響 - Hibiki 日本燒肉 (已結業)

#響高質日式放題，🙆🏻‍♀️無論刺身抑或燒肉都好高質素。調味料都應有盡有，💁🏻‍♀️鹽同燒汁係最好食。首先會計人頭，每位有半隻龍蝦🦞。龍蝦大過我隻手掌。😼肉質彈牙，帶點海水味。同平時酒店buffet 既龍蝦一樣。再送上刺身拼盤、肉肉拼盤同名貴既喜之次魚。刺身來講仲好食過平時主要食刺身既放題。😍比想像中鮮甜。連平時容易有腥味既油甘魚都好好食😋無腥味之餘仲有魚味。😚最鮮甜係帶子、甜蝦同海膽。海膽除左鮮甜，😋海膽味仲好濃郁。好有驚喜。🤤雖然海膽無得任食但係都夠晒滿足。喜之次魚，🧐肉質好特別，🙂係比較實同滑身既魚。肉肉拼盤，牛肉都好好食😋。和牛肉眼腍而香。和牛🐮胸腹肉味重而且有咬口。骨肉腸🦴肉味好濃，🤤一致認為係好好食既腸。最新奇係有串燒。😚自己燒既雞軟骨再落鹽調味，簡直係大師級水準。炸物即叫即炸，🙈等得比較耐但夠哂熱辣辣。芝士年糕煙韌又鹹鹹地，口感好。😝榴槤波波，榴槤味勁重，食完坐喺隔離嗰個都聞到。燒嘢食記得食埋燒菠蘿，🍍可以解肉嘅油膩。其實仲有好多嘢食，🐷不過我哋已經飽哂。最正係dreyer's 甜筒同埋 movepick雪糕🍦都係任食既！正！

早前完成大PROJECT 要好好獎勵下自己，所以早前就相約老公去食餐好，記得之後食過一間日式放題好高質，見好耐冇去食放題，於是預約左去！呢間上年食過一次覺得好高質，雖然價錢比起一般的放題稍為高一點，但係它的食物質素相對高，所以我覺得幾合理！店舖位於2樓，上到去樓底都幾高，佈置好有日式風味，環境光猛整潔～座位之間都唔會太迫，而每個座位都有獨位的抽煙系統，唔會令燒肉搞到成間店都充滿油煙味～枱面上都備有唔同的調味料醬汁，可以按個人口味調製～這裡以放題形式為主，跟大部份的放題一樣，枱上備有厚厚的點單紙，款式特別多，燒肉方面就有牛、雞、豬肉等選擇，仲有各式海鮮～而其他日式料理，分別有刺身、壽司、手卷、沙津前菜、燒物、炸物、小食、其他日本鍋物、飲品及甜品等，全部都係任食！有不同的罐裝及支裝飲品選擇～另外，呢度有得任食紅酒白酒，係比較少有的放題會有此供應，還有加錢可以任飲嘉士伯啤酒添！首先就送上一大碟刺身拼盤，海膽不是任食的，其他都可以之後再點叫，刺身都十分新鮮嫩滑～唔好以為放題的海膽就好腥，佢好新鮮，入口即溶，是高質的食材！另外，油甘魚都幾鮮嫩，切得幾厚身！也有生蠔都唔細隻架～入口唔算好腥，不錯！

每次朋友想約吃放題，我都會說響真的值得再去，所以前幾天又去了，跟他們飲飽食醉。刺身份量十足，裡面有海膽、生蠔、帶子、蝦、三文魚等，海膽夠鮮味，用紫菜包著吃，口感更香脆，蝦件件厚身，入口爽甜。吃完刺身還有係時烤肉，有澳洲和牛西冷、和牛胸腹、和牛肉眼、雞肉腸等。個人最喜歡油脂滿分的和牛肉眼，入口嫰滑及較濃味的和牛西冷。美國牛助骨，米澤三豚肉西冷，件件夠肉味，入口不會過韌，正。還有長腳蟹，大蝦、扇貝等，大蝦肉質爽彈，蝦味十足，每次我都翻叫兩三次，超好食。這些都是前菜，不夠就再點其他，飲品也包羅萬有，飲酒又得，飲茶又得。天婦羅加榴連炸彈，好吃到翻吃再翻吃，臭得夠美味。吃一點燒菠蘿，減減油膩感。

