響 - Hibiki 日本燒肉 (已結業)

老實講，我覺得肉既質素只係一般，每人埋單差吾多成500，但肉類放題種類真係吾多(其實其他野都吾多)，如果話係賣質素，就真係無言以對。肉類方面我基乎覺得得和牛肉眼係okay,係值得encore,和牛西冷同和牛胸腹係鞋既，雞翼得個咸字，豬頸肉叫正常(但豬頸肉其實都好難吾正常)，牛肋骨好彩未算好肥呢碟海鮮盤蠔同蝦好新鮮，令人滿意，其他不過不失。服裝水平都係一般，第三次加單既時候好耐未有，去追問時個經理好似突然噪左咁，佢問返我地加乜野單？就咁講吾知我地加左乜喎！之後先補句係咪燒肉單老實講，吾係話垃圾，但性價比好低，真係吾值呢個價，無下次

呢間燒肉放題係佐敦位置好方便，一上到去已經有一陣燒海鮮的香味，而且裝修方面都好有Japan Style. 入到去都好舒服，唔會將座位編排到好逼，可以一邊坐一邊傾偈一入坐就會提供一盤刺身、一盤肉類拼盤、一盤海鮮拼盤。小妹好欣賞每次入坐先提供不同的拼盤俾各位可以淺嚐，因為唔會所有食物都會岩自己口味，可以試咗先，喜歡的就再點，咁就唔會造成浪費刺身都好新鮮，拼盤就會附送海膽但之後無得再encore，但其他刺身都可以再點，小妹就再like甜蝦同帶子，不過帶子就比較上切得薄肉類都算多選擇，當中更有高Level係和牛級的，食落都好有牛肉味而且唔會好韌。除了牛肉以外，當然少不了有雞、豬肉，所以即使唔食牛肉都有其他選擇的海鮮拼盤會有鮑魚、蠔、海蝦、魚、大螺，除了海蝦之外，其他就無得再添食。海鮮方面都幾新鮮，食落肉質都係爽口的，不過魚、大螺呢類就要好有心機慢慢燒呢到既飲品都好多元化，有一罐罐既飲品亦有清酒、梅酒、紅白酒提供，岩哂一班摸下酒杯底既人總括，呢到既環境、氣氛都好好，感覺唔會好似一般放題咁急咁趕，慢慢燒慢慢傾既氛圍呢到做得好好，食物質數又唔錯，值得再黎多次

有太多工作要做了，連續幾個月都忙忙碌碌，朋友們都叫我要放鬆下💆🏽‍♀️這次他們就搵了間我之前睇Facebook 時有好多地方都有介紹過的響 – Hibiki 日本燒肉💕星期日至四 價錢就每位$458 有2.5小時晚市和牛題🐮感覺好似有點貴咁，正所謂一分錢 一分貨✨食飽飽你一定會覺得物有所值🥳入座後待應送上刺身、海鮮拼盤和有曬所有牛肉拼盤，呢個動作係好貼心，因為一坐底就有得食住野先，可係一路食一跟畫之後想食既野👍🏽 呢盤就係四人份量既刺身😍😍有7款刺身三文魚、甜蝦、油甘魚、帶子、赤身、八爪魚除左海膽之外，其他刺身係可以再order的🥰每款都好鮮甜海膽入口即溶💕甘甜味十足呀～～海鮮拼盤有生蠔、喜之次、海蝦、螺、鮑魚..有喜之次可以燒已經好驚喜呀🥰因為係日本屬於高級的魚類，肉質嫩滑，估唔到拎黎燒鮮甜味十足喔❗️主角 和牛出來啦～～餐廳先送上最推介既幾款肉類款式，每款肉上有標明它的名字，每款肉都可以無限地再叫😻正呀~就咁睇個樣都知係好野呀，肉質光澤，非常新鮮的樣子💕油脂分佈平均，每款牛味都濃郁！記住燒牛唔洗全熟的✨野飲區好豐富呀～有平時放題都有既罐裝汽水紙包飲品外，仲有紅/白酒、日本清酒

