養心殿台式養生鍋 (已搬遷) 新店位置

位於旺角的新店“養生殿台式養生鍋”，裝潢古色古香，用木條間成一間間細房，裝修好有台灣 feel。四季都要養生，我們兩人揀選美人鍋。以杞子、南棗及金華火腿等熬成香甜湯頭，配以原隻竹絲雞及滋潤桃膠，真係女士必點。好足料，我們兩人飲完湯及雞已開始飽肚。但又想食新鮮打製的丸， 丸類有梅菜豬肉丸、鵝肝墨魚丸、黑松露蝦丸等，絕對是坊間少有，我們叫了黑松露蝦丸， 蝦丸彈牙滲出濃郁的黑松露味。叫埋單時，待應叫我們等一等熱情果沙冰甜品，好香甜熱情果果味，帶著微酸，食完熱騰騰的火鍋再食這冰凍的甜品，有清爽的感覺。

旺角養心殿堂提供不同款式的養生鍋。各種鍋都具有不同材料，係真材實料，好吸引。餐廳環境寬闊衛生，又具足夠空間感，令人坐得很舒服自在。👍我和朋友選了一個酸菜白肉鍋，材料包括有秘製東方大白菜，豬王花腩，QQ寬粉條和酸菜。寬份條份量很多，單吃寬粉條已感到有點飽足，口感爽彈又入味，令人感到很開胃，加上酸菜配搭，酸香味令人更加醒神。然後我們選了美國特級安格斯雪花肥牛，肥牛入口即溶，口感是軟綿綿的，味道新鮮。個人覺得值得推介。下次再去一定會再食。響鈴，是餐廳新鮮炸的，即叫即炸，很有誠意。價錢不算太貴，份糧又多，很欣賞呀！可是丸類份量較為少，細size的只有4粒。但是，各種丸類也是餐廳獨家親手製造的，很新鮮又夠誠意。口感爽口彈牙，配合酸酸的湯底，非常入味令人很開胃。

記得有一年的結婚紀念日，就係去食養生鍋，老公話雖然好食，但覺得價格貴咗少少。佢為咗我唔好再咁破費，所以當知道旺角呢間同類型又平 dd 的食店，就話要同我去食。入到店內，很有老式店鋪格調，排列得井井有條。一坐低，我哋先選好湯底，我見到個養生湯已經心心眼啦~過咗無耐，一個勁大個的鍋來到，我們等到個湯滾起咗，就添咗碗飲吓，飲咗係完全唔口乾，仲有好重的人蔘味，用筷子找找原來真係會揾到原條人蔘~湯底本身不但多料，同埋呢度係加湯唔係加水~而配料方面，就點了 特級美國安格斯雪花肥牛、炸豆皮、黑松露蝦丸、墨魚丸、蟹棒。肥牛的雪花均勻，而且切得夠厚，口感非常正~兩種丸滾完係超級彈牙，蟹棒是很粗，而炸豆皮的口感很像響鈴，都係爽口得很的。

話說本宅大半個月前係呢間台式火鍋到食完...當時驚為天人.....所以係咁短時間就已經返黎食第二次...對比起第一次，今次同朋友兩個人就揀左麻辣同酸菜白肉鍋!抵讚既係兩款同價鍋底唔駛另外加錢!一個價錢兩種享受!個鍋底黎到，都同上次一樣咁多料，叫麻辣鍋仲送左一份鴨血俾你!係抵讚既...不過.....今次就出事喇....個麻辣鍋底係好多香料丫..但佢地冇用網或者其他方法隔開的渣，令到個鍋底好多渣不停影響你食的TEMPO...因為你要不停咁整走好多大大小小的香料...呢樣野真係唔係幾鐘意...辣度就OK,可以接受，但我就覺得可以再麻的~而酸菜白肉鍋呢~一開始OK好食，但食到後面呢...就出現左一個問題..因為一直加落去的湯都係酸湯...導致最後湯底好酸....當然,,,係台北食酸菜白肉鍋都會有呢種情況出現...但係香港竟然可以似到咁..我都唔知係讚定係壇....其他配料都同一次一樣維持水準!所以應該會再去第三次的!P.S.今次再多左一樣野就係...如果LIKE佢地FB就會送一杯野飲~大家記住要LIKE丫!因為杯野飲真係幾好飲HEHE

