養心殿台式養生鍋 (已結業)

最近差不多每一晚都要加班，每天工作嘅9小時都係全程投入，成個人嘅腦袋都好似被工作掏空左一樣。而我每一日最期待就係放工跟另一半或者朋友，開開心心食一餐，共聚一刻，quality time。而唔知點解身邊總有一個火鍋控，極力推薦我食呢一間台灣過江龍。平時食開火鍋大都以四川重慶口味比較多，至於其他或者會比較小食到，但近排都多咗其他特色火鍋店進駐來港，又可以俾大家品嚐到其他風味，就今期又去左食火鍋不過係食台式火鍋唔知食落有冇驚喜，講開鍋底不得不提呢度以養生鍋為主打，唔怪得知好友點都要來呢度食想補補身體掛，好啦先點鍋底有美人同麻辣鴛鴦鍋，一來可以食到兩款味道。再點埋其他火鍋配料，當然有牛同手打丸呢D人氣美食，係未食火鍋先食番個小食鹽酥雞，熱辣辣嘅雞肉入口好鬆脆味道又香濃，好似去咗台灣食街邊小食夠晒惹味。輪到火鍋先飲啖美人湯滋潤一下，而且湯底真材實料有桃膠，烏雞，杞子，南棗同金華火腿真係啱晒我地女仕養顔。輪到品嚐美食先有霜降肉眼肥牛，呢款肥牛食落雖然冇咁肥美，但肉質會比較細嫩肉味濃，啱晒我地口味點食都唔使驚。再來係手打丸類拼盤已包括六款不同特色丸，可以食到各種味道，又其鵝肝墨魚丸同黑松露蝦丸，食落

和舊同事聚舊，一同前往養心殿台式養生鍋。餐廳裝修走宮廷式的格局，顯得份外高貴。只要讚好餐廳的facebook，就會獲贈一杯免費飲品。湯底選了美人鍋，含豐富骨膠原和原隻烏雞，滋補養顏。極上雪花肥牛牛味濃郁，非常鬆化，入口即溶手工丸類併盤有6款丸類，最喜歡墨魚丸，彈牙之餘富有墨魚味。餃子併盤每款餃子都各有特色，而韮菜餃尤為突出，韮菜味香濃。雜錦蔬菜盤蔬菜都很新鮮，冬菇很爽甜。蟹棒大大條蟹棒，口感很嫩滑。寬粉條麵質彈牙，與美人湯的味道很夾。

朋友大力推介這間既養身又養心的台式火鍋店，說這間店的湯底真材實料。見在外地工幹了整個星期，又無滋潤的湯水，又厭倦了西餐，擇日不如撞日，就去試試。店鋪採用宮庭式設計，古色古香。枱與枱之間闊落，而且每幾張枱就有屏風間格，感覺好有私隱，傾計大聲少少都唔驚嘈到隔離枱。寧神養心鍋拼秘制薑母鴨鍋櫈!櫈!櫈!櫈! 好吸引的藥膳湯底首先出場 -- 寧神養心鍋拼秘制薑母鴨鍋。奶白色湯頭是寧神養心鍋，採用川芎、白芷、天麻、當歸、豬肉、鮮魚頭及烏雞餚制而成，餚過湯的烏雞仍然好有質感，食落依然有濃厚的雞鮮味，鮮魚頭新鮮美味，這個湯底完全是民間袪頭風平肝火的傳統食療，每喝一口都好似飲緊屋企的老火湯，唔客氣地先喝了三大碗湯先開始打邊爐，哈哈。另一邊是秘制薑母鴨鍋，採用老薑、馬蹄、冬荀、當歸及紅面番鴨餚制而成，鴨份量很多，餚過湯的鴨仍然滑溜，湯底味濃厚，既暖胃又滋補，推介。酒香白肉白肉酒香味濃厚，白肉爽口而不肥膩。手工丸類拼盤手打的丸類爽口彈牙，新鮮可口，蝦有蝦味，牛有牛味，豬肉有豬肉味。而且配搭新穎，各有特色，墨魚丸配上鵝肝，蝦丸配上黑松露，牛肉丸配上芝士，豬肉丸配上梅菜。出色之作。餃子拼盤拼盤有自家鮮做極品水餃

