影片
更多
2019-08-08
74 瀏覽
要食韓燒梗係揾間正宗既，想知邊間係正宗，最多韓國人食既實冇死。今次呢間韓燒係第一次食，亦係朋友介紹，果然好多枱客都係韓國人，而侍應都大部份係韓國人。落單時候既雞同鴨講，令我覺得似去左韓國😂不過放心，指比佢睇想食咩就得😆呢到環境好闊落，不過枱與枱之間都幾近，私隱度就冇咁高。但呢到抽風好，唔會有油煙味👍🏾另外呢到都放左有隊韓國男團既相，仲有影相位，岩晒追星既朋友，而我就唔係為男團黎，而係為佢既八色烤肉黎😉落完單就好快送左前菜黎，除左基本既泡菜、芽菜等，特別啲有蒸蛋，蛋中混合左彩椒，味道就會比較豐富，蛋亦好鬆軟。主菜當然要叫佢地招牌八色珍味拼盤，佢有三種組合，有全五花腩、半豬肉半腩同半牛半腩，我就揀左四色五花肉加豬肉。我係韓國食過一次，今次再食唔知有冇韓國咁出色呢？四色五花肉有蒜蓉，咖哩，香草，辣椒醬味道，而豬肉有護心肉、調味排骨、豬頰肉同豬頸肉。四色入面我較喜歡蒜蓉同辣醬味，蒜蓉令五花肉更香同惹味，而且唔會醃製得太濃，係四種入面最淡味既。辣醬味偏辣，但刺激一下味蕾令人唔會咁快覺得膩。五花肉燒到乾身脆邊就最好食，油脂都比熱力揮發，滲入肉中，令人食落分唔清係肉汁定油花😋而四款肉類，我最鐘意係調
今次呢間韓燒係第一次食，亦係朋友介紹，果然好多枱客都係韓國人，而侍應都大部份係韓國人。落單時候既雞同鴨講，令我覺得似去左韓國😂不過放心，指比佢睇想食咩就得😆
呢到環境好闊落，不過枱與枱之間都幾近，私隱度就冇咁高。但呢到抽風好，唔會有油煙味👍🏾另外呢到都放左有隊韓國男團既相，仲有影相位，岩晒追星既朋友，而我就唔係為男團黎，而係為佢既八色烤肉黎😉
落完單就好快送左前菜黎，除左基本既泡菜、芽菜等，特別啲有蒸蛋，蛋中混合左彩椒，味道就會比較豐富，蛋亦好鬆軟。
主菜當然要叫佢地招牌八色珍味拼盤，佢有三種組合，有全五花腩、半豬肉半腩同半牛半腩，我就揀左四色五花肉加豬肉。我係韓國食過一次，今次再食唔知有冇韓國咁出色呢？
四色五花肉有蒜蓉，咖哩，香草，辣椒醬味道，而豬肉有護心肉、調味排骨、豬頰肉同豬頸肉。
四色入面我較喜歡蒜蓉同辣醬味，蒜蓉令五花肉更香同惹味，而且唔會醃製得太濃，係四種入面最淡味既。辣醬味偏辣，但刺激一下味蕾令人唔會咁快覺得膩。
五花肉燒到乾身脆邊就最好食，油脂都比熱力揮發，滲入肉中，令人食落分唔清係肉汁定油花😋
而四款肉類，我最鐘意係調味排骨。雖然話係排骨，但方便食用已經起左骨。
佢既個部位肥瘦適中，加上預先醃製過，除左食到肉香，仲帶有絲絲甜味，令人停唔到口。不過都建議三至四人以上先好叫拼盤，因為佢份量真係好多，我今次兩人share 都有啲吃力😆
話就話好飽，但都要叫個豬肉泡菜湯。跟湯仲有碗白飯，配辛辣惹味既湯就岩晒😬最正係湯加左好多泡菜，酸酸辣辣咁，解番頭先一次過食好多肉既膩感😏😏
總體呢到真係好有置身韓國既感覺，加上食物味道夠正宗，連前菜同蒸蛋都跟足韓國，係有誠意既餐廳，可以再試😎
張貼