自從在台灣品嚐過麻辣火煱後便一直念念不忘， 一直希望可以在香港找回記憶中的美味以解相思之苦。 終於皇天不負有心人，香港也有味道正宗的台式火煱！ 位於旺角的「養心殿台式養生鍋」的湯底十分正宗， 人氣麻辣湯底，可以體會先辣後麻的感覺，同時設有養生湯底， 就算是不能吃辣的朋友也沒有問題，可以圍起來一齊打邊爐。 整體店鋪裝飾十分古色古香，走進去已經有寧靜怡人的書卷氣息， 而且設計十分寬闊，感覺比較開揚，不會有壓迫感。 自助醬料選擇十分多，可以自行調教喜愛的味道。 作為麻辣控當然少不了麻辣鍋，同時點了酸菜白肉鍋。 兩款湯底都是十分吸引，首先麻辣鍋味道十分濃郁， 加入大量香料，傳來陣陣的香辣味道，先呷一口湯， 感覺辣味在口中滲開，然後嘴巴慢慢開始有點兒麻痺，感覺越食越上癮！ 最驚喜是鴨血味道十分正宗，口感嫩滑，不會煮爛， 而蜂巢豆腐更是麻辣鍋最佳的配料，可以吸盡湯底味道，令人吃過不停。 而酸菜白肉鍋的味道也是十分醒胃，酸味剛剛好，可以刺激食慾， 豬肉肉質軟腍鬆化，味道酸中帶微甜香。 配料方面，小妹認為手打丸類有驚喜，值得推薦。 因為食師傅每日新鮮製造，肉質十分彈牙多汁，超級美味，

養心個名都幾吸引，港式火鍋就食得多，今次試台式。設計台灣風格，有木棚圍起，望落乾淨舒適。叫左個鴛鴦鍋，可以試哂兩隻味，寧神養心鍋 VS 秘制薑母鴨鍋 $168寧神養心鍋材料有川芎、白芷、天麻、當歸、鮮雞、豬肉、鮮魚，賣相吸引，當中有一大舊烏雞脾，見到都流哂口水。湯底好重中藥味，唔係人人接受到，但用黎滾食物又唔覺得藥味重。秘制薑母鴨鍋 材料有老薑、馬蹄、冬荀、當歸、紅面番鴨，馬蹄同冬荀都係我愛吃，重點係湯底好好飲，好有住家湯feel，飲左兩碗我先開始我既烚吓烚下之旅。鹽酥蚵仔 $78叫左個小食，唔知以為自己去左台灣，因為100%台式炸法，外酥內鮮，不錯。特級美國安格斯雪花肥牛 $178排到好整齊，牛味重，肉質軟，脂肪分佈均勻，唔洗沾醬已夠好味。鮮炸響鈴 $58響鈴索哂d汁，野味。自家制極品水餃 $42大大粒，入面主要有蝦同木耳，口感彈牙，外皮滑滑的，正。水耕菜 $48第一次食呢種菜，味道似縮細版油菜，都幾好食。沖繩黑糖烏梅汁 $68勺酸甜酸甜，消濟解渴，味道似酸梅湯。補身又養顏，加上食物不俗，滿足，食到兩人飽飽離場。

台式火鍋很有氣氛， 每張台子都乎是自成一角人未齊點了個牛雜來吃吃(招牌鹵味拼盤)有牛肚牛腸牛展每樣都好入味好腍，唔會咸。 湯底是寧神養心鍋， 以幾百仔魚熬成的湯底， 還有大魚頭。 就咁飲清湯， 已經鮮到不得了。 最後有把大魚頭撈起來吃， 滋味無窮， 係好正 👍。 配料點了美國安格斯肥牛粒肥牛粒牛味非常香濃中間夾層的牛脂很香肉質又嫩又多汁手打丸物手打黑松露蝦丸黑松露味很重， 蝦丸很彈很鮮。 手打芝士牛肉丸 牛丸中間爆芝士，極燙口，芝味重，但跟牛肉味又夠合襯。 最後一人還撈了一小碗稻庭烏冬口感滑味道鮮好正!

好朋友生日要求食打邊爐，但幾個女仔去酒樓好似感覺差ｄｄ，上網搵到間台式火煱，有Ｄ好吸引既美人湯底，決定一試！ 閨蜜飯局必選 “美人鍋”，有朋友無辣不歡，所以選多個麻辣鍋，兩款湯底都好足料，好夠味…..之前攞咗既“混醬”最後都無乜用過！ 健康之選：萵荀 手打肉丸，好有咬口，最有驚喜係“梅菜豬內丸”，好似食緊住家梅菜蒸肉餅咁！正！ 必食推介：炸午餐肉 - 完全唔油膩，好香！鮮炸響鈴 - 又熱又脆! 西班牙黑毛豬 超新鮮台灣鮑魚：活九孔 打邊爐不可缺少的可樂......仲要係支裝 離開時見到銅鑼灣將會有分店，下次可去港島區encore!

