韓珍 (寶勒巷)

營業中

休息中

係尖沙咀寶勒巷多野食就知左好奈啦！但原來呢度有韓燒食，就真係而家先知！我就去左韓珍到食啦！要上樓既，但上到去，原來都好大間！好多人！最緊要嘅係佢個抽風都唔錯，好多人一齊燒緊嘢食， 間鋪頭都唔會話好大油煙！八色珍味拼盤-八色五花肉叫一碟就可以食到八款唔同嘅味道，又真係幾唔錯啵！不過兩個人食呢個份量好似多咗啲啦！太飽🤣牛肉石鍋拌飯都好大個又夠熱，好夠飽！咩都唔錯唔會太咸！其實佢呢度有好多嘢食，但係兩個人食實在係叫唔到咁多款式！下次一定要一大班人嚟再試！

呢間韓燒認真犀利啦，全部都喺韓國🇰🇷人主理。而且位置方便，空間闊落。 聽聞呢度有最出名的8式燒肉。不過我地鍾情傳統porkbelly,而且得兩丁友食。冇辦法叫，但我見其他枱四五個人果d,個個都有叫。搞到我好後悔冇叫。維有下次啦。首先，我地就叫左五花腩🥩，雪花牛🐂，醬油蟹🦀️。望落好少，但一食就知好飽！ pork belly真喺我食過最好食既一間韓燒👍🏻👍🏻油脂同肉分佈得極好，好正。 燒完包住生菜🥬真喺一極棒。至於個牛，我建議大家唔好燒得過熟，會韌。到個主角，醬油蟹啦！好感動呀！喺香港食到韓國🇰🇷的質素😚 個蛋喺送的，好飽肚。真心食唔哂。呢間前菜喺勁多，醬料碟喺畫龍點睛之處。 下次試翻個8式燒肉先。

終於去左韓珍潮聖八式珍味拼盤豬腩肉四款口味包括（辣味、咖喱味、蒜味、香草）由淡味至濃味醃製豬五花腩既步驟去燒黎食，外型將佢轉成一圈，好靚豬腩肉算是肥瘦適中，燒完之後肥膏位變得好Q彈，豬肉部份變得外脆內軟而另外兩款牛肉經過調味，甜甜地好開胃另外牛雪花牛舌沒有經過調味，入口爽口彈牙，牛味濃郁，拼盤仲包括會送烘蛋及生菜。醱酵人參雞湯好好味呀，少有整得好食，湯好有人蔘味，鮮甜，雞好入味肉好滑呢度既韓籍工作人員服務態度好，由開始到尾都好有耐性幫手燒肉同剪肉，環境好好坐得幾舒服，坐位闊唔洗迫

今日帶埋兩個朋友一齊嚟到尖沙咀食韓國菜，呢間韓國菜想食好耐，感覺好正宗，亦都有好多名人介紹，一於食啦！💃🏻首先我哋叫咗「甜酸炸雞」呢個炸雞好好食，個汁酸酸甜甜好開胃呀，外皮趣博博，咬落去肉汁豐滿，肉質軟腍。😍「炒牛肉粉絲$98」呢個係我食過最好食嘅韓式炒粉絲，粉絲晶凝通透，咬落去煙煙銀銀，配合埋軟腍牛肉，冇得頂呀！🤤「人蔘雞湯$108」呢個湯好濃郁，亦都非常足料，見到大大嚿雞，入邊仲有少少雞蛋絲同埋米飯，好飽肚～☺️「50cm長韓式蛋卷$158」用上沙律醬同埋茄汁喺面頭，香甜嘅雞蛋包住滿滿嘅生菜，咬落去口感十分亦好有層次感！😛「牛肉拼盤$320」包括有調味烤排骨、調味烤裡脊、調味特級牛肋骨。三樣調味左嘅牛肉我都覺得好好食，咬落去非常遠年，充滿牛味，如果想冇咁樓仲可以包住生菜一齊食，加埋店舖自己調製嘅醬汁同埋香蔥，食落更加有口感～🤣呢間韓國餐廳好正宗，嘢食選擇非常多，質素又好，坐得好舒服，值得黎食啊🥰

