霸嗎拉麵 (金巴利道)

營業中

休息中

今日路經過尖沙咀，the one 對面。見到有間拉麵店門口，未夠12點就已經好多人係出面排緊隊。咁誇張！😳好似好厲害咁！等我又排下隊先。雖然多人排隊。但唔洗等好耐，好快就入得去😋😋入到去就好似去左日本既feel咁。裝修得都幾特別。被安排坐了卡位，幾舒適 👍點單方面，自己劃單，可選擇拉麵既軟硬度同配料。我比較喜歡清d既湯底，感覺無咁邪惡 😋所以點了 雞叉燒味王雞白湯拉麵 🍜有兩塊大大塊的雞肉，面頭有d蒜 ，很香口。個湯底唔會話好油脷，好香既雞湯味！雞肉咬落好嫩滑。雞脾肉咁。好好味！😍拉麵我揀左 最軟的。 口感岩岩好！連埋個雞湯一齊食，好滿足。最令人驚喜既係個溫泉蛋，一咬開，個蛋黃就流出黎！好 juicy! 鐘意清湯既一定揀呢個。如果鐘意重口味濃湯，就要揀炙燒豚肉味王拉麵喇！炙燒豚肉 面頭有d辣醬，豚肉唔會話好瘦，同唔會燒到好乾。連埋d肥膏一齊食。好有口感。好好味。個豚肉都幾大塊又好厚。食到好飽！個湯底 好重既豬骨味！令到個拉麵好入味。愈食愈開胃 😋😋果然係最受歡迎既拉麵！咁多人排隊，真係有佢既原因既😋😋👍

每次星期六日夜晚經過呢到一定大排長龍。今日咁岩朝早出開尖沙咀，食lunch時間條人龍短勁多，即刻急急腳行過去排隊！大約等左兩三個字，就有位喇！成日15,16拉麵食唔食辣好，一嚟好驚辣得滯，二來有好驚得個辣字，冇咗豬骨湯味。但結果都揀辛🤣黎到見到個豚肉係厚切，仲會好擔心會好似食擦子膠咁，因為試過另一間食拉麵嘅，啲肉硬到呢。。唔知呢一個d肉一咬就鬆開，勁好味！而且肥膏同埋肉嘅分布都平均，唔會覺得齋食肥豬肉。讚呀！個湯辣得來好開胃，而且仲係有豬骨湯嘅味道，配埋啲蛋同拉麵，隻蛋仲要係成粒，唔係切開一半，一流🤤另外，信洲蘋果梳打好香蘋果味，個味一啲都唔假！個口感好rich😂真係好似有蘋果果容既感覺。原來枝梳打有50%既蘋果果汁，咁唔怪得知咁香蘋果味🤤今次真係唔使去日本都食到一個好好味嘅拉麵☺️值得再食過！

成日喺尖沙咀行過呢間拉麵店都見佢排晒隊，今日食晏見好似唔係好多人，即管排一次食下啦！坐底左，叫左個炙燒豚肉味玉拉麵，唔怪之得排晒隊啦，拉麵湯夠晒熱，一碗拉麵好唔好味最睇呢樣野豚肉因爲係燒既，勁香勁惹味，流心蛋就唔洗多介紹有幾好食啦餐廳準備咗乾蒜胡椒呢啲喺晒枱面，口味濃d可以加值得再食，下次一於試下少有既雞肉拉麵先見Menu都幾期待主打炙燒豚肉拉麵，另外都有辛辣口味同埋雞肉拉麵炙燒豚肉味玉拉麵（$88）

今晚係尖沙咀逛逛街，買咗想買嘅嘢之後開始肚餓就揀咗呢間拉麵嚟食啦。之前一直大排長龍所以都好少會過嚟排隊食，今日有機會見到人龍唔算長都只係排咗3分鐘就有得入去啦。來自日本廣島嘅拉麵，總是有種特別嘅吸引力，主要應該係拉麵煮得特別好吧。於是我們兩人分別點了炙燒豚肉味玉拉麵，辛辣炙燒豚肉拉麵和沙拉唐楊炸雞。這裏的秘製叉燒用上了上等的豚肉，低溫慢火煮浸超過10小時，又以明火炙燒增添脂香，所以食落口的感覺真的非常好吃，配上硬度適中的拉麵和濃厚的湯底，每一個都令人感動，十分美味。沙拉炸雞外脆內軟，不過過份熱氣，加上有沙拉醬作襯托調味，口感非常好食。真的能夠從食物中細味品嚐到，慢工出美食的美味。

