養心殿台式養生鍋 (已結業)

今晚約咗四個老友喺荃灣打邊爐，我哋都鍾意食台式嘅火鍋，所以揀咗呢間位於大鴻輝嘅養心殿台式養生鍋！呢度裝修同環境好中國風，幾有特色，每枱之間有屏風格住，私隱度十足！今日有人愛辣，但有人唔食辣，所以最啱叫鴛鴦鍋，麻辣鍋拼酸菜白肉鍋都只係＄128，抵食好味！酸菜白肉鍋裏面嘅白肉好爽口，我最鐘意食佢麻辣火鍋裏面d鴨血，又滑又嘢未！雖然食物分量唔大，勝在質素佳！手切肥牛好正！肥瘦適中。雲吞同魚皮餃都好好味！個貢丸係冇香水味嘅！👍大腸頭，即豬大腸，亦清洗得十分乾淨！放麻辣湯鍋吸完味食正！直到後尾要加寬粉條，索晒啲麻辣湯！最後再免費追加一份鴨血！順帶一提，好少火鍋店有提供咁多款不同牌子種類嘅生啤，雖然價錢唔平，但係超大杯！啱晒打邊爐。

有驚喜的火鍋🥘湯底選了麻辣和清湯湯底本以為和一般火鍋沒有分別,個麻辣湯底好正食物尤其饗鈴, 上碟既時候仲係熱架, 最後加碼叫左2碟😋其他食品都有水準,例如烏冬,丸類但牛肉就普通啦下次會再去食過👍🏻

放工後約了幾位好朋友到荃灣娛樂廣場17樓養生殿食火鍋。那間火鍋店地方寬闊，具足夠空間感，燈光柔和，另有格調氣氛。朋友先点了 、白肉湯鍋 還有自家製的 響鈴， 大大舊的響鈴只须滚吓便可以食。薄切肥牛，肉質新鮮，入口 溶化。下次去必會再選擇！手打 肉丸，粒粒彈牙，味道香美。最回未是 自製的菲菜 水餃，內裡豐滿，咬口溢出汁液，充滿菲菜香味。也有新鮮運到的 豚肉，份量充足。還有很快火鍋菜選擇。醬汁 自由配搭，也很方便， 茶位加醬汁每位$25。

之前去左佐敦分店食果陣已經覺得味道環境都好正今次黎到荃灣 發現都有分店 即刻決定去食呢間分店啲裝修同佐敦果間相似 但係呢度有樓景 所有靠𥦬景觀都不俗🤭🤭而且呢間都好大 相對無佐敦果邊咁多人Menu都見番上次既食材😋😋今次依舊揀番麻辣同酸菜白肉鴛鴦鍋 因為真係好出色😬過左一陣已經上哂我地點既菜我地哪叫左年糕 雜菜盤 芝士牛丸 自家製極品水餃 🥟仲有極上雪花肥牛🤗🤗其實每樣野都好出色 我地無用調味醬 都已經好入味年糕煮一分鐘已經熟哂同入味 煙煙韌韌有咬口🤩牛肉丸用新鮮牛肉整成 所以都非常爽口😺極品水餃更是足料 入面有木耳同蝦肉 有札實的口感😂呢碟牛堅好味 所以俾個close up佢其實解凍得岩岩好 因為只需大概十幾秒就熟哂 嫩滑嫩滑的🤤🤤 最緊要少脂肪得黎口感都rich✌🏻✌🏻仲另外叫左個蝦丸 同樣地鮮味十足 彈牙👍👍依家去fb share 仲有送野飲！單叫要幾十蚊架好抵呀！最後埋單就學足台式火鍋 送上杯正正沙冰俾你🙀真係有賓至如歸的感覺😹😹😹

最近的天氣時冷時熱，真的令人招架不住。但是只有打邊爐是我們香港人一年四季都喜歡的食物。所以上星期我也和朋友一起去了附近的養生鍋打邊爐。我們早了吃晚餐，所以很好不用等位。而且地方還很舒服，我們可以安靜地打邊爐。我們首先叫了個鴛鴦鍋，而且還有一些小食。我們叫了啲些可以即食的小食，這是招牌滷味拼盤。包括了滷水牛展及牛肚，味道很入味，充滿了滷水味。另外我們還叫了鹽酥雞，這是台灣必吃的小食之一，炸得很香脆，一口一粒我們叫了鴛鴦鍋，是可以吃兩個湯底，這裏湯底還是很重要的精華呢，我們每人也喝了一大碗，味道很鮮甜！而且我們在湯底裏加入了粟米，可以令湯底更加鮮甜，粟米也可以吃，一舉兩得呢！

