韓珍 (寶勒巷)

營業中

休息中

2019年7月21日。晴。尖沙咀。雖然我唔追韓星，亦唔睇韓劇，但韓燒就～～～呵呵！呢日嚟個韓燒double date～座位闊落，坐得都舒服，最要係同其他枱有足夠嘅距離，唔會聽到啲不堪入耳嘅歪理（大家明嘅就明喇～）既然係double date，咁揀四人餐就最好喇～芒果酸奶蔬菜沙律同餐牌上嘅樣幾乎一樣！芒果同啲菜都新鮮，唔錯～但更欣賞嘅係一齊上枱嘅多款配菜～～～加加埋埋有六款咁多，正！海鮮煎餅可以揀泡菜煎餅或者海鮮煎餅煎餅香酥但唔油膩，加埋個汁更好味～炒牛肉粉絲味道濃郁，粉絲軟滑，蘿蔔絲爽脆，口感豐富～韓牛扒 x 2重頭戲嚟喇～～～四人餐有兩塊超級大塊又勁厚嘅慶州千年韓牛肉一塊西冷、一塊肉眼（每塊300g）（另一塊擺得有啲遠，所以影唔到）正當我哋諗緊要點處理呢兩塊牛扒嘅時候好彩有店員過嚟出手相助，幫我哋燒同剪牛扒肉質嫰滑，完全唔會有牛羶味，極度鮮味～牛肉上枱嘅時候仲會配埋海鹽同玫瑰鹽，唔落已經好好味，落咗就非常之咁夾喇～烤大蝦另一重頭戲就係大蝦～一人一隻，好大隻燒嘅時間比牛肉耐，但都唔錯～螃蟹大醬湯唔鍾意呢個湯嘅可以揀葛根水冷麵（2碗）湯微辣，不過入面除咗蟹之外，仲有蜆，令個湯更鮮甜！牡蠣

熱愛韓燒嘅我地又去到尖沙咀搵嘢食今次食呢間大家都話好高級嘅韓燒呢度除咗韓燒 仲有其他熱食 見到隔離枱嗰啲嘢食又有啲辣湯 仲有麵食 店員介紹我哋食呢期推介嘅肉眼牛扒呢度仲有醬油蟹 我哋都好鍾意食醬油蟹架佢個飯仲要係免費refill架另外仲加咗一個五花肉 落完單之後就有啲小菜 有菜有沙律有泡菜之類之類之後就可以等食殘廢餐啦店員會幫你燒 除咗肉眼扒仲會燒埋其他伴菜肉眼扒真係超級好食 應該係我食過咁多間韓燒牛肉最好食嘅一間啊啲肉質好鮮嫩 又唔會鞋 食落口超正啲醬油蟹好多膏 一啜就成個口都係再撈埋啲飯一齊食 真係好正 又唔會食到好膩五花肉 好層次分明 百幾蚊超值店員都好細心幫我地整熟啲肉 嘢飲叫咗杯pineapple ale同埋asahi幾好飲嘅都下次要叫埋一堆朋友嚟就可以試多啲野啦

個friend 想吃燒肉，我們於是到了尖沙咀寶勒巷搵食，去了這間韓珍。這裡地方大，閒日來吃都很多人。周圍都有好多韓星相片、Posters ，感覺好似佢哋陪伴著我哋食嘢。兩個人點了一份【八色五花肉】，賣相頂瓜瓜。8種醃法，不知那個會是最好味呢? 食過便知。前菜是大堆頭，還伴送一個韓式煎蛋，蛋味極香。除以上之外，還點了一個泡菜煎餅，食落幾得意，辣辣地，麻油好香，洋蔥爽脆。另外，仲有一個洋蔥沙律，味道唔錯，亦好開胃。見有少少辣，於是點了Lemonade 解解辣。每條五花肉其實都好大條，要將佢剪開才可放晒入爐上，好在有職員貼心幫手。熟手嘅職，好快就將啲五花肉燒好晒，好香啊! 我哋都唔客氣了。就咁食又得，夾菜食又得。味道方面， “咖喱” 的那款至入味，“辣椒醬” 和 “香草” 也很不錯。“黑椒” 較為搶口，而 “蒜蓉” 就較為薄弱。“人蔘” 就好有驚喜，因為原本會以為佢會係苦味，食落反而覺得係甘甘甜甜的。埋單前，竟然有西瓜送，食完之後，咩油膩感都去晒。