近來Honey中了毒，中了韓劇的劇毒，看完一套又一套，有些還會重看再重看，就連吃飯都要選韓食，今晚便陪她去吃韓燒。這裡是很旺場的，食客很多都是韓國人，氣氛很好。韓國店員也不少，下單點菜時，店員跟我們說起韓語來，Honey 竟然可跟她說上五六句，看韓劇原來真的可以學會韓語的。我們先點了冰凍啤酒，喝著，並欣賞著這裡的韓語音樂。點菜就點了一份【八色五花肉】和一份【炒牛肉粉絲】。之後，店員本送上沙律、生菜、烤蛋和七款泡菜。泡菜令人吃了感到很開胃，烤蛋差不多有一吋厚，蛋味濃郁。【炒牛肉粉絲】牛肉粉絲非常有鑊氣，質地帶點煙韌，味道甜甜地，拌些韓式辣椒醬來吃，更加好味。【八色五花肉】整齊地排列在眼前，賣相非常很吸引，一時間都不知道先將那一條五花肉去燒? 幸兒，店員走來為我們 “操刀”，她先燒 “蒜香” 和 “人蔘” 兩款，隨即我們意會到，是應該順著味道的濃淡度先燒淡後燒濃。五花肉燒好後，味道非常甘香，難怪韓國人那麼愛吃五花肉。八款味道之中，我們比較喜歡辣椒醬味。

太耐無食韓燒，老友建議呢間尖沙咀人氣非常高企嘅韓燒。 餐廳幾大，見到唔少店員都係韓國人，好正宗！落單後先送上一大堆前菜，個人幾鍾意呢度嘅泡菜同洋蔥。 原來仲有一客焗蛋，脹卜卜幾得意。蛋裡面有多樣材料。 主菜黎啦，叫左一個招牌菜「八色珍味拼盤」，分別用上八種調味：人蔘、黑椒、日式燒汁、大醬、辣椒醬、香草、咖哩和蒜蓉，醃製出八款不同顏色烤肉。賣相真係好吸引，急不及待立即燒啦。先由最淺色，相信味道較清淡的燒起。 每件肉都好大件，燒好一邊之後反面，再剪成小塊慢慢燒。肉質相當不錯，非常入味，仲好Juicy。個人最鍾意大醬味，非常韓式，加配生菜包起來食，正好解膩。 另外，叫左一份醬油雞肉 ，非常入味，又好嫰滑。 另外，仲叫左一份水冷麵 ，食完熱辣辣嘅燒肉，再食一啖冷麵真係正斗。 好滿足的一餐，店員又會樂意幫你燒埋一份，感受非常正宗的美味韓燒。

趁住老公生日食我鍾意嘅韓國菜韓國燒烤🥰一早book定位😃嚟到餐廳都好闊落🤦🏽‍♀️，好大！可以慢慢食下野傾吓偈！完全唔會覺得迫！仲唔會驚隔離聽到你講乜😁之前睇過OpenRice，見佢有個Menu係八式珍味拼盤！一個拼盤有八種唔同嘅選擇而且仲有三個拼盤俾你揀！梗有一個啱你自己！🤣我哋鍾意食牛肉所以我哋揀咗四色五花肉加牛肉，係最貴嗰個餐！因為食韓燒點可以唔食牛肉呢！上菜之前俾咗好多唔同嘅泡菜款式同味道都比較特別，唔似出邊嘅韓國菜！八式珍味拼盤，包括有四種唔同嘅五花肉同埋四種牛肉包括有牛舌！兩個人黎食可以試到咁多唔同嘅肉的確好吸引😏

朋友生日，話想食高質美食唔可以浪費佢減肥嘅quota，OpenRice 上搵搵下見到呢間，價錢睇落去貴咗啲，但係難得生日食到高質素嘅嘢最緊要！入面啲座位非常闊落，坐得舒服，鋪頭好大，我行唔晒一個圈，但係睇落應該可以坐到超過50至60人。呢度嘅店員都係韓國人，好彩點菜用數字，溝通自如😛坐低點菜後，店員送上韓國餐廳必有嘅一味味小菜，細心數過有8種，沒有重複！個人推介泡菜同埋南瓜，真係幾好食。芒果酸奶蔬菜沙律$108，我哋都預備左今餐係好多肉類，點都要叫番啲菜，如果唔係追究咁難當，呢一個估唔到係咁甜嘅，我就冇乜試過將酸奶放落沙律上面，呢個味道都幾夾，唔知係咪韓國人啲口味重，個人認為呢個比較甜。見到OpenRice上面推介【八色珍味拼盤】，我地點左超級邪惡嘅八色五花腩$538，顧名思義有八種味道，人叄、黑椒、日式燒汁、大醬、辣椒🌶️，咖喱汁、香草同埋蒜蓉。 每一塊長長嘅五花籃都沾滿處八種唔同嘅味道，我個人最喜歡蒜蓉同埋辣椒醬味道😍五花腩好夠肥，食落脂肪比例分布好平均！啖啖都有咬口🥰唔錯！餐牌上面寫住二至三人份量，但係因為佢油脂比較多，我哋四個人都覺得好飽！另外值得推介係佢嘅牛舌150g $160