對於打工仔黎講，午餐時間就係一個離開地獄擁抱自由既小空間😂如果搵到唔使行好遠又抵食夾大件既午餐選擇，就更加好似中頭獎咁🙌🙌呢日有同事話去"養心殿"食lunch ::唔係呱!夏日炎炎打邊爐??麻辣火鍋??諗起都覺得熱!!抱住懷疑之心沿住樓梯向下走，強勁既冷氣撲面而來😍😍再睇睇menu，哇!!!!!試左個三杯雞套餐，三款前菜幾有心機，驚喜既係花旗參烏雞湯~有明目杞子加足料雞件，煲到淋曬超入味😛再黎成個頭咁大既主菜~雞塊炸到脆曬再用三杯雞汁爆炒!雖然雞好脆不過都乾左少少😌但係配埋雜菌真係大滿足!!再驚喜啲就係發現午市免加一!!!!!!不得了~

尖沙咀這間分店在棉登徑，很易找，但原來要一直落樓梯到地底，不過店鋪位置很大，樓底也高，沒有太重火鍋氣味。我們選擇了養生鍋和酸菜白肉鍋，酸菜白肉鍋可追加一份酸菜和白肉，湯底酸酸味味，而白肉醃香過，又夠薄切，很惹味呀！而主打養生鍋很豐富，有不少中藥藥材，除了人蔘，還有紅棗、龍眼肉，令湯底很濃，盡是人蔘甘甜味，而湯底更有鴨血和千層凍豆腐，都是吸收湯底精華的良品，鴨血亦很滑嘟嘟，可惜不可以追加，所以我們也特意加一碟千層豆腐。配料有很多，有不少很特別，例如豬天梯。第一天火鍋見到這個配料，真的很爽脆，脆卜卜，有口感，令我們一塊接一塊。另一款推介便是牛胸爽，之前曾在深圳潮州牛肉火鍋嘗過，原來養心殿也有，當然要即點啦！牛胸爽是牛胸腔部位，是奶白色，涮一涮便會縮細食得，很爽，像是牛的肥油，有一口牛油香，亦很重牛味，真是邪惡卻美味。而火鍋必點的牛肉也不錯，不會太肥，有肉質。另一款羊肉很薄切，有羊羶味，但是可接受的。而肉類配酸菜白肉湯底更是一絕！我亦喜歡蔬菜盤，有很菜,菇類,秋葵和粟米等，應有盡有，不用單點。配合養生鍋更覺鮮甜。整體來說，養心殿的湯底很值得來一試，單是湯頭也很甜，不用多加醬料，而火鍋配料也很

記得上次同老公食過旺角嗰間，佢一直都話想再去。原先佢話呢日話同我食拉麵，不過經過呢度見到有分店，就突然改變主意了~入門口前要下幾級樓梯，紅色的通道真係份外感覺雅緻。到逹門口，職員熱情的帶我們到座位。望望四周，很有老式家居的設計，但播放著台灣的流行曲，很 fusion。佢一手拎咗餐牌密密點，話要點一些我會覺得喜歡食的東西 =^^=原來佢呢次點的是養生白肉鍋，呢個鍋會附送一個酸菜白肉，食落非常開胃。在湯底滾緊的時候，他便出去醬油區拎醬料~食材上枱啦~ 真係好豐富呀~霜降肉眼肥牛︰厚切的肥牛片，咬落啖啖肉相當彈牙。蝦丸︰是超級爽滑，帶點起膠的一種。黑松露蝦丸︰口感跟蝦丸差不多，不過多了濃濃的黑松露香味，好特別。蟹棒︰每條都是粗粗的，滾完都唔會完會散哂，非常好。有機玉米︰味道超甜，encore 咗一次。