未入到去 已經見到好多真·韓國人去幫襯 多數食呢啲餐廳一見到真係有返當地人食就覺得係好野🤣最後食完都覺得係真係好既！😋👍🏻食韓國菜例牌會擺到成枱配菜🤣不過呢到既配菜比起我以前食既多啲種類 eg菇 洋蔥 etc我地今次黎主要係想食韓燒🤣嗌左個牛肉拼盤二人份 牛舌 另加炒年糕 十分飽腹🤣拼盤包括有 烤排骨、烤裹脊同牛肋骨～啲肉會調到甜甜地 好惹味😋肉質都好稔 食落好juicy😋唔知係燒得好定係本身啲肉靚🤣牛舌口感爽脆 感覺好抵食 好大碟 食極都仲有🤣當食到好膩既時候可以用菜包黎食！即時fresh左同新口感🤣炒年糕無影到相 但係好好味！因為個人比較鍾意chewy d既年糕 所以呢到既年糕好岩我口味😋醬亦調得岩岩好 甜得黎帶啲辣！飲品嗌左好霸氣既apple cider🤣最岩影相！成餐飯都食得好開心！

蜂蜜梨汁生牛肉 ($160) 少數韓式餐廳提供嘅生牛肉，呢款食材風險高，相對較難處理，而且最緊要係新鮮。但係做得嘅，都係對自己有信心嘅餐廳。呢道菜以鮮牛肉配生雞蛋，再以青瓜佢配搭，清甜，帶著淡淡牛香，作頭盤品嘗，味道一流。貼心店員建議及早品嘗，因為放久後會出水，影響味道。各位對護心肉 ($150)可能有些陌生，其實佢就係豬肉嘅一部分，但佢係全隻豬最香嘅部分，佢係豬嘅橫隔膜和肝之間，每隻豬只有二百至三百克！雖然佢係豬肉，但唔多脂肪係低卡食物，爽口彈牙。呢個時候貼心店員又再出現，老實講食我就叻，煮都係交畀人啦。燒起上黎香味四溢，四周都係食材嘅香味。咬落果然冇令人失望。彈牙，油香竄入牙縫~韓牛肉眼牛扒 ($365)一食落口入口即溶，好有牛肉味，就算吾加醬料都好好食！仲有人幫我地燒埋，仲送煎雞蛋，蛋味濃郁，用鐵板上夠哂熱！菠蘿燒酒，酒味吾太濃，甜甜地，就算冇飲開酒既人都岩飲！

咁多人一齊食梗係去食韓國餐🙈炒牛肉粉絲 ($98) 呢一道炒牛肉粉絲可謂國民級嘅主食。炒粉絲要好食，汁同火候好重要。雖然都係韓國醬油但係份量剛剛好，而且師父聰明，利用各種菇菌將香味昇華。那種香氣，是一種化學反應產生，牛肉，醬油，菇菌，進行快炒加熱，類似焦糖嘅顏色印上粉絲，而上百種嘅香味分子直攻鼻腔，味道都十分出色韓牛肉眼牛扒 ($365) 呢度嘅牛扒係真係幾高質～ 肉質嘅紋理好鮮明，食落去都好嫩好冧，店員幫我地燒埋，服務十分之好🙈 食落都仲係好juicy同埋牛肉味好重。必叫之一！甜酸炸雞 ($190) 雖然呢間鋪頭主打係燒肉，但係佐酒小食都唔可以睇小，唔知係咪叫左酒嘅關係，炸雞真係唔少得。其實店內有幾款炸雞揀，不過最後都係揀返傳統嘅甜酸炸雞。可能因為叫甜酸炸雞，甜多酸少，好適合怕酸嘅人食。但佢最出色嘅係炸雞最重要嘅部分，就係脆！咬落口唔會令人覺得太厚。一啖一件份量剛好，雞肉同醬料配合得剛剛好，計算得天衣無縫。韓式炒年糕 ($98) 真係每間韓式料理店指標，呢種家鄉食品唔可以話難煮，但就係最考功夫好。多時炒年糕連韓國師父都炒到好硬，呢間炒得腍嘅同時又入味，真係好好味啊

