養心殿台式養生鍋 (已結業)

今次是第二次食養生鍋，和男友二人世界。*美人鍋X養生鍋 ($188)貪心的點了兩個湯底，兩個都是第一次飲；點解是飲？因為我真的會飲一碗，才開始烚下烚下。左人邊的美人鍋，味道比較清一點，口感厚一點；右手邊的養生鍋，藥材味道濃一點。養生鍋有烏雞，煲好耐雞肉都仲好滑。*雪花一口肥牛粒 ($138)肥牛粒厚身一點，煮耐少少都唔會過熟；肥牛粒很淋很有牛味；臨食完的時候，決定全部放落個隔道煮。*蝦丸 (半份) ($40)蝦丸很爽口彈牙；*自家製水蓮餃 (半份) ($42)餃子是水蓮拌豬肉餡，水蓮有一種獨特的香味。*紫准山麵 ($38)麵條紫色的，很有彈性，不用煮太耐。*雜錦蔬菜盤 ($68)蔬菜都很新鮮。

聽過養心殿好多次，但一直未試過。今日終於去咗試，上網睇話8:30後入座有7折。起初以為部分食物先有折，點知原來全部都有，真係好抵食！叫咗個酸菜白肉拼麻辣，本身個鍋已經好多餸，點知麻辣鍋仲可以免費加一次鴨血。原本諗住叫飲品，點知睇到餐牌上話like Facebook page+打卡可送免費飲品，咁樣就慳返幾十蚊喇食物新鮮又企理，唔知出面火鍋店整到好求其又好似放咗好耐咁。佢個炸午餐肉看似平平無奇，但用來打邊爐真係一流，因為呢到個午餐肉炸到好脆好香口！

港人最愛的食物，火煱可算是首幾名了，今次再加上養生的湯底，的確要試試。地點十分之方便，一入食店很香麻辣煱的味道，加上木的傢私，好像返到古代，湯底方面，我們點了竹絲雞及酸菜白肉，湯底食材十足，可以當湯飲添，此外餃子及丸類是手工的，十分足料又新鮮，又有半份及全份下單比我地選多幾類。肉方面今次點了豬肉，並不是很肥但又好滑，再附上少少的菜類，今餐十分滿意，又可食火煱又可養生，又有少少台灣風味，最重要冷氣十分足夠，舒服又好食

天氣很熱，但無阻我們打邊爐的興致。餐廳在內街，但並不難找。冷氣好凍，而且抽氣做得好，所以夏天打邊爐有另一番風味。台式火鍋湯底很特別，會有很多材料。要了個鴛鴦鍋，一個養心鍋，一個薑母鴨鍋。養心鍋有魚頭、烏雞等，天麻當歸味很濃烈，很滋補。而薑母鴨鍋的鴨很嫩，蘸上腐乳醬真是很正。薑味都幾重，很養身。個湯底已有很多肉，不點肉類已超飽肚。墨丸、蝦丸幾爽滑，韮菜餃、雲吞很實，很有咬口。8點前結賬，更有7折優惠呢！

已經不知道第幾次來養心殿了，今次和2個閨蜜來，當然和平日吃的東西有點不同。和閨蜜一起當然是要把酒談歡，這次我們真的是不醉無歸，見到紅白酒都是$168一枝，這個價錢無法抗拒吧！甜甜的容易入口，3個人喝了兩枝！下酒菜當然是鹽酥雞，雞即點即炸，口感香脆，咸度適中，非常好吃！回到重點，這次點了麻辣鍋拼酸菜白肉鍋，麻辣只是點了小辣，味道不是很刺激；酸菜白肉是越吃越有酸味。火爐怎能沒有牛！手切牛紅白雪花分別，賣相不俗，牛味一般。我們最愛的其實是鴨血，件件都很有口感，很難在一般火鍋店吃得到。水餃拼盤完全滿足三心兩意的我們。每款都餡料充足。