舊同學聚會，搞手話介紹我哋食一間高質素日式燒肉，一年一次嘅聚會都值得食好啲！位於佐敦白加士街嘅 響 ，地點方便！一出lift 門就見到日本風，櫻花裝飾感覺溫馨浪漫。座位寬敞，繁忙時間全場爆滿都唔會覺得逼。重點是無限任食高質素和牛，牛肉控不能錯過。確定好放題人數之後侍應就會自動送上三個非一般正嘅頭盤給我們。眼前一亮第一盤是海鮮拼盤:鮑魚、生蠔、大蝦、翡翠螺⋯睇見都流口水，但係令我最驚喜嘅都係有貴價喜之次。日本出名的一夜干，喜之次一般日本居酒屋都要幾百蚊，所以我都要小心翼翼咁燒烤，入口肉質很香滑，鮮甜的魚肉。生蠔 creamy、鮑魚肉質彈牙，翡翠螺少食多滋味。大蝦大大隻又新鮮。然後就係顏色鮮艷奪目的刺身拼盤：第一個亮眼點就係海膽，海膽不是任吃的，一次性已經足夠令人回味，咁大隻我就估係加大拿海膽，鮮甜又唔腥，質素不錯！其他帶子、甜蝦、吞拿魚、八爪魚，每一款都新鮮，味道鮮濃。跟住就係我自己喜愛的烤肉拼盤：有澳洲和牛西冷、澳洲和牛肉眼、澳洲和牛胸腹、美國牛肋骨⋯唔食牛嘅都仲可以擇米澤三元豚西冷；真係食食食食唔停，皆因款款牛肉都咁美味濃郁，和牛果然係肥瘦均勻，紙坊分布平均。另一盤有七味豚拖羅(豬頸

另一半的生日月，朋友請他食飯，找地方訂位，之後告知我們在哪裏吃，這些好朋友去哪裏找呢!日式的佈置，近地鐵站，地方不太逼夾，室內不會有油煙味。和牛燒肉加刺身加海鮮，八時後是四百多元一位，我們離開的時候看到有人在等位，原來也有宵夜任飲任食時段。坐下一會便來了一大盤刺身，然後是和牛燒，跟著是海鮮盤。刺身第一盤來的是八件八片八隻，每人各兩件，除了海膽。嫩滑海膽夾在紫菜中吃，很配合。日本生蠔，鮮甜肥美。另外還有甜蝦、八爪魚、油甘魚、拖羅及帶子，刺身新鮮腍滑清甜，沒有魚腥味。我們還重點了油甘魚、拖羅、帶子及三文魚。海鮮盤鮑魚，海蝦，生蠔，翡翠螺，還有一夜干喜之次（魚）。鮑魚彈牙，鮮甜。海蝦燒完後，蝦的味道很出，爽甜，我吃了4隻。未燒過翡翠螺，友人說只需把它燒至乾身便可以食用。一夜干魚，鮮魚用鹽水浸泡過，所以會有一點點的鹹味道，肉質較實，但鮮香。澳洲和牛燒肉盤 (每款肉旁加有名牌，方便我們識別，再點)和牛胸腹，和牛西冷，和牛肉眼(油脂分佈較多)，其他是美國牛肋條，七味豚拖羅，即是豬頸肉，米澤三元豚肉西冷，雞肉腸，雞翼。澳洲和牛不會另人感到滿口油脂，為免浪費美味口感，不要煮得過熟；牛味香，柔軟，嫩滑，

我啲friend成日都講佐敦有間好好食嘅放題幾經辛苦我終於約到朋友仔同我去食啦地方唔算難搵同埋一上到去覺得個裝修好靚日式嘅感覺都幾好地方好寬落同埋唔會覺得好擠迫會送上二人嘅海鮮拼盤另外佢挑選左一批精選嘅燒肉拼盤會建議我哋食晒呢個先再散嗌仲有一盤刺身拼盤海膽好大舊另外我哋仲叫咗一啲雜菜佢已經會事前用錫紙包好咗食放題唔少得嘅梗係要食雪糕啦雪糕有好多選擇我哋仲叫咗一個熱鍋豆腐雜菜鍋餐廳整體嘅食物質素都非常之高同埋服務員嘅反應係非常之快嘅會定時定候幫我地整頓枱面