誰說到了夏天就不可吃火鍋，縱使要開著冷氣浪費資源打邊爐，火鍋仍然是港人一年三百老六十五天愛好的料理。兩個人吃火鍋，想找一些比較精緻的。找著找著，發現香港開了不少台式火鍋台，一於到交通方便的養心殿試試。餐廳內部裝潢雅緻，以通花木製屏風作間隔，地方乾淨整齊，空間感亦很大。湯底有六款，可選鴛鴦鍋。以養生鍋為主打，當然要一試，另外亦選了酸菜白肉鍋。湯底原本已有很多食材在內，配料不用選太多。養生鍋以藥材及人參，配以火腿、老雞、豬肉肴製，材料看來真的可以補身。湯底呈奶白色，落火鍋配料前先嚐嚐湯頭。味道濃郁，有老火湯感覺；有數條人參，散發參果味的甘甜。亦有不少鴨血，軟腍滑身；豆腐則盡吸鍋底味道，非常美味。酸菜白肉鍋以醃製的大白菜，加上豬腩肉烹調，味道帶酸。湯底淨飲會太酸，用作火鍋湯底也頗為特別，配上QQ 寬條粉，有醒胃作用。湯中有大量大白菜，避免打邊爐進食太多肉類。豬腩肉脂肪層頗多，怕肥的話可能就不太合適。火鍋少不了醬料，食客可在自助醬料區自行配搭。醬汁有醬油、蒜泥水、白醋加麻油；配有芫茜、辣椒、蔥花。款式比較簡單，湯底的味道已夠濃郁，調味也只是錦上添花。墨魚丸 （半份）半份的墨魚丸有四粒，大大夥的

聽朋友講養生鍋打邊爐個湯底好掂，所以約埋幾個朋友去試一試先😝去到門口見到好多人等位😱好彩我地有訂位，等咗10分鐘就入得😍門口有開放式廚房，見到廚師們喺度處理食物，都好衛生👍🏻有個自助調味料區，最正係蒜蓉汁，好鬼香😋我地揀咗麻辣湯配美人鍋，有辣有唔辣😜美人鍋湯底好甜好多料，入面有好多烏雞麻辣鍋叫咗中辣，下次可以食大辣都得，湯底加咗元肉，辣中帶甜👍🏻響聆什錦丸全部都係手打，好新鮮聖子皇，$48/1隻好大隻呀安格斯肉眼肥牛有牛味又唔會太多肥結賬時，會一人送一杯甜品，好細心呀😍整體環境舒服，湯底濃郁，配料多選擇👍🏻👍🏻我地已經唸定下次養生鍋😝😝記得要訂檯先

名稱好靚嘅火鍋店 -養生殿 （旺角分店）經過幾次見到美人摸呢三個字最有無限嘅遐想好想知道點樣美法我想知道美到乜嘢程度究竟食咩會令到我變美呢！ 禁我就黎試試佢啦 坐落左 二話不説就要 「美人鍋」唔該✋🏻美人鍋裏面就係有藥材同烏雞既湯飲完你成個身都會好溫暖咖🌞我覺得最值得推薦係 鮮炸響鈴 救命 好好味呀😭仲有 黑柏葉 好爽口 食落去颯颯聲😱食完到底有冇靚到呢我就唔知 但係我淨係知道 食完 我個身暖粒粒養心殿台式養生鍋 (旺角)旺角彌敦道607號新興大廈1樓106-112舖養心殿《旺角》台式養生鍋

話說朋友生日所以去試，去之前已經做足功課。訂檯時員工態度幾好，我地訂9:30佢地都比我地7:00放定個蛋糕上去。但入座之後既服務又係另一回事，餐廳明顯人手不足。- 一入到去坐左成十幾分鐘，剔左既野食都黎得七七八八，個湯底竟然都未到。揮手叫員工，員工答一聲「係！」然後快速閃走。- 食食下聽到隔離檯有女生哀號叫「唔該～～～」左好幾聲，鬧鐘響咁先有人應，可見我地唔係唯一一檯被冷待的客人。- 要叫侍應加茶加湯都是艱鉅非常的任務。- 食到第二輪有朋友叫左碟貢丸三個字都未到，男職員黑面地說「我地無呢樣野喎」。朋友指著餐單上的「香菇貢丸」比職員睇，對方三分鐘後就死死地氣把貢丸送到。- 食到接近尾聲終於有女侍應主動埋黎斟茶，正感激之際，較高級的女職員走近當著我地的面同女侍應講「喂唔好搞呢d住，幫我開三個位先」。女侍應只有無奈地離開。- 茶壺好鬼細個，斟完一輪已經無哂茶。而我地其實唔介意你擺d茶係出面，等我地自己斟算。- 問及係唔係打卡加分享可以送免費飲品，女侍應答係但絕無意欲過黎check，我地見佢地忙到咁，亦無謂強人所難，由佢算數。- 星期三晚尚且如此，周末可能會更亂。- 見佢地人手不足到咁，本來打

