響 - Hibiki 日本燒肉 (已結業)

之前朋友同我講食過一間放題好讚～就係喺佐敦呢間叫響Hibiki嘅燒肉放題～Book咗8點半，都幾多人食～上到去都要等一陣～環境都幾日式～場地算大～我哋被安排坐一張6人枱～仲有位置放袋首輪食物係餐廳安排嘅～首先嚟嘅係唔洗燒嘅 刺生盛有我最愛嘅海膽、生蠔、甜蝦、帶子、油甘魚、八爪魚...海膽大份，當造季節，份外好味生蠔係任食嘅～有海水味，質素唔錯～其他刺生亦新鮮好味～再嚟就係主角牛肉拼盤～好吸引嘅賣相～每一款牛肉都有清楚列明係咩牛咩位置～就咁睇樣已經流晒口水～原本品嚐緊刺生嘅我都即刻放低咗刺生～要即刻燒牛肉嚟食每款牛肉都超好味，但講到最鍾意的話～咁多款我最愛就係澳洲和牛肉眼同澳洲和牛胸腹充滿油花，有肉味～超好味～Encore咗幾次每張枱都有提供岩鹽同黑糊椒～但我都無乜點落～因為牛肉本身已經好好味跟住就係海鮮拼盤～有北海道松葉蟹腳、扇貝、海蝦...仲有大眼雞？好小見有大眼雞，亦都好小食～唔太識燒，但都ok好食喎～雖然有骨，但好滑又唔腥～幾特別～我哋仲有叫其他嘢食～但掛住食～無乜點影相飲品亦都係任飲～有啤酒、清酒、可樂各式各樣飲品都有～仲有雪糕任食～呢個放題好多高質嘢食～係唔錯嘅選擇～大家都不

最近聽朋友介紹開食燒肉，都係講呢間響！食過返尋味嘅我，緊二話不說即刻舉手，話要再嚟啦😂 門口右轉都係d小甜品💕 出lift直望就會見到有唔同種類有返咁上下牌子嘅雪糕，真係好抵食㗎！任食唔嬲😊因為佢哋個爐係gas，所以燒到咁上下見唔係好夠火，就應該係要換機嘅時候喇💕按人頭提供嘅海鮮拼盤， 記住啲蟹腳唔好燒咁耐，如果唔係就變魷魚絲㗎啦😆😆同埋一坐低都係嚟定一盤燒肉，又係按人頭嘅份量！ 佢哋嘅肉類真係好出色㗎！夠曬滋味，而且份量亦都非常之多，亦都冇乜流單嘅情況，最緊要係選擇夠曬多！鍾意食肉嘅你一定要嚟試下😆而最最最最最緊要特梗係有個刺身拼盤！ 第一眼就梗係先試下佢哋嘅海膽喇！一啲腥味都冇，而且夠曬鮮甜呀！所以其他嘅刺身更加唔使講😍😍唔夠食可以再係咁落單㗎！不過記得唔好浪費食物😀呢個價錢任飲任食仲要食物嘅質素非常之高質！真係食過返尋味😌

都有一段時間冇去食放題啦，今日約咗兄弟姐妹去咗係佐敦白加士街嘅餐廳個度食燒肉放題，上到去先知間餐廳名只得一個字，叫做響，一埋位，二哥已經行咗出去攞飲品，又啤酒，清酒，汽水，嘢食就三家姐選擇，佢剔咗有先呢一個刺身拼盤 有生蠔，海膽，三文魚，油甘魚，帶子，同埋八爪魚，海膽好大舊，超正，生蠔好新鮮，加少少 檸檬汁 更加好味，其他刺身都好正，一盤好正嘅刺身好快俾我地攪掂， 再來跟住就係一個燒肉嘅拼盤 ，有 一口牛粒，美國牛肋骨，骨付雞肉腸，雞翼， 海老， 最靚嘅就係澳洲和牛西冷同埋澳洲和牛胸腹，仲有嘅係澳洲和牛肉眼 ，三種牛之中，我最鐘意係澳洲和牛肉眼，只要燒一陣再沾啲醬汁更加好味，跟住再嚟多一個就係 長腳蟹同埋鯛魚 又有扇貝， 仲有菠蘿 ，鯛魚肉質鮮甜又唔散，菠蘿味道都好甜，幾條友又飲又食好快已經食飽哂，話下次都可以再嚟過。