今日去開荃灣 購物， 經過 娛樂廣場 ，這個廣場裏面有很多食肆， 朋友選擇咗食 台式養生鍋， 就在樓上17樓， 養心殿台式養生鍋。這間餐廳環境寬闊 ，而且有獨立間隔 ，很有特色。我們坐下後 認識我打咗一個 酸菜白肉湯底$128。 湯底內有 薄片 豬腩肉 ，蕃茄 少許 等。 但 湯底已經充滿 酸味 。order咗一份霜降肥牛$178 肥牛非常新鮮只需在湯喎內 ，滾兩下便可以進食， 而且每片肉都是薄切， 入口即溶 化。嘉美雞 肉， 肉質 新鮮$108 值得 嘗試。 還有最美味的海中蝦 ，隻隻生猛 新鮮，放在湯鍋內仍紮紮跳， 口感 肉質彈牙。  闊條麵 也是火鍋必備， 晶瑩 滑身的闊條麵， 浸在酸湯底內 ，很快便變軟 ，味道 美味。:yummy

呢排天氣凍凍地，就最適合打邊爐啦。我地就約咗去養心殿開返個火鍋聚會我哋各有各唔同嘅喜好，所以就叫咗個鴛鴦鍋，再叫左其他打邊爐嘅嘢食。我哋叫咗個養生鍋同美人鍋，嚟得都好快。而且每邊個鍋底都好足料，左邊嗰個仲有人參，右邊嗰個就有烏雞，每樣得好補身，打邊爐之前，我哋梗係每人飲番碗湯先啦我哋叫咗個魚皮餃同埋海鮮拼盤，海鮮拼盤係每一位咁叫，我哋就試吓叫咗一位嘅份量，包括有兩隻蝦兩隻帶子同埋一隻九孔鮑魚，就咁睇賣相都幾好味道好鮮甜，而d蝦仲好新鮮，每隻都仲跳緊而且另外分享同like咗個Facebook打卡, 仲有嘢飲送添最後仲送咗個雪糕做甜品，非常滿足

本身養心殿都算中高價錢 每次嚟大概都要成千蚊落樓 為咗著數早少少開飯唔緊要啦 半價真係抵食好多勁開心呀 只要七點半前離座一律半價優惠 抵食到喊每種湯底都各有台灣風味 之前食過麻辣鍋美人鍋 薑母鴨鍋 但係我始終對美人鍋念念不忘美人鍋個湯底真係做得非常出色 原隻嘅新鮮烏雞 加埋紅棗 圓肉 及 不同嘅藥材淆製而成 鮮甜不在話下 而且飲完唔口渴飲完個湯 食埋大大隻嘅烏雞 已經飽咗一大半魚皮餃及鮮蝦雲吞雲吞皮薄餡靚 有大大粒蝦仁 食落彈牙 豬肉半肥瘦 鮮嫩多汁手打墨魚滑 有粒粒蟹子咬落去脆卜卜 加上墨魚骨嘅彈牙 口感層次豐富黑栢葉 不能過火 滾得太耐會非常硬油豆腐 事先炸過嘅豆腐外皮鬆脆 內裏軟滑 完全可以吸收湯底嘅鮮甜 食落有爆汁嘅效果酒香白肉 白肉醃得非常入味 食落有淡淡酒香 半肥瘦嘅豬肉 完全食唔落唔油膩 仲好彈牙添鹽酥柯仔必點嘅小食 蠔味香而且肥美 非常香口惹味甜不辣 中間加咗芋頭茸 口感大點彈牙 有點兒像魚餅 配合醬汁一齊食 又別有一番風味餐廳仲做緊個優惠 只要喺facebook讚好並且打卡 即可送飲品一杯

