響 - Hibiki 日本燒肉 (已結業)

相比起韓燒日本燒肉更加注重食材本身嘅味道食落亦都冇咁油膩所以個人而言更加鍾意日本燒肉好多朋友都推薦位於佐敦嘅響咁啱最近經過就嚟咗試吓刺身坐低冇耐餐廳已經送上刺身拼盤；除咗海膽之外其他刺身包括三文魚、甜蝦、油甘魚、帶子、赤身同八爪魚都係任叫；尤其海膽偏大而且色澤金黃入口甘香好正海鮮另外仲有海鮮拼盤；驚喜嘅係佢有貴價同較少見嘅日本喜之次，肉質細嫩燒烤嗰時簡單用啲岩鹽調味就已經好鮮甜燒肉餐廳主打澳洲和牛，除左常見嘅西冷同肉眼仲有較少見嘅胸腹，肉質鮮紅軟嫩加上油脂分布均勻；值得稱讚嘅係每款燒肉上面都有名牌標明種類，方便食啱邊款鍾意可以再叫除左和牛之外餐廳亦都提供美國牛肋骨、厚切牛舌片同一口牛粒，同樣肉味香濃油脂甘香味道唔比和肉遜色相比之下雞肉同豚肉種類唔多但係質素唔錯，雞肉肉質嫩滑而豚肉唔臊天婦羅及炸物晚市放題仲有提供天婦羅同其他小食可以食住燒飲品飲品方面除咗罐裝同紙包飲品之外啤酒同紅白酒亦都可以任飲最正嘅係餐廳仲提供清酒、梅酒同柚子酒；特別推薦柚子酒，酒味唔重帶有柚子清香，容易入口之餘仲可以解膩甜品相比起味道偏甜哈根大師個人其實更加鍾意呢款瑞士牌子嘅雪糕，除此之外仲有榴槤雪糕啱晒榴槤愛好者唔

今日同幾位朋友一齊去食晚飯 ，揀咗一間日式放題燒肉， 因為入面有刺身有燒肉有其他熟食咁可以符合到多啲人嘅口味 。呢間日式放題相當高質素， 刺身方面有甜蝦，油甘魚，三文魚， 海膽，帶子， 八爪魚 ，生蠔 ，呢度嘅刺身非常之新鮮甜美 ，生蠔真係食唔停口 ，相當之肥美 ，其他刺身亦都好有鮮味， 燒肉嘅肉亦都相當高質素 ，有美國牛肋骨，手羽，七味豚拖羅，澳洲和牛肉眼，澳洲和牛西冷 ，米澤三元豚西冷， 骨付雞肉腸 ，澳洲和牛胸腹。 全部都係高質嘅牛肉同雞肉非常之 好味 。而其他熟食仲有天婦羅，芝士年糕 ，榴槤蛋， 雜菜煲， 呢度嘅嘢飲都係任飲嘅， 有氣水 ，清酒 ，其中有一個西柚味嘅清酒係相當之好味道 值得一試飲酒嘅人 ，而甜品方面有雪糕係movenpick ，呢度啲嘢食質素係相當高所以物超所值嘅。

朋慶生選了這間朋友推介的2.5小時日式燒肉放題，款式不多，但提供澳洲和牛。每枱送海膽連魚生船，帶子蝦三文油甘魚可任叫，還有鮑魚生蠔大蝦日本喜之次翡翠螺（只送一次）。肉有多款不同部位的和牛肉片可以食，包括澳洲和牛西冷、和牛胸腹、和牛肉眼、美國牛肋骨等。另外也有日本直送的米澤三元豚西冷及豚腩片。還有少量熟食、天婦羅，及烏冬皆有水準。清酒梅酒甜品任食，食物高質！如果不介意可食早段1730平少少或宵夜2230二百幾抵食啊！

今日同老公黎到佐敦呢間「響」食日本燒肉，之前朋友已經極力推薦我黎食呢間，今次終於抽到時間黎品嚐佢啦！！一坐底就送個海鮮拼盤：「飽魚、大蝦、蠔、螺、魚」但我唔知呢條係邊款魚，但佢既肉質幼滑鮮嫩，最緊要少骨一開始就燒左海鮮先，邊燒海鮮邊食刺身刺身都好新鮮好大片甜蝦大大隻我瘋狂點甜蝦食海膽真係好食到不得了，拎兩片紫菜夾埋個海膽一齊食真係冇得彈終於黎燒主角啦款款牛肉都各有各好食，我最鐘意就食「澳洲和牛胸腹」佢既肉質鮮嫩、肥瘦均勻每邊燒2-3分鐘好好食，又多汁有咬口！仲有「骨付雞肉腸」呢個雞肉腸真係超好食，必點！！多汁到爆，啖啖肉堅正紅白酒係任飲架，下次可以同朋友黎慶祝生日都係一個唔錯既選擇！

