養心殿台式養生鍋 (已結業)

還未到7月天氣已經十分嚴熱, 令人食欲大減, 但Tony與朋友卻一時興起打邊爐, 首次來到養心殿, 餐廳的冷氣, 抽風系統相當好, 不令人滿身油煙臭味. 而食材都是經挑選過的新鮮材料, 湯底是最大亮點. 服務員亦服務周到. 就算在炎炎夏日打邊爐亦是種享受. 醬料區醬料選擇不算太多, 這大概是不主張客人進食時沾上太多醬料.寧神養心鍋拼美人鍋2個湯底都用上烏雞加上不同中藥材, 美人鍋清甜, 寧神養心鍋則香濃, 湯底有不少材料.各有特色. 建議大家未開始落材料前,可先品嚐1碗湯水. 就算飲下1碗湯都不會如味精湯般令人十分口渴.極上雪花肥牛每塊份量均勻, 厚薄適中, 肉質彈牙, 肉味香而不過份油膩即炸脆響鈴吸收湯底變得十分好味, 亦沒有油益味香菇貢丸大大粒份量足,肉質彈牙面充滿香菇味, 有別於一般市面上所食的貢丸, 推介關廟麵不經油炸的麵, 麵質彈牙, 是烏東/即食麵以外的好選擇酒香白肉酒味偏淡, 肉身爽口,不錯水耕菜比一般菜硬身, 但經煮過後菜味更濃.

晚飯時間........book了8點.......等了大約二十分鐘才可入座.....真是人山人海........點了美人和麻辣鍋 ............試兩款口味.........種類多多.............湯料足............讚........！手切牛...............嫩.......推介............丸拼盤...............豚肉......出息餃類...可雙拼食物質素不錯....新鮮...這間鋪頭真多1蚊..

香港人特別鍾意打邊爐，而我身邊嘅朋友就成日都會搵一啲特別嘅火鍋，自從我哋喺台灣食過台式火鍋之後返到嚟香港就念念不忘，今日就比我地搵到呢一間台式火鍋，咁就梗係要一試啦。我哋提早左三日訂位，呢度客人都好滿嫁，見到有啲人客冇訂位就真係食唔到囉。呢度嘅裝修好古典舊式，好有古老嘅風味，好特別啊！鍋底方面我哋叫咗一個麻辣鍋同埋一個養生鍋，麻辣鍋唔算太辣，因為有啲朋友唔係食得好辣但係都可以接受到，而養生鍋裏面竟然有半隻大烏雞，仲有啲當歸同杞子，感覺好補身，未開始打邊爐我就已經飲咗一碗湯啦，唔怪得佢個名叫做養生鍋啦手切本地肥牛牛味濃郁，色澤紅潤，而且肥瘦又好均勻，但係如果多啲肥肉我相信會再香口啲，放落麻辣湯底令到個味道更鮮更美味，真係精神為之一振啦⋯⋯麻辣湯底會有一碟鴨血贈送嘅，又爽又滑，好新鮮，同麻辣湯底非常之夾。新鮮響鈴，應該係啱啱炸起，上枱嘅時候仲係有啲熱嘅，我將佢放落個湯度，充滿着湯嘅香氣，放到入口，好滿足呀呢個手打墨魚滑，係我至愛，爽口彈牙，而且仲有蟹子嘅香味，入到口充滿層次，好有特色呢度啲嘢雖然比較貴，但係貴得有道理，因為啲食材好新鮮，絕對物有所值而且仲有啲小驚喜，喺洗手間會有一支漱口水俾

又黎養生殿，已經食第四次la，不過第一次黎尖沙咀分店，我成日都話呢度d湯底好足料，所以今晚帶埋媽咪黎進補一下。🍲養生鍋/美人鍋 雙拼 $188養生鍋有多種中藥材、人參、火腿、老雞等等，唔但只香又可調養氣血，非常滋補。美人鍋相信最受女士歡迎，有桃膠、烏雞、南棗，養顏聖品集一身，材料真係超級豐富，半隻巨大份量既烏雞做湯底，超級足料。🥢霜降肉眼肥牛 $178切得夠哂薄，非常索湯汁，牛味濃郁。🥢蝦丸 $40蝦味濃，夠彈牙。🥢冬瓜件 $48清清地，索哂兩邊湯底，消暑必備。🥢唐生菜 $58本身想食響鈴，但媽話打邊爐唔可以無菜，所以就順佢意叫左菜。🥢熱情果沙冰（贈送）打完邊爐，食返個沙冰酸酸甜甜透心涼。呢度d湯底夠足料令人難忘，所以一來再來，每次未開餐前都會飲兩三碗湯，最終我地兩個都抱住個肚腩走。😂

