霸嗎拉麵 (金巴利道)

營業中

休息中

Ramen stall can be easily found in Hong Kong, but the really nice ones are only a handful. Whenever i walked past Ramen Bari-Uma, there are always a long line of queue forming outside. Since i have some spare time today and wanting to try if it was really worth the wait, I decided to join in the fun today. Ramen Bari-Uma has several branches in Hong Kong, thus i went to their Tsim Sha Tsui outlet. It was located at Kimberly Road, just 5 minutes walk from Tsim Sha Tsui MTR.Besides selling their s

每次經過都大排長龍，真係咁好食?🤔 🙆‍♀️雞叉燒味玉雞白湯拉麵 $88 第一次食雞白湯拉麵，所以唔知點先叫好食🙈湯底屬於稀身果類，雖然面頭有薄薄雞油，但飲落都幾清，唔算油口，湯頭有雞味但唔強烈。比較適合唔鐘意湯底太heavy既人。兩塊雞叉燒好厚肉，雞味頗濃，但肉質唔夠滑。拉麵係幼身 (近似一蘭最款)，可以揀麵的硬到，其實適中已經有少少偏硬，朋友揀左硬身，我自己覺得太硬了，影響嗦湯力。另外，炙燒豚肉味玉拉麵 $88相比起雞白湯，呢個豚骨湯濃稠好多，唔覺有豚骨味，反而醬油味好突出，但偏鹹。豚肉燒得唔錯，肉質鬆軟亦保留脂香，醬汁帶微辣，令豚肉食落無咁heavy。至於玉子方面，一隻係勁流心，但另一隻蛋黃已經凝固了，水準唔穩定。羽根燒餃子 $35餃子皮好煙韌好有咬口，入面既餡粒有豬肉同菜，餡料攪得太爛，完全無晒咬口。

星期六超級多人排隊，係門外先填左餐紙，排左應該20分鐘就安排入庭，所以等左一陣就上菜叫左1個炙燒豚肉味玉拉麵($88)個豚肉好厚，而且好冧，隻蛋流心我揀左硬身小小既拉麵，好食好多，唔會俾d湯浸冧左不過個湯好鹹，個人冇可能飲哂成碗湯不過飲哂既話，會見到碗底寫住d字 另外叫左1個雞叉燒味玉雞白湯拉麵($88)尼個個湯相對清淡d，同雞肉好配雞肉唔會好"鞋"，比起豚肉有口感尼舍既拉麵就揀左普通，真係比硬身麵冧少少既總體，食一次就OK啦，因為拉麵款最特別既都試左，不過小食就唔知好唔好味，亦都唔見其他食客叫小食個湯有少少油油地，同其他拉麵店比較，就油膩d此店適合鍾意食濃味既朋友去試另外，店員服務okP.S. 對食拉麵冇咩研究，不過尼間鋪頭出名，所以都好多人排，名氣大

今晚又黎到尖沙咀食晚飯，見到在The One 對面的呢間霸嗎拉麵長期排住一條長長的人龍，今日就早啲黎試下排啦。都等到20分鐘左右可以入去有位坐。拉麵選擇都好多，仲有分咗豚⻣湯拉麵同雞湯拉麵我揀咗辛辣炙燒豚肉味玉拉麵，小辣，豚⻣湯底稠身濃厚，豬⻣味十分香濃，鮮甜，叉燒好肥美，厚身，肉夠淋身，經過微烤更香口。麵質揀咗粗硬，好有咬感，夠彈牙，小麥味重。味玉流心香甜，滑身，入口即溶。醬燒雞叉燒味玉拉麵，呢個湯底比較清甜，稀身啲，更易入口，黑木耳爽口，雞叉燒肉質結實，入味，麵質都係揀咗粗硬，好有咬感仲有送的芒果糯米糍，叫多個抹茶紅豆雪糕，抹茶味極重，濃郁，雪糕質地幼滑香甜。

日本拉麵/沾麵，係其中一樣我好喜歡嘅快。靚。正食品，所以如果香港一開新日本拉麵餐廳，我必定會去朝聖！「霸嗎拉麵」，由於永遠都有一條話長唔長，話短唔短嘅人龍，佢哋究竟係朝聖呀？還是因為佢好好味所以有人再次光顧，然後有人係聞其好評而來呢？所以，我趁下午茶時間，又見冇乜人排隊，去試試龍與鳯😅 對我而言，這裡的選擇有點單一/有限。如湯底，只有豚骨和雞，對於不吃紅肉嘅我（如豬、牛、羊）我只會選擇雞湯，有些餐廳會提供櫻花蝦/蟹膏之類嘅湯底，或者會有期間限定款式給食客選擇，明白可能佢哋想more focus 亦可保持水準，但豐富自己嘅menu 亦係香港餐廳其中一個致勝之道！

