韓珍 (寶勒巷)

營業中

休息中

依間餐廳好多韓國人，一入門口已經係個講韓文嘅帶位，坐低之後發現周圍都好多韓國家庭同韓國人，可能因為食物夠正宗，雖然價錢唔算平，但味道的確唔錯。我地點咗個八色珍味拼盤，因為唔想食牛，所以我地揀咗中間價格同份量嘅四色五花肉+豬肉 另外又想健康返少少，就叫埋個芒果酸奶蔬菜沙律，飲品就要咗杯pineapple。 side dishes款式都算多，亦都符合我口味，除咗洋蔥個碟，如果有埋紫菜/芽菜就好喇XD btw 仲送埋個蛋餅，夠曬大又夠厚身!!初時以為要自己親自落手樂腳燒，原來呢間餐廳好好，有員工過來幫我地搞，又唔會好打擾我地佢哋真係好熟練嘅手勢，知要燒幾耐，幾時要再嚟翻轉燒另一邊，唔怕我哋自己嚟會整到燶晒、唔熟或過熟，所以啲肉款款都好好味。其實就咁睇我分唔到D肉邊款打邊款，食落口先知～調味排骨有醃過特別濃味，豬頸肉就偏硬，護心肉同豬頰肉用生菜包住來食，唔洗沾其他醬料已經特別正，偶然漏出肥肥嘅豬油，但又唔係得肥膏。 沙律雖然好大碟，不過都食得晒，啲芒果有啲酸有啲甜。 pineapple juice正正常常。 食完仲有西瓜送，好好呀！唔係成日食韓燒嘅，每次食都應該揀呢間餐廳質素嘅嚟食呢！

🇭🇰韓燒好去處 全香港周圍都有韓國燒烤 要搵一間好食嘅真係唔容易🙋🏻‍♂️ 今日就帶大家食一間正宗既韓國燒烤 大部份侍應都係韓國人 你係要同佢哋講英文或者韓文😂 入咗去嗰時真係好似去咗韓國咁😂 而且服務員雖然溝通唔到 但都會好主動又幫你燒 好似韓國嗰啲一樣😏😂😂寫下寫下都搞到我好想去韓國旅行😂佢哋近排有個套餐 係比血管好似水喉咁粗嘅人食（我） 因為係有八種唔同味道嘅五花肉食😂八種分別係蒜蓉，人蔘，黑椒，咖喱，香草，大醬，辣椒醬，日式燒汁 等等😂-八色五花肉（$538）咁多款入邊最鍾意係 辣椒醬同香草 兩樣既味道都好濃厚😂本身個味已經好夠 唔需要點額外嘅醬汁 包埋生菜食已經好正😂 但係記住要慳住食啊 食晒再添就要$10 一個😂😂😂而且佢仲有一個細心之處 就係俾咗一舊肥膏你開爐 咁就唔會有機會癡底😂總結來說 正宗韓燒 服務態度又好🙋🏻‍♂️

今晚又係尖沙咀呢頭行街，晚餐就黎左呢間韓珍食韓燒。7點入去，都好多枱有人食緊，門口見到個八色珍味拼盤幾吸引就叫黎試下，另外仲叫左個超長燒蛋卷，個八色珍味拼盤本身寫for 2~3人，所以就唔敢再叫太多野嚕。岩岩落完單，轉個頭店員就拎左N小碟同埋煎蛋出黎(呢下先知原來有咁多前菜)，冇幾耐拼盤同埋燒蛋卷就一齊到左。呢間餐廳既店員係會幫手燒啲食物~非常好既服務，我地既任務就係睇住佢燒(當然你都可以自己燒既)。呢個八色珍味拼盤有4種五花肉再加其他豬既部位，例如豬頸肉、護心肉個啲，4種五花肉裡面泡菜味同咖喱味我覺得係最好味~而且本身啲豬既質素好，咬落去感覺唔會太肥。燒蛋卷有成50cm長，蛋味十足，入面仲有啲泡菜。燒烤期間店員隔一排就會幫我地換燒網，所以新燒既肉唔會痴到之前啲焦，亦唔會有焦味，值得一讚！同場好多枱韓國人，睇黎韓國人黎到香港都仲係好鍾意燒烤。

