韓珍 (寶勒巷)

營業中

休息中

今日就嚟到呢間位於尖沙咀嘅韓燒店。我們三人來到，叫了個Hancham Special Set B，十分足料，單單這個已經讓我們很飽。首先，來了的是韓食通常會有的前菜，我不太習慣吃日韓的醃物，但朋友很愛吃。除此以外，還有一個韓式煎蛋，是前菜中我的至愛。主角來了，有牛有豬有鮑魚有帶子，還有各式蔬菜。那些肉和海鮮都十分新鮮，也醃制得很入味。經我們精心烤煮後，簡直是一流。朋友介紹，還叫了個葛根水冷麵，微酸，用來配搭韓燒來吃最合適。飲品方面，由於筆者思鄉，掛著從前北歐生活的日子，就叫了個 Somersby Rita 的 Cocktails。那是在北歐每個人也會喝的 Apple Cider，在那邊會有無酒精版和有更多的味道。這次這個 Cocktails 就用上了整支丹麥的 Somersby ，別具特色。縱然 Size 很大，但因燒烤口喝，一人也能輕易喝完。最後，韓燒店還送上了西瓜消暑。

呢間其實食過幾次，試過同朋友響呢度慶祝過生日，非常適合一大夥酒肉朋友過黎聚餐！呢度韓國菜選擇多，除左八色燒肉，呢度醬油蟹都好出名！今次同朋友叫左兩隻，醃得好香，蟹肉勁鮮甜，最正既係好多蟹膏，撈埋d紫菜蛋拌飯真係味蕾既最高享受！！整體而言，呢度食物質素高，雖然侍應生大多係韓國人，但溝通絕對無問題！而且座位好闊落，張枱夠大，嗌多幾碟野食都唔會覺得擠迫，非常舒服！相比起佐敦一間又係出名醬油蟹既店，本人更喜歡食呢一間，因為醬汁更正宗，份量更足，所以強烈推薦大家試試呢到既醬油蟹！

好耐冇同舊同學聚餐終於夾到一個好日子揀咗比較方便嘅地點尖沙咀韓國餐廳一入到餐廳地下好滑好似好耐冇拖過地咁行路真係要小心啲但坐低左枱之間都很闊落唔驚人哋聽到我哋出講乜我哋又聽到人哋講啲乜同學仔都鍾意食韓牛所以第一時間點左一個3-4人韓牛加少許豬嘅餐我戒左牛肉所以另外多點一個五花腩另外仲叫咗泡菜煎餅同韓式炒粉絲點左菜之後就上餐前八小碟個泡菜好好食，小小辣唔太甜另外仲送咗一個焗蛋及一碗生菜之後好快就嚟咗個五花腩侍應直接幫我們落手燒我喜歡試過原味先點其他醬汁發覺個五花腩唔使點醬已經很香口有即時再叫嘅想法但因為仲有其他牛肉豬肉所以燒埋其他先決定之後燒雪花韓牛、牛肋骨丶豬頰肉都是法國豬會比較好食牛肉不是差，但韓牛應該可以更好反而豬肉會有啲驚喜泡菜煎餅都可以另外一樣可惜嘅地方係生菜要比錢refill始終韓國燒肉要包生菜才有那個風味要加錢refill始終食得沒有那麼痛快

第一次去，上到去門口已經見到好多黃致列的相報，道地韓國裝潢，仲有不小韓國客人，不到半個鐘已經陸陸續續爆場一般韓式燒烤食材佢哋都有齊，而且仲做優惠，仲有特別的八式珍味拼盤可選。除左散點肉，仲有拼盤，我地試下四色五花肉加豬肉四款。五花肉分別以香草、咖哩、蒜蓉、辣椒醬調味，一卷卷的排列，非常吸引。我的是八色五花肉，真係用八種唔同嘅醬汁醃過，會好清楚味道的分別，只不過你都又貪心，唔想八款五花肉咁悶，下次都會來。

餓住肚食韓珍，兩個人點八色珍味拼盤都一定可以食到好滿足。所選的拼盤有四色五花腩加牛肉，每款都份量十足，每條豬腩肉仲卷起放碟，望落不同顏色不同調味，好想立即每款都試一試。爐用肥豬肉油脂燒起不太粘鐵板。個人最鐘意既就係鋪滿黑胡椒既一款，熱力逼出胡椒味，燒到表面乾身就最好食。至於牛肉，本身蒜頭醃料做得好，又可以當汁爐燒一下，味道帶甜好入味。最深印象係Sirloin部位牛肉非常爽脆，唔會醃到牛肉變質。佢飲品款色多，一頁beer ，一頁cocktail， 相信總能夠揀岩口味。