尖沙咀長期排長龍既拉麵店，朋友介紹下終於有機會試下。店內得兩款拉麵揀，一係濃厚豚骨湯拉麵；一係雞白湯拉麵。今次我就試左炙燒豚肉味玉拉麵$88蚊。湯厚好濃厚，亦好掛麵，唔會太油膩。而豚肉係厚切腩肉位，本身怕肥既我試左一啖後，已經忘記肥呢個字，豚肉燒到有少少脆身，咬落外脆，然後肥膏入口就溶既感覺，肥都抵吖！另外，亦點左個雞叉燒（四件）$48，估計餐廳係係雞脾肉，所以好滑好肥美，如果喜歡啖啖肉既你，必定喜歡呢個！

天氣凍凍🤧🤧當然想食返D熱辣辣既食返暖身朋友提議食日本野我即刻諗🍙🍙 未免太凍吧😅朋友即刻話我傻豬🐽🐽日本野都有熱食😂😂今次食🍜🍜拉麵 聽朋友講好好味 好值得推介👍🏻👍🏻門口不太顯眼 好容易miss左開餐啦🍽🍽枱面上有蒜粉 一味粉 餃子汁 俾你自己調味主角拉麵黎啦上枱熱辣辣 豬骨湯底好香 仲要乳白色好濃郁😍😍雖然天氣凍 但都係忍唔住要食甜品🍨🍨叫個甜品同朋友share先抹茶味濃 但帶點苦 但配合紅豆既甜 就剛剛好

今日出尖沙咀睇聖誕燈飾🎊🎊雖然仲有大約三星期到先到聖誕 但尖沙咀已經好有聖誕氣氛啦🎉🎉我地當然要食飽飽 先去睇聖誕燈飾啦🍽友人推介尖沙咀一間好有日本風味既拉麵 仲要好多人俾LIKE👍🏻👍🏻哇😱😱一去到門口已經大排長龍 不過唔緊要啦 為左食好野 值得既😝😝餐廳裝修好有日本色彩 周邊既擺設營造返一個日本環境食客真係好似置身起日本咁 好有FEEL 😍😍餐廳有啲類似bar枱既位選擇 可以睇住師傅起你面前整煮拉麵👏🏻👏🏻餐廳除左拉麵之外 原來仲有飯食咁我當然揀最出名既招牌菜食啦🍜🍜原來餐廳有做「期間限定」 一於試下先😍😍拉麵配檸檬 好新穎既配搭😜😜拉麵會傳來淡淡既檸檬香 飲一啖湯 發現湯帶膩感 竟然可以被檸檬減輕點❤️但仍然不減半點豬點湯既香濃味👏🏻👏🏻麵質彈牙 口感豐富 豚肉燒得香香 但肉汁好豐富 😀😀再配多客小食——餃子燒得十分香脆 餃子皮薄 餡料多汁 同日子傳統一樣 都會有層薄脆起底 大家都知我食完飯一定點甜品 今次亦唔例外芝麻雪糕充滿香濃芝麻味 奶味亦很濃郁紅豆大大粒 甜度適中真係大滿足👏🏻👏🏻

位於尖沙咀香檳大廈對面，位置挺好找的，選下午三點，不用排隊直入，拉麵幼直面，掛湯能力不夠強，勝在湯底够浓，腩肉灸燒過，不過不失，湯頭味道略差一蘭一點點，下次可以試一試其他拉麵

上次食完覺得唔錯，今次帶朋友嚟食。要排隊，不過都唔係等好耐，同埋會預先俾menu你揀定，所以坐低好快有得食~我點嗰碗拉麵雖然肉嘅份量比較少，但都夠飽~可能因為比較油膩~ 但朋友就覺得唔夠飽，要再點小食