如果說佐敦是一個美食天堂，我想大多數人都不會反對，不久前吃過附近一間日本料理，就經過這間「響」了，當時有個朋友就話下次想試試，擇日不如撞日，為食貓的我們就相約來吃啦。餐廳被櫻花樹包圍著，充滿日式風格，幾幅壁畫都很值得欣賞。先上刺身拼盤，有吞拿、帶子、八爪魚、油甘魚、甜蝦、海膽，色澤很餓，每款都切得很平均，新鮮又肥美，尤其是海膽吃起來很鮮甜。海鮮拼盤，有鮑魚、蠔、海蝦、翡翠螺和鮮魚，鮑魚、翡翠螺燒熟，爽口得來又鮮甜。燒肉拼盤，集牛、豬、雞，有名牌分清不同肉名，牛肉的脂肪和肉比例平均，入口嫩滑。雞肉腸則啖啖肉，是幾有口感的。蝦天婦羅，有手掌那麼大隻，炸得金黃鬆化，粉漿很薄身，沾取醬汁減少油膩。豆腐雜菜鍋，鐵鍋熱呼呼奉上，有豆腐、雜菜，冷冰冰用來暖胃就合適啦。還有飲品、甜品都可以自己取，真是以甜品為這餐畫上完滿的句號啦。

坦白講 係我近年食過食物質素最差服務最差 令人食到一肚氣既餐廳🤬🤬先講食物一開始既刺身係劣質放題質素 係完全係仲冰既 冇味既 有d仲臭 🤒再講d牛肉 唔好expect有和牛食完全係冇味果種瘦肉 好少食過咁差既最令人無奈既係服務你一點貴野就黑你面上菜極慢 碟野好遲上泥一上就話 如果你想食哂碟野就加錢加鐘我問 食埋燒緊既唔好浪費得唔得？佢話唔得 佢寧願掉左佢果下嬲都燥底走左去大家真係唔好中伏 我唔明咁既餐廳點可以仲生存？

唔好以為放題一定係啲嘢食好普通所以任食，就算佢最普通嘅八爪魚刺身都非常之甜，未去到食牛，所有海鮮加刺身已經食到我飽，平均一個月都會去兩次，簡直係物超所值，最重要係啤酒，紅酒，白酒，梅酒任飲。朋友聚會家庭做節食飯都一定會去。上次介紹我舊同事去食飯聚會，佢哋讚不絕口一定要再去，裝修靚，環境整潔，食物新鮮，服務態度一流，咁嘅價錢，簡直係物超所值，估唔到放題嘅刺身會咁新鮮，我平時食嗰啲放題刺身好難食，極力推介

前陣子朋友生日，於是食好啲就Book呢間比較出名嘅「響Hibiki」食放題，晚市兩個時段我地揀咗係8時入座。是日都幾多人，到咗八點都等候咗一段時間先有得入去。第一次去響，呢到嘅坐位都幾寬闊，而且空間大令人感覺油煙無咁勁。就座之後二話不說就睇下飲品，呢度選擇眾多，除咗汽水、仲有茶、紅/白酒、清酒、梅酒等等嘅飲品，唯獨係無凍水，所以要飲水就要沖定杯熱水嘆凍飲。就座無耐，店家會自動先上一盤刺身、海鮮盤及燒肉盛。首批刺身裡包括有馬糞海膽、北海道帆立貝、原隻甜蝦、吞拿魚赤身、鹿兒島油甘魚、八爪魚、三文魚腩。相對平時食開嘅放題，呢度刺身除咗有質素，份量都唔吝嗇，夠哂厚切，又鮮甜新鮮。食完一輪，仲可以入紙再柯打過，真係十分抵食。另外海鮮盤方面就有：日本喜之次、鮑魚、生蠔、海老、翡翠螺，相當豪華嘅陣容。新鮮喜之次帶鮮艷朱紅色，由於膠質、油脂同水份豐富，燒過後肉質仍保持嫩滑，入口即化。而生蠔同海老等等，除咗夠大隻，燒起泥香而味道鮮美。接住係不可少嘅烤肉拼盤，有澳洲嘅和牛胸腹、和牛肉眼、和牛西冷，以及美國牛肋骨同米澤三元豚西冷。每一款牛像都充滿濃濃牛味，而且肥瘦均勻，所以食落香口而且腍滑即化。個人最鍾情和