尋日去叫左個set, 海鮮加肉990再加一，見又帶子又大蝦又鮑魚都只係貴全肉百幾蚊，就廢事就咁得肉咁dry🤣主菜黎之前佢上左幾味前菜，除左炮菜之外仲有其他唔常見嘅開胃菜，係個幾得意嘅體驗😁我地就海鮮同肉間住間住咁燒，廢事太寡咁海鮮方面真係幾高質，尤其是佢個鮑魚，佢醃得恰到好處，個調味輕手得黎又不失味道，絕對冇搶到佢鮑魚本身個鮮味，但係又令到塊鮑魚味道有多元化啲，做到個好好嘅balance, 加上佢本身料靚，真係冇得壇強推💪肉類黎講佢個種類都幾多，燒完配埋佢啲醬汁都幾惹味🤤值一讚嘅係呢到嘅排煙口幾好，一路食一路都冇話索倒啲咩油煙👍個火大細可以自己較，燒貝殼類嗰陣可以較大啲，不過記住唔好燒得太耐😮唯一美中不足就係舉手叫人有時要等好耐先有人黎，不過佢地郁會定期黎幫我地換架，都換得幾密吓嫁，唔小心燒窿野都唔洗驚😬

朋友最中意食韓燒，又好中意韓國，今日就黎到呢間餐廳慶祝生日，朋友仲話一入門口就感受到韓風，有佢既男神代言。我地叫左個八色珍味拼盤，有四款五花肉同四款牛肉，各用左唔同佢調味料，好有新鮮感。五花肉成捲上，可以自己剪開成細舊，店員都會幫手燒肉。見到捲起黎既五花肉攤開左真係好大塊。份量非常足。食落油脂分布均勻，牛肉同五花肉都非常滋味。香草味道濃郁，另外人蔘雞就食得多，人蔘牛肉又估唔到味道幾夾。奶油芝士火雞鍋，芝士味道濃郁，雞件帶甜酸味，中和番奶油既膩，可以拉絲既芝士，色香味具備。醬油蟹好鮮甜，汁醬撈埋落個飯到，好入味。我地仲叫左支梅酒一齊飲，口感順滑。非常豐富。

舊同學係外國讀書，反黎放暑假，話想食韓國菜，我地上網search到呢間食韓國燒烤既「韓珍」，見幾多like，一於試下啦。🎈環境呢度環境暗暗地，枱與枱之間都幾闊落，每枱都有抽氣，坐得幾舒服。🎈有咩食呢？餐廳有散叫，有set既，但懶得煩既我地，就決定叫set，安排好哂就最完美啦，計落好似比散叫平d既。⭐️Special Korean Beef Set (for2) $1088⭐️✨配菜+粥先黎既有各款配菜，包括有沙律菜、娃娃菜、泡菜、醃洋蔥、醃大豆芽、醃茄子、醃蘿蔔、醃海帶、醃荀乾、醃菇片，夏天咁熱食反d涼浸浸既泡菜，即刻cool down哂，仲有韓式粥添。✨芒果酸奶蔬菜沙律沙律就食得多，但襯埋酸奶就第一次食，感覺幾清新，用酸奶代替左沙律醬，唔洗怕食沙律醬會肥。芒果份量都幾多啊，香甜多汁。✨泡菜煎餅前菜有泡菜煎餅，連熱辣辣嘅鑊仔一齊上檯，食落好脆好香口，仲有唔少泡菜係入面，酸醉辣辣咁，幾開胃。✨慶州千年韓牛肉1++ 肉眼牛扒（150g）and西冷牛扒（150g）燒烤方面，有2塊韓牛牛扒，分別係，韓牛肉眼扒+韓牛西冷扒，前者肉質較軟稔，後者就較有咬口。但重點係2塊都係韓牛，唔係平時成日食到既美國

今日同屋企人去食韓燒，黎到尖沙咁呢個餐廳，門口就見到有韓星既宣傳牌。入到去仲有職員同你講韓文，又有要英文落單既職員。真係好似至身韓國，去左旅行咁。叫左個八色珍味拼盤，四色五花肉加牛肉。五花肉捲為4大舊，睇落好似唔係太多咁，但當店員幫忙攤開肉卷，再剪開黎燒個時就發現原來個份量都幾多。店員好熱心會幫手燒肉。五花肉肥瘦適中，四款五花肉，款款都好入味，咖哩味同辣醬味道好出。套裝仲有個蛋餅，香滑又有唔少配料。另外仲叫左個牛肉石頭鍋飯，飯無撈其他醬汁味道偏淡，反而更能帶出窩蛋牛肉既味道，流心既蛋醬令飯粒更濕潤，粒粒都有蛋香味，而且飯既份量好足，岩哂中意食肉配飯既朋友。

