霸嗎拉麵 (金巴利道)

營業中

休息中

再出發去日本之前食日式拉麵感覺零瀉不同！很喜歡這間拉麵譜的裝修，很有日式的風格和吸睛的燈籠😁😁😁其中餐廳亦標榜慢煮叉燒的拉麵，令人非常期待我愛了一本普通經典的叉燒拉麵。麵上的叉燒和一般的日式叉燒不同，反而像五花腩一樣。吃的時候，口感一流，而且吃得出醬汁的味道！至於麵條只是一般的水平，沒有很彈牙的感覺，但配上那個拉麵的湯吃落下去，也有不錯的感覺😝攝於另外亦order了一個炸雞，外脆內軟！而且能夠鎖住雞汁！😂味道真的不錯～

今日下午係老尖再血并 行過一間叫霸嗎拉麵 🍜 之前聽同事講一般般 見少人排隊就試下啦 叫左個辛辣灸燒豚肉味玉拉麵 首先講下隻蛋 蛋唔夠蛋香 之後個肉 可以接受 肥瘦都適中 麵質還可以 不過食到尾 個麵會開始淋 係呢到扣左少少分

成日夜晚經過霸嗎拉麵，總係有唔少人係度排隊。星期日幫個朋友搬完貨，諗住食個下午茶，二時左右係尖沙咀，都仲有人排但係比夜晚少，所以決定試下呢度既拉麵。排到差唔多入座時，侍應會遞定點菜單可以諗下食咩，等到一有位既時候，就可以一坐低即刻落單。天氣好凍，所以叫左個特盛炙燒䐁肉拉麵來暖胃。本身係炙燒得兩塊，因為搬完野太餓所以加多兩塊變特盛。個麵一上黎，嘩塊肉好大塊同好香！塊肉既脂肪比例啱啱好，肥瘦適宜，令到口感覺得唔錯！加上秘製醬汁和烤過的煮法，好啱鐘意食肉既我。拉麵的湯底恰到好處，濃郁又不會過油味。有機會係會再番黎試下既！

每次經過這間拉麵店都有人排隊，今日終於的起心肝排隊試下！之前我都未食過，因為本身我怕拉麵的鹼水味，但聽同事話這間好食過Ｘ蘭拉麵，搞到我好好奇佢好食程度， 於是決心一試！今次我揀左佢期間限定的 檸檬豚肉拉麵賣相吸引即刻飲左－啖湯試下，有好濃厚的豬骨湯味，還帶點酸酸的檸檬清新香味，兩者味道異常配合，再者檸檬還可以去除豬骨湯嘅油膩，好！配料當中有櫻花蝦乾，－起同湯飲帶出了湯嘅鮮味，淨係個湯已經飲到有三種口味，而且不會太咸及太油，實在好好飲呀拉麵配料還有木耳絲及西蘭花，第一次食拉麵有西蘭花，通常出面食只有蔥同大蒜 。而豚肉係—塊烤過的厚切五層肉，肥瘦均勻，肉有烤過的香味肉質嫩滑 好食過其他拉麵店得兩片薄薄的叉燒多多聲！而且有三片檸檬，我夾住豚肉一起食，味道變得好清新也可以去油膩 至於靈魂人物拉麵， 麵質爽滑 彈牙， 一點鹼水味也沒有， 啱曬我口味超好食！我同事真係無介紹錯最正係無加一收費！

晚上經過幾次，都大排長龍。今次有幸二點幾三點經過，門口得兩個人就去試下，到底羊群人龍係代表啲乜？店員安排左我同友人坐bar 枱 。我地各自點左炙燒豚肉拉麵同炙燒豚肉味玉拉麵。木櫈下面好似有個格放嘢既，但冬天大袋同大褸就塞唔入，唯有攬住食。個麵好快都到，我係食冇蛋同今次走左筍，其他都係揀左適中( 🤦🏻‍♀️早餐太遲食有啲飽) 。個湯，我個人認為係有濃味，但唔香。所以係普通。個灸燒豚肉係好有燒起既肉香。上面有小小好似微辣既醬同個肉係夾既。肉既肥膏比例係高，層肥同個肉差唔多。我就有小小怕啲膏，所以要揀番出黎唔食啲肥。喜歡滿口肉加肥既話，應該唔錯。友人既蛋，佢分享都入味唔錯。Um....總括老實而言。普通普通。食過都唔會話特別再番去食咁囉 ...

