響 - Hibiki 日本燒肉 (已結業)

朋友請食生日飯緊係要間有質素又貴 平時自己唔捨得食既餐廳位置響佐敦既響Hibiki 1位係408蚊加一即刻要mark 低有咩好食座位闊落 樓底高 傾計食野一流坐定定餐廳已送上 刺身生蠔 有成6款海膽配紫茶 無腥味 微甜 三文魚厚身 甜蝦帶子大假 質素中上好快就送烤肉 有8款 個人喜歡和牛肉眼同牛助骨 配岩鹽好惹味油煙都唔算太大 燒起上黎都唔錯飲品有麥啤 韓國飲品 約10款鍾意可以沖茶解膩唔夠喉 其實仲有好多款選擇甜品類有5-6款 1口1件 試哂都仲有位最後竟然有我想試好耐既dreyers 抺茶脆皮雪條同moverpick雪糕做總結好滿足既1餐!

最近在團購網買了這間餐廳的優惠券，見母親大人就快生日，就訂檯食飯兼慶祝。先講位置，離佐敦地鐵站只係5-10分鐘路程，近裕華國貨，地點算幾方便。上到樓上即刻有侍應接應，服務態度不錯。店面裝修亦頗日式，在邊緣位置附近已經放好多款飲品包括清酒，梅酒，紅酒，白酒，玫瑰花茶，玄米茶，煎茶，各款果汁汽水，還有少量甜品及Movenpick Dreyers雪糕等，全部無限飲食，頗方便食客。至於食物方面，一間會奉上一盤剌身，已經包括多款常見的剌身，仲有生蠔及大大件海膽。其中海膽味道不錯，可惜並非無限供應，每人只有一件。另外，店員亦會奉上一盤海鮮(未熟帶子，蝦，腳蟹，魚等)讓客人自己去燒。我地亦叫了一盤肉類，裡面有澳洲日本和牛及美國牛肉豬肉等。肉類整體可以，沒有特別評價，反而係燒烤覺得用了很長時間，熟食須時，2.5小時只係剛剛好夠時間，如果肚餓的話要先叫其他熟食頂下肚。至其他食物有天婦羅，炒飯，鍋物，串燒，炸物，沙律等。上菜速度都正常，沒有漏單。店內的抽風系統也很好，離開時沒有太大油煙味。使用團購後賣單都要接近$400/人，覺得性價比一般，可以一試。

係一間食過返尋味嘅放題，佢除咗有刺身之外和牛都係任食，但係真係一分錢一分貨，一去到坐低佢就俾咗一盤和牛我哋先，叫我地試完之後可以再嗌，係真係超高質超好食，好食到刺身都淨係叫一盤就算，主攻和牛，我哋嗰陣係等到10點半先去食，買單大概$600左右，但係如果正常時間同繁忙時間食，都講緊要$500一位，如果係$400我都仲覺得抵食，但係如果成$500一位嘅話我就寧願去食buffet，但係總括嚟講佢真係一間好出色嘅任食放題。💚👍🏻👍🏻

傳說中嘅高質燒肉…黄金時段正價要$5xx位。之前睇左某識食YouTuber嘅介紹，彈得好勁…話啲肉未解凍，海鮮唔新鮮…………… 是次係團購宵夜時段埋單$350一位食物冇傳說中咁高質，但又未到YouTuber講到咁差：-燒海鮮盤嘅海鮮一般，蟹腳真係好少肉，係蝦好少少。-魚生盤嘅生蠔勁瘦，好薄身，食晒頭輪冇再re-order。反而其他魚生都ok,都有再加單。-燒牛肉真心冇驚喜…食完頭輪冇再加單。-其他燒物冇醃過，雞翼完全冇味。-天婦羅ok，有加單。-有紅白清酒任飲，飲酒會幾抵。我都見有一枱純飲酒，食魚生，冇開爐燒肉。如果唔飲酒，宵夜時段都要$350元位，唔算平，可以有其他選擇。

