養心殿台式養生鍋 (已結業)

自從上次朋友介紹食咗一次就念念不忘今日同媽咪再食 我哋嚟荃灣分店 呢間好新淨環境闊落個景唔錯即刻叫咗酸菜白肉鍋同美人鍋酸菜白肉仲免費送多一份 有QQ粉美人鍋好多材料呀 藥材味好重 媽媽好喜歡首先叫左御選梅花豬 每塊都好薄脂肪比例合適 肉質鮮另外點了凍豆腐 豆腐索晒湯底嘅味好濃郁 我哋兩個人每人吃了3件蟹子墨魚滑超級推介 爽口彈牙上次吃了台灣A菜 今次就叫咗蔬菜籃 樣樣都有少少 蔬菜都係好新鮮喺Facebook呢就會送一杯嘢飲今次揀咗菊花蜜清甜可口 如果有得refill會更好(貪心的人)

最近捐血了，終於踏出怕針的一步，所以今晚一於進補一下，讓體內的血細胞吸收多些營養，一想起就是這間，難得朋友今晚在附近放工，便相約補個身子! 訂了八點，但我們早了放工，七時半便直接上去，幸好有位不用等，因為我們都很餓了，急不及待點食物湯底由我決定，選了寧神養心鍋($168)和美人鍋($188)，其他滋補湯底都不錯，只是我今期重點要補血，別無他選吧，而且鴛鴦鍋是以貴的湯底收費計，都划算呀！火鍋配料只挑了六樣：水耕菜、霜降肉眼肥牛、即炸響鈴、黑松露蝦丸、魚皮餃、自家製麻辣牛肉餃。等了10分鐘左右，火鍋湯才慢慢滾起，兩個湯都有半隻烏雞，真的很足料。養心鍋用川芎、白芷、天麻、當歸、豬肉、魚和烏雞煲成，挺重藥材味，帶甜甘苦和肉的甜味; 美人鍋是用桃膠、杞子、南棗、金華火腿和烏雞煲成，鹹鹹香香又甜甜的，桃膠量很多，可以好好補一補骨膠原!開始滾其他食物前，先喝了兩碗湯，特別吃了點桃膠，好Q彈呀一、水耕菜($58)好新鱗的菜、顏色又亮麗，又爽又嫩二、霜降肉眼肥牛($178)有八片，油脂不多，牛味重，而且一卷幾大片的三、即炸響鈴($68)真的新鮮即炸，非常脆卜卜，滾3秒便夠，吸收了湯汁，真的超級美味! 四

前排寒流凍到好想打邊爐，所以放工後近近地與朋友去荃灣搵好地方打邊爐🙈🙈最後搵到係好多食店集中既大鴻輝，呢間想試好耐既台式養生鍋😋一去到門口已經覺得好有中式嘅感覺，氣氛不錯。坐低即刻睇鍋類款式好多好吸引，最後選擇了美人鍋。材料有烏雞、杞子、紅棗，整個湯底飲落好足料好甜，感覺好滋潤。湯底配料方面分別選擇了降霜肉眼肥牛，好肥美👍🏻仲有黑松露蝦丸幾特別，食落陣陣香嘅黑松露味😋其他仲有雜錦蔬菜盤，鴨血，紅薯粉，炸芋頭，大腸頭，全部放落湯底後都好入味👍🏻👍🏻😋下次再嚟嘅時候一定要試埋其他嘅湯底

小妹係火鍋迷，因為鐘意火鍋夠自由鐘意食咩就放咩，又適合大伙兒傾天飯聚，所以一到天氣涼小妹就四處去火鍋。但經常食火煱有時會太熱氣，今次見到有養生火鍋仲有美人鍋，一於拉埋媽媽去試一試個湯底有幾養生先得。火煱店位於荃灣大鴻輝，要提提星期五六日晚來既朋友們要預早小小，因為紅日人流超多，有時只是排隊等升降機隨時用你15分鐘以上！火鍋店裝修以傳統中國風為主，門口有紅色燈籠，用通花設計的門窗分隔，感覺置身古時茶樓，氣氛高尚。火鍋一共有6個湯底選擇，分別有麻辣鍋，酸菜白肉鍋，寧神養心鍋，秘制薑母鴨鍋，美人鍋，養生鍋。花多眼亂，後四個我都想試。火鍋店可供鴛鴦鍋，不需另加收費，重點是鴛鴦鍋跟單鍋湯料是一樣，不會因點了鴛鴦鍋而減少了湯料，真的不得不讚。例如寧神養生鍋湯底有半隻雞，美人鍋湯底有半隻雞，如鴛鴦鍋點以上兩款一共加埋有一隻雞！這點照顧心大心細及大伙兒的食客。除湯底多選擇外，配料選擇亦多，巧手小食，肉類，海鮮，豆品類，手工丸類，，餃類，滑類，蔬菜，價錢都相當合理。自助醬料區鹽酥雞 $58火鍋前來個台灣小食，小妹最欣賞的是鹽酥外身炸到脆口但雞能保持雞肉嫩滑。鴛鴦鍋唔需要另加錢，貪心既小妹當然唔放過，一於