今日angel同大家分享一間係尖沙咀食韓國菜的餐廳叫韓珍，因為這間餐廳餐廳選擇食物多且做得比較舒適。所以推薦比大家。較早之前試過它的特色五花肉拼盤，非常出色。今次主要試著的小菜及人蔘雞湯。人蔘雞湯湯味好濃郁，味道清甜，雞肉軟綿綿，非常出色。牛舌同豬頸肉不過不失，個值得一讚嘅係雖然餐廳好多客人在烤肉，但是感覺不到很大油煙。韓式做法整的雞蛋大人小朋友都喜歡，蛋特別濃郁「鸡蛋煎饼」「冷面」味道酸甜十分開胃，可以選吾辣。價錢合理坐得舒服😌放假一朋友都好合適

依家係香港食韓國燒肉真係愈來愈多花神野😳八色五花肉 ($538)韓珍推介食既八色珍味拼盤五花肉有八隻口味，分別有人蔘，日式燒汁，黑椒，大醬，辣椒醬，香草，咖喱同蒜蓉～個人最中意食日式燒汁，大醬同蒜蓉，每種味都醃得好入味！！ 而香草反而就頗咸～五花腩肥肉分佈比較多，要配埋生菜一齊食，可以減少油膩感，啖啖肥肉真係好邪惡呀⋯⋯🙈😭岩唒食極吾肥既男朋友😜🤣另外仲叫左一客牛舌 ($160/150g)牛舌吾會太韌 厚薄適中，自己燒都好易控制😍吾會燒到燶唒都無熟！配少少岩塩食好正👅食韓燒當然吾少得泡菜，好正宗好味道😜另外配菜都吾少～不過生菜要加十蚊啊！

幾時都話燒肉係特別令人吸引，放工之後就被呢間燒肉店吸引左，原本諗住去韓國街周圍睇吓有咩好食嘅，點知有朋友介紹想食好嘢駛乜行咁遠，附近就有一間啦，既然近近地不如就試吓，入到去大部份職員都係韓國人，當然都有香港人，所以完全唔使怕溝通嘅問題，一開始需要我嚟到嘅時候我哋諗住落手落腳燒，點知就引來侍應幫我地手，原來呢間餐廳嘅特色係，服務到家，侍應好親切咁幫我地剪肉同燒肉，果然冇去錯地方，原來有啲用要用一啲特別嘅方法燒先會好食，我哋呢啲行外人少可能會浪費左舊肉，所以餐廳就有一個咁特別嘅服務，好啦廢話唔講啦，首先介紹下呢度嘅美食先，因為有啲朋友都想食啲飯落肚所以我哋就叫左一個醬油蟹撈飯，呢個快就真係不得了，之前都係其他地方都食過但係都冇呢個咁好，因為呢個嘅飯唔係普通嘅白飯而係加咗好多紫菜同埋配菜嘅飯，首先女士們如果食咗有蟹唔想整污糟隻手嘅話就更加要來呢度啦，呢度嘅侍應係會幫我地在隻蟹嘅蟹膏放到飯中間！然後等你慢慢食，另外仲有個蛋卷，本身唔食蛋嘅我都俾佢吸引左！非常香，蛋卷夠鬆軟，然之後叫咗個生牛肉，加埋蟹膏，簡直係一流嘅享受！

約左幾位好耐冇見既舊同學，緊係要食d好野，見到呢間韓燒唔錯咁，就一於試下。上到去環境唔錯，夠晒闊落，店員都幾nice，不過大部分都唔識中文，要用英文溝通，好彩餐牌都有中文，講唔到都仲可以指🙊🙊🙊先黎一份韓式煎蛋做前菜，加多個泡菜煎餅開下胃先。跟著一個花蟹海鮮湯，海鮮夠新鮮，配上韓式泡菜煮出黎既湯，甜辣適中，淨飲定加白飯食都味道一流。跟手再黎一份牛肉拼盤，入面有調味烤排骨，裹脊同牛肋骨，調味唔太濃，肉質亦都好好，口感唔錯。然後重點上場，四式五花肉+牛肉，總共8份唔同口味既燒肉，各有各既好處同口味，要辣有辣，要濃味有濃味，滿足晒咁多人既口味。可惜生菜唔供應免費，要自費😭😭😭其中一樣最意想唔到既服務，係店員會幫忙協助燒烤，令到各種肉類唔會燒過頭影響味道同口感。重有西瓜送👍👍👍

