響 - Hibiki 日本燒肉 (已結業)

特別日子也可高消費一下，期待和牛燒肉海鮮放題成二個幾禮拜，拍拖紀念日就來食次燒肉放題！𨋢一開門被裝修和高樓底所吸引，坐位編排好，卡位也唔迫！面前已見到任食雪糕櫃內有movenpicks, dryers雪糕批和gelato! 正一入座即先搵野飲，食燒肉我唔飲酒都一定飲可樂，仔飲烏龍茶，老公紅白酒sake換轉飲～ 正第一round是default的，來了盤吸睛的和牛拼盤，還有一大盤豐富海鮮，之後仲來了盤大刺身!!!!!!!先上最殺食和牛各部位加豚肉等！件件厚切，色澤靚，冇得complaint, personally 愛吃肉眼多D，之後係牛胸腹！點少少岩鹽和黑胡椒，fit曬～ 再來是令我地嘩出聲的海鮮，四人食有條喜之次、牛油帶子，蝦和蟹腳！條魚要燒得好有心機，剛熟便熱辣辣入口，肉嫩又香，各人激讚！蟹不能燒太耐否則變乾！yum要數我地嘩得最大聲既係魚生曪～新鮮靚仔，大大粒海膽雖不能encore, 只來一次，但去城市超市買都一件一百走唔甩！咁之後唯有勁order生蠔啦～ 有咬口又爽，任食唔使續隻計咼～其實仲有好多其他熟食，我地起碼叫咗一打天婦羅大蝦，大大隻即炸很正～ 又有叫烏冬和泡菜鍋，食D熱野

話說數月前跟朋友到響晚餐，一直久久不能忘懷它的烤肉及刺身，今晚借機跟朋友慶生，再來大涮一餐 😍😍😍刺身拼盤，有三文魚、帶子、油甘、生蠔、鮮魷、海膽、甜蝦。加拿大海膽，新鮮大隻，完美的海膽 😍😍好味到一個點呢……😍😍😍生蠔 creamy，這款還是可以任吃，而且上菜快，比起酒店排隊取蠔，爽太多了，無得輸。油甘極肥美，入口即溶 👍❤❤紅肉拼盤，澳洲和牛西冷、肉眼、胸腹；美國牛肋骨，米澤三元豚西冷。這晚的和牛，不論那一個部位都很好吃。烤起來肉香四溢，牛肉軟腍，可撒點岩鹽吊味。白肉拼盤，手羽、七味豚拖羅，骨付雞肉腸，三款都各有特色，平凡中有著不平凡。海鮮拼盤，有扇貝、蟹腳、海蝦，看得見的奢華。扇貝新鮮大隻，今晚火喉控制不錯，剛剛熟，不會韌。一夜干喜之次，先醃一夜，既有魚干的香，亦有鮮魚的甜。切記千萬別燒太乾，帶點濕潤更好，要是可添食那就更完美。泡菜雜菌鍋，泡菜湯味濃郁，有點辣，但惹味，怕辣的我都越飲越滋味，停不了口。 😂😂質素始終如一，價錢合理，酒水、甜品、熱葷源源不絕的供應，大滿足的放題 😍😍

「響」剛剛開幕的時候，曾經來過，之後念念不忘，今天朋友聚會，便選了這裡。今晚訂了八點，可以吃到十點半，不過由於五點半那埸未結賬，所以要等十五分鐘才可以進入。第一時間，當然是去拿些柚子酒和清酒🍶先，這個也是我重來的目的之一。之後侍應送上了燒肉拼盤、刺身拼盤和海鮮拼盤，這些拼盤都不用點，除非追加。燒烤需時，當然先吃刺身拼盤，內有加拿大海膽、生蠔、油甘魚、八爪魚🐙、三文魚、甜蝦、帶子，款款刺身都很新鮮，其中以油甘魚、帶子、加拿大海膽和生蠔，最為鮮甜美味。燒肉拼盤有澳洲和牛西冷、澳洲和牛胸腹、澳洲和牛肉眼、米澤三元豚西冷、美國牛肋骨、七味豚拖羅、手羽和骨付雞肉腸，所有的肉都是任食，當然追加了澳洲和牛西冷、澳洲和牛胸腹、澳洲和牛肉眼，因為肉質軟腍，而且脂肪分佈均勻。骨付雞肉腸和七味豚拖羅(豬頸肉)，這兩個都很適合燒烤，而且用來佐酒，簡單是絕配。骨付雞肉腸要放在爐邊烤燒，因為外皮容易燒焦，而七味豚拖羅則放在爐中，比較容易熟。海鮮拼盤有長腳蟹、大蝦和帶子，大蝦經過燒烤後，非常有蝦味，當然又要追加。最後就是甜品，有幾款Movenpick雪糕和Dreyers 雪糕批，吃完雪糕，就是最完美的句點。