2.5小時晚市和牛放題星期五、六、日及公眾假期前夕（8:00pm後離坐）成人 $508 小童 $248刺身拼盤、燒肉拼盤同海鮮拼盤先上，試完都可以再加點刺身嘅款式種類幾多，有三文魚、帶子、八爪魚、赤身、甜蝦、油甘魚等，厚度亦切得均衡夠肥美燒肉拼盤包括澳洲和牛肉眼、澳洲和牛胸腹、澳洲和牛西冷、美國牛肋骨、米澤三元豚西冷、七味豚拖羅(豬頸肉)、骨付雞肉腸和手羽(雞翼)，味道大致上肉味夠亦多汁海鮮拼盤入面有北海道蟹腳、牛油帆立貝、大蝦同喜之次；牛油帶子啦融化後入口即溶，平時燒肉好少見到的上等喜之次也有日式料理有即叫即整嘅天婦羅、鍋物、炸物、椒鹽燒、小食沙拉等，可以一試甜品有Movenpick雪糕任食，Dreyers甜筒、本地品牌芒果榴槤雪糕同自家制甜品

耐不耐都想食燒肉又想食刺身放題，好似KY一樣選擇困難症嘅朋友仔就可以試下依間高檔次嘅燒肉放題——響，特別係啲怕旺角放題逼嘅大家依度一定啱你，環境舒服同樓底又高，食放題坐得從無咁舒服🤤========================2.5小時晚市和牛放題星期五、六、日及公眾假期前夕（8:00pm後離坐）成人 $508 小童 $248任嗌野食之前會先來三盤食物，等嘅時間都省番😋入面包括刺身拼盤、燒肉拼盤同海鮮拼盤，試完大部分除左小部分刺身海鮮之外都可以再加平時食放題都好少講到野飲，但係今次呢度嘅飲品就要睇下啦🥳無酒不歡嘅覺得最特別一定係任飲日本酒🍸除左有日本普通啤酒，仲有清酒、柚子酒、梅酒、紅酒白酒，唔想飲酒都有汽水、甘蔗汁、酸梅湯、菊花茶可以揀刺身竟然意料之外榮登今晚最滿意嘅部分🤩佢嘅款式種類真係比起平時食日本放題了你嘅多唔少，而且匯總嘅質素勝在平均，溶雪處理做得夠足有鮮味👍🏻可任點款式包括有三文魚、帶子、八爪魚、赤身、甜蝦、油甘魚等，無得任點嘅有大大隻新鮮飽滿嘅生蠔同海膽，海膽味道鮮甜無腥味☺️原隻甜蝦鮮甜厚肉，八爪魚入口夠爽口彈牙🦑不過有啲可惜就係刺身得切得比較薄，的確會影響左刺身肉質

次次飯聚都有朋友想食燒肉,有朋友想食刺身放題, 不用再吵了, WHY NOT BOTH?! 終於比我搵到一間燒肉好, 刺身又好既食放題。呢間叫響,偏日式燒肉放題, 但又有任食刺身, 水準比起大O屋有過之而無不及, 位置在佐敦地鐵站A出口轉一轉彎就到, 極方便。店內地方整潔, 光猛, 任食之前會先來一盤高級刺身及海鮮, 有生蠔海膽等, 這是不能追加的, 還有一盤燒肉拼盤, 給你先試一下, 之後就可以無限任追加, 當然, 要食得晒先好叫。貼心的她們,在各種肉上也有名稱, 方便你追加時知道是什麼肉。講得多, 口乾, 試下飲品先, 通常放題都好少提飲品, 不過這間飲品好特別, 有得任飲酒。任飲酒有咩特別? 唔係普通啤酒, 有日本清酒, 還不止一款, 有柚子酒, 有梅酒, 紅酒, 白酒, 當然想飲啤酒也是有的。還可以拿個小樽裝一些回位慢慢飲, 不用一杯一杯出來拿, 很不錯。我個人就鍾意試酒, 每種都有小試, 清酒有兩種, 一種偏酒味重, 一種偏甘甜; 白酒很不錯, 是青提白酒; 紅酒就偏酸; 啤酒就日本啤酒不算苦。刺身方面, 全部也很新鮮, 沒有雪味, 解凍處理很好, 甜蝦, 八爪魚, 帶子,