次次係台灣都係好鐘意打邊爐, 因為台式邊爐係唔同的, 有其魔力所在最近聽友人講有間都幾正宗既台式邊爐唔錯, 所以就同友人黎試下養心殿裝修富有中國特色, D串燈籠幾靚有唔少特色配料, 有唔少選擇醬油要自己行出去扲, 想要咩醬就裝咩鹽酥雞-$58打邊爐前少少餓叫個小食黎食是常識吧, 今次叫左鹽酥雞, 炸得好好, 鬆脆而不油膩, 夠晒香口, 份量都唔少鴛鴦鍋-$128由於鴛鴦鍋同一個湯底一樣價錢, 所以我地叫左個鴛鴦的, 麻辣鍋辣度適中, 而且已經有鴨血同埋豆腐係入面；而酸菜白肉鍋入面真係有豬肉, 豬肉幾鮮嫩, 少少酸得黎夠晒開胃手切牛肉 (大) -$338牛味超濃, 有少少入口即溶既感覺, 可見其鮮嫩程度, 肉同脂肪既比例岩岩好鮮蝦滑-$88其實份量都唔少, 我地分到有六大粒鮮蝦丸出黎, 蟹籽彈牙, 令鮮蝦滑增加口感層次, 個蝦滑彈牙, 冇梅味, 幾高水平的蝦滑最後食完全送左兩杯沙冰比我地解解渴, 感覺抵左之餘又覺得貼心總結食物好食, 地點就腳, 環境舒服, 服務唔錯, 可回頭

D兩日天氣轉涼, 最佳活動當然係打邊爐啦養心殿近D一兩年開到成行成市咁, 睇黎應該要多客先可以開到咁, 多客證明就好食啦, Based on D個理論今晚就去左養心殿試下荃灣既D間養心殿位於荃灣既美食中心眾安街既大鴻輝中心, 幾方便店內環境係中式風格, 幾有特色醬油係採取自助形式去扲的麻辣鍋 拼 酸菜白肉鍋-$128: 養心殿既鴛鴦鍋係唔洗另外加錢的, 只需計算高價錢湯底即可, D點幾抵, 一個價錢可以試兩款湯底, 麻辣鍋我地叫左少辣, 初嚐湯味都覺得只係小兒科級辣, 但之後越食越辣, 但D種辣唔係死辣, 係有香料帶出黎既有層次辣, 幾好味；而個酸菜白肉鍋微酸, 幾開胃麻辣鍋有得免費追加鴨血一份, 食到賺到了手切牛肉(大)-$338: D個手切牛肉果然冇令我失望, 肉質係比一般既雪花牛肉細緻D既, 牛味幾重, 淥大約十秒即食堅正手工丸類拼盤-$108: 養心殿有超多創意手工丸, 對於咩都想試既朋友黎講, D拼盤係最岩的, 有齊晒鵝肝墨魚丸, 黑松露蝦丸, 芝士牛肉丸, 蝦丸同埋梅菜豬肉丸, 而我最鐘意係梅菜豬肉丸, 因為真係好特別, 梅菜吊起晒豬肉既香味, 好好食寛粉條-$38: 因為