和好朋友慶祝生日，諗食咩都諗左好耐。最後都係決定食日本嘢。畢竟日本嘢都係比較受歡迎。朋友提議到這間燒肉放題一試，上網看一下資料，覺得不錯就訂位了。呢間餐廳雖然係任食，食物用料比好多的a la carte餐廳還要好。今日總共有四個人，餐廳會先送上一盤肉食，海鮮一上來的時候，大家的感覺很驚喜。魚生生蠔拼盤更不用說，用料很新鮮，海膽唔只靚仲好鮮甜。其實食完呢啲都差唔多啦，不過都追加左少少肉，另外留少少位置食他的Movenpick雪糕和在Dreyers雪糕批。

平時食放題來來去去都係個幾間，通常都係旺角、尖咀個D，今次見朋友話佐敦有間超級高級，簡直係6星級放題。聽到佢咁誇張嘅描述都真係心郁郁要試下。你話係咪好貴呢？我又覺得唔係，如果以咁嘅質素，幾對綽綽有餘。$400幾蚊但講緊係任食和牛放題，真係好正！裝修都係走日本風格，好靚！食物款式都真係好多，單單係牛已經有唔同部位。和牛肉眼、牛肋骨、牛胸腹等等，見到個牛肉船，真係無得彈！呢到主要都係用網燒，而且店員都幾勤換。可以自己灑D調味料，如海鹽上去。咁會更加惹味！如果唔鍾意海鹽，可以用佢哋嘅秘制燒汁，都相當好味！剌身方面，雖然唔叫好多款式，但有嘅都係大路貨。剌身最重要唔係款式，而係新鮮，保證你食落都一定feel到佢幾新鮮。另外，仲有生蠔同扇貝，各式各樣，應有盡有，仲有蟹腳，所以話絕對對得起呢個價錢，仲抵食添！和身料理有唔係好多地方都有嘅榴槤炸彈，熱辣辣，停唔到口。而天婦羅款式都非常多，總有一款係啱你口味。不得不提呢到嘅雪糕係我最愛嘅movenpick，仲要係任食，點都食返2-3杯，哈哈！其實佢仲有Frutato Gelato意大利雪糕，所以絕對係值得一試。因為都真係爆滿，建議大家盡早

平時放工，如果係九龍食飯 多數都會係尖沙咀 夠方便`選擇也多。但原來佐敦都好多好野食架，今次就黎左呢邊食燒肉`刺身。一間好有日本風既日式燒肉店。佈置真係好靚❤️ 仲有好多櫻花🌸既裝有，有如置身日本用餐既感覺。而用餐方式係放題任食：即開時令生蠔🐚`北海道🇯🇵松葉蟹腳🦀`和牛🐮`刺身🍣`日式串燒🍢🍡🍘`Movenpick / Dryers 雪糕🍨🍦，通通都可以任食呢😍 大滿足。真係好開心 好興奮，估唔到以放題既價錢 食物既質素`水準係超高。服務更是一流，好貼心 隨時照顧客人需要呢。仲有仲有，呢度既飲品一般既汽水🥤`果汁🍹`名茶包🍵，以至：清酒🍶`柚子酒🍸`梅酒`紅白酒🍷🥂🍾`啤酒 同樣都係無限量供應，真係不得了 好盡興。..其中食物真係樣樣超水準。生蠔🐚 真係好新鮮，隻隻都好靚 好肥美 ，現開現食 加上cocktail sauce 真是美味。鍾意食蟹腳既你🦀 更有福啦。Hokkaido Queen Carb Leg❤️ 無錯呢度都係任食呢，新鮮好味。刺身方面：Salmon🐟`Sweet Shrimp🦐`Yellowtail🐠`Scallop🐚`八爪魚🐙，通通都同樣新鮮 好鮮甜呢，我都食左2 r