真係好難得幾個昔日嘅好朋友又可以一齊聚舊，昨晚先同個多年冇見嘅同學食過飯，諗住佢重係香港所以今日再約番以前比較傾得埋嘅朋友去咗位於佐敦白加士街，間餐廳個名得一個字，叫做(響)，係食燒肉放題嘅，貪佢可以任飲任食，又可以坐耐啲，上到去嘅時候，見到都好多人，好在我一早訂枱，侍應招呼我地座係一張近窗邊位置嘅4人枱，其中一個朋友己出去攞咗啲啤酒，清酒入嚟，另一個就係度剔嘢食，先点咗一個刺身拼盤，有新鮮生蠔，三文魚，甜蝦，油甘魚，帶子，八爪魚，同埋海膽，生蠔肥美非常，蠔味十足，最美味係海膽，放落塊紫菜度一齊食，十分正，油甘魚同三文魚一樣咁好食，帶子同甜蝦都唔錯，八爪魚都好爽口，嘆完個拼盤就到燒肉拼盤啦， 包括有澳洲和牛西冷，澳洲和牛胸腹，澳洲和牛肉眼，美國牛肋骨，一口牛粒，米澤三元豚西冷，米澤三元豚腩片，七味豚拖羅(豬頸肉)，骨付雞肉腸，手羽(雞翼)，海老，飲品我地揀咗清酒和啤酒，骨付雞肉腸好味啖啖肉，又飽肚，澳洲和牛西冷，只要燒到兩边啱啱轉色就沾少少醬汁食就梗加冇得頂，配埋啤酒梗加一流，七味豚拖羅(豬頸肉)，醃得好入味，味道唔錯，唔使沾汁都好好食，再燒啲澳洲和牛肉眼，都係燒一陣就已經食得，食咗第

今晚是朋友慶祝生日的晚餐，我們去了位於佐敦廟街附近的《響》日本焼肉放題，這𥚃的價錢分了三個時段，我們選了20:00 後離場的$458，雖然加埋一要五百元左右一位，但因為想請朋友吃一些高質一點的放題，所以就聽同事介紹選了這間，我們20:00 到達等入座的人也不小，由於我們上星期巳訂了位，所以我們等了約十分鐘就可以入內了，座底後服務員先為我們送上三樣拼盤，第一碟烤肉，包括了這裡主打的是澳洲和牛，分別有西冷、肉眼、牛胸腹、還有美國牛助骨，如果好似我們喜歡吃牛的，絕對不會失望，澳洲和牛口感嫩滑，非常好吃，第二盤刺身拼盤入面包括了最好味的海膽，可惜沒有得再點，但還有其他美味的可以再點，例如甜蝦、油甘魚和新鮮生蠔，第三盤海鮮拼盤有長腳蟹、大蝦及扇貝，隨了以上一般放題的如天婦羅、串燒及鍋物也不會缺小，這𥚃的飲品選擇也很多，各式汽水、啤酒、白洒、紅洒及清洒都有，我就最喜歡柚子清酒，我一個人都已經飲料兩小瓶，食了兩個小時都差不多飽了，但是我還有很多未試，不過最後當然要食番杯MOVENPICK 雪糕來過結尾啦！今次未試過的下一次要再來試。