今日同巴打慶祝生日，揀咗佐敦白加士街嘅《響》，两個半小時任食放題，有刺身、燒肉、和食，選擇多多；另外红酒、白酒、清酒、各式飲料任飲，一定可以滿足到巴打呢個大胃王。食肆佈置帶日式風格，座位都算闊落，坐得舒適，食得得戚。首先上枱係滿滿一大碟刺身。有帶子、甜蝦、三文魚、池魚、八爪魚、吞拿魚、海膽樣樣齊。單是賣相已經叫人食指大動，件件新鮮肥美，真係食到停唔到口。飽餐完一輪刺身，跟住就係燒烤時間。先嚟海鮮上場，當中有鮑魚、生蠔、翡翠螺、大蝦、同喜之次，全部非一般貨色，絕無欺場。歎完靚靚海鮮，跟住就係燒和牛嘅時間，好一盤鮮嫩紅潤、雪花紋分佈細緻嘅優質肉。呢度有美國牛肋骨、澳洲和牛西冷、澳洲和牛肉眼、澳洲和牛胸腹、米澤三元豚西冷。滋！滋！滋！肉香四射，一啖鮮嫩肥美嘅和牛，一啖sake，口福享受，無以尚之。除咗和牛之外，仲有七味豚拖羅、骨付鷄肉腸同手羽等惹味燒物。燒肉之餘，當然要加D蔬菜平衡一下，南瓜、鷄脾菇、鮮菇、菠蘿，咁就食得健康D。除咗上述食物之外，呢度仲有各式小食、炸物、天婦羅同鍋物等不同菜式供應，不過我諗要超級大胃王先可以頂得住。食飽飽之餘，梗係要嚟番D甜品先可以圓滿收場，咁我哋係咁意揀咗幾

又黎食日式燒肉，今次呢間“響”令我非常滿意首先肉非常靚，網紋分明，冇落多餘嘅調味，令我品嚐到最原始嘅肉香同油香味。刺身盤又靚又鮮，呢份海膽係我食過之中，排中上上，十分滿意！頭盤仲有鮑魚海螺喜之次蠔同埋大蝦，派頭唔細哦！其次裝飾十分吸引而且實用，我地食放題最驚就係食完都唔知自己食咗d咩，呢度每款肉類都有一個牌仔寫上名堂，咁就可以瘋狂追加自己鍾意嘅肉啦！服務效率好高，每次落完order一陣，就會上菜，冇因為我地大食叫得多而甩單，仲要冇last order！我地最後5分鐘落天婦羅，佢都肯上俾我地，呢個令我印象十分深刻最後最後，呢度酒任飲，movenpick雪糕任食！我真係第一次見，咁嘅質素同offer絕對係值回票價的！下面食物圖，唔一一解釋了，相信睇到圖已經足夠令人流口水

好朋友生日，一行四人嚟到呢間位於佐敦白加士街嘅《響》同佢慶祝。餐廳裝修走日本風格，牆上畫有和服美女、多處擺有櫻花裝飾及書法名家華戈嘅墨寶……等等，感覺熱鬧漂亮。安排座位之後，即刻周圍睇睇，紅酒、白酒、梅酒、柚子酒、sake、花茶、罐裝汽水啤酒……有好多選擇。其中嘅梅酒、柚子酒、sake都清甜易入口，我哋呢晚就主攻呢三種酒。侍應先送上海鮮拼盤打響頭炮，鮑魚、生蠔、翡翠螺、大蝦、款款鮮美。仲有矜貴嘅一夜干喜之次，肉質嫩滑，味道鹹鹹地更能帶出魚鮮味。侍應再送上顏色鮮豔嘅刺身拼盤，海膽、帶子、甜蝦、三文魚、吞拿、池魚、八爪魚，款款都好新鮮，味道鮮美。其中嘅海膽，味道濃郁，口感creamy，簡直齒頰留香！侍應再送上兩盤肉類拼盤，第一盤有澳洲和牛西冷、肉眼、牛胸腹、美國牛肋骨、米澤三元豚西冷，款款肉味濃郁，自己就最鍾意美國牛肋骨，讚！另一盤係七味豚拖羅、骨付雞肉腸及手羽亦相當唔錯。我哋當然唔會錯過點餐紙上嘅食物啦。除咗海膽外，刺身拼盤上嘅食物都可以任點，而之前嗰兩盤肉類就款款都可以再點，仲多咗啲另外嘅選擇添！當然亦要燒菇類蔬菜嚟平衡下啦。最後食埋我最愛嘅雪糕、甜品，真係非常滿足！呢度放題有好多優質