有得食生蠔同長腳蟹腳，不過我去個陣未有呢個promoteథ౪థ，但我覺得呢間燒肉店岩晒中意食肉既朋友仔，質素都幾好～ . 餐廳提供左唔同種類既燒肉ε٩(๑> ₃ <)۶з，包括#澳洲和牛肉眼、#和牛西冷、#牛肋骨、#米澤三元豚腩片等等！！！，可以食勻牛既唔同部位(◔౪◔)，每款肉類調味得岩岩好，唔會過咸，肉味好濃呢，肉質鮮嫩(✪ω✪)！ . 仲有海鮮同刺身食，鮑魚生蠔都好新鮮，喜之次魚皮香肉嫩(๑´ㅂ`๑)，任食刺身有甜蝦、赤身、油甘魚等，可惜海膽唔係任食，因為好creamy呢(๑´ڡ`๑) 仲有其他既天婦羅、小食等～ . 2.5小時真係好夠食，慢慢燒食到好飽呢(´▽`ʃ♡ƪ) 最後仲有movenpick、dreyee雪糕任食，所以我食左勁多杯(❛◡❛✿). 而家有埋生蠔同蟹腳任食，我覺得可以一試呢(´ΘωΘ`)仲有呢度抽風系統幾好，食完之後件衫都冇咩味 2.5小時晚市和牛放題：成人$458；小童$228 (星期日至四)成人$508；小童$24 (星期五、六、公眾假期前夕) . 響 - Hibiki 日本燒肉地址：佐敦白加士街101號珀

一分錢一分貨呢個道理深明已久，前日收到新一年既加薪信🤤，加幅唔錯，決定對自己好d即刻訂枱食返餐好呢間位於佐敦既「響日本燒肉」店，朋友之前食過重極力推介，就決定揀佢黎試下！位置很方便，佐敦站A出口行三分鐘便到！餐廳坐位寬敞舒適，裝修充滿日式風味晚市黃金時段2. 5小時放題連加一每位$500左右，未食前感覺有點小貴，但吃完便覺得值回票價，除左餐廳供應既食材都是貴價貨外，食物比起平時放題的確係高質得多，比起去居酒屋更加經濟實惠！除了汽水啤酒呢d基本野外，重有紅酒白酒重有梅酒、柚子酒，燒酒，清酒個人對柚子酒愛不釋手，係知名品牌，平時係超市買一盒都唔平甜品當然唔少得貴價雪糕刺身拼盤，件件厚身肥美真係隔住個mon都feel到新鮮生蠔無限追加、加拿大既海膽入口絕對有驚喜澳洲和牛係我今次主攻幾款牛都真心唔錯，但個人至愛都係澳洲和牛肉眼油脂均勻、肉味濃郁、肉質嫩滑，真係唔好講咁多，博命燒吧🤣🤣🤣豚西冷都有驚喜，肉厚爽彈，充滿肉汁日本松葉蟹腳都係可以任食拆出黎長過我d手指雖然口說主攻牛，但好多食物其實都好值得試，例如天婦羅，外脆之餘又唔厚粉，冬菇夠厚身無青味真係超好食除左牛、海鮮拼盤、刺身外，重有好多食物

去年年尾這間燒肉放題店新開幕時來過一次，今天是我的生日，愛人知道我喜歡這間食肆，今晚便訂了早場，由下午5:30至晚上8:00。可能時間尚早，又是平日，所以不是太多人，我便可以享受一個寧靜的晚餐。第一時間便去取酒喝，除了清酒、柚子酒、梅酒之外，新增了西柚燒酒，任飲任食，不醉無歸。😋😋😋😋😋跟以往一樣，海鮮、刺身和牛肉拼盤，不用自己點，已經自動送上。海鮮拼盤有長腳蟹、帶子和大蝦🍤，其中以帶子和大蝦，鮮甜可口，最為突出，不用燒太久，就可以吃到其鮮味。刺身拼盤就有加拿大海膽、帶子、八爪魚、甜蝦、生蠔、油甘魚和三文魚，其中以加拿大海膽最為我喜愛，因為鮮甜美味，不過這個不是任食，所以有點可惜。而其他刺身亦很新鮮。牛肉拼盤包括米澤三元豚西冷、美國牛肋骨、七味豚拖羅、手羽、澳洲和牛西冷、澳洲和牛肉眼、澳洲和牛胸腹和骨付雞肉腸。牛肉中當然以澳洲和牛，脂肪最為豐富。骨付雞肉腸亦值得一提，因為這個腸容易燒焦，所以要放在爐邊烤焙。追加了其他食物之後，都差不多飲飽食醉，當然就是甜品，這裡有多款雪糕和雪條，我豈會放過，就是吃雪條都已經吃了三枝。今晚這麼盡興，只可以說句夫復何求呢！