我有13人去，只係😱提供2個爐頭，還要分開枱，只係區區兩個爐頭🤬🤬🤬；7個人😭只用1 個火爐燒，還要時間限制👿👿👿；個個😡簡直無得🔥燒，個個😤食唔到野！呢間🖕日本燒，👎🏻好搵笨！一定冇👊🏻回頭！👎🏻👎🏻👎🏻一定要🈲🈲🈲同朋友講，又一啲唔平💸💸💸唔好再俾佢搵笨👹👿👹👿

想試”響”好耐喇，所以朋友特登請我黎哩度補祝生日。一坐低，就黎個刺身拼盤同海鮮拼盤。刺身拼盤既海膽非常鮮甜，其他刺身質素同一般放題差唔多。除左海膽外，其他刺身都可以再叫。至於海鮮拼盤就普通喇，D蠔燒完變到好細隻，亦唔太新鮮。第一round既燒肉，估唔到d牛都幾有牛香，唔錯👍🏻除左燒肉，重有甜品任食。有我最愛既Movenpick雪糕😋除左汽水同花茶之外，竟然有酒類任飲。有紅酒，白酒，梅酒，清酒，柚子酒。無論食物質素同種類都唔錯，係價錢偏貴小小，油煙亦有d大，同落單有小許混亂。突然嚟咗碟大燒肉我地冇點亦食唔晒。同其中一個侍應講就叫我地照食先，之後再幫我地處理。但真係太多食唔晒，好浪費。

朋友生日來到響,大擦特擦食日式燒肉放題來慶祝。 店裝潢不錯, 具濃濃日本色彩。** 座位寬敞舒適,抽風系統也不錯。** 這店除了食燒肉外, 想不多都幾多元化,有剌身、熟食、炸物、小食／沙律。** 剌身 想不到日式燒肉放題都有得食刺身,有豐腴甘甜的海膽好､肥美三文魚､脂油的油甘魚､香甜的帶子､好鮮甜的甜蝦及好爽甜的八爪魚。**小食 小食點了味付螺肉､中華沙律､枝豆。** 燒~ 燒~ ** 燒肉系列 點燒肉有澳洲和牛不同部位､豬 ､雞及雞肉腸, 款款都新鮮美味。特別澳洲和牛胸腹油脂豐腴,軟嫩無比,另外澳洲和牛不同部位也好好食,是牛魔王必食!** 海鮮系列 海鮮有肥美的蠔､口感的鮑魚､爽口的大螺及鮮甜的喜之次魚,令人喜出望外。** 飲品 飲品有幾多選擇,有紅酒､白酒､ 清酒､啤酒､汽水､果汁等。**天婦羅及炸物 天婦羅上台時仲熱辣辣,酥酥脆口感,其中我最愛食海老天婦羅。** 和食 泡菜雜菌鍋,入口湯甜辣, 十分開胃。** 甜品 甜品都幾多選擇, 賣相也好吸引,全是細細件,可食多幾款;而雪糕牌子有MOVENPICK 及 DREYER'S 等,忍不住食多幾杯。

聽朋友推薦呢間日式燒肉質素幾好，燒肉迷ge我即刻要去試下！入座後就會先送上刺身拼盤，燒肉拼盤同海鮮拼盤，唔使忙住劃野食，可以拎下野飲先，頗為周到👍食物方面都好有誠意，刺身好新鮮，可惜海膽無得encore😭 肉類賣相都好吸引，全部有標注名稱，幾款牛肉質素都不俗，加單左幾轉。海鮮拼盤有魚、蝦、鮑魚、螺，完全唔馬虎。最後仲有movenpick雪糕食，正啊👌🏻