收工黎到，好睇友人羅到位，見到室內都滿座。逼不及待要入坐。裝潢很好，與其他分店都類似格局，中式傳統，有間格睇餐牌選了美人鍋和酸菜白肉鴛鴦鍋（$188），計最貴個鍋的錢見到一大支Asahi叫，知我鐘意小酌兩杯的人，當然不少得叫番支三個女仔，一邊打鞭爐一邊飲，最好不過等鍋底滾要點時間：酸菜白肉湯底除了酸菜和白肉，還有粉條、蕃茄；美人鍋就有原雞烏雞、桃膠，還有杞子、南棗、金華火腿，兩種鍋的湯底都好吸引，又足料叫了年糕，但我嫌切得有點薄，厚身點會更有口感肥牛叫了霜降肉眼肥牛，肥瘦均勻，食落很有肉味午餐肉是一早煎好，可以照食，但如放在湯中，會更滋味，不妨試一試今餐食得好飽，因為無限時間，所以一邊傾計一邊食，不知不覺時間過得好快。滿足

聽朋友講過呢間出名湯底，而家仲有現金優惠一律7折，就即入去食！空間都算大，好多古式古香既屏風，每個卡箱都好獨立，燈光小小暗，傾計打邊爐的確不錯！我揀左酸菜白肉鍋，潮濕天酸湯開胃，其實想叫美人鍋/養生鍋，後尾發現原來有鴛鴦鍋架白肉鍋仲有個好，可以免費追加一份酸味白肉！鍋都幾大，好多大白菜、豬王花腩、仲有QQ寬粉條，其他餸都未黎，淨係個鍋都吸引，太足料吧！有醬料自助區，同平時一大兜生蒜、炸蒜不同，呢度係蒜泥汁，開放式黎講，擺放地方都乾淨！火鍋料一般黎講大概$40到$80，而海鮮、肥牛就睇級數，百幾到2百幾都有！豆品類 即炸響鈴3大舊，同平時食開一卷卷既唔同，幾有新意！餃類 自家製韮菜餃，有半份或一份揀，我地2個人就揀了半份，韮菜好香，隻隻都皮薄足料！滑類 必點蟹籽墨魚滑，可以要將熱匙羹浸浸熱湯再刮出魚滑，會更容易刮出的！最正係墨魚滑彈牙，蟹籽又卜卜脆！其他類 潮州白魚旦（12粒）蟹棒有6條，有口感，唔可以煲太耐，會一絲絲散開！嚴選新鮮蔬菜類 白玉蘿蔔清甜，要煲耐d，無咁生硬！精選肉類 酒香白肉薄薄地，酒香味偏濃！整體環境服務都ok，每碟份量唔算多，我地叫左7款料都夠飽！讚好page同打卡有

雖然天氣開始熱, 但依然無礙我去打邊爐既心! 其實我係好少打邊爐, 但唯獨呢一間令我會再次光臨, 原因係呢到淨係湯底都已經好足料, 仲要係全部都養生既材料, 一改我覺得打邊爐就是肥膩既感覺, 所以今次就帶個食野比較健康既朋友黎, 就佢方便揀左尖沙咀分店, 原來而家已經開左咁多間!!! 係咪要開夠十八區哈哈哈!!!尖沙咀分店比佐敦更加涼快, 但裝修就差不多, 都係滿滿的中國風既古典裝修, 都幾full,好彩一早訂好左位!今天都係叫養生鍋同美人鍋, 美人鍋最岩我, 因為有成隻烏雞係入面, 難得在於雞肉超滑身, 一撕即開既雞肉食落好方便, 仲有大量杞子、金華火腿同南棗等, 南棗比紅棗無咁燥熱, 果然係美人鍋! 而養生鍋既大量人蔘亦都係滋補既重點呢!!!!!配料我地揀左招牌鴨血先~~~ 好記得上次食好驚艷, 點解咁遅先發現到佢XDD 比起豬血佢更加有彈性, 而且一啲都唔腥, 連我朋友本身抗拒都覺得唔錯, 四十幾蚊一大碟, 同埋唔洗煮好耐已經食得!朋友點左呢個手工丸拼盤, 我平時唔多食丸, 因為覺得好多丸都係加左太多人工野, 但呢到寫明係手工丸, 包括左鵝肝墨魚丸、黑松露蝦丸、芝士牛肉丸、墨魚丸