第一次試，以為日本人開先試，下午三點多⋯見有兒童餐就點了，因食唔倒多。全間店得嗰一個女樓面，收銀過來接order，我都先主動問，我可以叫兒童餐嗎？收銀黑曬面話，呢個你唔叫得⋯12歲下先叫得，就連放在我枱上前面的餐牌都立即收起，即係覺得我食唔起，想我走的意思嗎？好的，我就點了麵，水都係要點完麵開口問先有，真係頂唔順問收銀員一句「咩你們服務態度咁好」嘅！湯底不知所謂⋯唔係叉燒，係煮肥肉，食食下收銀員無拉拉走來話，我請你食小食吖，不必請我食了，給你的名字和投訴電話號碼給我就好了。埋單時，收銀比我一張紙，上面只寫了一的手機號碼和一個名，我問公司冇卡片？她答冇，我話這號碼係李嘉誠都得啦⋯⋯想扮日本拉麵店，就先改好服務態度先，不過品質改都冇用！

霸嗎拉麵幾出名下 睇唔多人排隊就諗住試下叫咗一個豚肉叉燒同雞肉叉燒 兩個都比較肥 肉質都算嫩 不過唔多新鮮 可以講係失敗 溫泉蛋比較嫩 都算OK 最失望係一個眼線畫得勁誇張嘅呀姐服務態度好差

食左個拉麵 覺得個湯底都幾正 有豬骨味 睇黎係真材實料黎 咁我就叫左個豬肉拉麵 都唔錯 我仲加左個紫菜 紫茶菜係正正常常 冇乜特別既 都幾好食架 今日呢到都唔算多人 所以都好快有位比我地坐入後黎

睇相的確好吸引！上面塊火炙厚切豚肉更吸引！個湯望落好似好重骨膠原，因為好似打左茨咁，密度好高...一飲...又係另一回事，濃豬骨湯？完全感覺唔到濃喺邊度？要好刻意去細昧，先會感覺到有豬骨味嘅存在，豬骨味非常淡，沒有層次可言，非常敗北。味蛋做得唔錯，QQ彈，非常流心。筍好爽口，可除膩感，但略嫌「尿騷」味道過重，味道唔好聞。麵係幼麵條，揀咗適中硬度，口感普普通通，略似水未大滾而浸熟麵嘅口感，冇乜生命力。炙燒豚肉唔錯，雖然係五花腩肉，但一啲都唔覺油膩，一半肥一半瘦，瘦嘅部分入口鬆化，肉質軟淋淋 ，而肥嘅部分雖然食起上嚟唔會油淋淋，由於太有罪惡感，只好一啖起兩啖止。總括都係普通一般，因為個湯真係...冇乜誠意。題外話：侍應可以單手拎到兩個水杯，技術的確好好！但由於衛生問題，請都係一手拎一隻水杯，最好拎水杯下半部，杯口邊係直接用口飲水嘅位置，唔好太噁心，完全唔覺得侍應執完檯未洗手係會乾淨囉！

長期行過都見到依間霸嗎拉麵排好長龍👥👥👥有一日好睇唔開咁去左排😂😂其實都係等半個鐘多d je🤣期間仲派過2次茶比排隊人士飲🍵.1️⃣辛辣炙燒豚肉味玉拉麵（$93）湯底濃厚，少少辣，我幾鍾意依個湯底個溏心蛋（味玉）好好味😋而個豚肉係偏肥既🐖.2️⃣雞叉燒味玉雞白湯拉麵（$88）因為未試過食拉麵有得揀雞🐓又未試過食雞叉燒，就點黎試下啦Um...肉質係滑既，但味道好似白灼雞咁，無咩味🤦🏻‍♀️🤦🏻‍♀️可能我比較重口味，依款以後唔會再叫.3️⃣沙拉唐揚炸雞（$38）有驚喜‼️炸雞好脆，咬落有肉汁滲出，加埋沙津醬變得更好味👍🏻