幾個星期之前見到fb有人介紹呢間日式燒肉～所以book咗呢間來試下～順便開始慶祝一下聖誕啦！好少去佐敦，但係原來呢間嘢個位置都幾方便～地鐵站一行去就見到～門口都有一些易拉架～方便大家見到～2.5小時任食澳洲和牛！門口都好有日本的感覺呢！侍應首先對我們說會先上一些東西～唔夠食可以再叫！刺身拼盤先來一碟刺身拼盤～侍應說除了海膽之外其他都可以無限添加～其他刺身都仲有三文魚，吞拿魚，甜蝦，帶子，八爪魚，油甘魚每一款都好新鮮無腥味！比其他放題的質素好很多呢！加拿大鮮海膽呢一款真係驚為天人！咁厚身嘅海膽真係第一次見到！入口即溶口感濃厚，加埋爽脆嘅紫菜十分夾呢！海鮮拼盤又另一個驚為天人嘅海鮮拼盤～都係只係以人頭計比一次有喜之次，生蠔，翡翠螺，鮮蝦同埋鮑魚有喜之次真係好驚喜！呢款魚平時要高級料理先食到～而且佢竟然係左右二邊切開一半去比你燒～師傅刀功少啲都做唔到呢～喜之次燒嘅時候加少少鹽，超級好食！魚肉非常嫩滑！估唔到自己燒都可以有咁嘅口感～證明條魚真係好新鮮其他海鮮都好新鮮～我個人本身唔係好鍾意翡翠螺~但係呢度啲翡翠螺燒完又真係幾好食！食完海鮮就諗住去飲吓嘢～估唔到呢度有咁多嘢揀！清酒，果汁清酒任飲！

最近天氣一凍就好想食下燒肉，貪佢熱熱地岩哂冬天，咁岩搵到呢間和牛燒肉放題，正！一黎到就先上左個刺身拼盤，呢間刺身非常新鮮，絕對唔似放題質素呢！我最驚喜既係海膽，非常鮮甜又唔腥！食完刺身就開始燒肉啦，呢度既和牛有多種部位比你，有西冷、牛肉眼、牛助骨等等 ！得覺得當中最好味既係澳洲和牛西冷，肉質香濃 牛味好重，燒完一d都唔乾 仲好juicy ,油花剛剛好唔會油膩！我仲忍唔住追加左Tim!仲有海鮮拼盤，估唔到竟然有喜之次，呢個魚魚油比較多，所以食落好嫩滑、估唔到自己都可以燒得咁好食，無想像中咁難！甜品有榴連雪糕杯，榴連味非常濃郁，呢個我係出面未見過呢！呢度係一個好高質既任飲任食既放題，非常滿足！

近年食親日式燒肉都係食牛角，今次就試咗佐敦嘅響，連埋加一每人五舊多啲啲都幾貴下。一坐低除咗幾盤有得任食嘅燒肉之外，仲有盤一次性海鮮拼盤同海膽刺身。刺身盤除咗海膽外其他都係任食，普通放題水準，有帶子同吞拿魚都幾驚喜，而個海膽都好大瓣下，食落鮮甜。至於海鮮拼盤，鮑魚同海螺都唔錯，最正係有兩條喜之次，第一次燒咁大條魚，燒完仲係好嫩滑唔會乾硬化仲好濃味添（唔知點解食落有陣粥味咁😂）相反燒蠔就差到爆，本身啲肉已經細到指甲咁，仲要超級腥愈燒愈臭，結果四個人每人一隻冇人入到口扔哂😂 還好燒到一半時，店家每人送兩隻大生蠔就好好多啦😗燒肉方面都係澳洲和牛系列，每種肉都有個牌寫住乜嚟幾好，但講真食落同牛角冇乜大分別，最愛依然係牛舌，不過無論寫幾多都好，牛舌只會嚟四塊，但所謂澳洲和牛就一定嚟八塊，邊樣值錢啲好易睇啦😏 仲有比較特別嘅骨付雞骨腸比想像中好食，豬頸肉都好食，仲好食過佢啲咩米澤三元豚系列😂熟食必推天婦羅，可能佢用返拎嚟燒果啲蔬菜，所以意外地高質，勁鐘意佢個茄子天婦羅😍 佢仲有汽水任飲有埋啤酒同紅白酒，雖然我唔飲酒，仲有movenpick任食添😍 唯一係啲服務，唔係話差嘅，但唔多似四五百蚊應有嘅水平