好多選擇唔知揀咩好？.呢間燒肉就有好多套餐可供選擇！有淨係豬或豬加牛，唔食牛人士都可以有好多選擇😆.八色珍味拼盤 （四色五花肉+牛肉 $698）四種又唔同醬料及香料醃製過既五花肉，不過都係原味最能食出肉本身既香味😁另外四款牛肉，包括有裏脊、排骨、牛舌及雪花牛肉牛肉始終都係最正👍🏻My favorite! 而燒牛舌就最要技巧，燒過耐就韌啦！本人能力不足韌左😔因爲牛舌唔厚時間好難控制，下次努力💪🏻而雪花牛就好吸引咁，望住D脂肪紋都知佢好食😆燒完真係好嫩好易入口！.蜂蜜梨汁生牛肉 $180第一次試生牛肉有D擔心，本身有D青瓜絲、蘿蔔絲同生雞蛋跟埋，生牛肉似有少少調過味，將材料撈勻就食得啦！食落真係唔錯，食到肉本身既彈性口感，調味好淡，真係食到原汁原味😋👍🏻👍🏻 值得推薦！！

因為好耐無食過韓燒，突然好想食，於是問朋友有咩推介，佢就介紹咗我去一間韓國名星開既燒肉炸雞店-韓珍由於我地中午12點就黎到，所以成個場得好少人🤣🤣🤣邊有人好似我咁晏晝就食燒肉🙈一入到餐廳，見到佢分開咗一邊係燒肉區，一邊係食炸雞區，而且仲有包廂可以一大班朋友一齊，增加私穩度👍🏻見大家都推薦餐廳既8色拼盤，於是我諗都無諗就決定要4色五花腩+牛肉，當中包括蒜蓉、咖喱、辣椒醬和香草四個不同的口味的五花腩肉，另外包括調味烤肉裏脊、調味烤排骨、牛舌和雪花牛肉五花腩肉超好食，蒜蓉味相對比較淡啲，可以配埋泡菜夾買生菜一齊食，正😋其他味相對入味，就咁食都已經好香好有嚼口👍🏻4款牛肉都好好食，我地兩個人，呢度既份量都有啲多🙈總括黎講質素唔錯，價錢合宜，下次會黎試埋佢既炸雞🍗😋

今日又出旺角睇戲，但係費事咁夜都留喺旺角，就出咗尖沙咀食飯。一行四人，7:00pm入座都full full地，好彩有訂枱咋，之後原來都坐到差唔多滿座我哋附近好多人都點左拼盤，一個價錢有八款，唔使諗咁多嘅情況之下就點左個拼盤，而且仲做緊優惠💸同韓國🇰🇷一樣都係有八小碟前菜#八式珍味拼盤 $698豬腩肉有四款口味包括（辣味、咖喱味、蒜味、香草）外型將佢轉成一圈，好靚個人就比較喜歡原汁原味，豬腩肉肥瘦適中，就算燒完之後依然肉質豐盈，而另外兩款牛肉經過調味，甜甜地好開胃，完美的配搭。牛舌彈牙亦爽口，沒有經過調味，所以牛味濃郁💭拼盤仲包括會送烘蛋及生菜。#醬油蟹 $250一直念念不忘，之前起首爾食到醬油蟹。香港要搵食醬油蟹嘅地方唔算多，如果唔係大間嘅店舖，我都唔會點。咬落去的時候有清脆的聲音，略嫌少許腥味，但鹹鮮也足夠，一定要將蟹肉加入牛油飯拌起來吃。#人蔘雞湯 $108用上了半隻雞，雞肉好淋，飲得到有淡淡的蒜頭味，雞肉和糯米吸滿了各種材料的味道，如果人蔘味再濃郁少少就更好啦。最後仲有生果送🍉略嫌抽風系統不足，油煙味有點過重

朋友仔將到韓國留學 因此一行5人 於出發前跟他再吃一頓韓燒😆看到電視介紹這餐廳 便來試試點完菜 便上了超過十碟的配菜 免費的 吃完更可無限添 沙律 生菜 醃蘿蔔 醃菇 泡菜 豆卜 洋蔥 等等 當中醃菇值得一推 醃得超入味 酸酸的 大分開胃 當吃得太多肉 可以解解膩👍🏻《護心肉》$150 已醃的豬肉 燒後味道更濃郁《蜂窩雪花腩》$150 挺大件 可以分十塊一口肉 脂肪較多 一邊燒當中的油脂分解出 燒得更香 吃時肉汁仍鎖住 厚厚的 一點也不乾《豬頸肉》$150 切成一吃大小 無醃過 燒後一口吃下 豬肉香四溢 原汁原味《雪花牛肉》$250 貴價牛 但真的很好吃😋 未燒前已看到脂肪比例同花紋都不錯 有少少厚度 燒後肉質依舊保持彈性 口感豐富 濃濃的牛肉香 加上肥脂的美味 完美的配搭《牛舌》$160 每次韓燒必點 味道濃郁亦肉質爽口 可惜今次有點少失望 味道淡 吃後無感 《50cm長韓式雞蛋卷》$158 有驚喜 蛋上滿滿的醬汁 沙律醬茄醬少不了 分成8件 蛋算嫩 入面有泡菜 但有其他配料中和 所以不算辣 泡菜增添了酸辣的味道 這配搭挺新鮮《鐵板烤小章魚五花肉》$380 另外有爐 有服務員幫忙

