響 - Hibiki 日本燒肉 (已結業)

諗返起之前去日本指定動作就係去食燒肉，自己係屋企永遠唔會整到果種味道, 而且全係食極都唔會厭，今次有朋友提起想食燒肉放題, 就依openrice 的search result 搵左間日式燒肉店做今晚晚餐。店內面積不算大, 但樓底高, 坐得幾舒服。除了主打烤肉, 熟食、烏冬都有供應。而且唔單止汽水同茶, 連日本清酒紅白酒同梅酒都係任飲, 剩飲都化算。 先上黎的係刺身拼盤選擇都幾多,三文魚甜蝦帶子油甘魚呑拿魚八爪魚和海膽三文魚夠肥美, 如果帶子切厚少少會再開心D帶子同油甘魚嘅質素都幾高, 我地之後都encore 左幾次,以放題店來講, 這裡的刺身嘅質素都算唔話得之後上的係海鮮拼盤鮑魚比想像中大隻厚肉，口感帶勁煙煙刃刃 蝦夠大隻, 螺都好鮮甜喜之次D肉都夠白夠鮮然後就到重點嘅牛肉，和牛牛肉的質素很高肉質好香, 肉嫩又juicy，澳洲和牛胸腹色澤鮮紅, 脂肪分佈平均, 澳洲和牛肉眼同樣肉味幾出, 脂肪幼密細緻澳洲和牛西冷燒至五成熟就食得, 夾著絲絲脂肪, 咬個時啖啖肉啖啖汁七味豚拖羅（豬頸肉）厚薄適中, 燒到有焦面就可以食, 豬肉味甜, 感覺脆口骨付雞肉腸惹味鮮嫩又多肉汁, 食起黎有少少焦香味

同姊妹係裕華買完野，個肚餓到不得了，大家不約而同想去擦餐勁，係openrice一search, 見到喺後面街有間專食燒肉嘅餐廳好多好評，於是就上左去食！間餐廳叫響，7點半不到，已經坐滿了人！店員非常友善，帶我地到座位，為我地介紹幾款醬汁，同各款頭盤，包括刺身、海鮮、燒肉類，另外又同我地講飲品同甜品可以自己出去攞。檯面上已經烤肉既醬汁, 刺身豉油，鹽，黑胡椒等等。先講頭盤海鮮鮑魚清甜彈牙, 喜之次夠新鮮，螺夠爽口，不得不講嘅係嗰幾隻大蝦，燒得香口又勁甜。另外刺身類都幾多款式三文魚吞拿魚八爪魚帶子海膽甜蝦樣樣都有，全部都好新鮮，而且雪味唔重，唯一美中不足的是吞拿魚切得比較薄。刺身另外燒肉類全部都係和牛黎，澳洲和牛西冷， 表面輕輕烤至金黃焦香, 滿口牛香和牛胸腹燒完保持軟熟口感，帶少少肉汁，好味。和牛肉眼入口有豐富牛油香，而且唔使調味其實都已經好好食。 另外牛肋骨肉味都濃！七味豬頸肉肥瘦相間，燒好後表面帶金黃色，小小焦邊但入口脆脆，一口吃下，肉味香濃 油香四溢 ， 令人齒頰留香。除此之外仲有其他熱食例如天婦羅，烏東，榴槤波波。 至於甜品有 來自瑞士嘅movenpick， movenpick

10月又是我生日的月份不斷食了大大小小的生日飯這間確實不錯，就跟大家介紹一下坐下之後後，覺得連餐具都很有心思坐下不久，不用order就先自助上了一盤海鮮！(某幾款海鮮不能REFILL)再來一盤刺身看看有什麼肉可以點我們就來看一起到底有多新鮮？之後就先在四處打轉看看有什麼先到了雪櫃，飲品選擇都算多而且還包含了啤酒還有梅酒、柚子酒...等等有紅酒、白酒對啤酒有要求的話..不愛吃雪櫃的那款可以多加48任喝這個(最最著數是10:30後放題可以免費任飲)想養生點，連茶包也提供了3款沒想這裡竟然有MOVENPICK雪糕！再回去我就已經見到一堆肉了沒想到店裡很貼心，都MARK好了那款是什麼肉最大好處是你吃了覺得喜歡再點，不用全都再點我很喜歡骨付雞肉腸縱使明知道他不是什麼貴價品多謝上天給了我一個很會煮東西的男友連出外烤肉都可以烤得超好無論肉類跟海鮮都控制得很好真的是剛剛好當然肉質好才敢這樣做簿的烤的時間更短豬頸肉非常搶火喜之次非常嫩！再叫的的時候我真的有再雞肉腸朋友就叫了鯖魚，男友本來還跟我說骨很多不過我覺得不錯吃呀！天婦羅就一般店的水準甜品亦是中規中矩，還有MOVENPICK雪糕嘛因為是生日飯不用我