一心朋友生日諗住去食， book咗八點半，但八點半的時候他們的員工說爐壞了，所以要延遲到9:15 ,但之後九點鐘又打電話給我們話要九點半，等到九點半要叫我們去佐敦食，他們沒有位置給我們。但我是book了八點半的8位，原來他們沒有八人的枱， book時間的時候又沒有同我們講要分去坐，仲要是不能隔離的位置，他們說他們控制唔到。咁不如唔好俾人book時間，離晒譜!浪費我們的時間，完全態度極差，一定不會再去！之後個經理打電話來，他完全不知道公司有爐壞了，仲’吓‘唔係啩我啲同事有這樣說過，上下講嘢不一致，都不知是誰說謊的！

食過養心殿幾次，尖沙咀呢間就真係第一次！尖沙咀分店嘅門面好新好有中國feel ,而內部裝潢就同佐敦店差不多，價錢亦一模一樣。《薑母鴨鍋拼美人鍋》第一次食薑母鴨鍋，估唔到味道咁令人容易接受！湯中有唔少鴨件，吸收左湯底嘅精華，味道有藥材香味！而美人鍋就係我嘅最愛，因為有半隻烏雞，亦有養顏桃膠，最啱女仔補充大量膠原蛋白！湯底好足料！《手切牛肉 $238》呢份細牛肉睇落得12卷，但其實每卷都包含兩片牛肉，所以其實有24塊 ,二人分享係夠食既～牛肉雪花分布都算唔錯，肉汁同油花都令人滿意！《餃子拼盤 $118》餃子拼盤好適合二人分享，因為有六款餃子每款兩隻，包括水餃、雲吞、韭菜餃、馬勒牛肉餃、魚皮餃及水蓮餃。每款餃都好有質素，而且味道的確有分別，絕對唔求其！我自己就最鍾意雲吞，爽口彈牙～麻辣牛肉餃的確有麻辣香味，唔食得辣嘅朋友唔使擔心，係容易接受到嘅辣度。《蔬菜拼盤》最驚喜嘅係最後有芋圓糖水送！真係好開心！

今晚同客人食飯，她是外國人，很少火鍋，今次帶她去她住宿的酒店附近的養心殿台式養生鍋，一試涮下涮下的滋味。門口光猛，整個門都是用電子顯示屏幕拼成的，另，店舖是在地庫，所以要行樓梯到地庫。入到去，完全是另一種感覺，很台灣feel呀!! 每枱的私隱度算高，有屏風隔著。枱大櫈大，所以幾舒服。要選鍋了，女性客人，選美人鍋就全對了。食材選擇多而特別。提供的醬汁也多， 有豉油，蒜泥汁，香醋，香蔥，紅辣椒及莞茜。美人鍋有保身的烏雞，又有桃膠，yummy!!嘩! 鍋子很大，烏雞也很大隻手切牛肉 都有十幾塊厚切適合我這個牛痴。牛肉起雙飛，有點像切鯇魚的刀法，所以食時很有質感。手工丸類拼盤有鵝肝墨魚丸，黑松露蝦丸（很強勁的黑松露味)，芝士牛肉丸，墨魚丸，蝦丸及梅菜豬肉丸。爽滑而彈牙。鴨血香港火鍋店少有的材料不用去台灣也食到了雜錦蔬菜盤稻庭烏龍麵食後感： 份量大，食物很新鮮，坐著食著慢慢傾都食不完最好的是不限時，真的很舒服，會再來，不過會叫多幾位朋友來

本人同女朋友都好鐘意打邊爐，今次就搵左位於尖沙嘴嘅養心殿。一入到去覺得環境好特別，好有古代feel，另客人享有一個私人空間。試左佢個寧神養心鍋 用料豐富 味道幾濃郁 唔錯 之個叫左啲牛肉 豬肉 配菜等等 都食得出平時任食火鍋嘅好 不過一分錢 一分貨 價錢當然有返咁上下 想黎返個有質素嘅火鍋餐都可以黎一試