點了鴛鴦鍋美人鍋和養生鍋， 美人鍋很清甜了很足， 烏雞和桃膠也很多了 ，養生鍋人蔘味很重，也有些藥材味!但因為我們多人，坐位坐得很迫也不舒服。也沒有位置放手袋。洗手間很濕，地下很骯髒，要非常小心走路。手切牛很好味， 大家喜歡黑松露蝦丸，不喜歡芝心牛丸， 本人覺得水餃比雲吞出色，雲吞不是我喜歡的類型， 水蓮餃不過不失，可以一試， 梅花豬不過不失， 鴨血無味，貢丸好吃，其他丸也可以。蔬菜也新鮮。下次會再來試其他火鍋。

今日約了幾位舊同事一齊去食呢期都好hit既台式養生鍋打邊爐餐廳座位數目不少，而且古色古香，影相效果不錯而且檯跟檯之間都有屏風隔著有數款不同的養身湯底可選擇，款款都各具特色。由於很多都想試，貪心的我們決定點一個雙色窩除了湯底款色多外，邊爐的肉類、丸、蔬菜類、餃等都有多種款色最後我們點了的雙拼湯底為人蔘鍋（左邊較白色那款）跟美人鍋（右邊）兩款湯底都十分出色這裡的湯底極之用心製作因為湯料十足，滋味人蔘鍋用料絕不馬虎，很多人蔘、龍眼等，湯底很滋補，人蔘味香濃，而且仲有大量豆腐隨鍋附上豆腐於人蔘鍋中浸了一會後，超入味美人鍋都好滋補，有半隻烏雞係入面仲有大量材料老火湯似的係呢度打邊爐沒這麼肥膩油膩，只會感到湯底好足料好滋補把鍋中的烏雞拎左出來，雞肉嫩滑十分滋味而且份量都不少因為開初不知人蔘鍋內都有豆腐，我們都有另外再點，但幸好有多點一份，因為豆腐一層又一層的關係，中間部分能鎖著湯汁所以吃起來一咬下去超多汁，而且豆腐嫩滑最左邊的炸豆皮（$38），最上的手工丸類拼盤（$108），下方的是做子拼盤（$118）炸豆皮我又是超愛，其實佢吃起來似響鈴的口感同味道，都是脆脆的又吸了大量湯汁但佢既特別之處是好大卷

經常出入冷氣地， 加上食多荔枝， 有兩聲咳， 雖然係咁，但難得約咗朋友都照出。 呢間台式養生鍋，開咗好多分店，大家都一致好評， 雖然真係好想食佢個美人鍋 ，有大半隻烏雞 ，但感冒初起，唔可以食雞煲，所以揀咗麻辣鍋併酸菜白肉鍋， 味道都相當有驚喜。呢一間嘅湯底性價比非常高， 鴛鴦鍋取其價錢比較貴的，唔會另外加費。當中麻辣鍋附加嘅鴨血同凍豆腐好好味。 鴨血對比豬紅冇咁易碎， 口感較滑， 所以我地最後都另外追加咗一份鴨血。本身淨係諗住打邊爐但見佢小食有鹽酥阿仔， 即刻order，因為唔係間間台式餐廳都有。 鹽酥柯仔同埋鹽酥雞做法差唔多，但做阿仔一定要大粒同新鮮，先可以做到外層酥脆，裡面鮮嫩多汁,呢個就整得好味。丸類叫了芝心牛肉丸及墨魚丸， 價錢略貴但睇得出係鮮打質數高。 芝心牛肉丸內芝士較熨口食嘅時候要小心， 墨丸爽滑。雲吞好大粒， 每粒都用豬肉包住一大隻蝦，蝦肉爽唔梅，略貴，但值得一試。霜降肉眼牛肉唔肥，重牛味， 而且每片卷好，碌嘅時候 比較容易掌握火候唔會過數。什錦蔬有金菇，冬菇，粟米，娃娃菜，唐生菜， 種類齊全 。兩人食咁的份量已經好飽，本身滿心期待甜品有芋圓， 但原來已經沒有了，轉而