為屋企人補祝生日，諗住食好點。訂位時知晚上每位餐費要四百幾蚊，咁埋單連加一就每位五百多元。以為俾這麼多錢出去，應該食物質量很不錯。結果感覺是一般啦。一坐低會每檯先來一份肉，一份刺身，及一份海鮮。每盆食物都擺到好靚，尤其是個肉，放晒紙牌仔，影相包得。但食落，肉just ok. 為何咁講，感覺別家的牛肉和味及鮮味很多。鮑魚算大隻，但完全冇鮮味，冇得追加都不緊要囉。刺身件件都是薄切，所以沒有口感。第一份刺身的海膽都很新鮮，又係冇得追加。最深印象是後尾追加幾隻蝦及牛肉就非常新鮮好味。不過那時都吃飽飽了先前不太優質的食物，所以都沒有繼續追加。也有其他食物無限供應, 最正是天婦羅蝦.  不過以款式來說, 跟別的放題店相比並不算多, 但亦算夠.  再多我也吃不下.有餐酒無限供應, 我們都破例舉杯cheers湊熱鬧.  喜歡飲酒的人士會比較適合.雪糕有好幾款，包括movenpick， 其他小甜點就不太合個人胃口。可取點是服務好及環境舒服，唔太嘈，不似平日那些放題店有打衝風感覺。臨尾結賬話填上個人資料入會，下次八折。因為整體來說來一次已很足夠，沒有太大興趣再來了，那就無謂填上私人資料。

呢一間燒肉放題價錢由$408－$508一位成人，價錢就屬於中價。主打和牛，刺生同飲品。整體嚟講我就覺得幾抵食，因為和牛同刺生呢2樣野都唔難回本。而且佢有2個半鐘任食，所以係慢慢食唔使急住咁燒。肉食呢度有個細心位就係所有肉類都有個細牌話你知你食梗嘅係咩肉。澳洲和牛西冷和牛西冷，比一般嘅西冷多一陣油香，同嫩一啲。澳洲和牛肉眼係咁多種最好味嘅一款，油脂比例都算係平均。雖然未去到入口即溶咁誇張，但係肉質好淋，唔使咬就分開到。而且都幾香口。澳洲和牛胸腹脂肪比例西冷多少少，肉味係最濃，但係唔會太靭。呢個我個人黎睇都好滿意。骨付雞肉腸幾有驚喜嘅一味，雞肉同脂肪有少少唔平均咁分佈留返少少口感。唔會似有啲好假嘅雞肉腸咁。而且呢個雞肉腸都好香口。我地都encore左兩次。手羽本身就有加左少少味上去，味道唔會好濃，食落幾唔錯。唔似得出面果啲雞翼完全無味或者極重味，少少肉味都無。海老天婦羅脆漿幾脆，蝦都大隻，應該係新鮮整出嚟。比起平價放題有明顯分別。不過就要遇多少少時間去等。刺生海膽新鮮，濃味。可惜係唔可以encore。而其他刺身以放題嚟講都算幾厚身。食得幾過隱。海鮮有蝦，喜之次，蠔，螺，蝦同鮑魚。飲品呢度嘅

壽星月飯局朋友一早幫我預約了這一間帶我食好東西刺身、燒肉、海鮮、天婦羅樣樣都有齊環境寛闊光線充足佈滿櫻花的吊飾 極具和風感而且食物高質味道不錯！還有多款汽水、啤酒、茶提供絕對適合慶祝、約會、朋友伴侶暢談的好地方刺身有三文魚、甜蝦、油甘魚帶子、赤魚及八爪魚個人最喜歡這裡的油甘魚厚嫩滑肥美好味口感鬆軟滑溜！三文魚帶子細膩鮮味滋味滿足！推介！燒物澳洲和牛胸腹輕輕燒一燒 已甘甜柔軟風味濃厚 油花細緻咀嚼感十足 juicy惹味七味豚拖羅(豬頸肉)豬頸肉肉質肥美帶微辣再燒一燒後香味四溢 咬落去味道濃郁彈牙爽口 口感爽脆推介！澳洲和牛西冷切成長條形狀滿佈油花 燒完啖啖油香有入口即溶的感覺 juicy美味！澳洲和牛肉眼接近胸部的肋肌位肉質鮮嫩啖啖多汁肉味豐厚 推介！美國牛肋骨油花細緻分佈均勻肉質軟嫩 入口軟滑甘甜推介！一口牛粒肉質嫩滑腍juicy!!推介！手羽(雞翼)雞翼燒至金黃色滑嫩冇雪味 點上燒烤醬 口感豐富！骨付雞肉腸一般店舖比較少見有雞肉腸燒醃過的雞肉腸皮脆肉嫩 肉質不油膩天婦羅及炸物絕對推介榴槤炸彈及芝士年糕！榴槤炸彈 外脆內軟咬下去滿滿既榴槤肉 香氣濃郁芝士年糕 熱辣辣 芝士呈半溶狀態入口