先講湯底，比唔上台灣的麻辣/酸菜鍋，但係比起其他香港版台式火鍋算中上了。最好味係響鈴，厚薄適中，忍唔住要加追多碟。第2好味係鹽酥柯仔。第3好味係麻辣牛肉餃，初時叫了半份，後尾要加多半份。第4好味就係。。。水耕菜，真係優質沙律菜既質素，放麻辣鍋吃，超正。丸子就不過不失。失望既係炸豆皮，跟台灣的不一樣，只係普通支竹。另外肉類都麻麻，牛無無味，鴨無鴨味。免費飲品每人1杯，而且係有選擇，真心讚。埋單仲有百香果沙冰，8點半前埋單又有7折，真心可以回頭。

我真係好鐘意飲湯嫁，一來本身屋企少湯水，二來女仔多d飲湯對身體好，啱曬手腳冰冷既OL。20x2的茶位養心鍋加姜母鴨鍋168真係好平好得，湯底用足料，又魚頭又烏雞加十多種，當歸天麻白芷川芎杞子黨參等，特別桂圓肉好清甜，讚嘆。另一煲有馬蹄冬荀炸腐竹同凍頭腐和紅面翻鴨，全部材料大曬冷，原汁原味，一口氣連飲兩三碗靚湯，先捨得開始食ya，不過肚已經飽一半lu，鴨肉係台灣特產，店員附上撈了dd酒既腐乳醬沾食，感覺嶄新滋味，同時湯料邊食也散發住清新羌味呢。湯頭已夠好，完全不用沾醬汁食都得，真難得，証明真係很掂呢！安格斯雪花肥牛178肥瘦均勻肉夠嫩，烚一會就可以食，細細碟好快俾人搶曬了，比一般肥牛較瘦嫁。鮮豆皮38岀品算滑，媲美有名的鮮腐竹店子，健康之選。麻辣牛肉餃半份42只有少許辛辣，牛肉味幾濃，餃皮包得不易散。芝士牛肉丸48半份手打牛肉中間有芝士呢個食法唔係新奇玩意，卻又鐘意咬開中間溶化曬既cheese好滾動，一啖咬開，我都跟住溶化，芝汁四噴。椰青水22忌廉13食後感：好好食既台式邊爐，試過咁落本咁正宗既藥膳鍋，真係唔止秋冬天先可打火鍋。P.S.火速漲價了一點，個人仍然認為性價比高，好值得一試再試

我非常嗜辣，幾日前經朋友口中介紹旺角一間高質素台式麻辣火鍋店。剛好朋友約我到旺角用膳，所以我就建議試試養心殿。位置當然非常方便，我地於旺角銀行中心集合再出發，約步行3-4分鐘。環境跟台灣的火鍋店裝修頗相似，以木為主；環境亦大，間隔很好，留有一點私隱度，就算我跟友人兩位都可以坐卡位，坐得舒適的。我當然秒選了麻辣鍋（中辣），而友人就選寧神養心鍋，而火鍋料就有澳洲手切牛肉、響鈐、丸拼盤、炸午餐肉和萵荀。落單後就要去調制私家豉油，自助式的，提供基本如葱花、蒜蓉汁等，衛生程度不錯。麻辣鍋一上枱超香，但不嗆喉；鍋內有鴨血及凍豆腐，份量頗多的，而且點麻辣鍋更免費獲追加鴨血一份。侍應細心的建議我們先喝碗寧神養心鍋湯底，更說用鮮雞、魚、豬肉和多款藥材煲數小時而成，喝後先落火鍋料打邊爐。我們就乖乖跟指示，嘩湯底有半隻烏雞，一大個魚頭；湯頭超濃，更帶有點點甜味（鍋內有龍眼肉，杞子）我們忍不住各喝下兩碗然後就準備開大餐。我個人推介手工丸類拼盤，六款味各兩粒，堅手打，彈牙爽口，最喜歡芝士牛肉丸和鵝肝墨魚丸。手切牛肉新鮮有牛味，食麻辣火鍋必點之選；鴨血厚身滑口，絕對會吃完一塊又一塊，好好味！如果嗜辣的，不妨要大辣