香港愈來愈流行吃台式火鍋，其實在配料上台式火鍋跟港式火鍋也沒有太大差異，只是火鍋的湯底有所不同，台式火鍋主要是藥善，麻辣或是酸菜鍋，而港式就是以雞或豬骨等敖成湯底，可謂各有滋味。今日黎到位於綿登徑的養心殿，朋友之前黎食過覺得幾好食～呢到的裝潢設計感覺古典優雅，大量木材加上屏風的設計，私隱度也算不錯。呢到總共有6款火鍋供以選擇，最特別嘅係有薑母鴨鍋，不過由於小妹係熱底，夏天食薑母鴨對我來說有點補，所以我們點了酸菜白肉鍋$128。呈奶白色的湯底，看起來已經覺得很入味，鍋底𥚃注滿了很多酸菜，而且入面仲有水晶粉同埋酸酸甜甜的番茄，豐富了湯底的酸味層次。而且餐廳非常貼心的額外給了我們一盤酸菜白肉，好讓我們的湯底一直可以保持著酸菜的味道。台式火鍋跟港式火鍋不一樣的地方就調味料沒有港式的多，而且他們喜歡用蒜容水。御選梅花豬 $118豚肉有兩款可以選擇，厚脂黑毛豬，或者是這款梅花豬，由於友人清減中，所以我們點了這款比較瘦的梅花豬，粉紅色的梅花豬看起來很新鮮，每一片也切得非常透薄，輕輕燙過便可以吃，肉質軟淋，肉質唔會鞋口，口感和肉味也不錯即炸響鈴 $68剛剛炸起的響鈴，還是暖暖的，而且非常鬆脆，層次分明

臨近媽媽生日，孝女如我當然留意到媽媽既心頭好係養顏滋補食材，諗起食過養心殿唔錯，今晚又黎翻啅慶祝。由於上次近乎無可挑剔，自然駕輕就熟地叫哂上次食過既野，再加少少海鮮。 湯底揀左美人鍋拼養生鍋 ($188)，前者以原隻烏雞、核膠、杞子、南棗同金華火腿熬製而成，後者就以人參、藥材、老雞、火腿同豬肉為主。美人鍋較清澈鮮甜，同各種食材都好夾，最正係烏雞同核膠取之不盡，三個人分都好夠。 養生鍋人參味好濃，有時會搶左食材原味，但用於吸味既響鈴等就好完美，兩款湯底可謂平分秋色。手切牛肉 ($238) 細肉質軟滑甘香、牛味極濃，厚度恰到好處，食到牛肉既紋理同油脂分佈。沙巴龍躉斑 ($238)一句講哂，新鮮。 嫩滑就不在話下，重點係好耐冇食過咁鮮甜既魚肉，啖啖都好似凝聚左魚既精華咁。 龍躉皮正唔正好取決於餐廳有冇用心清理，好滿意呢度成碟都好乾淨，啖啖濃厚膠質，最後連魚頭都清哂。老實講，就算係酒樓叫龍躉有時都未如人意，呢度水準完全係超乎預期，大家都讚不絕口。即炸脆響鈴 ($68)打邊爐必叫，即叫即炸香到即使唔係放得好近都傳來陣陣油香味，令人食指大動。 略略浸幾秒後依然保持酥脆，吸滿老火湯後豆香味之中滲出鮮

早前聽朋友介紹養心殿的台式湯底好正, 今日終於有機會試下。一打開菜單見到有6種湯底揀: 麻辣鍋、酸菜白肉鍋、寧神養心鍋、秘制薑母鴨鍋、美人鍋和養生鍋。我地三個女人當然要揀美人鍋，然後再併個招牌養生鍋。美人鍋併養生鍋（$188)兩種鍋的材料多到有點誇張,基本上淨係食湯料已經好飽肚。左邊的美人鍋有半隻烏雞、紅棗、桂圓、杞子、南棗，仲有桃膠!而右邊的養生鍋係奶白色的，裏面有好多人參、沙參、杞子、玉竹、鴨血、紅棗、千層凍豆腐和桂圓。樣樣都好好味，齋飲湯已經好满足!平時係屋企都唔會有咁補的湯飲。手切牛肉（$238/ 細）雖然叫左細份，三個人如果唔係食肉獸絻對够食。牛肉非常新鮮，我覺得好食過肥牛好多, 起碼唔會有一半都係肥膏, 特別適合女士。沙巴龍躉斑（$238)無花無假的龍躉斑，魚肉好有彈性，魚皮有一層厚厚的膠質，令人回味無窮!鵝肝墨魚丸 ($48/半份)半份有4粒，墨魚肉好彈牙，中間的鵝肝都幾大塊，如果鵝肝味重D就完美。野生竹笙（$88)竹笙有6-7條，大大條吸晒D湯汁，唔使點其他野都好好味。