最近見好多朋友係呢間餐廳打卡見人地啲相，似乎好有睇頭，火鍋控的我當然要試試原來都好多間分店，揀左近近地荃灣大鴻輝一出lift真係Wo出來，入面嘅裝修好有特式係用一道道嘅實木通花屏風做分隔”包廂”，好有feel 。兩個人坐四人座的包廂，好大好寬敞，難得的好地方Menu選擇都好多，淨係睇湯底名個個都好似帝皇級咁嘅享受，最後揀咗個雙拼鍋之前係OpenRice見啲人話呢個極上雪花肥牛好正，雖然個價錢有啲貴，但係見到個份量，同埋食落個質素，絕對係值得，性價比高！呢個肥牛香軟得來口感好夠豐富！最後仲有兩個雪糕球送返，好滿足呀！

一講台式火鍋，腦海一定會想起麻辣火鍋，原來除左麻辣火鍋之外，原來養生鍋一樣咁出色，如果你不喜歡麻辣，呢到仲有幾款養生鍋可以選擇。 我地選左鴛鴦鍋，挑選兩個湯底，店員奉上湯底後，提我們要先試湯底，果然非常濃香，<酸菜白肉鍋> 用上秘方醃制東方大白菜、極品豬王花腩、配上QQ寬粉絲、風味獨特，酸香醒胃 & <寧神養心鍋> 加入川芎、白芷、天麻、當歸、鮮雞、20斤鮮魚（4小時精餚而成），湯底確實真材實料，是最近食過最值得推介的湯底，品嚐火鍋前可以先渴湯暖身，由於湯底已經好夠味，所以食物不用點醬汁已經好食。 <極上雪花肥牛>，肥牛紋理非常美，入口充滿香濃牛肉味，肉質軟林又嫩滑，必點之一。 由於第一次黎食，想試下多D款，呢個手工丸類拼盤（12粒）最好不過，每款有兩粒，每一款各有特色，分別有鵝肝墨魚丸、黑松露蝦丸、芝士牛肉丸 (牛肉丸中間部分是半溶芝士，整個配撘好夾) 、墨魚丸 （入口好爽，好濃墨魚味）、蝦丸 （無墨魚丸咁彈牙，不過鮮蝦個鮮甜味好突出）、梅菜豬肉丸。

呢兩日香港真係凍到飛起，每時每刻都係到打冷震，急需食啲熱野暖身暖胃。自從搬離荃灣，有超過一年無入過呢區，今次專程入返黎探友逗貓。天一暗就凍，我們打算出街食火鍋。搭車出到大鴻輝，見到巨幅廣告板，朋友就話之前係台灣食過養生鍋，好好食，於是乎我地就揀入黎試下。半年先約得出黎食一次，間中豪少少is ok，所以湯底揀中最貴的美人鍋（個各最吸睛，邊個女仔唔想做美人）同冬日食就最滋補的薑母鴨鍋。個煲端上來的時候，我們都有被震驚到，真！的！好！多！料！原隻烏雞，大塊鴨肉自是不必說，紅棗枸子桃膠，對女性就最有益；當歸的味道好濃，滿滿的藥材看起來就很補，可以說是十全大補湯了。朋友說台灣吃食要泡油條食，老油條泡大補湯，我係第一次咁食，意外的好味。鵝肝墨魚丸，個名睇起身就好正，墨魚丸的彈牙口感誰不愛？有了蟹籽點綴，裡面裹有一小塊鵝肝，在口中咀嚼的時候更是卜卜脆。海鮮拼盤，最喜歡大蝦，特別鮮甜，可能要連食十隻先够癮。鮑魚肉都帶子好肥厚。一開始我們落單的配菜不算多，仲驚唔够食，其實湯底入面的料好足，除咗雞肉鴨肉，還自配腐竹豆卜，好有誠意，多到我地食唔曬。差啲唔記得呢個雪花肥牛，極上肉質自然一流，輕灼既熟，牛味好重

一直想試養心殿，但價格有點貴，知道這次有5折活動，第一時間約了朋友來，半價真的很抵，但要730前埋單，真的有點趕。一坐下就急不及待要選鍋底，所有都想試，最後我們選了雙拼，是養生鍋加酸菜白肉，一來到已經香氣撲鼻。個鍋見到都流口水，他們教一開始要先喝碗湯，嚐嚐湯頭的鮮味。酸菜白肉鍋會附加一碟酸菜白肉，讓湯底變淡味的時候加，很窩心。這個響鈴要推介，即叫即炸，上枱時還是熱的，可以先試試原味，非常鬆脆，放進鍋裏又是另一種美味。千層凍豆腐最適合吸湯汁。豬和牛都很美味，特別是豬，很軟滑。墨魚滑得彈牙這個麻辣牛肉餃意外地好味，辣度剛好，很惹味這三款鮮蔬也很鮮甜，山藥和秋葵在其他火鍋店比較少見。LIKE FACEBOOK送飲品一杯，我們選了菊花圓肉茶，冰太多，很淡味。飲飽食醉後還送一個檸檬沙冰，可以消滯，非常完美。半價後一人都不用二百元，非常超值

