影片
更多
2019-01-03
3147 瀏覽
前陣子朋友生日，於是食好啲就Book呢間比較出名嘅「響Hibiki」食放題，晚市兩個時段我地揀咗係8時入座。是日都幾多人，到咗八點都等候咗一段時間先有得入去。第一次去響，呢到嘅坐位都幾寬闊，而且空間大令人感覺油煙無咁勁。就座之後二話不說就睇下飲品，呢度選擇眾多，除咗汽水、仲有茶、紅/白酒、清酒、梅酒等等嘅飲品，唯獨係無凍水，所以要飲水就要沖定杯熱水嘆凍飲。就座無耐，店家會自動先上一盤刺身、海鮮盤及燒肉盛。首批刺身裡包括有馬糞海膽、北海道帆立貝、原隻甜蝦、吞拿魚赤身、鹿兒島油甘魚、八爪魚、三文魚腩。相對平時食開嘅放題，呢度刺身除咗有質素，份量都唔吝嗇，夠哂厚切，又鮮甜新鮮。食完一輪，仲可以入紙再柯打過，真係十分抵食。另外海鮮盤方面就有：日本喜之次、鮑魚、生蠔、海老、翡翠螺，相當豪華嘅陣容。新鮮喜之次帶鮮艷朱紅色，由於膠質、油脂同水份豐富，燒過後肉質仍保持嫩滑，入口即化。而生蠔同海老等等，除咗夠大隻，燒起泥香而味道鮮美。接住係不可少嘅烤肉拼盤，有澳洲嘅和牛胸腹、和牛肉眼、和牛西冷，以及美國牛肋骨同米澤三元豚西冷。每一款牛像都充滿濃濃牛味，而且肥瘦均勻，所以食落香口而且腍滑即化。個人最鍾情和
第一次去響，呢到嘅坐位都幾寬闊，而且空間大令人感覺油煙無咁勁。就座之後二話不說就睇下飲品，呢度選擇眾多，除咗汽水、仲有茶、紅/白酒、清酒、梅酒等等嘅飲品，唯獨係無凍水，所以要飲水就要沖定杯熱水嘆凍飲。
就座無耐，店家會自動先上一盤刺身、海鮮盤及燒肉盛。首批刺身裡包括有馬糞海膽、北海道帆立貝、原隻甜蝦、吞拿魚赤身、鹿兒島油甘魚、八爪魚、三文魚腩。相對平時食開嘅放題，呢度刺身除咗有質素，份量都唔吝嗇，夠哂厚切，又鮮甜新鮮。食完一輪，仲可以入紙再柯打過，真係十分抵食。
另外海鮮盤方面就有：日本喜之次、鮑魚、生蠔、海老、翡翠螺，相當豪華嘅陣容。新鮮喜之次帶鮮艷朱紅色，由於膠質、油脂同水份豐富，燒過後肉質仍保持嫩滑，入口即化。而生蠔同海老等等，除咗夠大隻，燒起泥香而味道鮮美。
接住係不可少嘅烤肉拼盤，有澳洲嘅和牛胸腹、和牛肉眼、和牛西冷，以及美國牛肋骨同米澤三元豚西冷。每一款牛像都充滿濃濃牛味，而且肥瘦均勻，所以食落香口而且腍滑即化。個人最鍾情和牛胸腹同肉眼，而豚西冷都十分出色，甘甜帶肉香，口感不遜色和牛。
另外仲有一盤都不可睇小：七味豚拖羅 (豚腩片)、骨付雞肉腸同雞翼都表現出眾。首先雞翼用香草醃製，非常入味而且多肉嫩滑；而豚腩片同樣七味醃料完勝，相當令人喜出望外。
放題期間，不忘入單柯打其他小食、和食料理、天婦羅等等。水準都係平日食到嘅級別之上，價錢同質素非常合理。就好似烏冬等等，自己覺得個賣相同味道都相當不俗。
最後不可少嘅當然係甜品，我呢種平民一定要食貴價啲嘅 Mövenpick/ Häagen-Dazs 回本。每日供應嘅款式不同，有時會有Fruttato Gelato、Dreyer’s等等，好食嘅味道真係手快有手慢無。
總結，價錢雖然比一般平民價放題貴些少，但最重要係相對換來水準高嘅和牛網燒放題。地方舒服，飲品、食物相對上高質，可以坐得耐慢慢食。食豪少少高級數嘅放題，呢度都係唔錯嘅選擇。
張貼