今晚老闆請食飯，揀左依間超高質素既日式烤肉放題！個個食到讚不絕口！無論環境、食物、飲品及服務質素都很棒，真的要用心推薦。 當晚20:00黎到，見到好多人都排著隊等入座！ 當晚平日，但全場爆滿，可見其人氣。 職員安排座位後，會先簡單講解一下食物種類及飲品位置。-餐廳會先安排第一輪的食物，分別有烤肉、海鮮拼盤及一盤刺身。-刺身款色都多：生蠔、三文魚、油甘魚、甜蝦、帶子、海膽及八爪魚🐙。整盤刺身賣相色澤新鮮相當吸引😍我們還encore 了好幾轉；由日本新鮮空運到港，十分鮮美。最愛肥美的油甘魚，其紋理細緻，魚嫩爽甜。橘黃色的海膽也相當鮮美，放在脆口紫菜上面一併吃下，百般鮮味。此外，即開生蠔亦鮮味無比！我們每人吃了一打😋 蠔肉色帶淺,不算creamy但質感爽口;入口有中度海水鮮味。 配上白酒🍶一流享受。-海鮮拼盤有jumbo size 海老、蟹腳及帆立貝。 食材相當新鮮，蝦厚肉鮮甜、帆立貝彈牙鮮美。-烤肉拼盤亦相當精美，很欣賞放在食材上的那個小名牌，讓食客可以清楚知道在吃那個部位。❤️由細到大都鍾意食雞翼。 烤得皮脆肉嫩！ 正❤️七味豚拖羅醃製入味，肉質相對軟腍鬆化。油脂分佈平均，香味爆登。❤️美國牛

繼之前一個月內食左2次燒肉放題後，都隔左一陣先再去食，而今次揀既呢間就唔係只係食燒肉放題咁簡單，佢出名在有生蠔、蟹腳，同埋酒迷最愛既酒類任飲！有紅酒、白酒、梅酒、柚子酒、清酒，唔少得罐裝啤酒，中意飲生啤既仲有可以加$48任飲自己斟既啤酒添，唔止酒類，仲有Dreyer’s、Movenpick及Frulato任拎，係任拎冇限制！環境比起一般既放題餐廳，呢到稱不上十分之大，但環境已經好足夠，兩個人前行慶幸可以坐一張大少少既枱，座得舒服，而排煙系統都還可以，唔會污煙障氣。收費 價格最平既宵夜時段(10:30pm-01:30am)$228至星期五、六、公眾假期既$508不等，都係食2.5小時，以放題黎講時間十分足夠。點餐紙餐紙唔算多，有八張，分左刺身、和食、沙律及小食、小食沙拉、天婦羅及炸物、蔬菜、和食烏冬、燒肉海鮮及板鹽燒。自助區重點就係自助斟酒區，分別係紅酒、白酒、梅酒、柚子酒、清酒，當然都有罐裝飲品、熱茶，仲有自家製既甜品櫃及放滿Dreyer’s、Movenpick及Frulato既凍櫃。刺身拼盤有三文魚、油甘魚、帶子、甜蝦、海膽、八爪魚及生蠔。刺身質素正常，厚切度適中，最怕每次ORDER

之前見過佢係facebook有介紹已經十分吸引,有好多朋友都去過,口啤十分好,終於約齊人一齊去食櫻花樹下,日式裝潢重點出場,就係為左呢個任食和牛光顧和牛都分左幾款,有1.澳洲和牛胸腹2.澳洲和牛肉眼3.澳洲和牛西冷另外有美國牛肋骨和米澤元豚西冷和牛肉質相當軟滑,入口餘香揮之不去絶對回本除左和牛,美國牛肋骨亦不失色,肉味突出米澤元豚西冷口感十足,味道香濃另一回本之件,生蠔刺身生蠔好新鮮,前後食左2轉海膽好靚,唔腥,好甜海鮮有鮑魚,新鮮彈牙,十分乾淨仲有其他牛類選擇,牛舌,牛肉粒豚腩片及鯖魚全部都勁好味牛肉色澤紅潤多汁香氣滿瀉另有多款汽水,茶,酒,我最喜歡這款柚子酒,配燒肉一流