朋友喜歡吃韓式烤肉也很喜歡Kpop，聽說佢偶像也曾到訪，所以說想試試位於寶勒巷的韓珍，我們平日的晚上到訪. 7:00pm未到繁忙時間，已經有8成滿，所以請預早訂位以免要等喇。店員安排我們坐靠窗的餐桌，可以外望街景，間隔唔會逼，十分舒適。而在餐廳門外到裡面都貼滿GD、BTS、黃致列...等韓國人氣偶像海報相片，而侍應們大部分都係韓國人，彷彿置身於韓國一樣。甫坐下，店員已送上數款前菜讓我們品嚐. 當中的沙律菜新鮮爽脆，還有我最喜歡的海帶泡菜，香港不是每間餐廳會提供。另外煎蛋餅是附送的，蛋味香濃裡面還有芝士，實在非常有誠意。除咗單點外餐廳仲供應套餐，不過對於我哋有選擇困難症，見到第一頁就俾八色珍味拼盤吸引住。我哋點咗4色5花肉+牛肉，貪每樣都可以試到。店員妹妹會幫忙燒肉，我地就可以一道傾一路食，唔駛擔心燒燶😆牛肉有調味烤里脊、調味烤排骨、牛舌、雪花牛肉。里脊同排骨肉味豐富；牛舌就夠大塊爽口；雪花牛肉雪花分佈均勻，滿口油香。四色五花肉就有咖哩味、黑椒味、泡菜味、香草味。咖哩味夠特色；黑椒味微辣非常惹味；香草味就好香口。調味固然做得好，五花肉本身都高質，肥瘦適中夠軟腍，燒完肉汁都仲豐富。另外還點

之前喺電視到見過有人介紹韓國好特別嘅八色燒肉 之後屋企人話想試吓 所以之後我就上網搵到呢間係尖沙咀嘅韓燒都有！所以今日就一於帶佢哋嚟試下😏餐廳位於尖沙咀寶勒巷 嗰度成條街都好多食肆 所以都幾易搵！入到去見到餐廳裝修都幾靚 而且幾闊落 都令人坐得幾舒服😌之後我哋都急不及待叫嘢食先🤤呢到主打嘅當然有呢個八色五花肉啦🙈另外原來呢度都有醬油蟹 我之前喺韓國試過覺得好好味 所以忍唔住叫咗一隻🤤叫完嘢食 侍應就好快咁幫我地擺好啲韓國配菜👏🏻食得韓燒 當然就唔少得佢哋林林總總嘅配料啦！😂等左一陣 終於有野食啦！係有米飯盜賊之稱嘅醬油蟹🤤未食就咁睇已經見到好多膏🤤當然唔少得個蛋黃飯啦！醬油蟹嘅肉質都幾實 而且醃得好入味 用嚟送飯真係啱啱好🙈食完個醬油蟹 到主角出場啦！呢個八色五花腩終於到啦！顧名思義當然有八種唔同嘅味道去醃呢一個五花腩啦🙈分別有人參,蒜蓉,胡椒,咖喱,日式燒汁,大醬,辣椒同香草味！而我覺得味道最好嘅就係大醬同埋咖哩味 因為可能調味比較重 比較易食得出👍🏻店員仲好好 一嚟到佢哋會幫我地燒埋 剪好俾我哋食🥰食完個五花腩 終於到重頭戲啦！係韓牛阿🤤🤤呢個係韓牛嘅肉眼扒！見到個牛嘅脂肪分佈咁平

