芝士牛肉丸、墨魚丸、蝦丸同埋梅菜豬肉丸。呢個拼盤幾抵食，揀佢就可以試晒所有手打丸。個人最鍾意芝士牛肉丸，熱辣辣流心芝士永遠都係冇得輸嘅！朋友就鍾意梅菜豬肉丸，因為覺得比較特別。自家製極品水餃（半分）

依間真係會食過返尋味，因為香港冇乜薑母鴨可以食，就算係臺灣，都唔係下下搵到好食既。自從係臺灣生活過就好想再食，雖然薑母鴨依樣野就家家不太同味道，但養心殿真係做得唔差。我個人覺得旺角店既鴨多啲嘿嘿😽餃子皮略厚但唔叫差，個餡好味魚滑係我地打邊爐必嗌，一樣高水準，好食✨人頭蟶子同九節蝦，啲蝦好生猛同好新鮮好好食，肉質勁彈牙，蟶子唔腥又大隻😻😻但如果啲蝦唔係咁上就好，有啲嚇親😭😭我知依個係新鮮既代價但真係好痛😭粟米清甜，菇新鮮大隻薯粉好吃，勁大份食到好飽最尾係益力多雪糕，好味又唔太甜😎

養生鍋正，屋企人都鍾意打邊爐。做冬周圍都係人，最後決定去試下養心殿。係網上book左位，唔駛等位。入到去環境唔錯，服務亦唔錯。食物質素對得住個價錢，新鮮，湯底好濃，響鈴，牛肉勁吸藥材味，正去圖：

又到聖誕節啦，我哋有一齊約埋一齊去打邊爐，今次嘅聖誕聚會揀咗去打邊爐。真係去咗附近新開嘅台式養生鍋我哋叫咗個鴛鴦鍋，係美人鍋同養生鍋。份量都好足夠，又十分香。左邊係養生鍋，而右邊就係美人鍋另外個美人鍋入面真係有成隻烏雞係入面，夠晒滋補而醬汁，沖同辣椒就要出去攞嘅。都好方便呢個係魚皮餃，皮好薄，味道帶點甘香呢個係手工五寶丸，有五種唔同嘅丸類，不過每粒份量就細啲，味道好彈牙呢個係手切牛肉，牛肉好新鮮，顏色好鮮紅色，味道好嫩滑，唔使點咬就可以食