響日本燒肉，如此美妙之行。地點十分方便，從港鐵上月台再經五分鐘就能找到。電梯門打開則是響日本燒肉店面，不用再找道。雖然是燒肉店，但響店還是有刺身跟生蠔食用。生蠔新鮮甘甜，令我一添再添單，絕對要吃。刺身精選組合，但鮮甜味美，可以當作燒肉的過渡盤或是交互延長戰鬥力。燒肉種類極多、但不同部位有其不同的味道，令我雖然花多眼亂，但味蕾也享受到一波又一波的肉感之旅。牛肉更有澳洲和牛、豬肉亦有豬拖羅，菜式十分豐富。特別其牛舌有著特別的口感，十分推薦。和牛也油感味美，絕對要叫。最意外的是可以燒魚。魚雖然不大，但四人共吃絕對可以嘗鮮。方式沒什麼難度，但其過程與滿足感是值得回味。熟食方面鍋物類十分開胃好吃，我最後還叫了兩回！飲品種類特別，有別於一般放題店款式酒精類十分有誠意，與朋友多乾幾杯也沒有問題。回到家裡，還有回響；響日本燒肉，滿載而歸。

今日約左兩個表妹一齊食燒肉，我地去完東京番黎，佢兩隻野嘈到拆天，話我地食燒肉食得妹開心！咁今日就約食間高質既燒肉放題！因為訂左位，可以即刻入座，坐位都幾好，幾闊，餐廳內環境仲有好多日本文化氣息既畫！好靚！侍應叫我地唔好填野住，會黎左頭盤同牛肉先！咁我地就安坐等食 🤣首先黎左個刺身拼盤，嘩！勁開心囉！有生蠔、八瓜魚、帶子、三文魚、海膽、油甘魚同牡丹蝦！呢道正在好多刺身都可以任叫，呢道除左海膽冇得 encore之外，連生蠔都可以任食 👍🏻之後黎左兩盤豬肉+牛肉，除左要壇一壇個牛仔骨實在太肥之外，其他都好正！仲有唔常見既骨付腸 👍🏻👍🏻之後仲有燒既海鮮拼盤，入面果條喜之次 👍🏻👍🏻👍🏻👍🏻 但我想話個蟹有少少浪費左...如果佢可以做刺身就好好多！之後我勁有 encore 和牛西冷同牛肉眼，牛味香浪，我地大愛！仲有個牛舌，不得不叫 🥰我地仲發現個串燒雞皮，又係不得了！

同食肉獸一齊晚飯食燒肉放題係不二之選，揀依間最主要原因係用餐時間為兩個半小時夠曬時間唔洗趕頭趕命。坐底就送上一大盤刺身，每人有一隻生蠔，刺身新鮮種類多，除咗生蠔及海膽外其他都可以追加。牛肉以澳洲和牛西冷最好味，西冷油脂分佈均勻，牛味濃入口油香十足。七味豚拖羅為豬頸肉，七味粉醃得入味，豬頸肉爽口。牛油扇貝鮮甜，其他海鮮一般。雞皮值得一試，燒到脆卜卜送酒一流。菠蘿燒過甜味更佳。熟食也不錯，烏冬份量多口感煙韌。喜歡榴槤的話炸榴槤值得一試，炸得香脆榴槤味濃。芝士年糕芝士味濃，非常煙韌。Movenpick雪糕任食，除杯裝雪糕外仲有Dreyers甜筒及鮮果雪條。而飲品除咗汽水啤酒外仲有清酒、梅酒、白酒。細心之處係唔飲凍飲的話有辻利玄米茶、辻利煎茶及玫瑰茶供選擇。