呢晚余媽媽同余爸爸兩口子去撐枱腳, 今次book左位於佐敦嘅響-Hibiki日本燒肉食放題, 呢度多款美食包括和牛都係任點任食㗎! 啱晒我地兩隻食肉獸~ 一進點已經被店內嘅佈置吸引了！充滿日本色彩~ 入座送海鮮拼盤, 燒肉拼盤和刺身拼盤, 等大家試完一輪再睇吓邊啲想encore~ 海鮮拼盤有北海道帶子、日本原隻有頭甜蝦和北海道蟹腳, 忍唔住即刻燒嚟食, 都幾新鮮~ 刺身拼盤非常吸睛! 有7種刺身之多, 當中有我大愛的海膽和生蠔！海膽很鮮甜滑喉, 而生蠔大少適中, 不會太肥, 可以多食幾隻~ Second round!!!全晚嘅高潮就係呢碟燒肉拼盤, 有多款和牛和豚拖羅, 賣相和顏色都非常靚, 見到已經垂涎三尺~當中包括澳洲和牛西冷、澳洲和牛肉眼、米澤三元豚腩片等~上碟時已經切成小份, 更容易燒~ 係火上燒一陣就食得! 油脂比例均勻, 真正的入口即溶, 感覺好實在~ 一定要encore!雞肉腸都幾有雞味, 不錯不錯~還點了余爸爸大愛的牛舌~炸物方面, 喜歡榴槤的你, 千萬不要錯過呢度嘅榴槤炸彈啊! 炸皮厚薄適中, 入面的榴槤流心溢出, 趁熱食超好味! 呢度嘅甜品和雪糕都係任食

窮遊香港-任食和牛燒肉放題👍🏻即刻like @hkfunfoodrecord 同follow先啦.呢日講下和牛燒肉放題首先講明 任點得和牛 當然唔會係低價放題（任食餐牌 價錢睇圖）今日呢間餐廳 👎🏻選擇方面唔夠多唔似旺角一般放題 日韓泰咩野種類都加d.今次呢間係主打高質 和牛燒肉 刺身 串燒適合要求高質放題既 牛魔王 黎回本.先講 呢日18:00黎到 🙈已經好滿場👍🏻座餐廳最入面 2人座4人位 空間感好夠（可睇圖）😂一入座 佢會上一盤刺身 同一盤肉 同一盤海鮮⭐️海鮮 有北海道長腳蟹 大蝦 大粒帆立貝⭐️刺身 出哂煙咁上 又可以呃like（可睇圖）👍🏻刺身高質 咩都有d 海膽生蠔等等....當中帶子 大粒 鮮甜 冇雪味大甜蝦 鮮甜 冇沙 （食左10隻）.重點 ⭐️燒肉方面啦（全日主要點和牛 爽 好滿足）可以見到 👍🏻和牛油花 肉色都唔錯偏向肉感👍🏻西冷 肉質幾細嫩（一定係因為我燒得好🤘🏻）感覺牛胸同西冷差唔多肉眼 就肥dd 半肥瘦既感覺想食再肥d既 可以點米澤三元豚西冷係一塊油感d既肉👍🏻呢間放題 肉類質量唔錯（此外抽油煙都做得好好）（食完冇成身燒肉味）.👌🏻野飲方面係一般 放題野飲（可睇圖