尖沙咀霸嗎拉麵經常見門口大排長龍，今日兩點三同老婆路過，見門口只有2個人等，找緊這個難得機會，排隊食個人氣拉麵午餐先。在門口等了一陣，就可以入座，還有個舒服4人檯坐，正！食拉麵，我喜歡豚肉主料，贪其大大片，肥美瘦最好食。所以，最終點了兩款不同味道的豚肉拉麵。 辛辣炙燒豚肉味玉拉麵(小辣）$93和 炙燒豚肉味玉拉麵$88, 兩款拉麵配料相同，分別有葱、筍和糖心蛋，而拉麵則要麵身適中，避免麵質煮得太淋而不彈身，食落有爽彈感覺。至於湯底方面，兩款都試過， 覺得辛辣味略為辣了些，有少許喷火感，每食一啖要食一啖汽水解辣， 連小辛都咁辣，可想像大辣的辣程度，啱哂食辣的朋友挑戰。我稍為喜歡食炙燒豚肉味玉拉麵的湯味，沒有辣味，只有惹味， 湯底需濃但易入口不會粘喉嚨，令拉麵食落更入味，加上葱花的釣味，特別美味。而豚肉極其厚身嘅質感好香口，可能是表面肉身表面輕輕燒過帶點炙燶，令肉身咬落好鬆化香濃。至於溏心蛋整得出色，圆圆滑溜溜的蛋，用筷子夾開中間，香滑嘅蛋汁慢慢流岀，味道香溢， 最後成碗食清光，食完大滿足。辛辣炙燒豚肉味玉拉麵(小辣）,都幾辣炙燒豚肉味玉拉麵,原汁原味食拉麵其間，還點了唐揚炸雞$35,熱辣

每逢經過 The One ，總見到對面個間霸媽拉麵無論幾點都排長龍。今日終於的起心肝排下隊試下。排梗隊既時候，已經俾定點菜紙你。主打兩款湯底⭐濃厚豚骨湯⭐雞白湯仲有期間限定⭐ 檸檬豚肉拉麵其實係出面等既時候，見到食客好多都係日本人 。入到去，見到樓底好高，設計都好有日式食堂 feel~~❤首先一定要試下呢間招牌菜。⭐ 叉燒豚肉味玉拉麵日式拉麵點解可以買到咁貴一碗，我相信因為佢真係落足材料去做每一個部分 。湯底飲得出係好多材料淆制出來，唔係味精湯。濃厚豚骨湯味道好濃，好醇厚既豬骨味道。呢度最出名應該就係呢塊厚厚厚切叉燒。佢原塊厚叉燒， 所以叉燒好油潤， 叉燒燒得好香。 ⭐唐揚炸雞炸雞唔會好多炸粉，炸粉薄薄，雞反而好厚肉， 雞肉醃嘅味道都唔錯，好有日式風味，不過略嫌然唔太夠熱。⭐雞叉燒味玉雞白湯拉麵本身只係諗住一個試豬骨湯，另一個試雞白湯 ，但估唔到俾我好大嘅驚喜。 本身一向飲開雞湯點都係比豬骨湯一定係淡啲，但係呢個雞白湯一飲好似有100隻雞仔🐔🐔🐔🐔🐔湧出嚟咁， 估唔到雞湯都可以咁濃！！！！ 濃得嚟又唔會似豬骨咁樣有少少油膩，所以非常啱我口味❤❤大愛。佢隻雞叉燒係好似雞捲咁樣亦都做得好

經開尖沙咀都會見到有好多人排隊，今次終於的起心去排隊試一試由晚上6點9排到7點，排咗唔係好耐，好好彩～店家預備左茶係門口同埋會派定點餐紙減卻入座後慢慢揀餐既時間叫咗2款麵；1款小食同飲品，上菜速度算快，唔使等太耐炙燒豚肉味玉拉麵 ＄88豚肉同其他豚肉非常唔同，好似厚身五花肉但好香油脂味但唔會感覺罪惡，因為D肥膏已經係煮既時候逼哂出黎。豚肉好淋，基本上唔使點咬已經散，原來係店家將豚肉低溫慢火浸煮超過10小時，最後用明火炙燒增加脂香。湯底好濃郁而且食完唔會口渴，應該用咗好多材料同時間煲既雞叉燒辛辣雞白湯拉麵 ＄88將雞肉卷製成日式叉燒形狀，碗內附上辣椒一隻但小妹覺得味道上沒有特別，只是比較滑既雞肉～湯底方面叫咗小辛辣但都沒有辣的味道～湯底方面沒有豚肉般濃羽根燒餃子 ＄35一客5隻餃子，餡料係白菜加豬肉。皮唔厚同幾多汁，唔會太乾。現場有醬燒餃子，但小妹覺得原味餃子先食到個味道～靜岡蜜瓜梳打 ＄28由日本入口既蜜瓜梳打都幾濃蜜瓜味～梳打加入2%果汁，所以都算有蜜瓜成份！一邊食拉麵一邊飲梳打都幾爽～小妹推介： 豚肉必食，因為豚肉的確好出色，自問唔會係屋企用低溫慢煮10小時既，就去哩間食啦！