又係集體回憶嘅時間， 一年一度嘅小學雞聚會揀咗喺佐敦呢間燒肉店， 原因1 地鐵站附近， 交通便利。 原因2 食物多樣化， 有燒肉，有刺身，有海鮮， 就算多年不見， 梗有一款啱大家口味。燒肉店係任食兩個半小時， 我覺得用嚟做呢啲聚會就最啱， 燒肉嘅時候就傾下計， 唔啱傾嘅話就行去攞嘢食， 我真係覺得自己好醒。每一張枱都有獨立嘅爐同埋抽風系統， 食完都唔覺得成身有煙味。 店內嘅裝修都好和風， 掛滿紅燈籠同埋櫻花,feel so good.呢度嘅飲品係任飲嘅,成班酒鬼飲酒都抵返曬條數， 冷熱清酒任飲， 仲有紅酒，白酒,自我感覺良好 。先上頭盤特大刺身， 我冇諗過係咁認真嘅擺設， 上到嚟都嘩左一聲， 加拿大海膽,甜蝦,三文魚,帶子,八爪魚,仲有生蠔,全部都好新鮮,覺得物有所值。再嚟一盤和牛， 有肉眼、西冷、牛胸腹, 呢一款有名牌嘅肉類， 令我哋一班人學識好多食物嘅種類，可以扮食家。仲有海鮮， 我覺得呢間真係好好囉， 全部俾你嘅頭盤都好高質。理論上唔使叫其他嘢食已經好滿足， 但我哋係咁咦都要試下其他嘢， 叫咗呢一款就蝦天婦羅， 件數係自己揀嘅， 試咗好食先再返叫唔做大嘥鬼。尾聲都要飲番杯紅酒，

好友兼同事最近做完appraisal， 比上司指點完之後獲得升職加薪， 加少少已對我哋啲打工仔係最實際嘅獎勵， 因為閨蜜嘅我哋梗係希望佢年年都加薪。 所以一定要食燒肉慶祝下。地點喺佐敦道白加士街，坐地鐵好方便， 燒肉嘅枱都有好多， 坐得好舒服。呢間燒肉係任食任飲， 一上去就已上三個頭盤， 唔夠可以再加添。呢期蠔、長腳蟹係任食任點……講番食物先第一個頭盤刺身， 啲蠔雖然細細隻但係好肥美好甜， 其他刺身都好大件同新鮮。我最欣賞嘅係佢差唔多畀咗一版加拿大海膽我哋， 我覺得都算好重本。 呢板海膽十分鮮甜， 一邊苦味都冇。之後再送上一盤和牛， 包括有和牛西冷、 牛肋骨、和牛胸腹 …… 唔同質感嘅和牛你都試到曬 ，另外，仲有豬頸肉、雞翼、腸仔……第三盤就係海鮮， 每一隻扇貝上面都放咗一粒細細嚿嘅牛油， 刺激味蕾， 另外仲有大蝦同埋一條魚， 條魚嘅質感非常滑， 燒嘅時候要燒皮嗰邊先， 最後燒三分鐘魚肉就ok。理論上食完三個頭盤都已經飽咗六七成， 但講明係任點任食，佢嘅選擇真係好多好多， 我哋就揀咗炸物。佢個炸蝦天婦羅粉漿好薄， 芝士年糕亦都有拉絲嘅效果。飲品都好多元化，有汔水，凍嘅烏龍茶，水果茶，

最近試著一種減肥方法, 吸入大量肉類同油脂以達到消脂效果，今日好友相約吃飯 ，我嚷着要吃燒肉，於是朋友提議去食高質燒肉放題打開lift門，已經見到日本風裝修格局一坐低立即舉筆點野食,先黎個剌身，刺身種類多選擇， 賣相十分吸引，見到海膽同生蠔，已經食指大動, 全部海鮮光澤新鮮甜美，大大件質素高跟住店員捧上一盤燒肉，好細心呀！食物上面全部都寫有名稱，咁就知道燒過嘅肉係咩，方便食完可以再encore 而又唔會叫錯，澳洲和牛西冷，澳洲和牛胸腹，澳洲和牛肉眼，美國牛肋骨，油脂分泌均勻，入口香濃，肉質軟熟燒肉再配上優質海鹽和黑椒更能帶出肉味來唔食牛可以食七味豚拖羅，肉質軟熟另外一款米澤三元豚西冷，肉身比較厚，食落啖啖肉骨付雞肉腸，外皮煙韌，雞肉腸juice 炸天婦羅，炸蝦，番薯，芝士年糕，炸粉係用日本貨，炸漿輕薄，食材新鮮大蝦大大隻，爽口彈牙，帶子鮮甜，長腳蟹燒香了，又有另一番風味，一夜干喜之次，肉質香滑無比，加上燒香了，魚肉有一股炭香味！海鮮配梅酒，正！啤酒送燒肉，絶配！，除左啤酒，仲有清酒，梅酒，柚子酒，紅白酒，汽水，任飲的！全部都係質素不錯的！