素聞養心殿火鍋很不錯，但Lunch打邊爐自覺太heavy，就叫了Set Lunch 試一試。先送上了一壺茶，不懂茶葉卻也覺得茶味很不錯，惜set lunch已有湯和飲料，喝不上幾杯。餐湯非常有誠意，參燉烏雞湯，用料非常實在，有圓肉、杞子等，非常濃郁！沒想到跟餐湯品如此用心！我的招牌極品台北牛肉麵，麵條細而滑溜，湯底清澈無油，實著很少見到一碗牛肉麵的湯是可以清澈見底，湯底帶陣陣麻油味，和吃麻油雞有異曲同功之妙，感覺新鮮且非常養生。

好耐無出去打過邊爐，近期得知有健康打邊爐既養生鍋，即刻去試一試。約左朋友收工之後就前往目的地。果然不錯，湯底都是精心配制的中藥鍋底。寧神養心鍋除了有魚及雞外，還有不同種類的藥材，湯底就似係係家中飲用的中湯一樣，湯味及用料都可以說是材料充足及花時間制作而成。霜降肉眼肥牛打邊爐不可以缺少的主角一定係肥牛，霜降肉眼肥牛的似質十分柔軟，另外牛味十分濃郁，加上湯底的加持之下更可以減少了牛肉的油膩感覺，更加上了中藥的香味。令我食完有難忘的感覺。手工丸類拼盤/切片年糕/白玉蘿蔔個人認為一間火鍋餐廳的自家手打丸可以反映到一間餐廳的好壞，用料要新鮮亦需要花時間即日制作不是一件易事，6款手打丸伐款我也試了，款款也好出色。口感爽口彈牙肉味也十足。另外的白玉蘿蔔煮完後也十分鮮甜沒有任何渣，選料都非常不錯。芋丸糖水食完後也送了芋丸糖水給我們，芋丸十分煙韧十分有口感，食完打邊爐再食糖水真係十分滋潤。

星期一晚訂左枱唔洗等都有位兩個人叫左兩款湯底麻辣鍋同美人鍋麻辣叫左中辣食譚仔三小既我覺得係冇味最後自己加一碗鮮辣招先有啲味入面本身有鴨血 台式食法啦美人鍋...有隻烏雞 都不錯吃 幾足料牛肉粒幾好味唔錯羊肉片唔會太soo個水蓮菜出面少有都可以試下其他野都冇乜特別丸有丸味松露丸味唔會太重梅菜肉丸都唔錯呢個價錢真係比佢交租都係特價先食啦唔食海鮮既人去食旺角啲任食火鍋仲多選擇仲多醬料 性價比一定仲高響鈴食到我講粗口乜野新鮮即炸 我用我味覺保證一定唔係炸完放左係到唔知幾耐有種「益益」地既感覺 又唔脆真係難食過我係街市買一盒盒果啲烏冬係正常稻庭烏冬 份量都算多既呢間野 食一次就夠🤦🏻‍♀️點解會話係好養生既火鍋因為佢都冇咩值得比評價

一路都想試台式火鍋，咁啱今日搵到呢間主打藥膳湯底嘅養心殿，咁當然要試吓有幾養生啦。一入到去就覺得室內嘅設計好有古典氣息，間間座位都有仿古雅致嘅味道。先為睇睇餐牌有好多唔同嘅鍋，我哋今次就揀咗寧神養心窩，巧手小菜亦有多款台式食物選擇。更有多款由台灣入口嘅配料今日嚟到咪Facebook ,仲送鹹檸七，凍檸蜜或者酸梅湯。真係10分正配料都好特別，唔單止有芫荽同醋，仲有中間嘅蒜蓉汁，食到超重嘅蒜頭精華用20斤鮮魚煲成既湯底，一嚟到真係充滿魚鮮味，未放食物之前，已經要飲番幾啖甜湯好香藥材味 而且十分足料鮮嫩嘅豬花腩，甜甜豬肉味重油豆腐 健康之選 完完全全可以吸曬啲湯汁🤤雜菜盆亦擺放有心思 而且多款好新鮮。粟米更加係超甜必吃既手工丸粒粒都彈牙既墨魚丸，口感豐富台灣火鍋必點既鴨血😀，完全唔會有腥味。好滑又好嫩口 吸左湯汁更加入味份量都幾大塊好正 會再幫襯 健健康康唔怕太肥利