正值減肥進行中，但係魔鬼朋友又引誘要去打邊爐。之前一直都想試台式火鍋，貪佢藥膳湯底感覺無咁肥膩！今日就去養心殿啦，比較近地鐵站行3分鐘左右就到。行到附近呢個搶眼中式主題養心殿門口好易認，入去係古典紅色、燈籠佈置，室內用中式木屏風間隔，通透有空間感又吸睛，加上一個型格的小酒吧，同平時的打邊爐好唔同，成件事好靚外面自取調味料的櫃也是中式古典感覺有好幾個藥膳湯底可以選擇，而我地就好膚淺咁比個名吸引點了美人鍋$188美人鍋內的桃膠含豐富膠原蛋白，打邊爐過程中再一直滾，桃膠質地好滑，原來除了用來煮糖水，咸食都好好配搭。原來呢個鍋好抵食，有原隻烏雞可以滋陰又補物，覺得個鍋值回票價，雞脾唔會太老，可食用。另外仲有養顏的杞子、南棗，湯入面的味道主要來自金華火腿和烏雞。職員建議先飲湯，後打邊爐，淡湯好好味、足料，食完成餐都感受到無味精。霜降肉眼肥牛 $178新鮮的紅色賣相，牛味香濃，而且不會過肥蝦丸半份$40蝦丸賣相晶透有光澤，入口彈牙、真材實料。至於點分係加重粉的普通貨定用真正蝦肉？曾經有大廚教過我，比較生、熟丸類的大小，如熟丸比生丸發大的，就係加粉(正如一般的白魚蛋)。而熟丸與生丸大小相若的，就是用

夏日炎炎都唔會阻止香港人想打邊爐既興致同決心😂又黎到養生殿食我最愛既酸菜白肉鍋因為夏天想揀得light d😄😄今次唔揀鴛鴦鍋 淨食酸菜白肉💃🏻💃🏻都係好有中國風味既裝潢 古色古香又有私隱度👏🏻準備開餐👍率先夾起啲水晶粉同試一試湯底酸mei mei好開胃 成晚飲左好多碗😂😂鵝肝墨魚丸食得出既鮮味 而鵝肝半溶狀態 香味滿滿的😊極上雪花肥牛口感很好 襯落酸菜白肉湯度令佢更有鮮甜味👍小羔羊肉片 真係如其名咁嫩 而且羊騷味唔重😉秋葵係my favor 新鮮！為肉食的我們帶來一點清新過左陣waitress 送上附加既一份酸菜白肉即刻心心眼😍😍食到一半加番啲酸菜 keep 番個酸味😏😏最後想講 七半前離座仲有半價 好抵食☺️☺️

今晚約了朋友打邊爐，店鋪雖然在內街，但並不難找。座位有屏風隔著，不錯。黑色為主調，但並不沉悶。要了個鴛鴦鍋一邊要寧神養心鍋，另一邊要養生鍋，既養心又養生，好正。湯底很足料，養心鍋主要有天麻、當歸、雞、魚、豬等制成；養生鍋有各種藥材及人參等餚制，十分滋補。厚脂黑毛豬梅花肉熟了之後，很腍，吸收完湯底精華之後，不用蘸仼何醬汁亦很入味，很可口。鮮甜三蔬有秋葵、玉米及山藥，秋葵打邊爐原來很正，由於湯底鮮濃，什麼材料都好味。鹽酥雞很香口，如果可以大粒小小更正。豆腐❣️