朋友見到這團購十分抵食, 接近原價的半價, 跟我們相約大吃一番。餐廳的座位不多, 見到應該全爆滿, 很受歡迎呢。平日晚和牛放題正價價錢是$458 (8點入座), 放題來說價錢比較高, 賣點是無限任食烤和牛, 喜歡牛的朋友一定能回本。首先送上三個頭盤給我們, 部分是可以再添加的。第一盤是:大蝦、翡翠螺、鮑魚、生蠔, 最驚喜竟然有貴價的喜之次。喜之次烤起來最好吃, 肉很滑很香; 翡翠螺不太懂燒成怎樣才可, 燒了很久怕太乾, 後尾竟又可以食到, 還沒有太乾, 有驚喜; 大蝦夠大隻又有鮮味, 見到其他客人也翻點了不少; 生蠔、鮑魚就不過不失。之後的烤肉拼盤有: 澳洲和牛肉眼、澳洲和牛西冷、美國牛肋骨、澳洲和牛胸腹、七味豚拖羅(豬頸肉)、雞翼、米澤三元豚西冷、骨付雞肉腸, 和牛的質素好好, 脂肪分佈平均, 令口感佳, 又有牛香, 豬頸肉薄薄的, 燒完十分香口, 雞翼和雞肉腸也很美味, 也容易燒。烤肉中途職員會在爐底加水, 在其他餐廳好像不覺有這做法, 不知有什麼用呢?刺身拼盤有: 帶子、吞拿魚、油甘魚、赤身吞拿魚、甜蝦、三文魚、八爪魚、海膽, 海膽只此一次, 沒有得再點, 看樣子是大隻的加大拿海

我們兩公婆連同2歲女女👪約左晚上8:30，不過7:50到左，門口等位的一個人都沒有，就叫我們入去，（都見幾張吉台）比相象中靜，以為好旺場。好快黎左刺身，肉，其實野食賣相ok不錯，環境都可以，不過有d焗，可能油煙多冷氣不夠。但其實野食好小款，甜品飲品都不多（如要比較其他是算小）到埋單個陣，見到張單要收小童價$228,話身高高過80cm真係奇怪，入黎吾講清楚，度都未度幾高就要人比，好似比人呃咁，真係嬲吾會再去

想食肉最啱去食燒肉放題，即刻諗到有多款美食慢慢燒住食就最正，係燒嘅過程又會聞到香濃肉味真係會提升食慾，呢次又去左食至愛燒肉放題何以盡情享受一番唔知食落有冇驚喜，話明食放題當然包晒所有嘢食，想食邊樣都得夠晒豐富，打頭陣梗係先食番個刺身拼盤，賣相美觀有齊三文魚肉質肥美、甜蝦爽彈、帶子鮮甜、油甘魚香嫩、赤身、八爪魚同海膽滑溜又濃郁呢D人氣美食，最緊要入口夠鮮咁先至正輪到有是日主角出場多款靚肉係晒眼前，有澳洲和牛肉眼、胸腹、西冷、美國牛肋骨、一口牛粒、米澤三元豚西冷，腩片同七味豚拖羅（豬頸肉）連同海鮮拼盤，可以一次過瘋狂地品嚐一番，而且仲係任食任點，急不及待先燒當然係肉，睇見肉係爐內慢慢燒至變色就食得，入口食到啖啖香嫩嘅肉外，肉汁又香甜食得特別惹味啱晒我地食肉一族食完一輪，又繼續燒海鮮有鮮鮑魚、海蝦、螺、生蠔同喜知次，食落滿口鮮甜又多汁夠晒滋味燒完一輪可以食埋天婦羅同炸物，外脆內軟食得滿足，唞一唞又繼續戰鬥，記得要後留番個肚食埋甜品，有一系名牌雪糕，我都唔執輸食番幾杯已值回票價眨下又品嚐左一餐滋味又滿足嘅燒肉放題。