今晚係公司食春茗，成班人柴娃娃去咗佐敦食日式放題，地點難搵啲。一坐低就當然大家急不及待要出去睇吓有咩酒飲，紅白酒成支俾我哋拎走唔客氣啦，唔止喎仲有清酒，梅酒，連我最鍾意嘅柚子清酒都有。味道清新，險些飲大。打頭炮就係刺身拼盤一出場個個嘩嘩聲，新鮮海膽，生蠔，長腳蟹肉身有啲乾，日本（喜之次）有返咁上下價值嘅魚，居然係放題有得食，肉身油脂分泌平均，用作BBQ鮮味無窮。大蝦，大扇貝差不多噏得出嘅海鮮富有。👍最喜愛澳洲和牛西冷，無限量供應，對於我呢班蝗蟲式同事，呢間日式放題簡直大讚。雪糕甜品又有Movenpick 焦糖燉蛋味、又有Dreyer’s 雪條。真係好過去高級酒店多多聲。今晚仲包咗間VIP房俾我哋班嘩鬼，點嘈都唔會尷尬。大家都玩得非常盡興呢！

每次想吃日式放題總會想起它，因為食物質素令人值得再次回味，所以上星期忍不住相約朋友去大吃一餐。這裡的飲品種類非常多，白酒、紅酒、汽水、清酒、梅酒應有盡有。點食物前會先來一些拼盤，先來刺身一客刺身拼盤，有海膽、帶子、蝦、三文魚等，海膽味道濃郁，蝦肉質肥美，帶子鮮甜無比。再來海鮮拼盤，証明燒烤的時間到了，海鮮拼盤有蠔、鮑魚，大蝦、原條一夜干，件件新鮮，個人最喜歡這裡的大蝦，非常有質素，入口爽彈鮮甜，還有一夜干，肉質帶一點鹹鮮，令人忘不了。肉類拼盤，總有一款你喜歡的，個人最喜歡澳洲和牛西冷和美國牛肋骨，肉質嫰滑，牛味十足。我是絕對不會錯過炸榴槤，外脆內嫰。雪條也相當吸睛，相信不吃也對不起自己。

食任食燒肉刺身，好多餐廳都係食垃圾或者服務唔好。但係“響”真係值得一讚。一黎到waitor 會根據人數，自動俾一盤靚牛拼盤，海鮮拼盤(for 燒) 及刺身拼盤俾我地。呢3樣野味道加賣相真係ichiban。牛既種類有幾種，一睇就係有啲質素，燒到咁上下加啲salt 已經好食到爆。豚肉片再加叫多個泡菜， 夾埋一齊食真係好好食。另外，員工服務都幾好! 我唔識用部生啤機， 有staff 會教你，亦都好有禮貌。其實部日本生啤機好特別(係另加錢先有任飲)，係喺個膠杯底斟上去。最後，值得一提的是它任食的雪糕是movenpick雪糕杯及dreyers 朱古力皮雪條。 食兩杯都回到少少本 總括而言， “響”的確是值得一去，價格也十分合理，我也推介了朋友去食，希望食物質素及服務能繼續保持!