❤️成班舊同學聚舊，各有所好，攪手真本事，搵到呢間個個滿意嘅地方👍🏻。一出𨋢就見到雪糕櫃同人山人海，好彩book左位，唔洗等好耐。✏️每枱客人坐低一陣，唔洗order，店員就會奉上刺身生蠔拼盤、生牛肉拼盤、同海鮮拼盤，好似我地咁多人，就唔洗哂時間剔第一轉食物就有齊各式食物，Good!🔆澳洲和牛胸腹、西冷、牛舌、雞翼，encore!🔆刺身生蠔拼盤有幾種生蠔刺身，甜蝦生蠔超鮮甜，食多幾隻回本回本！🔆仲有北海道松葉蟹腳、大蝦、帶子，燒到香噴噴，大蝦係必定encore。🔆除左燒肉燒海鮮刺身生蠔，豆腐鍋、芝士年糕，我reorder左兩次。🔆任食之餘仲有任飲，連清酒、柚子酒、梅子酒、煎茶、玄米茶、茉莉花茶，都！係！任！飲！🔆已經飽到一個點，所以只食左Movenpick、Dreyers⋯⋯✏️呢度有d似去左居酒屋，氣氛好好。送上食物嘅時間算快，收碟頻率高，選擇多而且大部分高質素，我地都Bookmark左，列入聚腳點之一！

響-Hibiki日本燒肉🇯🇵🐮.是晚食左個燒肉放題🐂🔥首輪會預先安排左燒肉+海鮮+刺身拼盤，之後就可以自由點菜啦！.燒肉拼盤🥩澳洲和牛西冷、澳洲和牛肉眼、澳洲和牛胸腹、雞翼🐥、美國牛肋骨、七味豚拖羅🐷、骨付雞肉腸、米澤三元豚西冷，每款都有牌仔標示，絕對方便到食客，之後想encore邊款都無煩惱啦！😄肉類質素全部都幾高，肉味好濃，首推前三款，澳洲牛肉果然係好味d😍😍.海鮮拼盤🦀北海道帶子、日本原隻甜蝦、蟹腳，都頗鮮甜，不過無肉類咁深刻印象🤪.刺身拼盤🐠三文魚、油甘魚、帶子、八爪魚🐙、甜蝦🦐、生蠔同海膽，要注意海膽無得encore！⚠️三文魚幾驚喜無諗過係三文魚腩，其他都好肥美，而海膽份量都好多，目測有半板；生蠔則唔合格，完全唔凍，無海水味唔甜，要改善呀！.熟食有唔同串燒🍢雞皮串、雞軟骨串、雞腎串都有，不過冇點到因為食澳洲和牛會比較回本；各式天婦羅🍤有大蝦、番薯、冬菇等，仲有榴槤炸彈，唔係講笑超級好味，皮薄又脆入面榴槤餡係流心架😍.最後有不同甜筒雪糕🍦，選左最新款既Haagen Dazs Cream Cheese雪糕批，真係超好食🧀🍨！

今日約左幾個朋友食呢間燒肉放題，知道呢間都好似幾多人食，所以都book定位。晚市放題送海鮮拼盤，個人認為帶子同蝦最出色，帶子有粒小牛油係上面，燒個時牛油滲入左帶子裏面，又多汁肉又嫩。蝦就超級大隻，肉質鮮嫩，食落又唔覺好膩。仲有一條喜之次，都幾正，啲肉質都唔差幾嫩。肉類方面，賣相唔錯，油花都算分佈平均，而我特別要提既係澳洲和牛胸，因為佢係咁款隻牛裏面最好食，入口即融而且唔"韌"，識嗌一定再嗌佢，而和牛肉眼都ok係第二好食。七味豚拖羅就幾入味，有濃郁肉香加七味粉作調味，幾有口感。雞翼都大隻肉質都嫩不過就鹹左啲。剌身就全部都好新鮮，海膽肥厚好似帶點海水鮮甜，好有口感，再配合埋紫菜包黎食都得。生蠔就肉質豐厚，蝦都大隻爽口。八爪魚片都幾有咬口，三文魚、吞拿魚同帶子都幾滑嫩。其他食品例如炸物、串燒同鍋都唔錯，熱辣辣咁上，炸得幾脆口。甜品黎講食雪糕雪條都無問題，有多款口味，一定有款岩你食。

