響 - Hibiki 日本燒肉 (已結業)

真係好耐好耐都冇食過燒肉應該都有成兩三個月啦朋友話有一間想試好耐心動不如行動啦鋪頭地方都算大分開咗左同右兩邊7:30去唔使等位就有位放題任食兩個鐘餐牌飲品櫃除咗汽水仲有清酒梅酒免費任飲頭盤有海鮮刺身拼盤同埋肉類拼盤基本上所有嘅嘢響餐牌上面都有得再叫太耐冇燒嘢食腸仔都比我燒到燶曬今日覺得個豚肉西冷幾好食淋得黎又燒得香脆基本上佢哋所有肉都冇調過味唔點豉油嘅話落返少少鹽或者黑椒會好食啲放題梗係唔少得任食雪糕啦MOVENPICK 同 DREYER’S 都有得任食為呢餐畫上完美句號

Nice to MEAT you🥩 有時做人真係好想放縱一下，我嘅放縱就係獎勵自己一次😆日本燒內放題兩個半鐘。朋友介紹呢間響日本燒肉放題，話食物用料幾高質，最重要係有信用卡💳優惠。埋單計落都幾抵食。...呢到出名既有三寶：.✨ 響- 招牌澳洲和牛燒肉拼盤.一次過試晒咁多款呢到既高質特色燒肉，我最鐘意都係澳洲既和牛系列🤩 啖啖都係和牛香味..✨響 - 招牌生蠔刺身拼盤生蠔、海膽、生蝦都係我既至愛♥️ 同行有朋友唔食生野，都比佢諗到將生蠔同生蝦燒熟黎食😂雖然d刺身唔係貴價日本料理既質素，但可以 encore 任點，有日本連鎖壽司舖既質素，又真係食得幾開心。..✨最後一寶，響-招牌海鮮拼盤都冇hea你，有長腳蟹，牛油燒帶子，大蝦🍤。一坐低已經送上呢三款重量級拼盤，係見到都覺得食慾大增，食完邊款想再 encore 都可以係點餐紙再嗌過！..除咗燒肉、海鮮同刺身，仲有炸天婦羅等其他熟食。呢到既任點menu選擇係勁多。記住要book位，我地平日8點開食都幾爆場！.食到最後記得食嘛任食movenpick同dreyers雪榚先好走

第二次黎「響 - Hibiki 日本燒肉」， 雖然收費係唔平， 但小編覺得都值回票價！😏 因為佢係主打海鮮、和牛燒肉嘅日式放題， 所提供嘅全部都係高級嘅日本和牛肉、豚肉， 2.5小時任食， 仲要有紅白酒、清酒、梅酒任飲， 絕對係可以飲飲食食返夠本！😂 星期日至四 （20:00前結帳離座） 成人$408/位、小童$198/位 （20:00後入座） 成人$458/位、小童HK$228/位 星期五、六、公眾假期及前夕 （20:00前結帳離座） 成人$448/位、小童$218/位 （20:00後入座） 成人$508/位、小童$248/位 星期一至日仲有優惠時段， 22:30之後，成人$388/位，仲免加一， 大胃王宵夜有好去處啦！😏 刺身好豐富， 有三文魚、甜蝦、油甘魚、帆立貝、八爪魚和海膽， 仲有生蠔添！😯 刺身款款都好新鮮！😍😍😍 三文魚、油甘魚都十分肥美，魚油脂香； 甜蝦甘甜嫩滑，帆立貝鮮味十足！ 海膽入口甘香甜美，可見其用料新鮮！ 可以伴着紫菜一起吃， 可惜生蠔有好大陣鐵銹味，唔係小編杯茶，🙊 除左海膽外，其他刺身全部都可

又係牛牛啦🐮再食一定做肥婆😌哥哥係一個#牛牛控，今日趁佢收早，就去試吓啦又佢開嘅時候到而家，成日都見到有人介紹。雖然在放題始終價錢唔算平💭但佢嘅Menu淨係食和牛，點樣都要「豪」返次我地book左8:00，去到嘅時候見到有大量嘅吉枱，心頭立即冷咗一下。後來發現原來八點前同八點後係兩個價錢，所以咁啱係返枱。過咗一陣之後，全場差唔多爆滿場內油煙味唔算重，抽風系統做得幾好，而且冷氣夠涼爽，唔會愈食愈油嘅感覺飲品係自助嘅，除咗雪櫃有烏龍茶啤酒汽水任飲之外。另外仲會包埋兩款清酒🍶柚子酒及梅酒。第一Round，店員會先送上刺身海鮮及和牛燒肉拼盤牛肉質素超高班，即刻覺得值回票價。而且每一款牛肉都有一個小名牌，知道自己食緊嘅係邊一款肉類，勁多雪花❄️和牛係兩面燒一燒就食得啦！勁正👍🏻👍🏻入口即溶🤤#澳洲和牛西冷：肥瘦適中，肉味濃郁。#澳洲和牛肉眼：油花充足。肉汁濃厚。#澳洲和牛胸腹：我最中意食依個，入口即溶。#牛舌：識食一定要食牛舌，爽口而且口感一流。#海老：超大隻海老，而且有膏。之後緊係食返雪糕啦，依個都係回本位‼️任食Movenpick、Dreyers。好少放題食呢種咁高質素嘅雪糕🍦仲要任食唔嬲