《響 - Hibiki 日本燒肉》#食在佐敦 #90sfoodieshare_佐敦📍佐敦白加士街101號珀軒1樓-高質晚市放題送海鮮拼盤 紅白酒梅酒柚子酒清酒啤酒任飲！ 仲有MOVENPICK雪糕 Dreyer’s雪條任食！$408起任食2.5小時一坐低 店員會幫你安排三盤食物 慢慢食完再揀紙仔上嘅野食🔹海鮮拼盤螺、蠔、大蝦、鮑魚、日本喜之次海鮮幾新鮮 鮑魚好爽口 蠔夠鮮甜 😱仲有成條魚🔹刺身拼盤三文魚、甜蝦、八爪魚、帶子、油甘魚、赤身仲有海膽！！ 真心鮮甜無腥味 跟埋紫菜食👍🏻 刺身整體都好新鮮 每樣都有4片🔹燒肉拼盤寫好哂邊款打邊款 肉類都幾高質 牛胸腔同和牛西冷好嫩 有牛味雪花幾靚 另外骨付雞肉腸都幾好味 比起我之前食過嘅明顯有高低 豬頸肉都推薦另外仲有一系列刺身、燒肉、海鮮、小食、沙拉、天婦羅、炸物、蔬菜。有榴槤炸彈呀 必試！雪糕當日就得咖啡同朱古力味，有個特別d嘅雪條係芒果多多 好似沙冰咁 不過偏甜 可淺嚐。點餐以件數填寫 寫過兩轉都無比多比小 上菜速度都幾快 約埋三五知己邊食邊飲都係一個唔錯選擇

上個月我生日，屋企人同我慶祝，特登帶咗我去食一間日式燒肉放題。價錢就有少少貴，不過佢送海鮮拼盤，而且酒類任飲，睇相食物都好似好靚咁，所以少少都想試吓。餐廳入面都唔算擠迫，出入都方便，而且餐廳個抽氣系統好勁，就算全場坐滿人，身上面都唔會有油煙味。食物種類有啲少，但係常見嘅種類都有，不過呢度嘅肉類好多，都係高質肉。好欣賞佢每一款肉都會貼名牌，好多時喺出面食放題，叫完都唔知自己食緊啲乜嘢，今次分清楚晒，食完邊款覺得好食都知道。食過覺得牛肋骨最好食，牛肉好林唔肥，入口有即溶嘅感覺，另外牛舌都幾好食，爽口彈牙。燒到咁上下嘅時候，時間會過嚟留意你個鑊夠唔夠水，個網有冇燒窿，會自動幫你換。人頭份嘅海鮮拼盤，不過因為係自己親手燒，要好好控制個火候，消蠔嘅時候就係因為控制得唔夠好，所以有少少老，小小縮左水。燒蔬菜嘅時候林小小水或者湯汁上去，會快啲熟而且冇咁乾身。另外佢菇類係用錫紙盤裝住，快熟又好方便食。覺得油膩嘅話可以叫個沙律食，中和返個感覺。刺身好新鮮，魚肉都好肥美，帆立貝好清甜。海膽好大份，而且顏色好新鮮，食落去係好鮮甜嘅，完全冇腥味。酒類有紅酒、白酒、生啤同日本嘅水果酒。飲品甜品雪糕都有好多款式。

不得不講下我近期食嘅一個日式燒肉放題，榮升左我係日式燒肉既首選，我一直燒肉放題既肉品高質極有個譜，呢間餐廳就打破左我既有既認知。今次同屋企人四個人去食，一坐底侍應就送上海鮮拼盤，燒肉拼盤，刺身，一坐底唔洗等就即刻有得食。講左燒肉拼盤先，澳洲和牛都有3款，西冷，肉眼，同我地一致推薦既胸腹，3款都好好食，但係胸腹最啱我哋口味，佢既雪花分佈最平均，所以每啖都有濃烈既牛油香，咬落都係最幼軟既，我地返點左4次都唔夠喉。另外美國牛肋骨本身調左味，味道似食緊韓牛，連住骨既肉最好食，係另一個好選擇。另外既海鮮拼盤有鮑魚有蠔，但最驚喜係有原條喜之次一夜干，從來都未試過係燒肉店自己燒一夜干，淨係呢個食材已經好夠誠意。一夜干唔容易燒，一定要一邊熟晒先可以反，味道比想像中淡，鹹d會更好，魚肉好滑，最中意一絲絲既肉質。鮑魚都係比較少見嘅，值得一食甜，肉質非常彈牙，而且好新鮮，未燒之前真係見到隻鮑魚郁嚟郁去，非常生猛。燒既時間要等，刺身唔洗等。見到好多海膽，眼已經發光，但有d驚送既海膽質素普通，但估唔到好鮮甜，一d腥味都無，個質感好綿，每一塊都好完整地大塊。其他刺身都好新鮮，特別係油甘魚同三文魚，魚肉厚身，味道濃