第一次嚟試來自日本廣島嘅過江龍拉麵店。霸嗎拉麵嘅日文名Bari-Uma解作「極之美味」。同其他啲拉麵店好唔同，呢度嘅拉麵款式唔算多，有豚骨湯、雞白湯及辛辣味，不過好有趣嘅係竟然有石鍋飯揀，唔鍾意食拉麵嘅朋友都唔洗擔心喎！炙燒豚肉海苔味玉拉麵 ($88)喺叉燒上面嗰啲係豆瓣醬，不過對我嚟講已經係太辣喇！豚骨湯底好濃厚，而且真係唔算油，飲落口都有豬骨味，而且唔係太鹹，唔錯唔錯！自家製嘅麵好滑溜，我揀咗最硬，食到最尾都仲keep到！至於叉燒就非常大塊又厚身，低溫煮10幾個鐘後再燒都仲好軟腍，油脂好香口，旁邊仲有啲焦香，肥瘦適中，又真係唔錯喎！雞叉燒味玉雞白湯拉麵 ($88)湯底比起另一種就稀好多，不過同樣地都係冇好油餌嘅感覺，飲落幾清甜，雞味都幾出！兩塊雞叉燒好厚身，不過有啲失望，雞味唔算濃而且唔係太滑溜，相比起嚟叉燒出色好多喇！好在驚喜位係，老實講試過好多令人失望嘅溏心蛋，從此之後都冇乜特別期望，但點知呢個真係比拉麵更有驚喜！一咬開啲蛋黃真係好似山洪暴發咁樣，蛋香仲要激濃郁！其實我真係好想再食多隻呀！

話說我地諗住去尖沙咀咀海旁倒數, 夜晚八點幾由半島個邊行過去, 點知就咁出事喇! 我地就係喺1881對住嗰個位企咗幾個鐘, 想走又走唔到, 最後就係睇唔到煙花嘅情況下倒數咗! 正當散場時一肚氣要搵嘢填飽個肚, 比我地發現平時勁長龍嘅霸嗎拉麵門口得6個人等位!! 我地即刻沖咗過去!!其實啲人都入得好快架咋💁🏻‍！我地企咗陣就入咗去喇!我地叫咗灸燒豚肉味玉拉麵(一個要辛辣🌶一個唔辣), 兩者嘅分別除咗辣唔辣之外, 其他都一樣有叉燒, 糖心蛋🥚, 葱同筍。試一試啖湯先! 好濃又唔膩喎! 夾起啲拉麵🍜, 你會見到啲湯汁痴住啲拉麵架😍😍 拉麵好彈牙又沾滿哂湯汁! 好好味!! 再食塊叉燒, 好厚又香口!! 另外, 呢度除咗拉麵之外, 佢啲小食都唔好錯過呀！佢個羽根燒餃子, 側邊嘅脆皮煎得好脆口,個餡料又足料又 juicy!!霸嗎拉麵永遠都咁長龍🐲係有佢嘅原因嘅！Instagram: hkdinnerbomb

在7度的天氣下，飢寒交迫，見馬路對面一間霸嗎拉麵，立即衝去排隊，不用等太久就可以進場。 同朋友每人點了一個麵食、一個小食我要了期間限定《辛辣檸檬豚肉拉麵》另外加玉子。 實物跟照片一模一樣，非常滿意。點它一來是期間限定，二是有3片檸檬在湯上，非常特別。 先喝口湯底，辛辣味之餘後勁真的傳來酸味，加上檸檬片的香氣，真的非常不錯。麵質軟硬適中，湯底比一般的要濃要稠，但不膩。 待應說如果 覺得不夠酸 可以免費再加多三片檸檬， 我覺得還可以，就沒有再加。朋友點的是濃厚豬骨豚肉肉子拉麵，賣相也很不錯，喝了一口湯，果然味道濃郁。小食有沙拉野菜炸餃子皮非常薄炸得香脆，內裡包裹野菜，上面加了沙拉醬及蔥花，香口又juicy。辛口唐揚炸雞以為是普通炸雞，一放進口可是有噴火的感覺，上面的辣醬超級刺激惹味，我覺得還可以承受這辣味，也超好食的。 吃完拉麵小食，體感溫度即時上升，人也變得暖和。

This is a very nice Japanese noodle restaurant. The pork is not thin like other rest but it has some fat which makes it like 腩肉。$93 a bowl of noodles, add $12 for a crispy chicken nuggets!