辛苦咗一日，晚上為了鼓勵自己，又有藉口大吃大喝了。以實惠價錢，品嘗其獨有的韓燒，今次主要為韓牛而來，豬腩肉未解矖凍，但都好快熟。因為夠薄。肪含量較低、質感柔軟，不過鍾意厚切多啲囉。只吃牛，又怎能滿足呢，豬頸肉爽彈肥美，油份豐富，而且醃得入味，越食越上癮。豬扒厚度十足。總嘅嚟講不錯，下次再嚟。

記得好耐之前同同事黎過呢間韓式燒肉店食燒肉，當時感覺很不錯。這天突然燒肉興起，就帶左男友再黎呢間食。首先會有一大堆前菜，已經擺到成張檯滿曬，超霸氣 新品八色珍味拼盤一共有三款選擇，每款都有八種味道，適合選擇困難症既我！今次就揀左四色五花肉+豬肉拼盤，五花肉分別係香草、咖哩、辣椒醬以及蒜蓉四款味道醃製過。雖然都係五花肉，但每款味道都完全唔同，所以好有新鮮感！除左五花肉之外，另外仲有護心肉、調味排骨、豬面肉以及豬頸肉，其中我最中意食豬頸肉，烤到超級脆但仍好juicy一次過有咁多肉放在眼前，真係超誇張！呢間餐廳最好就係會有韓國侍應幫手燒，火候掌握得剛剛好！又好食又舒服～ 另外八色珍味拼盤仲會附送一盤韓式烘蛋，內裡有不同的椒以及洋蔥，好好食。 因為我地想食主食，所以就叫多左個牛肉食鍋拌飯。拌飯是有飯焦的，加上拌飯醬、各種配菜、雞蛋，同韓國食既一模一樣 過左甘耐，呢間餐廳完全冇退步，仲係咁好食，推薦～

喺尖沙咀上網搵食咩 就喺去咗有韓國人主理的韓式燒肉店 我地點左佢哋最出名嘅八色珍味拼盤 分別用上八種調味 包括人蔘 黑椒 日式醬汁 蒜蓉 香草 大醬 辣椒醬同咖喱 淨係賣相已經好吸引😍😍 仲可以一次過試晒咁多個口味 大家可以選擇淨豬肉 或半豬半牛我哋今次就簡全豬肉 個人覺得咖哩味同日本醬汁最吸引 佢哋配菜選擇也不少 配肉食最岩 不過如果另加生菜要再加十蚊我哋另外仲點左奶油芝士火鍋雞 好creamy 說真的兩個人真的吃不完🙊🙊所以建議大家點菜時慢慢後加😋

呢日同同事收左工話不如一齊食飯啦，諗諗下都好耐冇食韓燒啦，諗住搵一間又好食，又可以坐得舒服既餐廳，係尖沙咀又比我搵到間好野，緊係要食下啦。入到去，發現個場都幾大喎，可以容納到好多客人。坐底後侍應好快手就比左menu我地睇，揀左一陣，決定左要叫一個「八色珍味拼盤」同埋「醬油蟹」。點好餐之後呢，侍應好快手就開始安排d韓式小菜啦，例如:泡菜，雞髀菇，海帶，白蘿蔔，洋葱，生菜等等。而且仲有三款醬比你點黎食既。上主菜前仲比左盤韓式蒸蛋我地開下胃，真係好貼心。1.八色珍味拼盤 (E03八色五花肉) $538呢個五花肉拼盤主要用左八款味道組成，分別有: 人蔘，黑椒，日式燒汁，大醬，辣椒醬，香草，咖哩，蒜蓉。就咁望都覺得顏色好豐富，我地就由比較淺色既五花肉開始燒起，放落燒盤到一陣，就已經開始聞到肉燒烤既香味，再翻幾翻就已經可以食得，用鉸剪剪到佢適合既大小，再加上豆瓣醬同埋生洋蔥再用生菜包住，韓式風味十足，感覺中和左五花肉油膩嘅感覺。而係咁多款味道既五花肉之中，我地覺得辣椒醬同日式燒汁味比較好食。2.醬油蟹（配牛油飯） $250我地仲點左個醬油蟹試試佢，係韓國就食得多，唔知係香港食既會唔會咁好味呢，果然