想試呢間餐廳好耐，BTS成為員開的，四圍都有佢啲相，不停播樂隊的歌，都好呀非常有韓國氣氛。吸引我的是八色五花肉，真係用八種唔同嘅醬汁醃過，會好清楚味道的分別，只不過你都又貪心，唔想八款五花肉咁悶，揀咗有牛肉的拼盤，四色五花肉＋牛肉，包括調味烤肉裏脊、調味烤排骨、牛舌、雪花牛肉，辣椒醬、香草、咖喱、蒜蓉五花腩，$698一份其實唔貴，咁多肉，三個人都夠食啦！10款前菜小吃，素菜為主，作為平衡肉食非常合適。有芝士煎蛋，幾香，芝士唔算多，好味，未開始燒肉之前，我哋已經全部食晒。服務人員代燒，依家去食韓國燒烤特色而優勝嘅地方，佢先同我地燒牛肉，快熟的牛舌加肉裏脊，香嫩夠味，然後是雪花牛肉及烤骨。四款五花腩，味道最突出是香草，好似豆皮一點點黑色嗰款，味道好夾；其次係咖哩，黃色嗰款，嗅到咖哩獨特嘅香味。蒜蓉嗰款唔算有蒜味，因為如果有嘅話會好勁，可能驚人受唔住；大醬嗰款都唔辣，怕辣嘅唔使擔心。我覺得肉質好得，因為夠肥，燒完之後油走唒，食落去爽爽地，一啲都唔會鞋，亦都唔會太膩。一餐大滿足

今晚約了朋友去睇演唱會，每一次睇演唱會前都會去尖沙咀吃個晚飯，在寶勒行見到有間韓燒 – 韓珍，時間又尚早，就決定跟朋友去吃個晚餐，餐廳位於2樓，面積非常大，有獨立的房間，空間感寬闊，而且抽氣方面亦做得好好。侍應以我所看全都是韓國人，感覺像去了韓國一樣，餐牌除了有燒烤肉類外，還有我最喜愛的炸雞。我們點了八色珍味拼盤(八色五花肉)$538和香甜炸雞$190八色珍味拼盤有八款不同味道的豬肉，還配上多款不同前菜、煎蛋，八味有人蔘、黑椒、日式燒汁、大醬、辣椒醬、香草、咖哩、蒜蓉，個人非常喜歡香草，香草味非常濃郁，而且侍應燒的時間、火侯剛剛好，油脂分佈平均，不會太油膩，夾著生菜和醃製過的洋蔥段，將豚肉味道提昇不少。煎蛋建議盡快食，因為用了鐵Pan上，太耐會使蛋變得鞋口，不過整體都不錯。香甜炸雞 – 價錢看似很貴，但原來份量不少，足夠4個人吃，香甜醬汁非常惹味，而且沒有骨，雞肉嫩滑多汁，炸的時間剛剛好。

好耐冇食韓燒，記得之前在hktvmall購物儲分換了韓珍的cash coupon，食過質素唔錯，加上都幾多韓國人幫趁，比較有氣氛，事隔兩年又再幫趁。＊＊＊＊＊＊＊＊＊＊＊＊＊＊韓珍店面都幾大，可以容納過百食客，座位不會太擠迫，抽風系統幾好，不會有好大油煙味。由於韓珍同旁邊的Chir Chir韓國炸雞是同一集團，所以店內除了韓式烤肉外，同時也可以點韓式炸雞。原本一心打算來吃八色烤肉，因為幾次去韓國旅行都冇機會食，但見到韓珍有個慶州韓牛二人套餐($1,088)幾多野食幾吸引，所以最後都揀左韓牛。雖然這個套餐索價過千元，但份量同質量都交足功課，正常兩個人食都好難食得完，我會建議3至4個人才點，寧靜不夠吃再單點多一款主吃。前菜選擇超多，因為太多野食，基本上前菜都不用再追加。其中我比較喜歡菠菜和醃牛塝。芒果酸奶蔬菜沙律份量幾多，足夠三至四人分吃。內有芒果、沙律菜和車厘茄，以酸奶代替沙律醬幾特別，感覺也較健康。粥煲得夠綿滑，不會太杰，食完仲有大把位食其他食物。海鮮煎餅煎餅直徑有９吋，都幾大份，內有很多章魚和蔥，所以食落幾有咬口，不過煎餅略嫌粉太多，非常飽肚。蛋餅原本套餐包括一客葛根水冷麵或螃蟹大醬