今日特登請左日假去尖沙咀睇牙，之前成日夜晚經過都見到呢間霸嗎拉麵排哂隊，難得今日晏晝時間冇咩人就去試，唔洗排隊嘛好彩餐廳有呢D一支公座位比我地呢D自己一條友食既人坐，裝修都好有日本風味，燈籠裝飾好靚，彷如置身日本拉麵店午市原來點拉麵可以加$12多一碟指定的羽根餃子或唐揚炸雞，嗚嗚可惜我係食到一半先見到新Menu檸檬豚肉拉麵，酸酸地唔係太喜歡，我都係叫番最經典的炙燒豚肉味玉拉麵！再加埋一客照燒汁餃子同葡萄酸梳打酒，一個毒毒的午餐就咁完成拉麵軟硬揀左適中，其餘湯底全部正常。湯底微杰身，好濃澀豬骨湯底，不過可能稍微比其他湯底油了一點。拉麵軟硬中等煮到剛好，不過我認為再軟點都好吃炙燒豚肉半肥瘦，好大塊，肥膏入口即溶了，夾埋瘦肉非常好食，一塊實在不夠喉，但一碗麵的份量好足，所以吃完一碗麵已經飽了味玉是溫泉蛋，不過如果上檯是事先將蛋切開一半更好，蛋黃心半溶，好味！照燒汁餃子，其實是羽根燒餃子加上燒汁，餃子沾上燒汁甜甜的好吃，餃子足料皮不易爛葡萄酸梳打酒，一開始飲以為是提子味梳打，可能沒搖勻，酒精都留在下半呢，不過好多都是出面沒有的日本飲料

今日做野經過尖沙咀霸嗎拉麵，午飯時間見還有位，便拿拿聲走入去醫肚，看食評這間拉麵店好好食，今日第一次食，果然名不虛傳。這間拉麵店算大，有很多座位，內裏非常宽濶， 裝修日式化， 猶如置身在日式拉麵店。進入餐廳， 看過餐牌，便決定點了炙燒豚肉海苔味玉拉麵和羽根燒餃子。很快，不到五分鐘，待應便拿來這碗香噴噴、 熱騰騰的拉麵來， 賣相非常吸引，大大塊三片紫菜，加上超大片肥瘦適中的豚肉，微微燒燶的感覺，令口味更濃郁。而配料的荀和溏心蛋，令整碗拉麵更出色。至於拉麵質感，由於我點了適中麵身，口感較彈身，不會太淋，啱哂我口味。食完碗麵，湯底也不放過，味道很香濃而不黏口，幾乎飲哂。小食羽根燒餃子，合共6隻，餃子皮燒得很薄，而又煎得好香脆，餡料豬肉很新鲜，肉汁多，味道濃，令人回味無窮！食飽飽，當然叫罐飲料，來一罐青梅梳打酒，酒精成份只有3%，又酸又甜挺特別。試過這霸嗎拉麵，價錢合理，拉麵很彈牙，夠爽，湯底濃而不腻，以後又一好選擇。

呢排吾知點解大家都好興食日式拉麵，仲有d舖頭會標榜住系日本師傅製作。呢間拉麵店既拉麵選擇吾多，得3至4款，不過都吸引到好多人黎食。雞叉燒溏心蛋拉麵佢將d雞肉紮成一條圓柱體，之後拎去燒，再切成一塊塊，咁樣既食法都幾得意，燒完外面既皮會出油，令到雞肉好香，不過肉質就吾系好多滑。野菜本身以為系抄椰菜，點知系芽菜，都幾爽口，食完油膩嘢最好用黎中和下。日式餃子最大特點系有位好大既脆脆可以食，味道就普普通通。