呢間算係我食過最差的放題448/1位(有九折) 2位896見到IG有推介 啲圖又幾正咁 所以就book左啦結果係失望至極 真係物靠包裝 多幾個牌感覺高質啲，但食物高唔高質就見人見志唯一好處係有movenpick一去到會上一盤刺身，一盤肉，一盤海鮮好老實說 不值這個價錢係街巿買的平價肥牛比佢更加有牛味生蠔我完全放唔到落口 太「san」啦燒完都唔會好大分別 難怪有得任叫(冇再加過海鮮單)所有燒既食物都冇味 燒汁得枱上比你果碟仔 要加可能要問佢(我就冇加啦，因為冇乜點食過野)台面得七味粉 鹽 黑椒 刺身豉油啲黑椒扭出黎勁大粒啲牛咬唔爛 已經唔係厚切。。。刺身得四至五款上菜慢到得翻兩條腸，燒到變黑都未拎到其他野黎第一次食放題枱面空空如也一段好長既時間枱面最多係野飲 因為自己可以拎得到上刺身冇冰座住 放題黎講真係第一次見第一次感受到 唔係一分錢一分貨的放題即使折左都覺得蝕到入肉連隔離枱都話伏相信大胃王都回唔到本👋👋👋

“響” 呢間日式放題燒肉店，我已經係Facebook ， IG 同雜誌等見過佢個名好多次了！亦有好多朋友係呢度打過咭，見到佢哋 post 既相我已經流晒口水，雖然平時好少食 Buffet 同放題，而平日夜晚收費是HK$458+10%, 價錢係有一點貴，但見甘多人黎，都忍唔住你朝聖一下...雖然呢度Order 紙既種類冇坊間既日式放題店甘多，但貴精不貴多，以質取勝呢度勁在除左飲品及茶包任飲之外，就連啤酒，紅白酒及梅酒柚子酒都係任飲的！酒量淺既我哋，就攞左梅酒同柚子油，味道不錯，絕對不是因為放題，比d劣酒客人飲！一坐低店員會先送上三盤指定併盤，包括有燒肉併盤，海鮮併盤及刺身併盤！燒肉方面我個人幾喜歡澳洲和牛肉眼，澳洲和牛胸腹同美國牛肋骨！牛味好濃好嫩！蝦都好大隻又夠鮮甜！刺身併盤竟然有海膽同蠔，實在有驚喜！正呀！其實食完餐廳安排既併盤已經飽左七成！呢d係另外order紙叫的！有天婦羅，小食，串燒同Encore 左一d之前冇既燒肉...爐既火力不是太強，所以唔會太易燒燶嘢！啱晒我呢d地獄廚神，哈哈！其中一樣吸引我既係呢度嘅雪糕，有Dreyer’s 雪條，Movenpick 嘅雪糕同榴連味嘅g

阿媽生日,食餐貴既燒肉賀一賀,因為早場平d所以book左1730, 2.5小時入到去即刻睇下點咩好,想落單時待應就話會有頭盤黎唔好落單住,點知等個頭盤已經無左15-20分鐘,完全無野好做白等頭盤刺身比好多,5個人10隻蠔你估個個都食咩,蠔肉乾身似放左好耐,而且每隻都有好多殼碎,好差下,不過海膽同帶子唔錯牛肉大概就係以下果d,印像中得一兩款係好食,仲有牛脷都ok,雞肉腸都ok,豬就得豬頸肉比較好,爽口魚同帶子都係得第一輪有,帶子有d好大隻有d好細雪糕有moverpick 哈根大師雪條,同一d唔識既牌子,都未到最後仲有成半個鐘有多,已經無晒雪條,moverpick一早無得揀得返士多啤梨無人食,問侍應就話無架啦唔refill收得呢個價錢竟然唔refill, 真係呢…埋單時發現隔離枱67個人只係比幾百蚊,即刻上網search, 原來真係有團購,唔怪得會滿場啦加埋一每位450, 散叫都可以食得更好,唔會考慮再黎