養心殿之前食過好幾間，今次去尖沙咀分店，分店雖然唔係大街，由尖沙咀西鐵N1出口出，過白蘭軒道右手路口便是棉登徑。餐廳店門彷如一條時光隧道，梯級直落便到達餐廳。右手面有Bar枱，每餐桌都了通花屏風間開，樣客人有私人空間的感覺，又不會感覺侷促。煱底選了酸菜白肉及麻辣煱，之前好多時同行朋友都不吃辣，今次終於可一試麻辣煱。麻辣煱內有鴨血、千層冰豆腐配上各種香料。酸菜白肉煱除有酸菜、五花腩，還有QQ寬粉。湯底可選免費加配湯料，朋友選了加配酸菜白肉。白肉食落一點都不膩，肉質軟骨爽口，還有微微酒香。手切牛肉點了個小的，實際份量也不少，4個人吃很足夠。 韮菜餃皮爽，韮菜香溢。厚脂黑毛豬梅花肉，肥瘦均勻，淡淡肉香。涮鍋小羔羊肉片不會太羶味，在麻辣煱滾一滾，配少少芫荽老油條即脆口，浸在麻辣煱數秒，外層陣陣麻辣湯香，老油條內仍鬆脆。朋友對QQ寬粉寵愛有加，所以多點一碟。不論在任何湯底，QQ寬粉吸收了火煱湯味，彈牙爽口。火辣辣中不忘一口生啤真係食幾多次都要再來

食養心殿晚餐食得多，食午餐真係未試過，今日係尖沙嘴行街，行之前就搵野食啦，好耐冇食過台式吐，就決定一試😗都唔少選擇，本身想食三杯雞點知未有😭一份肉燥飯套餐係有咁多野，湯、餸、肉燥飯同鹹菜，勁豐富🐒餸勁多朋友嗌左鹽酥蚵仔，熱辣辣蚵仔又大粒，仲食到蚵仔海水鹹味，唯一係凍左就唔好食，要趁熱！我就嗌左鹽酥雞，雞粒唔算大粒，唔乾身，加埋胡椒粉好香🦁鹹菜都好足份量，有海帶結又軟又入味！值得一讚係個湯，好有蔘味，又足料😗飲完一啲都唔口渴😻套餐仲送野飲，有烏梅汁同菊花露，自家煲架好好飲🤤

星期五放工梗係要食下好西😍😍我同男朋友講左十萬次好想打邊爐後，佢終於帶我食高質邊爐🤭🤭🤭🤭🤭個晚因爲收工要上堂我地book左8:30pm, 去到餐廳滿晒人，好熱鬧！我地等左15分鐘就可以入座啦！其實9:30後火鍋配料有七折，不過太肚餓就算啦😵我地揀左麻辣鍋拼寧神養生鍋！麻辣鍋我地揀左小辣，湯入面有鴨血同豆腐！(鴨血可以追加一次）個人覺得小辣唔算太辣，如果食得辣既人可能要食中辣以上先足夠😍麻辣湯一d都唔覺得油膩又唔會太麻搶走食物嘅味道！鴨血同豆腐都相當入味！好正喔！ 寧神養生鍋有鮮雞，豬肉，鮮魚同中藥餚製而成！湯味濃郁清甜😋火鍋配料我哋揀咗一份手切牛肉，黑柏葉，手工丸類拼盤，寬條麵，什錦蔬菜盤同牛肚！手切牛肉(小)真係好正！肥瘦均勻，肉質甜鮮甜鮮嫩！輕輕一滾就可以食😋😋份量都算多，每人都有十片左右！所以我成日寧願食貴小小都叫手切鮮牛！黑柏葉同牛肚係好多台式火鍋店都有，黑柏葉一滾’巒’埋就食得，黑柏葉配麻辣湯好正，而牛肚就要滾耐小小先夠淋！兩個人去打邊爐，手工丸類拼盤係一個好好既選擇，因為可以一次過試晒唔同嘅手工丸類！鵝肝墨魚丸，黑松露蝦丸同芝士牛肉丸都好正！手打丸食落好新鮮，肉夠彈牙，但