芒果酸奶蔬菜沙律 $108用酸奶代替沙律醬出奇地夾， 酸酸甜甜咁又多了份奶香味，相當唔錯。 蔬菜都好新鮮，食落好爽脆，芒果係新鮮芒果肉， 甜甜的帶少少酸，好味又開胃。50cm長韓式雞蛋捲 $158超巨型，一共有8大舊，木魚無論配咩都好好味。雞蛋裏面夾住有生菜絲，卜卜蝦仔，少少拉絲芝士， 同蟹柳絲等。配料多到見唔到雞蛋捲的層次。甜酸炸雞 $190醬汁係甜甜酸酸帶有一陣杏仁味，雞炸到脆卜卜，裏面還有肉汁，但略嫌炸粉過厚。發酵人參雞湯 $108犀利！煲到連雞骨都食得， 骨頭咬落係會化開，雞肉亦都唔鞋。八色五花肉 $538係餐廳的主打菜之一，超級有份量，攤開五花腩卷見到肥瘦分間，肉質都算幾靚。八種調味次中我最鍾意係咖哩，同日式燒汁。 燒到差唔多熟就要剪開一塊塊，見到微微燶邊就食得， 超脆的口感，又有豐富的豬油香味。牛舌 $160口感軟脆， 有牛香味，唔錯。Pineapple Soju $140菠蘿味唔突出，味道有點兒過甜。

深夜喺尖沙咀想搵嘢食韓燒係一個好好嘅選擇 因為一般都開得比較晏 今次就試咗呢一間評價都唔差嘅韓珍一嚟到就先叫咗牛肉拼盤同埋牛舌仲有韓燒必食嘅護心肉 牛肉拼盤提供左烤排骨裡脊同埋牛肋骨每一款都已經預先調味 而且比起單點價錢會比較抵一次過可以試晒三款各有各特色同埋口感而牛舌就係我哋韓燒都鍾意食嘅嘢如果可以包上蔥花就會更好燒到咁上下我哋叫咗一個蔘雞湯因為係韓國人嘅養生之道入面蔘雞湯係一樣清熱氣好好嘅食療呢度嘅蔘雞湯用全隻雞 而且個湯清甜又有人參味呢個價錢真係超抵 建議大家有機會都要點返個嚟試吓

今日諗咗全日夜晚食咩好，我同我朋友都有選擇困難症，最後抽幾間店抽籤抽咗食呢間。🤣🤣🤦🏽‍♀️本身book咗1800，早咗半鐘頭到，好在鋪頭開1730如果吾係就吾知要落街熱住等。入到去環境算吾錯，幾大同闊落，最重要係服務我地個員工係韓國人，吾識講廣東話，好似真係去咗韓國燒烤咁一坐低就點餐，太多好好食，就點多咗我地2個人叫咗個3-4人餐 有牛加海鮮🦞眼闊肚窄嘅我地最終死撐食淨幾塊牛舌舉高雙手投降🙆🏾‍♀️

平時比較少食韓燒，朋友們話好耐無食過就一於奉陪啦，今次揀咗位於尖沙咀寶勒行樓上店，店員都多係韓國人咁鬼熱先點杯大啤涼快一下，友人就點了鮮西柚汁入面仲有酒精㗎之後就有八款前菜，有泡菜、洋蔥、菇菌等，都係香辣及開胃微微酸等小食仲有每檯都有嘅煎蛋，入面有一啲餡料，蛋香味十足又美味之後到韓燒肉類喇，有牛肋骨及原味豬五花腩，牛味濃厚嘅肋骨位，仲有爽口彈牙五花腩，唔好以為好肥好多脂肪，其實都係筋位嚟主角係呢個八色珍味，其實係用咗8種不同香料去腌製8款豬及牛肉，我今次選了四色五花肉加牛肉五花肉本身其實燒完都好好食，但分別用咗蒜蓉、香草、辣椒等香料令味道變化好大，最愛辣辣醬及咖哩嘅惹味，仲有最愛嘅蒜香而牛方面有爽口牛舌，嫩腍雪花肥牛及腌得惹味似烤排骨及烤脊骨位，包住生菜再加點辣醬又係另一食法味道最後朋友點咗個石鍋飯，有辣醬牛肉配多款伴菜及蛋醬撈混一齊食㗎，香辣惹味又美味今次呢間韓燒都幾抵食又夠特色，肉類選擇都多～