享用完今餐嘅台式火鍋之後 深深愛上咗呢一個美人鍋湯底 我本身係一個湯怪 未正式開始打邊爐 我已經飲咗四五碗湯裝修非常奢華 帶點古色古香嘅風味 客人可以再獨立嘅包廂內用餐 有自己嘅私人空間自助醬料區 人頭醬料費20元六款火鍋湯底 貪靚嘅我揀咗 含豐富膠原蛋白嘅美人鍋湯底 美人鍋湯底有原隻烏雞 杞子 南棗 金華火腿… 仲有我最鍾意嘅桃膠職員建議我哋飲咗啖湯先 個湯底真係好飲到不得了 清而不油膩 非常鮮甜 確實真材實料先來個餐前小食 台式滷味拼盤有牛肚 牛展及 牛腸款款都鹵得入面 牛展有根有肉 有咬口牛肚好淋 唔鞋口牛腸口感彈牙 油脂香味豐富手打墨魚丸 蝦丸及梅菜豬肉丸(各半份)墨魚丸及蝦丸 味道鮮甜 墨魚丸 非常彈牙 膠質豐富蝦丸仲食到粒粒蝦仁 蝦肉彈牙爽口 梅菜豬肉丸 有啲似我哋講識嘅梅菜蒸肉餅 兩者味道非常夾鮮野菌 有四種不同菌類 款款新鮮冇噏味寬粉條 一放進湯底 粉條變成半透明狀態 口感 煙韌彈牙 滑捋捋 完全可以吸收湯底嘅精華 好入味 又夠大碟餐廳做緊個優惠 只要用facebook讚好 並且打卡簽到 養心殿台式養生鍋 荃灣分店 每人即可享有一杯無酒精飲品真係好喇 咁簡單嘅一個小動

新年時去朋友家開完枱之後， 就去左荃灣食肆林立嘅大鴻輝中心搵食。😂 一班人暖笠笠，鬧哄哄最適合打邊爐啦！ 之前成日見旺角分店勁多人排隊， 所以我地就去「養心殿」碰碰運氣🙊， 等左15分鐘就可以入座啦！😏 餐廳裝潢設計以木材為主， 以一室室雅座間開，私隱度十足， 幾有台式別緻小店嘅舒適感～😌 「養心殿」顧名思義， 以養生為主打嘅台式火鍋， 有6款湯底，大部分以滋補養陰藥膳食材為主。 5款為麻辣鍋、養生鍋、寧神養心鍋、薑母鴨鍋、酸菜白肉鍋， 都是沿用正宗台灣做法， 而美人鍋則是自家首創。 我地三個女人一個墟， 當然要揀集養生養顏於一身嘅美人鍋啦！😊 想鴛鴦湯底的話都得， 以較高價錢收費，不用額外加錢喔！😎 識計數就一定係揀埋養生鍋啦哈哈。😂 美人鍋（$188） 用上桃膠、原隻烏雞、南棗等滋潤食材熬製而成， 養顏精華盡滲其中， 既足料又含有豐富膠原蛋白， 夠晒滋補，女生大愛！♥️ 識食梗係飲湯先啦～😎 養生鍋（$188） 奶白色湯底， 用上多種名貴藥材：當歸和人參等， 再配合老雞、金華火腿、豬肉等熬製而成， 益氣又滋補。 本身仲已經有新鮮爽滑嘅鴨血係湯底裏面， 好正呀！😎 貫徹台

忘記是星期五 在樓下排隊等電梯排了十五分鐘以上荃灣分店湯頭跟材料都比旺角分店好多了👍👍👍裝潢也不錯 👍🏾服務一如以往的好 唯獨是有新員工不清楚菜單 胡亂跟客人說有配料送 還有點餐有漏單情況 👀淮山麵比旺角少好多 😧要改進質量問題 圖一是荃灣分店 圖二是旺角 可以見到圖一荃灣店係少到見到碟底另外建議由於有些坐位沒椅背關係 可以加設衣架給客人掛衣因當晚丟了外套在地下好幾次😖餃子拼盤 麻辣牛肉餃有驚喜 雜丸拼盤羊肉芝麻湯丸

今晚同幾位朋友黎食晚餐質素尚可 味道ok 湯底好足料 特別係麻辣鍋 好惹味食左餃類 蔬菜盤 雪花牛肉 響鈴 油條 鮮蝦滑可惜兩個最大既敗筆：1）侍應服務態度差 好似好趕時間咁 問多句都唔想理咁2）臨俾錢先同我地講卡機壞左！食既野唔係幾十蚊 邊到會有幾千蚊現金?! 幾個侍應仲要係咁催我地 俾完出門口先發覺佢有告示寫五折時段只收現金... 所以有理由懷疑佢係唔想收卡 （但我地係俾正價 完全無用到任何優惠😤）我覺得野食幾好都好 服務同態度都要兼顧如果係為左慳信用卡手續費而得失客人 只會無人去幫襯🤔