instagram: sharingms💰每位$408 加一(8pm前離座)一入座時職員會送上一盤刺身及燒肉拼盤，令客人不用等就有得食和燒😘刺身盤中有非任食的新鮮海膽，味道鮮甜無比、帶點天然海水味，食得出是靚貨😍😍.這裡的牛肉主要有澳洲和牛及美國牛兩類🐄除了牛肉，還可選日本豚肉、雞肉、海老及鯖魚個人認為澳洲和牛最出色，雖然做不到入口即溶的效果但肉質好嫩滑，完全無筋而且肉和脂肪比較剛好，不會有很油膩的感覺🤤.除了燒肉，店舖亦有一般的熟食、炸物、小食、甜品及刺身供任食款式雖不多，但整體質素不俗👍這裡的飲品種類反而算多，酒也有梅酒、柚子酒、清酒及日本啤酒可選個人最喜歡的就是清新的柚子酒，配上燒肉享用超級解膩同開胃😋.品嚐完正餐後，豈能放過誘人的雪糕雪條！😛各款口味的movenpick 雪糕、dreyers雪條都可供選擇，食完燒肉後吃幾杯都已經可以輕鬆回本😎另外，榴槤迷必定要試榴槤gelato及榴槤雪條，榴槤味超濃而且不是假味，10個推介！😍.值得一讚還有店員的服務態度真的好好，我們遲到需要打電話改時間時，態度都仍然好好因為當時其中一位朋友要比我們再晚點到達，我們要求前菜上少一位的分量，職員也

朋友仔慶生，知他喺食肉獸，搵間放題最啱他，經同事介紹得悉佐敦有間日式燒肉放題-嚮，質數唔錯，所以即是訂座試下店內裝潢和風設計，座位舒適，放題包括刺身、燒肉、天婦羅等等，種類繁多，相當豐富一坐下來，店員隨即奉上魚生刺身刺身款款新鮮，尤其帆立貝鮮甜美味海鮮拼盤十分豐富，包括海老、蠔、鮑魚、螺及喜知次海老size 大隻，肉質雪白、彈牙，口感唔錯鮑魚新鮮、鮮甜美味喜知次雖然細細條，魚肉鮮甜，燒熟後，魚味濃郁，肉質結實，食到停唔到燒肉拼盤列明各種肉類 ，方便試完後可以再添食和牛西冷，牛味比較濃，肉質幼嫩多汁肉眼腍身，好香什菜、蝦天婦羅，呢個好有驚喜炸粉一尐都晤厚，唔油，好乾身柚子酒，柚子味道香濃，味道凊新，配燒肉十分夾食埋movenpick雪糕，呢餐好滿足

同朋友去左國貨買野，之後附近搵食見到呢間食燒肉放題，有澳洲和牛任食。地下有幾個易拉架，所以好易望到。簡約既餐具，唔會太花巧。任飲某牌子啤酒需要加錢，唔洗加錢就可以飲其他牌子罐裝啤酒。清酒、梅酒、柚子酒、白酒係任飲的，所以我地都飲左唔少清酒梅酒。刺身拼盤，好鮮甜，食唔到雪藏味。海膽之外，其他都可以再叫。海鮮拼盤，隻蝦好大隻，燒完啲殼好易剝唔係霉，鮑魚同螺都好鮮甜。紅色嗰條係一夜干，燒完啲肉都好香，無乜骨好易食。燒肉拼盤，和牛唔洗多講，幾款肉既油脂分布都唔錯，燒完都好淋。雞肉腸並唔係平時屋企食嗰啲，呢隻係免治雞肉咁，所以燒完有好濃烈既雞味。豚西冷同豚拖羅燒完都好爽口，特別係拖羅醃得好夠味。熟食我地無乜點叫，剩係叫左天婦羅，熱辣辣食落好香口，粉無同肉分開的。再叫左幾轉肉，牛舌係厚切的，厚得黎都好快熟，好爽好有口感。有M字頭雪糕，味道有幾種，另外仲有雪條同豆腐雪葩。