依間餐廳好多韓國人，一入門口已經係個講韓文嘅帶位，坐低之後發現周圍都好多韓國家庭同韓國人，可能因為食物夠正宗，雖然價錢唔算平，但味道的確唔錯。我地點咗個八色珍味拼盤，因為唔想食牛，所以我地揀咗中間價格同份量嘅四色五花肉+豬肉 另外又想健康返少少，就叫埋個芒果酸奶蔬菜沙律，飲品就要咗杯pineapple。 side dishes款式都算多，亦都符合我口味，除咗洋蔥個碟，如果有埋紫菜/芽菜就好喇XD btw 仲送埋個蛋餅，夠曬大又夠厚身!!初時以為要自己親自落手樂腳燒，原來呢間餐廳好好，有員工過來幫我地搞，又唔會好打擾我地佢哋真係好熟練嘅手勢，知要燒幾耐，幾時要再嚟翻轉燒另一邊，唔怕我哋自己嚟會整到燶晒、唔熟或過熟，所以啲肉款款都好好味。其實就咁睇我分唔到D肉邊款打邊款，食落口先知～調味排骨有醃過特別濃味，豬頸肉就偏硬，護心肉同豬頰肉用生菜包住來食，唔洗沾其他醬料已經特別正，偶然漏出肥肥嘅豬油，但又唔係得肥膏。 沙律雖然好大碟，不過都食得晒，啲芒果有啲酸有啲甜。 pineapple juice正正常常。 食完仲有西瓜送，好好呀！唔係成日食韓燒嘅，每次食都應該揀呢間餐廳質素嘅嚟食呢！

🇭🇰韓燒好去處 全香港周圍都有韓國燒烤 要搵一間好食嘅真係唔容易🙋🏻‍♂️ 今日就帶大家食一間正宗既韓國燒烤 大部份侍應都係韓國人 你係要同佢哋講英文或者韓文😂 入咗去嗰時真係好似去咗韓國咁😂 而且服務員雖然溝通唔到 但都會好主動又幫你燒 好似韓國嗰啲一樣😏😂😂寫下寫下都搞到我好想去韓國旅行😂佢哋近排有個套餐 係比血管好似水喉咁粗嘅人食（我） 因為係有八種唔同味道嘅五花肉食😂八種分別係蒜蓉，人蔘，黑椒，咖喱，香草，大醬，辣椒醬，日式燒汁 等等😂-八色五花肉（$538）咁多款入邊最鍾意係 辣椒醬同香草 兩樣既味道都好濃厚😂本身個味已經好夠 唔需要點額外嘅醬汁 包埋生菜食已經好正😂 但係記住要慳住食啊 食晒再添就要$10 一個😂😂😂而且佢仲有一個細心之處 就係俾咗一舊肥膏你開爐 咁就唔會有機會癡底😂總結來說 正宗韓燒 服務態度又好🙋🏻‍♂️

今晚又係尖沙咀呢頭行街，晚餐就黎左呢間韓珍食韓燒。7點入去，都好多枱有人食緊，門口見到個八色珍味拼盤幾吸引就叫黎試下，另外仲叫左個超長燒蛋卷，個八色珍味拼盤本身寫for 2~3人，所以就唔敢再叫太多野嚕。岩岩落完單，轉個頭店員就拎左N小碟同埋煎蛋出黎(呢下先知原來有咁多前菜)，冇幾耐拼盤同埋燒蛋卷就一齊到左。呢間餐廳既店員係會幫手燒啲食物~非常好既服務，我地既任務就係睇住佢燒(當然你都可以自己燒既)。呢個八色珍味拼盤有4種五花肉再加其他豬既部位，例如豬頸肉、護心肉個啲，4種五花肉裡面泡菜味同咖喱味我覺得係最好味~而且本身啲豬既質素好，咬落去感覺唔會太肥。燒蛋卷有成50cm長，蛋味十足，入面仲有啲泡菜。燒烤期間店員隔一排就會幫我地換燒網，所以新燒既肉唔會痴到之前啲焦，亦唔會有焦味，值得一讚！同場好多枱韓國人，睇黎韓國人黎到香港都仲係好鍾意燒烤。