朋友生日，今次選了養心殿，環境舒服, 但啲櫈唔好坐, 坐到pat pat痛 😂😂我哋叫咗個大魚頭煲, 肥牛黑毛豬， 都好好味， 仲有啲丸類都好新鮮好彈牙！響鈴超脆必食之選！

荃灣大鴻輝真係有好多唔同類型嘅火鍋店，今日就同朋友來食呢間台式養生喎😋😋時間尚早餐廳唔算好多人，我哋坐咗個近窗口位。每張枱都好大可以擺好多唔同嘅食物👍🏻👍🏻喺Facebook like 嘅page仲會免費送一杯嘢飲🤗自己就覺得都幾多嘢食，尤其菜單上面有飛機嘅都係由台灣空運過嚟🤤湯底方面我哋就揀咗雙拼麻辣湯加酸菜白肉湯👍🏻👍🏻第一次食酸菜白湯，幾開胃又入味😱半分韭菜餃，兩個人食剛剛好，而且皮薄涵靚呢個就係台灣空運過嚟嘅翠絲水蓮，口感不錯👍🏻蘿蔔都好夠甜！肉類方面就帶咗安格斯肥牛，份量都幾多👍🏻高質牛肉另外麻辣鍋點少得鴨血，係必食之選整體真係食得又睇得😋😋😋

平均$500一位，但也不是點貴價食材，值不值得就見人見智。但湯底味道配搭得很好，比在台灣食的更適合港人口味。選了兩種湯底麻辣和養生烏雞。麻辣湯底:是太辣太麻，但味道反而恰到好處。烏雞湯底:湯底很清，味道不是太濃，混入中藥材，黨參，淮山，紅棗等…感覺真係好養生。而食材反而很參差.黑柏葉: 專登點了不是常有的黑柏葉，但是很爽口，感覺麻麻。芝士牛肉丸: 沒有醬爆感。而且牛肉丸口感很硬。餃子拼盤: 六款口味，每款兩粒，但外皮略厚。牛肉片/羊肉片:上枱外觀很新鲜，但入口一般。侍應服務很好，應記一功

入面還境有古舊感覺，坐位唔係好得（坐木櫈） 款式配菜新鮮，份量少，價錢幾貴，湯底配料多味道可以（味精）勁 有機會選擇唔好食丸 真係 好鹹 ,飲料選擇唔多，其實係個吹水地方，無限時任坐（唔怕屁股痛）！

開業之後一直想試，近日天氣轉涼仲唔係打邊爐好時機開到凌晨6點，好岩夜貓們！地方好大，座位間成一個個小包箱，好岩一班朋友聚會。除左養生鍋底，其他配料都幾有「台」味，香港好少見嘅A菜都有。Facebook打卡有杯免費飲品，特飲都可以揀，一人一杯好抵烏梅汁酸酸甜甜好開胃，打邊爐夠解渴。菊花圓肉比較清爽，唔會太甜。主角終於上場！本來想點美人鍋，上菜先知點錯左，好大頭蝦養生鍋聞落幾重藥材味，但入口唔太覺，反而試到雞嘅鮮甜同金華火腰嘅甘香。侍應提醒我地飲啖原汁原味嘅湯再落配料，湯底果然香濃冇令人失望。牛肉輕輕一淥就得，嫩滑有牛味。打邊爐最鍾意試唔同舖嘅手打丸，叫雜錦可以試哂咁多款墨丸蝦丸夠爽口；有三款分別配左芝士、黑松露同鵝肝做餡，特別之餘味道又幾夾，但稍為濃味。菜拼盤好大份，仲有本人好愛嘅菌類，可引吸哂湯底嘅鮮味，正！因為湯底本身已經有好多豆腐同鴨血，兩個大胃王都食唔哂，下次要叫多幾個朋友一齊食，試多幾款配料！