相約朋友去佐敦食日式和牛燒肉放題, 2.5小時任飲任食, 時間都好充裕, 晚市仲有海鮮拼盤送, 去到坐低, 店員會先上一個刺身盤, 一個海鮮拼盤同一個燒肉盤, 食完之後可以自己再加單刺身拼盤😋😋刺身有三款魚類, 八爪魚, 甜蝦, 帶子同海膽, 除左海膽, 其他都可以追加, 各款刺身都好鮮味海鮮拼盤🍤🐟有魚, 海老, 螺, 鮑魚, 蠔, 燒嘅時候加少少清酒, 可以提升鮮味, 海老一樣可以無限追加燒肉盤🥩🥩先上左6 款, 分別有澳洲和牛西冷, 澳洲和牛肉眼, 米澤三元豚西冷, 七味豚拖羅, 骨付雞肉腸, 雞翼, 優質和牛肉質腍軟, 當中嘅七味豚拖羅特別喜歡, 味道豐富, 特別惹味, 除左以上, 仲有其他燒肉可以另外再加另外仲會有天婦羅, 蔬菜, 沙律等任食, 甜品仲有蛋糕, Movenpick 雪糕, 雪條；而飲料方面, 除左汽水, 啤酒, 茶之外,白酒, 紅酒, 清酒同梅酒都係任飲㗎, 一 班朋友可以把酒暢談, 正👍🏼👍🏼

Hubby鍾情燒肉，上網見到哩間餐廳，即日訂左17:30任食2.5小時時段，比8點那個時段平$50/人🤣電話訂位時，職員禮貌好，抵讚👍🏻現場到達後，門口職員亦非常有禮貌👍🏻第一句問我地係咪第一次來，我地示意是之後，佢就表示，我地會先來刺身及生蠔，及一盤燒肉，外面的食物飲品可以任取，介紹非常清晰我們一行三人，其中兩人唔食牛，確實是有少少浪費，不過佢地嘅刺身、生蠔同豚肉都非常好食，不過江果然如網上食評講的一樣，其實食完第一輪，已經滯左+飽左唯一美中不足係個爐有火的範圍不大，每次燒到食物不是太多，而個爐黑晒，燶晒，店員亦無主動幫我地換，這方面可以加強主動性總括，第一輪食得晒已經好叻，如果想「歸本」就只可靠飲品同任食雪糕了，因為飲品選擇多，其實好酒之人或好雪糕之人絕對可以盡情，淨係那杯裝雪糕，一杯出面已係賣$30蚊

我的baby brother 生日，已經不再baby了壽星仔講明想食日式燒肉，所以選了這家好評如潮的餐廳。餐廳位於佐敦廟街附近，地點很方便年輕一族。晚餐放題分三個時段，因為怕媽媽吃太多肉難消化，我們特意選了5:30-8pm最早時段，也較為便宜餐廳必須乘指定的升降機進入，地下升降機大堂很難找，害到媽媽到達時有點怨言不過很快她就被很多非常誇張的頭盤轉移視線！頭盤都是餐廳指定款式，數量根據人數而定的：刺身頭盤以海膽及赤身比較出色！三款和牛質素很高，絕不是「求其」貨色。我們後來再encore 了和牛西冷、和牛肉眼和豚腩片！海鮮類亦非常豐富，個人認為鮑魚和螺是最美味！以上三款頭盤都已經非常滿足，不過我們還有另外點了其他菜式試試：雞肉腸和雞翼——沒有驚喜。雞翼比較難用燒的，一不小心便很容易燒焦。這個是經理特意過來推銷日本直送生蠔，忘記了產地是哪裡，不過體積很大、很有肉地，跟一般日本生蠔一樣偏清甜，味道算新鮮。我們還點了一些菜類燒物、菜鍋及烏冬。最吸引的就是連酒水都是放題式無限添飲！有清酒、梅酒、柚子酒、白酒、啤酒，及不同種類的汽水和綠茶等。甜品更有movenpick雪糕！唯一美中不足就是6人也只能