好耐無食韓燒喇，今日約咗3個好友來到尖沙咀這間店聚聚舊食個鼻韓燒一嚟就有多款韓式前菜小食，多數酸咪咪帶微辣開胃小食嚟送的多煎蛋餅熱辣辣好好食，蛋香十足牛肉石鍋伴飯都唔錯，即叫即做夠哂熱辣辣，牛肉微辣有口感，仲有多款蔬菜配料及一隻雞蛋，搞拌後好好食八色珍味拼盤夠哂有等色，我叫咗四色五花肉配牛肉，五花肉本身豬肉味都出，加上筋位爽口帶膠質，分別有蒜香、咖哩、香草及辣辣醬四種醬料味另外牛肉有牛舌、雪花肥牛、烤排骨及烤脊骨，牛肉味濃燒完好惹味，牛舌爽口，雪花肥牛包生菜食好正

同韓國既燒肉可以媲美韓燒 喺帝國中心同寶勒巷都有分店 今次去既係寶勒巷嗰間 餐廳好大 座位好闊落 坐得好舒服 同埋都有幾多韓國人係到用餐 好似去左韓國甘 我諗多韓國人既地方就代表間野係做到韓國既質素😛配菜多到成張枱full哂 仲有個煎蛋餅 **一定食燒肉**有幾隻八色珍味拼盤 另有四色五花肉加豬肉$598四色五花肉加牛肉$698我地嗌左 八色五花肉$538有八款醃制既味道包括有 人蔘 黑椒 日式燒汁 大醬 辣椒醬 香草 咖喱 蒜蓉 ,人蔘味係最特別因為好重人蔘味 好似咬緊人蔘 同埋餐牌話係2至3人份量 但其實兩個人食 d肉厚到棉枱甘 係食唔哂🤣五花肉 一定要有肥膏先好食 每一塊肉都肥瘦balance very juicy🤩另外仲嗌左醱酵人蔘雞湯$108原條人蔘同原隻鮮嫩既雞肉 啲雞炆得好淋 連軍都一咬既碎 簡直係最佳match 好鮮甜葛根水冷麵small size$68睇menu話一啖燒肉一啖冷麵 好多韓國人都會甘樣去食🤣就揀左一個黎試下 好正冰火二重奏甘 食完一塊熱辣辣既燒肉 即刻再食一啖冷麵 酸酸尾尾 即刻中和左個一啖肉既肥膩感 的確唔錯 下次都會叫個冷麵食燒肉

最近出左最值lunch $55（未加1）每日有二款 超值lunch （星期1-5）今日食左腩肉飯，叫左五分鐘到就黎，好快手去到13：15 成間餐廳都唔算好full7-8成入座到值得推介

生日就當然想吃一餐好的！我和男友都喜歡吃烤肉，所以他就選了韓珍這韓式燒烤的餐廳，好像是明星開的呢！愛吃肉的我們，第一眼就被這些八色珍味拼盤吸引了，就點了相對便宜的八色五花肉。吃韓菜，有大量前菜是指定動作。清爽的、酸酸的都有，非常配合燒肉。既有生菜，醬料的種類又多，可搭出多種食法。烤肉前先喝個人蔘雞湯來補一補身。原隻雞煲的超軟，軟得連骨也能咬溶，到底煮了多久才能軟成這樣！肉也是柔軟的，一點也不粗糙。湯溫和清甜，加上釀米，其實都頗飽肚！原來叫珍味拼盤會送蛋餅呢！熱騰騰上桌，蛋鬆軟幼滑，不錯呢。重點八色五花肉，八款滋味各一卷，雖然看起來好像不多肉，不過在燒的時候就知道真的很多肉了！近鏡一下，八款味道分別是蒜蓉、人蔘、黑椒、咖喱、香草、大醬、辣椒醬和日式燒汁。某些看起來已很明確是哪款味道了。爐的大小夠每次烤兩卷，每一卷都頗長，要剪一半才能燒。每份都調味十足，愈吃愈惹味呢！尤其辣椒醬味和咖喱味是我最喜歡的，味道很香又濃郁。黑椒味會比較刺激，因為整片肉都佈滿黑椒粒啊！差不多烤熟時再把肉剪成小片，再烤熟為止才可以吃。除了直接吃，感受香脆脂肪層外，也可放到生菜上，加上想用的醬汁、蒜片或其他配料，包起來