如果想食好一點的放題烤肉 首選一定是這裡 放題飲品除了汽水、果汁，礶裝啤酒，紅酒/白酒還有茶，種類很多雪糕更有我最愛的movenpick放題更有刺身，天婦羅，沙律，前菜，串燒，炸物等入座後服務員就會按人頭把準備好的刺身拼盤，海鮮拼盤，燒肉拼盤先送上來刺身拼盤有三文魚，海膽，八爪魚，甜蝦，生蠔，鮮帶子等等刺身塊塊厚切，質素亦不錯海膽甘甜，可惜不是任食當晚生蠔不算肥美，吃起來鮮甜燒肉拼盤澳洲和牛胸腹，美國牛肋骨， 澳洲和牛西冷、 七味豚拖羅，雞肉腸等等澳洲和牛胸腹油脂分佈緊密，入口軟嫩海鮮拼盤，有喜之次、蝦、長腳蟹，牛油扇貝海鮮最愛喜之次，烤完肉質嫩滑牛油扇貝也很不錯大蝦真的是回本之選！最愛炸榴槤波波 食物高質素、環境和服務也是不錯，吃完油煙味少，Cp值不錯

餐廳坐位舒服，唔太焗，食過兩三次既和牛燒肉放題，每枱會有一客刺身同一客新鮮既海鮮(蠔，鮑魚，螺和喜之次<—-居酒屋要幾百蚊一條) 大閘蟹🦀係期間限定唔係成日有得送。和牛有幾個部位任食，最好食係牛腹肉和厚身牛肉眼，依兩個位油脂比較多，食落有汁又有好香既牛味！🐂🤤除左海膽唔係任食，有幾款任食刺身，仲幾新鮮添！除左和牛，推薦骨付雞肉腸，牛舌片，雞皮串，免治雞肉棒，海老，時令生蠔同蟹腳炸物方面，炸流心芝士波裡面既芝士濃厚，外脆內軟，不過食唔到太多，始終芝士食得多都會漏。鐘意食榴連既人，一定要食榴連炸彈同榴連雪糕👍🏼鐘意飲返杯既朋友都有好多酒精飲品可以選擇，任飲🍷紅白酒，梅酒同清酒。🍶🍻🍸甜品有幾款蛋糕，果凍，Fruttato gelato既水果手工雪條 (幾清唔會太甜，酸酸地可以消濟😂)，仲有Movenpick 同Dreyers 雪糕。🍦總括黎講，好食又抵食，貴精不貴多,其實都唔少款,我會再食😋！之前久唔久會有團購，但食過一次之後再食都有折。

今天在朋友推价之下 黎度佐敦食放題 一定要大滿足坐低之後唔使急住點餐，因為餐廳會先安排一round刺身、肉類同海鮮。呢度重有啤酒任飲主角登場 ：要相機食先嘅刺身有著各款新鮮嘅刺身：有三文魚、甜蝦、帶子、吞拿魚、油甘魚、八爪魚，仲有海膽呀！推薦油甘魚，油脂好豐富美味海鮮拼盤方面：有 長腳蟹 、生蠔、蝦都不錯另一主角牛牛推介🐮精選和牛拼盤，係任食和牛完全瘋狂呢到嘅肉類非常高質放題都竟然有得食澳洲和牛西冷、胸腹同肉眼，油脂相當平均且牛味濃郁，另外仲有米澤三元豚西冷、七味豚拖羅、牛舌、手羽等重有一樣自己好喜愛的骨付雞肉腸 一時間太多選擇 都唔知食那個好 好味既食物要一推再推 和牛拼盤 必食推介另外還有日式小食及炸物可供選擇重有重有 日式串燒 有至愛但邪惡之 雞皮 及雞軟骨甜品方面可以任食 Movenpick，Fruttato Gelato，Dreyer’s 等多款雪糕飲品方面呢到竟然有紅白酒、日本啤酒、泰國啤酒，清酒、梅酒同中柚子酒！ 絕對吸引裝修方面好有心思 好日本感覺 座位亦舒適下次一定同朋友再來