之前去過佐敦嘅養心殿，對佢地嘅麻辣湯底同配料都有好好印象，今次再約朋友嚟尖沙咀嘅分店一齊食個痛快。位於棉登徑嘅養心殿喺地庫位置，門口用LED屏幕，夠晒型，夠晒搶眼。入到嚟周圍咁型嘅燈光，唔似一間食肆，以後自己落酒吧添裡面嘅環境都係同其他分店一樣，都係用中式屏風作間隔、中式枱櫈，如果人多嘅話可以訂張圓枱寧舍間開一個地方坐得夠晒舒服每次都喜歡等嚟齊晒野食影張色彩鮮豔嘅大合照，鴛鴦鍋尤其搶眼是晚精選麻辣鍋（中辣）拼寧神養心鍋我好欣賞呢度嘅麻辣鍋，除左有花椒嘅麻、辣椒嘅香，再加上龍眼乾嘅甜味中和返，所以叫中辣都唔係好辣，又唔怕一層紅油，湯底仲有埋凍豆腐同鴨血添，未有配菜前可以食住先寧神養心鍋其實即係川芎、白芷、天麻、當歸、鮮雞豬肉湯底、再加鮮魚頭，經過4小時餚制而成。湯底有好香嘅藥材味，我自己本身就好喜歡川芎白芷魚頭湯嘅味，未開始落生料前先嚟品嚐一下個湯底，果然好鮮甜，飲完成身好溫暖嘅感覺鹽酥雞＄58餐前先來一客台式小食，胡椒鹽味好香，酥脆可口又惹味鹵大腸＄88肥美嘅大腸煮得夠淋夠入味，鹵水味道好香，又不太咸不會鹵到味太實，味道恰到好處，作為餐前小食真係無得頂黑松露蝦丸＄48拼自家製麻辣牛肉餃

難得放假，接媽媽收工同埋叔叔一齊食晚飯。今年無時間無錢帶媽媽去旅行，只好成日帶佢去食好野。行行下見到成條街好多食肆，見到好靚既門面，又講到好養生咁，就吸引左我地入去。 入到去真係好有舊台灣感覺，所有擺設都好有feel,即俾媽打左勁多卡，係媽媽群度炫耀。同媽媽最想做美人，選左個美人鍋。足料一隻烏雞加好多桃膠，真心食個鍋都食飽，烏雞好滑身，唔鞋口，又滋陰，媽媽狂食。桃膠對女人皮膚好，成晚我都係咁拎黎食。 不過肥媽唔會咁快滿足，叫多幾碟野試下。 雪花肥牛，雪花比例良好，落到湯底好入味，牛味濃。自助醬料區，不過我就無用過了，因為湯底都好夠味。 左自家制雲吞、黑松露蝦丸、自家制水餃，自家制雲吞同水餃都勁大粒蝦包係內面，好足料，勁好咬口，之後忍唔住再叫多半份。 黑松露蝦丸，好香黑松露味，彈牙。鮮蔬拼盤，新鮮山藥好入味，又有營養。 牡蠣（生蠔）好飽滿又新鮮。紫淮山麵，本身麵無咩味但一加埋呢個無得輸既湯底，麵沾晒湯既味道，食多幾碗都得。

星期五晚，7點半訂檯，我地自己未齊人，親身落去改個booking做8點。8點返到去，根本無留檯俾我地，不停話有檯埋緊單，下一張到我地。最後8點45分，所有其他人（包括walk-in客）都坐低咗，我地都未埋檯。等咗一個鐘，即係9點，話帶我地入房，點知係一間超細嘅卡拉OK房，四個大人要彎腰食，起翻身個頭仲會撞到部電視。最後無食走咗，所以無從評價食物質素。其實咁唔認真處理訂位嘅話，不如全部walk-in啦。

