養心殿台式養生鍋 (已結業)

想靜靜地同朋友傾下偈，但係又可以打邊爐，又要環境優美， 喺荃灣大鴻輝大廈嘅呢一間養心殿台式火鍋絕對係合乎以上所有條件！😍 如果可以的話可以係book位嘅時候叫佢畀窗口位你 就可以一覽荃灣向海嘅新景象！ 如果唔需要窗口位，佢既佈局都好好，會用中國古式嘅帳屏分開枱，好有私隱度， 三五知己一齊可傾過痛快！😂😂😂湯底我哋叫咗養生鍋，再夾麻辣鴛鴦火鍋（有一碗鴨血跟），價錢都只係188。兩個湯真係多材料到爆，仲係養生材料，打邊爐打得好温暖；食物方面 ，我哋叫咗手工丸拼盤（可以半份咁叫），非常新鮮同爽口彈牙，裏面仲有啲餡料好好味；肉類方面我哋嗌咗御選梅花豬、涮鍋小羔羊肉片、霜降肉眼肥牛， 其中梅花豬比較出色，其次係羊，之後係牛，如果牛味再濃啲就非常好嘞！另外，我哋都嗌咗幾款菜，有秋葵 、粟米，同特色台菜叫翠絲水蓮，呢款菜我第一次見，浸完一條條爽爽脆脆，好吸湯味！仲有一個紫准山麵，佢好細心畀埋一個兜你去淥麵，等個麵唔洗同其他材料痴埋一齊；我哋食到最後有一位刺身師傅嚟介紹咗我哋一個蘇格蘭 蟶子，價錢的確係唔平（$144~四隻），但係食物質素的確係十分之高，因為佢個殼好薄，肉好厚、好爽，大家記得淥到甩咗殼