同朋友好耐無食過韓燒，吹水日一定要揀一個好地方坐得耐又有冷氣，又有私人空間既地方，我個人唔太鐘意枱同枱之間咁近，俾人聽哂，同樣聽哂人講嘢今次嚟到韓珍，位於McDonald 正對面，都好容易揾到，上到嚟，好多職員好明顯就係韓國人，有d幾靚女添😂😂😂有d時候要用英文溝通坐位有卡位，好大，4個人坐好舒服，旁邊係走廊，無人迫住我地，正！😂食物方面，我知道依度出名八色珍味拼盤係出名既，所以就叫左個八色五花肉韓國菜好多時有好多前菜，不過依d如果要refill 就要俾錢，所以就住嚟食😂kimchi 係好有韓國風味，同外面嗰d唔同職員可能見到我地燒肉燒得好差，忍唔住全程幫我地燒哂，仲要夾埋俾我地食😂勁好人我地特別鐘意其中3隻色既五花肉，日式燒汁，咖哩同大醬，甜甜地，好入味去廁所時，聽到好多枱既客人都係講韓文，想見多d韓國人，依度係一個好好既選擇😂

由於有朋友生日 所以去咗呢間韓珍慶生🥰入面嘅裝修都好有韓風嘅感覺 而且好多店員都係韓國人 好似去咗韓國嘅感覺😻餐牌上面都超多野揀🤤唔單止有豬肉牛肉 仲有鰻魚或者係韓國嘅菜式 可以一次過滿足晒我嘅願望🤔佢哋會比好多小菜去配搭燒肉😋唔單只係最普通嘅泡菜或者腌肉蘿蔔 仲有一啲好本地嘅小菜都有提供 而我最鍾意嘅係有碟酸酸甜甜嘅葉配燒肉簡直係解膩 令人可以食多啲🤩我哋仲叫咗兩杯野飲🍸🍸一杯係檸檬梳打 令一杯係柚子梳打 兩杯嘅酸甜可以解到燒肉既膩 而且十分解渴😌醬油蟹嘅味道同喺韓國食嘅差唔多 醬油蟹拌飯令人可以食多幾碗 尤其是係個蟹蓋🤩蟹嘅味道又唔會太咸 單食又可以配飯都得 而且飯上邊仲加咗個生蛋黃 簡直一流👍🏾而呢個蒸雞蛋係鋪頭送嘅 啲雞蛋嘅味好香🍳食落好有口感 而且大大碟如果想食五花腩但係又唔想剩係得一種口味 會食到厭 所以呢一個唔同口味嘅拼盤就啱晒我哋成班朋友😛不停轉換新口味啱晒貪心嘅我 可以試晒唔同嘅配搭喺呢間食韓牛性價比高🥩價錢同舊牛肉都相等 韓牛上面嘅雪花同肉嘅比例差不多 食落油脂豐富 而且肉質柔嫩🥰隔離仲有海鹽同普通鹽可以點 不過即使唔使點任何野都已經好有牛味 好滿足😋食完燒肉再配埋

三五知己約食飯、韓燒、打邊爐都係一個唔錯嘅選擇，因為可以試多啲款式嘅食物。今次同班friend 決定食韓燒，由於尖沙咀比較就腳，又係美食林立嘅地方，所以就鎖定喺尖咀試新嘢！呢間韓燒座位非常闊落，枱又大，坐得好舒服！我個人比較怕太迫’夾’嘅餐廳，尤其同班friend 一齊飲飲食食，吹吹水，坐得舒服真係好重要！網上見人推薦八色珍味拼盤，我地選了兩款，「四色五花肉+牛肉」及「四色五花肉+豬肉」四色五花肉，分別是用辣椒醬、香草、咖哩及蒜蓉，睇落好靚，令人食指大動。睇相唔算好大碟，但燒起來黎好大條，個爐剛剛好可以放到。肉質方面，半肥半瘦，咬落帶點爽口，很不錯。味道方面，我覺得香草味很特別，配製的香料很香，味道不會太咸。至於，辣椒醬及咖哩味既五花肉，醃得很入味，個人覺得咖哩味更為突出。蒜蓉味既五花肉則較為清淡，客人可按個人喜好加醬汁。牛肉特別部位，套餐包括烤裏脊，烤排骨， 牛舌和雪花牛肉烤裏脊口感细腻鲜嫩，烤排骨很多汁，雪花牛肉很新鮮、柔軟，牛舌口感紮實有彈性。豬肉特別部位，套餐包括護心肉，排骨，豬頰肉和豬頸肉。 護心肉口感比較軟身，排骨，豬頰肉和豬頸肉比較爽口彈牙。此外，個餐附送芝士蛋餅，我們也