好耐無食日式燒肉喇，今晚同朋友慶祝搵到新工，一於食豪d先！一直都想試呢間放題，又有燒肉，又有刺身、海鮮、串燒😍我地book咗20:00入座，𨋢門一開，迫爆人呀！要黎食就記得book位~店員服務態度好好，加分👍🏻餐廳座位寬敞，亦唔會好大油煙。先食刺身~生蠔有手掌咁大隻！油甘魚、三文魚、帶子厚身肥美，海膽鮮甜。刺身質素幾好，夠新鮮。作為牛魔王嘅我，真係好興奮！牛肉種類好多，估唔到質素咁高，澳洲和牛肉眼、澳洲和牛胸腹，入口溶，而且牛肉味好濃郁，亦唔會太肥膩。手羽大大隻~超推介呢個七味豚拖羅(豬頸肉)，我地encore咗3次。好惹味、香口之餘，燒完個邊脆卜卜，超正呀！到海鮮喇！牛油帶子好邪惡😳蟹腳同大蝦都好大隻👍🏻食完咁多肉，食下燒菠蘿先~燒完好甜😍雪糕方面，有我至愛MOVENPICK!!! 雖然要成$500/位，不過好值！下次再黎！

有幾個朋友話想食好耐，早幾日下定決心要食，於是就book咗今日八點黎食。先上既係肉類，不但油花分佈平均而且色澤漂亮，試過晒咁多款牛，澳洲和牛胸係最好食，最入口即融而且唔"韌"，和牛肉眼都唔錯的，不妨嗌多幾轉。豬黎講七味豚拖羅，有濃郁肉香美味加上有七味粉作調味，入味卻毫不軟爛，好有口感。雞翼就咸左少少但肉質是鮮美的。送既海鮮拼盤樣樣鮮，帶子最出色，有粒小牛油係上面，燒個時將牛油既精華滲入帶子裏面，多汁而且肉質鮮嫩。蝦都唔遜色，超級大隻，肉質嫩而且食落仲唔膩。之後輪到剌身，全部都好新鮮，當中既海膽肥厚，濃郁甘甜，在口中會慢慢溶化，配合埋紫菜包黎食更顯美味，之後無得再嗌的，所以更加要好好品嘗。生蠔亦肉質豐厚，鮮味爽口。食完啲頭盤其實都已經有啲飽，之後嗌左少少自己想食既野同覺得最好食既肉就去攞甜品食，我揀左Dreyers既雪條黎食，估唔到呢度有，之前一直都想嘗下呢隻芝士撻味，芝士味好足好濃郁，幾好食。

一入座，店員已經介紹飲品/雪榚自行去拎，而頭盤好快會上傳。頭盤已經好豐富，有一盤刺身，一盤豚牛雞肉，一盤海鮮。刺身方面，有大大分海膽和生蠔，好正！另外有多款刺身，三文魚、八爪魚、蝦、帶子、油甘魚，款款都好肥美，甜蝦和帶子都清甜。海鮮頭盤有牛油帶子、北海道蟹腳和大蝦，大蝦好大隻，仲有蟹腳蟹鉗，兩款都肉多肥厚。肉類款式多到數不清，牛肉款式有厚厚和牛西冷、肉眼、胸腹、牛舌等，另有雞翼、雞肉腸、豚西冷、七味豚拖羅(豬頸肉)，餐廳細心地把肉類都放小牌子分門別類，一清二楚。牛肉款好正，真係一食再食。飲品方面，有兩邊corner位成置成飲品Bar，基本汽水一定唔少我，有芬達、Zero、7UP、菊花茶等紙包/罐裝飲品。養生方面有綠茶包和花茶包等等幾款選擇。酒精方面選擇也不少，清酒、柚子酒、梅酒、紅白酒＆啤酒都有。每樣試一點也是回票價了TIRAMISU蛋糕和木糠布甸等選擇，仲有果肉和果籽。另一邊有多款雪榚杯/雪條，任均選擇。呢間真係超值推介，價錢屬中上，但入面全部食材同飲品已經值回票價。