好久沒吃火鍋了，這天便相約了幾位朋友一起來到人氣挺高的養心殿。養心殿雖然在香港分店已經不少，但即便如此，每間分店的生意依然很好，全場爆滿。一坐下便馬上點了湯底。湯底的選擇有6款，貪心的我們點了鴛鴦鍋，可以一次過有齊兩款湯底。我們點的是酸菜白肉鍋和養生鍋。點好湯底之後才慢慢挑選火鍋配料。大約等了10多分鐘，我們點的湯底便上桌了。兩款湯底都很足料，裏面的材料都很多。養生鍋以各款藥材、人參、金華火腿、老鷄、豬肉熬煮而成，難怪湯底會如此鮮甜，還喝到藥材的甘甜。反之，酸菜白肉鍋則惹味得多。酸酸的味道很開胃，裏面的材料有五花腩肉、大量酸菜，還有口感QQ的冬粉。裏面的酸菜和五花腩肉還可以免費encore一份。在正式打邊爐之前，我們都一連喝了好幾碗湯呢。霜降肉眼肥牛。肥牛質素不錯，肉質很軟，而且牛味也很突出。小羔羊肉片。薄切的羊肉片帶有少許羊的羶味，但不會很濃烈，可以接受。黑百葉。大約刷10秒的黑百葉，口感爽脆，很好吃。豬天梯。第一次打邊爐吃豬天梯，很特別。豬天梯的口感十分爽脆，很過癮。千層凍豆腐。每次打邊爐必備的千層豆腐，吸收了火鍋湯底的精華後味道一絕。鮮蝦滑。蝦滑也是我吃打邊爐很喜歡的一款配料，這

訂咗8點四位，吩咐我哋遲到10分鐘就取消訂位。準時到場，坐到9點，連Walk in 客都無晒，我哋仍然在痴痴等待。明明已指定埋邊張枱，等客人埋單就俾我哋，隔離枱8個人擺佢埋張4人枱，嘈完就拉原定俾我張枱過去。同知客姐姐交涉，佢一句：我都唔想吖，扭頭就走，然後因為只剩我一枱客未有位，直情棄守知客位，由得我哋自生自滅。我哋4人都斯斯文文，好蝦啦，我諗。然後，阿姐話俾個房我哋喎。行入去，原來是一間卡啦ok房，矮櫈矮枱gas 爐，好嘢！終於發爛：你唔係俾間卡拉OK房我嘛？阿姐：呢度無卡啦Ok唱喎！我已經係全場最努力幫你嗰個喎！我哋結果頂唔順，唔再委屈阿姐了。

有時陪女神食飯都幾傷腦筋，又要就晒佢又要啱口味，最緊要有驚喜，咁先至氹得佢開心，知道近排女神好忙，又係時候帶女神去食好嘢，希望啱佢口味，講番呢次係食台式火鍋，鍋底有別於平時食開果D，而且比較適合女仕享用，我當然點咗招牌美人鍋同麻辣鍋一同品嚐，再攞埋醬汁點埋火鍋料，等咗一陣就有得食，先講麻辣鍋湯底有多種香料，藥材，鴨血同凍豆腐夠晒豐富，而且鴨血仲送多一份真細心，美人鍋亦一樣用料十足，飲落滋潤啱晒女神口味唔怪之得叫美人鍋，所以鴛鴦湯底冇走雞輪到品嚐火鍋先有御選梅花豬，估唔到入口肉質咁嫰滑，仲以為食緊牛，到叧一款就梗係肥牛，肉質脂肪較為肥美，放入鍋燙一燙就食得，食到肥牛嘅香滑啖啖肉肉味濃，再點埋醬汁食更滋味，除左火鍋食外仲有台灣特色小食招牌鹵味拼盤，未食已聞到陣鹵水味道，分別有牛肚入口爽滑，牛腸肥美香甜同牛𦟌肉質細膩，而且鹵得好入味啱晒我口味，其後繼續食埋自家製雲吞已經食得好滿足，用料十足，入口彈牙爽口，夠晒味道望見女神食得開心已值回票價，又要再搵其他特色美食留待下次俾女神surprise 。

之前已試過另一間分店，今次想試下尖咀分店，發現水準依舊好。坐好店員已向我們推介現在的推廣話動，只要讚好尖沙咀店面書，便獲免費飲料一杯，正！醬油調味係放係出面自助的。我叫咗個養生煱，好足料，有烏雞、桃膠、紅棗等，滋保養生。我當天叫了很多餸，分享幾款我至愛的食物。呢個牛肥瘦適中均等，牛味重。呢款雜綿肉丸不錯，至出色係墨丸，好彈牙。呢度的蔬菜藍算不錯，份量和種類也算多，幾抵。人多至岩叫呢款雜錦餃子，隻隻味也不錯。其實我仲叫咗個粉，吸收咗雞湯的味真係好正！必試！