響 - Hibiki 日本燒肉 (已結業)

特別日子同朋友食好西，見呢間任食雖然價錢貴(食8:15時段，未加一每人已經over$500)，不過見到有生蠔丶蟹腳又有和牛任食，仲有任飲清酒丶梅酒丶紅酒丶白酒....汽水丶茶水任飲就一定啦，佢仲有Movenpick、Dreyers雪糕～～入座先送一盤海鮮+一盤和牛同豚肉+刺身併盤+生蠔，和牛同豚肉都嫩滑好味(平時一田買都要百零蚊幾片)，其他都唔錯可惜生蠔隻隻都有蠔殼碎，d蠔其實味道好鮮而且有肉不過成口碎就有d無癮😕叫多一round 都係咁就同店員講請佢地再洗一洗....可惜拎返黎嘅都仲有殼碎，因為見d蠔味道真係唔錯而且要回本嘛....再叫多轉俾多次機會，可惜😬....咁唯有拎支水自己再沖一沖🤪除左和牛有質素，海鮮盤條魚燒完好好味嫩滑鮮甜有驚喜，仲有隻雪糕係未見過嘅牌子....竟然係Made in Hong Kong 🇭🇰😃 ,朋友試左芝麻丶芒果丶曲奇味話全部都好味，值得一試！～如果飲得之人更抵，希望佢洗生蠔有改善～