同友人3人行，叫左鴛鴦麻辣同養心鍋湯底，麻辣叫左中辣，食到只有辣無麻，養心湯底話有烏雞，人蔘杞子，見到有人蔘同杞子，係見唔到有烏雞，肉都無一塊，真係可圈可點，食物叫左手切牛肉大，雪花肥牛，2份肉味都唔係好濃，丸拼盤，餃拼盤，蝦丸比較好味，爽口有蝦味，其他不過不失，價錢就唔抵食，3個人差唔多$1700,偶然一次就可以，不過大家想食可以選擇早食或遲食，8點半前離座唔記得幾多折，9點半入場就半價，個人認為，個價錢可以有更好選擇，不過荃灣要食又好味又抵打邊爐，真係小之有小

凍冰冰嘅天氣最好就打邊爐，今次四個人食飯，有兩個住荃灣，所以就揀左荃灣大鴻輝的養心殿！由於我地主要想試養生湯底，所以揀左美人配養生鍋。美人鍋有原隻烏雞同桃膠，一開始時覺得味道普通，但食食下雞味開始濃郁，又有大量桃膠，個個都爭住食。而養生鍋就有大量人參同藥材，但湯底不會過苦，只帶小許入參甘香。湯底的鴨血好正，完全吸收了湯底精華。甜不辣即叫即整熱辣辣，略微不夠彈牙。手工丸類拼盤一盆有晒六款丸，不過完全唔識分，食到好似玩抽獎咁🤣🤣我就食到黑松露墨魚丸同芝士牛丸手打丸類好彈牙，牛丸咬開有芝士流出，另外松露墨魚丸則有輕微松露味，不錯！蝦丸都係濃味而彈牙。餃子拼盤又一次大抽獎，今次我抽到鮮蝦雲吞同麻辣牛肉餃。鮮蝦雲吞皮薄又多蝦。唔太食辣的我食到麻辣牛肉餃，媽，好辣呀！果種辣係慢慢辣出黎，我投降了！潮州白魚蛋我指定要食的白魚蛋，比人笑我食cheap野。最後黎到勁彈牙，個個爭住食！蟹籽墨魚滑好彈牙，份量都幾多。雜錦蔬菜盤菜，菇同粟米都有，抵叫。粟米好甜。嚮鈴即叫即炸脆卜卜，正！野生竹笙吸哂湯汁精華，超好味，如份量多d就更好。日本蠔和蟶子皇蠔比預期中細隻，但好鮮味。蟶子皇啖啖肉，洗得乾淨無沙！手切牛肉油

台式養生湯已來到荃灣，仲要在17樓高，一定要上去看看。入到店內，環境清幽，設計風格別緻。我地選了養生鍋，呢款有半隻烏雞。湯低鮮甜，人參味濃，烏雞肉質嫩滑。呢度火鍋食材種類繁多，有D仲係飛機運到。有手工丸類，各式肉類，餃類，新鮮蔬菜等我就先選手切牛肉和雪花肥牛，我覺得雪花肥牛比較好味，有口感。手切肥牛雖然油脂分佈均勻，但一入口就溶化。另外芝士牛肉丸都好特別，外層係爽口手打牛肉，內層係流心芝士，兩都夾得相當好。餃子拼盤都係呢度必食，因可以試齊咁多口味，每款都是選用新鮮新材制成，皮簿入口有肉汁流出。呢度嘅蝦滑相當有膠質黏感，還配有小許蝦子，當配合養生湯後，味道更上一層。浸透人參味，鮮蝦味中帶有小許參味，都幾特別。淮山麵都幾好食，麵條細滑，在湯低滾一滾，麵條已有小小黏膠，食落仲好嫩滑。雖然生菜$58只得幾顆，有點覺得貴，但可能真是有機和新鮮。所以只得幾顆，但的確係好爽甜。蝦棒$58/6條，味道似長腳蝦棒，都幾鮮甜。