又到一年一度和男友慶祝生日，今次選了日式燒烤放題，感覺這家評價都很高，又適逢聖誕節，所以預先1個月訂位了。要上一樓，門口有個小小電梯可上去他們預先準備好2人份的燒烤給我們，不夠可以再任你點飲品當然亦是任飲我們單點了一份和牛，是要另外比錢的，結果是硬過香口膠，我出名好牙力，一搬硬的脆骨我也咬碎，但呢份牛扒我實在「無辨法」，結果我找了一位西裝，似經理的人來跟他說要換一份，他的態度非常正確，首先，他自己把碟上的牛肉用他們所說的手法燒一次（全都以為客人唔識燒）然後將其牛肉剪～～～剪～～～幣...剪唔開所以二話不說就托出（他說只有VIP才能吃的和牛換給我們）這次男友也說不錯，幸好這位經理，不然我的男友生日飯局可能會很掃慶。最特別就是有梅酒放題，不是每一家店都有，他們有很多款任飲，這一點也是我會去的理由甜品也是任食。新興的日式燒烤來說，他們也做得不錯，但比我之前去觀塘區的某間日式燒烤放題略為爭一點點，食品款式及質素可有進步空間，但整體都有85分，要我再來吃我都會再來。

很久沒吃過日本的燒肉，想念着那油香的滋味，於是在網上搜尋到這間，被其所吸引。店面以櫻花作設計，充滿和風的味道。內部裝修讓人感到十分舒服。酒類選擇多，甚至設有這種特別的啤酒機，此款需要另外收費。我們第一輪當然是首先點肉類，澳洲和牛西冷，美國牛肋骨等都十分新鮮。除了燒肉，這間餐廳或提供刺身、海膽、生蠔等。刺身賣相相當吸引，海膽的份量也很足料，生蠔則充滿濃濃的海水味。金黃的海膽讓人垂涎欲滴，芥末配上厚切的三文魚更添風味。還有其他串燒等，雞肉肉質鮮嫩，醬汁調配不錯。飲品種類選擇多，無論是白酒、紅酒、啤酒、日韓酒類等都任飲，適合喜愛酒類的朋友。除了忌廉溝鮮奶外，還有其他韓式飲品，比其他放題店有更多選擇。另外還有一些炸物，例如榴槤波波，中間的榴槤醬十分飽滿，很濃郁。還是少部分甜點放在門口位置，賣相不錯。最後當然不少得是我最愛的movenpick雪糕，竟然是任吃的！總括而言，這間燒肉的酒類選擇多，讓客人能一邊享受燒肉的美味，一邊品嚐香濃的酒品，真的是品質生活呢。

又兩對公婆去食好西，今次細妹帶我去食舊居一間高質日本燒肉放題，位置易搵。就在佐敦當旺食街。我地book咗食8：30，以和牛質素嚟講價錢👌，而且會員仲有折~場內以和式風格為主，瀰漫着一陣薄薄煙霧，滲透陣陣燒肉香店員安排我哋坐窗口位，窗口貼上花瓣襯托，枱櫈食具都以黑色為主，用上岩鹽丶原粒黑胡椒丶辣椒仔，五味粉等供客人調味自行㸃選燒物，豬牛雞海鮮任君選擇，有刺身和食丶小食炸物比你揀，仲有時令生蠔同北海道蟹腳，選擇眼花撩亂，多不勝數飲品也是自取任飲，除罐裝飲料啤酒外，清酒和梅酒也是任飲，不好凍飲，亦有茶包比你沖泡，以解油膩浦入座就已送上三大頭盤～雜錦刺身，有海膽又有生蠔，新鮮無比，刺身也鮮嫩爽滑，入口即溶另一頭盤是海鮮拼盤，既矜貴又新鮮主角上場，四款牛肉都好高質，油脂分布均勻，色澤漂亮，豚西冷夠厚身肉味濃，拖羅調味恰好，爽口非常串燒和手羽也不錯，唯要注意火候，不然會燒焦~牛肉分别有和牛肉眼丶和牛胸腹丶和牛西冷同牛肋骨，入口即化，嫩滑無比，爽丶滑、嫩腍都有，滿足感爆燈，我哋仲encore左肉眼、牛胸腹同西冷最後梗要食個雪糕作結尾，款式多，有雪巴丶雪條，雪糕，口味繁多