前排見到佐敦新開左一間人氣急升嘅日式燒肉店「響 - Hibiki 日本燒肉」， 主打海鮮、和牛燒肉日式放題， 仲有長達2.5小時嘅任食， 建議要早幾星期訂位， 因為真係好多人！😂 收費都唔平， 不過如果你見到佢高級嘅日本和牛牛肉， 就知道點解唔可以收太平啦。😆 星期日至四 （20:30前結帳離座） 成人$408/位、小童$198/位 （20:30後入座） 成人$458/位、小童HK$228/位 星期五、六、公眾假期及前夕 （20:30前結帳離座） 成人$448/位、小童$218/位 （20:30後入座） 成人$508/位、小童$248/位 刺身 刺身排得好整齊， 有三文魚、甜蝦、油甘魚、帆立貝、呑拿魚、八爪魚和海膽， 刺身款款都非常新鮮！😍😍😍 三文魚、油甘魚都十分肥美，魚油脂香； 吞拿魚算係喺放題中見過最出色的，甘甜鮮美； 甜蝦幾大隻，甘甜嫩滑，不錯吃👍🏾！ 帆立貝鮮甜美味，嚼勁十足！ 海膽入口鮮甜味美，可見其用料新鮮， 旁邊仲伴隨着脆口紫菜可一起吃， 除左海膽之外，其他刺身全部都可以Encore！ 海鮮 每天供應最少5款時令海鮮， 款式包括日本喜之次、鮑魚、生蠔、螺、海老等

之前揾食既時候，成日見到呢間"響"係頭十強見今晚得閒就來試下呢度樓底都幾高，唔會太谷住陣燒嘢食既味飲品方便，呢度都算多嘢揀除左有上面雪櫃既飲品，仲有3隻花茶最驚訝連紅酒，白酒都有，聽聞好似仲有清酒架一坐底店員已經話有3款食物預先幫我地安排第一樣來到既係刺身有成7款甘多，海膽仲要係大size，其他就切到細細塊，唔會甘快飽肚，全部都可以用新鮮來形容如果覺得唔夠喉，可以寫紙再 encore ，但海膽就無得再叫了第二樣係燒肉，擺盤好靚，細心到每一款肉都有塊名牌係到，唔會自已食左咩都唔知呢幾款入面，我自已就最鐘意食"澳洲和牛肉眼"，只要燒十幾秒就食得，食落唯一牛味最勁既，油脂都好豐富，分佈得好平均而西冷同胸腹，其實同肉眼都幾似樣甘，但牛味就爭D，但食落都好腍身雞翼好飽滿，本身已經有咸味七味豚拖羅，類似係豬頸肉，加埋七味粉一齊燒，燒到個邊脆脆地來食骨付雞肉腸都幾特別，入面有條骨，岀面食落就係雞肉腸第三樣原來係海鮮有大蝦，蠔，鮑魚，螺，喜知次店員介紹如果燒貝殼類，可以加上枱面既清酒落去，燒完會香好多平時燒蝦會燒到好乾身，一係蝦肉痴殼，呢2隻竟然唔會乾，食落d肉仲好彈牙喜知次係第一次食，燒魚都好驚痴底

天氣近排愈來愈涼，最岩就係約埋幾個朋友食燒肉⋯ 呢間係佐敦的響Hibiki日本燒肉係網上人氣好高，所以我們都專程放工後黎食高質燒肉放題。價錢方面最平$408一位，不過除左任食有和牛任食外，仲有任飲酒，呢個價錢唔算貴。每枱都會送一份人頭份量的海鮮拼盤，除了有大蝦、海螺外，仲有鮑魚、蠔及比較少有的一夜干。鮑魚非常厚肉；海螺肥美又大隻；一夜干的肉勁嫩滑。蝦超級大隻又鮮味，難怪咁多人同我們一樣不停Encore！除了海鮮拼盤外，每枱都會送一盤刺身拼盤。雖然刺身唔算厚切，不過勝在款款都幾新鮮，而且會有價錢較貴的呑拿魚及好鮮甜的海膽！一入到餐廳就聞到好香的燒肉味，所以我們都忍唔住將所有和牛都叫一份。呢到的和牛均由澳洲入口，當中牛胸腹的口感較有嚼勁；肉眼的油香較重，而且肉質較滑；西冷的肉味就較濃，鍾意有咬口的人一定不能錯過。見網上好多人推介呢款骨付雞肉腸，雞肉包住雞髀骨，個樣好可愛，味道彈牙又Juicy，值得一試。另外，七味豬拖羅(即豬頸肉)切成條狀，一口就可以食晒好方便，而且味道香但唔會過肥，推薦！除了和肉外，呢個米澤三元豚西冷燒完好香，肉質唔會太實，而且入口重油香。香草雞片的微微香草味恰到好處，唔