朋友約3月之星生日飯🎂估唔到地方好大，坐得好舒服😌服務員態度很好👍👍👍坐低之後唔使急住點餐，因為餐廳會先安排一round刺身、肉類同海鮮。呢個時候緊係拎飲品先啦！有啤酒任飲！最吸引！一定要相機食先嘅刺身船成個刺身拼盤上，有三文魚、油甘魚、甜蝦、帶子、八爪魚、海膽、生蠔，海膽仲有個紫菜跟，包住紫菜食一流，海膽味道甘甘地，帶子甜蝦都好鮮甜，生蠔都好新鮮好鮮甜🤤🤤🤤好驚喜烤肉拼盤有雞翼、雞肉腸、澳洲和牛西冷、澳洲和牛肉眼、米澤三元豚西冷、澳洲和牛胸腹、美國牛肋骨、七味豚拖羅~ 非常豐富！每份肉牌子都有寫明，唔怕自己搞錯和牛燒一兩分鐘，簡單調味就好快就食得！重有海鮮拼盤海鮮有鮑魚、蝦、螺、生蠔同魚仲有長腳蟹，不停食真係好正海蝦燒完都係咁大隻👍 蝦肉鮮甜 爽口魚亦都唔錯，肉質都嫩其中必食嘅梗係少不了榴槤炸彈啦 ，因為佢真係新鮮炸出來，切開啲榴槤香味超濃，榴槤流心慢慢滲出嚟，超好味~呢度嘅飲品簡直係我食放題前所未見，咁豐富紅酒，白酒，清酒，梅酒，柚子酒，生啤。。。其他各種飲品更加不在話下啦，淨係飲酒都抵啦😜仲有各式各樣嘅甜品同雪糕🍦

自從去過大阪旅行之後，一直對日式嘅燒肉念念不忘，所以今日決定同太太再次品嚐一次。經朋友介紹下介紹咗一間任食嘅日式燒肉放題。餐廳比我感覺非常舒服，比較似日本既居酒屋首先會嚟三款前菜， 不需要下order自動送上海鮮拼盤包括有鮑魚、巨型大蝦、生蠔、螺及新鮮魚。淨係睇賣相都非常新鮮！用網燒嚟燒新鮮嘅食材簡直係最高享受！不得不讚條魚非常有驚喜，可以說係魚有魚味，鮮甜！而調味料一啲都唔輸蝕有黑胡椒，岩鹽，七味粉及燒肉醬，滿足多足味覺享受飲品選擇算係幾多，如果鍾意飲酒最適合不過，因為除左柚子酒梅酒及多款果汁，仲有紅白酒任飲左邊兩款果汁超好味 ，入面有果肉再黎係期待已久嘅肉類拼盤， 包括有雞肉腸、手羽。重頭戲係澳洲和牛胸腹、澳洲和牛肉眼及澳洲和牛西冷！澳洲嘅和牛冇日本和牛油花咁多， 但勝在肉味極濃。最後係我從未見過既米澤三元西冷同埋七味拖羅！未食已經流晒口水刺身賣相無得輸，除咗比較大路嘅刺身之外，特別值得推介呢度既海膽， 一睇就知係靚野，濃厚味道而且超甜天婦羅方面都算唔錯 勝在皮夠薄同埋熱食晒餐廳指定嘅食材就可以自己order， 不過淨係食佢提供嘅都已經飽咗七成最後當然唔可以錯過雪糕，有名牌嘅M字頭