一間好嘅餐廳服務員同食物同樣重要。本身睇網上評論和相片都非常吸引!但這裏的服務員不太禮貌，完全無笑容，俾人一種有點趕客既感覺。上菜速度非常慢，上唔齊食物，又有上錯。生蠔有腥味，北海道蟹腳無一般會有既海水味，唔鮮甜，肉質都唔好，第一次食咁差嘅蟹腳。海鮮得帶子和蝦還好。牛肉看似幾好，但係完全無牛肉味既。簡單野如枝豆都整得好差。烤串係自己燒既，竹簽很容易燒燶。6人枱一個燒烤爐，個爐如果燒得快都還好，但燒得慢，爐身設計都唔好，亦非常黏網，換gas既時候服務員居然唔記得拎走枝gas。星期日，價錢為2690，6位，價錢相應提供既品質實在不太合理最後，絕對絕對唔會光顧第二次，亦唔會同朋友推介！！

特別日子同朋友食好西，見呢間任食雖然價錢貴(食8:15時段，未加一每人已經over$500)，不過見到有生蠔丶蟹腳又有和牛任食，仲有任飲清酒丶梅酒丶紅酒丶白酒....汽水丶茶水任飲就一定啦，佢仲有Movenpick、Dreyers雪糕～～入座先送一盤海鮮+一盤和牛同豚肉+刺身併盤+生蠔，和牛同豚肉都嫩滑好味(平時一田買都要百零蚊幾片)，其他都唔錯可惜生蠔隻隻都有蠔殼碎，d蠔其實味道好鮮而且有肉不過成口碎就有d無癮😕叫多一round 都係咁就同店員講請佢地再洗一洗....可惜拎返黎嘅都仲有殼碎，因為見d蠔味道真係唔錯而且要回本嘛....再叫多轉俾多次機會，可惜😬....咁唯有拎支水自己再沖一沖🤪除左和牛有質素，海鮮盤條魚燒完好好味嫩滑鮮甜有驚喜，仲有隻雪糕係未見過嘅牌子....竟然係Made in Hong Kong 🇭🇰😃 ,朋友試左芝麻丶芒果丶曲奇味話全部都好味，值得一試！～如果飲得之人更抵，希望佢洗生蠔有改善～

期待已久既燒肉放題事實係 我同事真係好識食 返工時永遠都聽到佢放假去左邊去左邊食正野所以我地一致叫佢推薦下佢就推薦響我地係買團購 星期五去食 價錢平幾多？我唔知Anyway 坐底第一件事 攞野飲紅白酒啤酒罐裝飲品任飲肉種類都好多餐廳好細心 有張牌仔寫底肉類名海鮮方面仲有生豪同事食過話好味講到我最鍾意食就係就牛舌 牛胸腹 牛肉眼 牛西冷加小小鹽 就冇咁油膩當然佢唔只得肉類 有沙律 榴槤波果啲仲有雪糕 小量甜品每位$428本人觀察大部分男士我地一邊食一邊傾到10:30先捨得走

真係人生第一次幾百蚊唔係食酒店自助餐，係去左佐敦食呢間燒肉放題，難得我位美國返黎既親戚朋友，當然要帶佢食最好西。位於佐敦樓上既一間舖，一個價錢既超頂級燒肉放題，如果冇訂位真係好難可以食，早左小小到，上到去等職員聽訂位電話都等左一陣，証明有幾旺場！唔覺唔覺都等左半個鐘左右，職員都好快已經安排左坐位俾我地，一開始會先上一盤刺身，一盤豚肉加牛肉，一盤雞翼同腸，一盤海鮮，其他就要自己點，我都幾鐘意呢個方式，每樣俾小小，等我試過知道鐘意邊款就可以一直叫，刺身用左好多頂級材料，例如有海膽，帶子，生蠔，油甘魚等等，豚肉就用左黑毛豬，不過我本人唔太好豚肉，所以只係食左豚肉拖羅，海鮮你會估唔到有長腳蟹，一條魚，帆立貝，真係非常非常特別，牛肉仲高級，佢係用澳洲和牛，肉味更濃，肉汁更多，咬落更嫩，難忘。最重要以上咁高級既食材，全部都係任食，真係唔係講笑，係任食！！另外重要推介，飲品款式唔多，但大部份都係小見既，貴價既，茶有三款，雪櫃連水都有，非常貼心，不過最岩我地既係任飲酒，酒有幾款，紅酒，香檳，啤酒，想要生酒都有，不過要另外加錢，我美國黎既呢位朋友，可以任飲，真係對佢黎講爽ＹＹ。呢間真係超值推介，幾百蚊，