這間餐廳在The One 斜對面，經常見到有人龍在排隊，朋友說她想試試，所以我們也排隊等等。等待了約十五分鐘終於有位。餐廳並不大，但有一部分位置樓底很高，所以不會有太壓迫感。而且放置了一些富有特色的燈及大幅的食物圖片。點了一個濃厚豬骨䐁肉玉子拉麵，湯底很濃，䐁肉厚切，啖啖肉，有些脂肪，但不會很膩。麵質可以選軟硬度，又可以走蔥走筍等。我選擇了硬的麵質，軟硬度適中。另外點了醬燜雞叉燒味玉拉麵，第一次吃燜雞叉燒，有驚喜，厚切的兩塊雞肉，很入味。湯底相對豬骨湯底清淡點。還有一隻流心的溏心蛋。羽根燒餃子🥟煎得很香脆，配上餃子汁十分美味。今天下午又吃了一頓令人滿足的一餐。

次次經過都排晒長龍⋯已經對佢充滿期望⋯咁多人排⋯⋯一定好好食啦～重要係無論幾點都一樣咁多人！👍🏻真係勁！終於有日收工，難得地無人排⋯又餓餓地，就決定入去試下！間野唔平⋯一碗拉麵已經差唔多$100🙈真係充滿期望！叫左大路野試下先⋯兩碗都係豚肉⋯有辣有唔辣～😂辣既味道算刺激既!（叫左中辣）唔辣既白湯就清清地～😋味道係唔錯⋯⋯但都唔係好似人地講到咁誇張地好食姐～😝我覺得係正正常常既～😊可能期望太高⋯感覺好普通咋⋯咁既價錢⋯⋯⋯試一次就夠🤦🏻‍♀️

位於尖沙咀呢間拉麵店，一到午餐晚餐時間會出現長長人龍，呢到其中一個賣點是有自家麵供應。呢到拉麵湯底主要分兩款，一款係雞湯，一款係豚骨湯。炙燒豚肉拉麵 $83濃厚豚骨湯配店內自家麵，如果你平時喜歡濃味，呢到個豚骨湯底好岩你，湯底味道濃郁，每次拉麵一到，第一啖先試湯底，湯底是我喜歡的口味，拉麵口感彈牙，重點是掛湯力相當不錯，如果你同我一樣唔介意肥的豚肉，一定好鍾意呢到個豚肉，好香好厚，油脂位入口鬆化，基本上一碗配一塊豚肉已經相當滿足。羽根燒餃子 $35 （5隻） 除左拉麵之外，餃子同樣是值得一試的，外層的薄脆效果，令餃子整個味道變得不平凡，餃子皮薄餡多，點少許餃子汁，好味。

It was Friday night around 22:00 and there was a small line outside. I waited for around 20 minutes before getting into the restaurant. I did enjoy that they let you order while you wait so as soon as I was in and at my table my food had arrived in about two minutes. The staff was nice. Making sure I understood everything and was happy. I ended up ordering one of their recommendations, the Karatama-uma(spicy ramen with chashu and egg).As I took my first sip of broth, I was impressed at how thic

七點開始排隊，已經一條長龍等了半小時可以入座😂😂😂😂😂好啦！好野唔怕等！我相信嘅我選了炙燒豚肉味玉拉麵，拉麵湯底濃郁，拉麵適中，份量足夠，不是會飲晒的狀態！男友次次食拉麵都會叫餃子，今次都唔例外，哩間餃子皮薄餡多，加埋餃子上面塊脆脆係幾出色。另外仲叫左個炸雞，外脆內軟幾好食喎！Ps: 會有下次的拉麵店

日本拉麵，幾年前曾經在香港泛起一片漣漪，當年一時間如狂風落葉般來香港落葉生根，經過幾年時間的沉澱，汰弱留強後，有實力者留下根深柢固的痕跡。幾年後仍然願意加入市場的，一定是信心十足的表現。好幾次經過此店，都見到排隊人龍，還以為是短暫的新鮮，但幾個月後人龍仍然不斷，這就肯定不是貪新鮮的了，肯定是一個實力的表現！既然人龍未有減少，而且每次經過都只有更長的隊伍，有見及此，行過路過我都不要再錯過了，乖乖的加份排隊吧。幸好人龍隊伍長，但消化也快，不到十分鐘已經可以安排入座了，店內大家都很寧靜地點餐，寧靜的等候，寧靜地享受。今天和朋友點了兩份：灸燒豚肉味玉拉麵 $88  辛辣灸燒豚肉拉麵 $88味玉，其實就是「味付玉子（あじつけ たまご）」的意思是經過調味的雞蛋，而大多數都應該是溏心的，這裡的味玉當然在中上之列吧！這裡的豚肉外部帶焦脆但內裡又很嫩滑，細問之下原來是先用低溫慢煮，令肉質可以保存嫩滑，再用火炙輕將外部灼焦，外脆而內軟滑盡是功駕。另一驚喜是，曾經在日本飲過的一款綠茶汽水，回港後一直都很排念，找遍不獲但在這裡竟然有供應，要試啊！