同老公慶祝生日。不過呢間餐廳係沒有生日優惠的 ! 雖然不算太差但有小小失望 😞，因為在網上見到Ufood 推介所以特意葉試試 （可能係個Blog 寫得唔好誤導人）~ 本來網上說有松葉蟹腳刺身 可惜是沒有的，只有北海道蟹腳 （店員說都可以生食或燒），但你係絕對不會用來生食的試一隻成陣雪味，第一盤上咗我哋無點過第二次，生蠔還可以，燒帶子不錯。而海鮮中見有一大條魚🐟，原來店員話2個人係無得送。睇介紹以為海鮮盤有埋一入坐会先按人頭比海鮮 刺身 同 燒肉你。你亦可以再另外點。外面自助拎野飲 （款式真係幾多）同甜品 （得幾款無試過雪糕就多啲款 Movenpick Dreyers 必食 😋 ）刺身 ~ 海膽送一人一個 都幾新鮮 。生蠔還可以大隻的比較好。甜蝦不錯，其他都一般般。 燒肉 ~ 和牛西冷好食 ~ 其次 牛胸腹 ~ 牛助骨 。要加鹽同黑椒燒 ! （個燒肉汁真係好唔掂）七味豚拖羅，鐘意食辣的應該好鐘意，我就覺得太辣。可以配燒菠蘿一齊食 無感濟 😛我哋係 Storellet 先登記做會員第一次食就有九折 408一位當日原來有很多團購客戶，問過價錢係平過我哋埋單。如果想平啲 可以試下團購 ~

日本高質燒肉放題之前見yahoo團購有cupon買 半價甘濟 所以買黎同男朋友食 我地訂1730個轉 一去到已經好多人到左 真係好多人去食 啲座位好都好闊 好企理🍣第一輪俾左盤魚生 有三文魚、吞拿魚、蠔、海膽、帶子同八爪魚 魚生係好新鮮 海膽簡直係出色 勁鮮一啲腥味都無 用紫菜包住食 好可惜每人只可以食一次 呢個無得refill🥺其他魚生都可以encore🍤第二轉上既係海鮮拼盤海蝦兩隻、扇見兩隻、北海道松葉蟹腳數隻全部又係好新鮮 唔洗全程淨係食肉 可以食下海鮮🦞仲可以試下邊款好食就再加追 真係幾唔錯🐂重頭器 食肉獸拼盤中意d牌仔寫住每款肉既名 等我可以知道自己食緊邊隻肉 方便食客encore番自己想食既肉類 我就最中意澳洲和牛眼 點埋燒牛肉汁 肉質鮮嫩又juicy 同個骨付雞肉腸 腸仔黎講第一次食到甘高質 雞肉鮮嫩唔會好似廚師腸甘咸 個尾部仲用左真雞骨🥢燒物嗌左榴蓮炸彈、芝士年糕同埋蕃榴蓮炸彈一咬落去即刻爆餡🥰好好食！芝士年糕就qqqqqqq🍜烏冬因為我係無麵不歡既人 所以嗌左碗烏冬食下 我諗住個size係同平時食放題啲碗一樣細細碗點知一上枱係用拉麵碗裝 好大碗啊🥂飲品勁高質 梅酒、紅

好耐都未食過咁高質素嘅燒肉放題喇 真係好想開心share 分享我嘅喜悅呢個係價目表 分咗四個時段 唔同價錢嘅收費 畀大家參考下有和牛，刺身， 北海道松葉蟹腳， 即開生蠔， 日式串燒，名牌雪糕……數之不盡嘅嘢食 包保捧住個肚離開 大飽口福 今日食第一輪五點半入座 好彩預先有book位 呢度真係好full好爆場 環境裝修得非常日式化 抽風系統做得好好 唔會食完之後成身油煙味一坐低職員就安排左刺身拼盤同海鮮拼盤比我哋(第一輪嘢食係由餐廳安排嘅) 賣相已經非常吸引四人以上仲可以送喜之次一條刺身夠新鮮 非常高質素 甜蝦夠鮮甜 生蠔重海水味 仲有大大條海膽 成隻手指咁粗㗎松葉蟹腳 肉質夠鮮甜而且一梳梳啖啖肉 餐廳仲有提供鉸剪 非常貼心條喜知次係送嘅 但係絕對唔係渣嘢 魚肉鮮甜無比 而且魚油味豐富 超級好食肉類選擇大致分為 牛肉，豬肉，雞肉等！最不能錯過的係呢度嘅牛肉 質素非常上乘 喜歡吃牛的絕對不要錯過 包保食完之後讚口不絕燒完出嚟嘅牛肉依然充滿肉汁 加啲海鹽加啲黑胡椒已經好好味 非常juicy天婦羅即叫即炸 脆漿夠薄夠脆仲有沙律 燒野菜 及支豆等蔬菜類提供呢度嘅啤酒汽水全部都係任飲 唔單止呀……