Hungry 左好耐，決定食餐好。朋友話食過呢間掂，一於試試。兩個半小時任飲任食，刺身拼盤同燒肉係自動波上枱的，唔使 order 都有。刺身拼盤有七款，有海膽、生蠔、帶子、大甜蝦、油甘魚、三文魚同八爪魚，樣樣都新鮮高質的。另一盤係燒肉拼盤，見到一眾和牛亮晶晶閃令令，真係未食先興奮，食完可以再加架Encore Encore 梗係即刻燒番D靚和牛慢慢歎吓啦⋯⋯而生蠔係生食級數，不過朋友唔吃生蠔，所以就轉為燒蠔，又有另一番風味噃！日式前菜，叫返兩客過吓口癮。仲有大蝦、帆立貝同蟹腳，堅係正的。帆立貝橙白分明又肥嘟嘟，燒起來真係引死人。雞軟骨，新鮮得來骨肉勻稱，送酒真係一流，加上唔係一般放題有得食，所以 encore 了。蟹腳類甲殼，燒起上來真係特別香，不過略為瘦左少少。另外，燒菠蘿真係冇得輸的，每次見到必叫。泡菜都試左，味道可以，不過覺得唔夠辣。食左咁多油膩野，當然要整返個雜菜豆腐湯清吓熱氣去油解膩。飲完感覺即刻唔同左，可以再食過呢兩粒波波係紫芋圓，熱辣辣好好味的日式點心。好香芋頭味又唔會太甜，食完唔會漏，食得過的。飲品當然係包的，啤酒、汽水、清酒、紅白酒都有。甜品種類都多，有自家製的布甸 s

上年食過tstx藏 唔差見到呢間好似牛藏嘗試下點知入到去格局非常差等候位置非常近升降機口很迫拎飲料甜品位置在升降機口旁邊牛無牛味 海鮮刺身無味牛質素同tst x藏相差太遠價錢係同tst x牛藏一樣絕對只值2xx放題

今天難得一家人出來食飯,周圍找一些常常出去食飯的同事,介紹一下有什麼好食的地方,有一個非常愛食的同事介紹了這家響日本燒肉.這家的地點不是我平常會來食東西的地方,所以好驚訝原來這裡有美食,因為它們通常都很爆滿的,所以我同事很早已經幫我們訂位了,真的謝謝他!!我們訂8點,7點半左右就到了,職員非常非常忙,一直叫我地等一陣,等了15分鐘左右,她就安排了位置給我們,算是不錯吧.帶位的職員好快的跟我說,先會送上兩個頭盤,一個刺身船,先不同點,其他點的都是寫一來一,跟數字上菜.等了一回就來了3盤東西,原來這裡不只燒肉什麼簡單,還有刺身跟海鮮,刺身第一盤送上的時候有海膽,帶子,生蠔,三文魚,甜蝦,油甘魚,八爪魚,我看了一下點餐紙,原來只有海膽,其他都是任食的,太好了吧?每一樣都變得好高級,非常新鮮,沒有雪味,真的很好食.另外還有兩盤,一盤是不同肉的部位,一盤是可以燒的海鮮,當中真的意想不到可以燒長腳蟹,太特別了吧?我真的是第一次,燒完立刻剪開食最好最肥味的腳肉,非常滿足,至於肉的部份大概有澳洲和牛胸腹,澳洲和牛肉眼,澳洲和牛西冷,美國牛肋骨,七味豚拖羅等等當中我最喜歡澳洲和牛胸腹,澳洲和牛肉眼,澳洲

自從早幾日book咗位，我一直都期待呢一餐，因為有朋友之前食過，話好正，勁推介，所以我先book響Hibiki. 食完之後，我嘅感覺係，朋友果然冇介紹錯。呢度座位寬闊，坐得非常舒適，兩個人有出面大約四個人嘅大枱，無論點幾多食物都唔怕冇位放啦。聽入到黎我就查看雪糕櫃同飲品櫃，睇完已經覺得物超所值，原因係呢度啲雪糕種類多，仲要係movenpick嘅杯裝，同Drayers嘅雪條都有。飲品種類選擇亦多，冷飲、熱茶連sake都有, 真係好正。店員首先比我哋一大盤刺身、一大盤燒肉同海鮮盤。淨係呢三樣都已經令我口水直流，胃口大開。海鮮拼盤又長又粗嘅北海道蟹腳、 大大粒扇貝、大大隻海蝦。三樣都非常新鮮，而且真係啖啖肉，冇得彈。刺身拼盤有成七種海鮮加紫菜，樣樣都非常正，最正嘅係生蠔、海膽、帶子、生蝦，淨係呢盆都值回票價。肉類拼盤更加不得了，呢間餐廳細緻到連每款肉都有個牌話俾你知係咩肉類，方便你encore嘅時候，你喜歡嘅肉類。我呢度有齊點菜紙嘅大部份肉類，試完之後我同朋友一次覺得牛同豬都係極度好味，於是我哋encore都主要係牛同豬，其中牛胸腹、牛肉眼都係超級好味，肥瘦適中，勁有牛味，基本上睇相你都覺得