今日又試新野，同朋友黎食韓式燒肉！我呢就出哂名係食肉獸，所以第一個舉手贊成！呢間係尖沙咀既韓珍，上到去超full啊！好彩有book位咋！前台哥哥仲係oppa tim😍即刻叫野食先啦～上餐之前仲好好多配菜同醬汁比我地！泡菜好好食～仲可以免費再添 ！呢個八色五花肉拼盤$538，超吸引，色彩繽紛！有唔同既配搭既五花肉！有人參、黑椒、日式燒汁、大醬、辣椒醬、香草、咖哩、蒜蓉！一上既時候已經心心眼啦～每款都好想快d試！呢到既五花肉好新鮮，肥瘦分明。我就最鍾意食咖哩味，醃得好入味！正～呢個餐有跟4盤生菜同呢個egg pizza! 呢個egg pizza都要提下，好厚架，夠蛋香味～再叫左beef short rib $280呢個牛肋骨好霸氣！好大條，餐廳好貼心又起哂骨，燒落去唔洗太內，好香牛肉味同超juicy!包埋生菜仲正～d生菜都好新鮮！如果4盤唔夠再加就$10一盤～五花肉$130 我地另外仲叫左呢個五花肉，到底有幾鍾意食五花肉🤣真係肥肉好好食！牛舌 $160 呢個薄片牛舌，擺落左一陣就食得，唔洗點野 就咁已經好好食！鮮帶子（6隻）$170 呢個帶子真係超新鮮，燒到收哂水就食得，好鮮味架！葛根水冷

與朋友一起食左最愛的韓燒晚餐。一踏入餐廳門口就有許多韓星oppa的畫布poster等等， 作為韓妹的我真係未食先興奮。一坐低， 職員就好熱情咁送上多款小吃， 當中當然唔少得韓國傳統泡菜、蘿蔔、仲有沙律添！韓國燒肉以五花腩肉最為有名， 我地就叫左呢度嘅招牌八色珍味拼盤， 除左有四色五花腩肉，仲有不同類型的豬肉部分。豬肉拼盤份量不少，適合與朋友一齊share。 五花腩肉用左唔同醬醃製，有辣椒醬、香草咖哩、還有蒜蓉口味， 款式之多，任君選擇，十分滿足。點了五花肉拼盤還會送上一個煎雞蛋， 裡面有蔬菜粒，配上雞蛋，清新又美味。除了吃燒肉之外，我們仲點了一個水冷麵。 在吃過熱騰騰的燒肉之後， 再吃一口清爽的水冷麵 ，成個人頓時感覺十分清新。 水冷麵亦都可以解膩，十分推薦比大家👍🏻

要食韓燒梗係揾間正宗既，想知邊間係正宗，最多韓國人食既實冇死。今次呢間韓燒係第一次食，亦係朋友介紹，果然好多枱客都係韓國人，而侍應都大部份係韓國人。落單時候既雞同鴨講，令我覺得似去左韓國😂不過放心，指比佢睇想食咩就得😆呢到環境好闊落，不過枱與枱之間都幾近，私隱度就冇咁高。但呢到抽風好，唔會有油煙味👍🏾另外呢到都放左有隊韓國男團既相，仲有影相位，岩晒追星既朋友，而我就唔係為男團黎，而係為佢既八色烤肉黎😉落完單就好快送左前菜黎，除左基本既泡菜、芽菜等，特別啲有蒸蛋，蛋中混合左彩椒，味道就會比較豐富，蛋亦好鬆軟。主菜當然要叫佢地招牌八色珍味拼盤，佢有三種組合，有全五花腩、半豬肉半腩同半牛半腩，我就揀左四色五花肉加豬肉。我係韓國食過一次，今次再食唔知有冇韓國咁出色呢？四色五花肉有蒜蓉，咖哩，香草，辣椒醬味道，而豬肉有護心肉、調味排骨、豬頰肉同豬頸肉。四色入面我較喜歡蒜蓉同辣醬味，蒜蓉令五花肉更香同惹味，而且唔會醃製得太濃，係四種入面最淡味既。辣醬味偏辣，但刺激一下味蕾令人唔會咁快覺得膩。五花肉燒到乾身脆邊就最好食，油脂都比熱力揮發，滲入肉中，令人食落分唔清係肉汁定油花😋而四款肉類，我最鐘意係調