之前就食過一次「響」，趁友人生日，帶佢地黎試下🤩🤩🤩燒肉放題～飲品自取～汽水啤酒🍻有唔少選擇～而且更有紅酒白酒🍶清酒🤣🤣梅酒、柚子酒，岩晒愛酒既朋友，平時超市買都唔平，飲多幾杯回下本先 唔想飲凍野～都仲有唔同款既茶包俾你揀🤔刺身拼盤：件件厚身肥美～而海膽最好味～非常鮮甜，可惜海膽不能任食～就回味下😊生蠔隻隻都肥嘟嘟～唔加醬汁都食到鮮味～仲可以無限追加。主角：澳洲和牛食肉獸🤩既我地，全部都唔錯，最好食澳洲和牛肉胸腹，牛肉味濃郁、肉質嫩滑🤣🤣🤣而豬頸肉有驚喜，辣辣的，又爽口。 海鮮盤：日本松葉蟹腳，任食，我地返叫左好幾轉，好好味，啖啖肉，有鮮味。大蝦：肉質非常彈牙。元貝：大大隻～落牛油燒好香，但冇得任食🥰 其實仲有好多熟食，例如天婦羅🍤沙律🥗烏冬...等等～我地次次必叫榴連炸彈同炸芝士年糕，即叫即炸熱辣辣～ 再返叫魚生，一樣靚仔新鮮，絕對唔會偷工減料。仲驚喜係雪糕櫃😱😱全部都係貴價雪糕🍦非常有誠意～唔會限住一人一杯～你食到既就隨便拎🤩🤩大家都非常滿意既一餐

真心推介一間位於佐敦白加士街101號珀軒1樓在牆壁上有手繪Graffiti日式燒肉料理「響Hibiki」，任食頂級和牛網燒放題，還有日本海鮮祭可以不停為叫生蠔、日本北海道松葉蟹腳，仲有豪華海鮮拼盤有日本喜之次、扇貝、海老等，都係任點任食，好抵囉！我最喜歡就是他們的極鮮日本空運刺身，有北海道帶子、日本原隻有頭甜蝦、鹿兒島油甘魚、日本八爪魚、馬糞海膽等。刺身非常新鮮，而且仲要每天由日本直送香港，簡直唔需要去日本都食到新鮮靚海產，十分正!至於頂級和牛盛宴，有澳洲和牛西冷、和牛胸腹、和牛肉眼、美國牛肋骨等，輕烤十數秒便能入口，腍滑即化。我最愛和牛西冷，肉質優質，油脂分布剛好，有甘香的牛肉味，重複order咗3，4次都唔夠喉呀。必食之選，就是日本直送的米澤三元豚西冷及豚腩片，沒有豬腥味，肉香甘甜，連豬肉都大有水準。滋味椒鹽燒，有雞皮串、雞肉串、雞賢串、免治雞肉棒、雞軟骨串、青尖椒，多到很難選擇。他們還有小食、和食料理及天婦羅，小食點了溫室蕃茄沙律及中華沙律，味道不錯，沒有驚喜，但不會令人失望。蔬菜方面，必燒新鮮菠蘿片，菠蘿不但甜，而且可以解肉類的油膩感，食完菠蘿片後又可以再攻燒肉，哈哈。大蝦天婦