今日與朋友仔一齊出tst食lunch，上openrice見到霸嗎拉麵食評唔錯，就打算黎朝聖。店内環境不错，地點也好方便！我地叫咗炙燒豚肉味玉子拉麵，第一次黎梗系要試原味啦！湯底不錯夠濃郁，咸度適易。豚肉方面佢地採用豬腩肉，非常大片同厚身，但由於太大片食完覺得肥膩，同埋無咩調味。我都喜歡食腩肉但系呢個我就覺得一般般。羽根餃子都可以，煎得夠脆！但餡料味道不太突出。總體黎講，不過不失，但服務態度欠佳希望可以有待改進！

拉麵店位置近尖沙咀地鐵位，容易搵到，見倒外面有十幾二十人在排隊，吃過之後覺得難怪咁多人排隊，的確不錯。我叫既係特盛炙燒豚肉拉麵，放上塊豚肉，係其他款式既四倍，大滿足！每塊肉都好有厚度，唔似平時食開既叉燒咁薄，反而似五花腩，而佢係新鮮燒好，所以好有肉香。食拉麵當然溏心蛋係重點之一，本身我叫既拉麵係無蛋既，我專登加錢加隻蛋。佢既溏心蛋造得係唔錯，蛋黃半固態，仍保留不少黃汁，好過好多拉麵店。唐揚炸雞外皮炸得非常香脆，而且保留肉汁，味道非常惹味，配以檸檬片非常清新。店舖提供多種日本進口飲品，食拉麵食到熱熱地就叫左支靜岡密瓜蘇打，淡淡密瓜味又唔會太甜，唔錯。整體黎講，霸嗎既拉麵、小食，甜品同飲品都多選擇，而且味道至少係香港黎講係上級，如果要食拉麵既真係值得一試。

平時都較少食拉麵，其實我係鐘意食既，只係去過日本既人都知道，要係香港搵間好食既拉麵真係唔易。平時經過依間霸嗎拉麵都見到門口排晒長龍咁，就一於試試佢係咪真係咁堅！濃囗豚肉味玉拉麵碗拉麵配合埋湯底、麵質、配菜和肉類，每樣嘢都配合得幾好。佢嘅湯底濃郁而不油膩， 麵質煙韌 。羽根燒 餃子外層炸得非常香脆 ，裏面餡料非常充足。辛口唐揚炸雞另外心思思想食試埋個辛口唐揚炸雞，個炸雞幾好食，日本風味燒汁調校得非常好，酸酸甜甜，雞件外脆內軟，有肉汁滲出，雞皮超脆超香！另外仲叫左芝麻雪糕，味道似係自家製的，質感香滑 ，芝麻味夠濃，係真係好食。

話說星期六晚上得12度左右，一個人係尖沙咀食咩好呢？我就毫不猶豫地再次選擇黎霸嗎食返碗麵。差不多7點左右，人龍已經排到後面莎莎個道，雖然係多人排隊，但這間餐廳係越排越多人。侍應會把落單紙派給外面派隊既人，等大家入到去就快快有得食。今次我入到去就坐1號台，正正係對住厨房最埋邊個位，十分岩我呢個毒毒餐廳入面以長檯居多，好有日式拉麵店的風格，所以都吸引到好多獨食客過黎食飯。先上黎的係完熟梅酒，真係好甜，雖然無比冰，但佢係雪櫃拿出來的，小小一杯都幾爽。無3分鐘就上我既必點項目  - 炙燒豚肉海苔味玉拉麵。我超愛佢既厚豚肉，可能有人會覺得d肉柴，但如果同上面既肥腩一起吃，油脂剛好分佈在肉上面，咬下去充滿油香。加上豚肉上面有少少辣醬，可以中和到肥肉的膩，真係令人一口接一口。紫菜香脆，同湯，拉麵一起吃令湯頭有種特別的香味。呢間餐廳的溏心蛋是原隻上，我就鍾意用麵沾少少蛋黃一齊食。筍香又無油腥味，同超濃醬油湯底係超夾的説另一樣我必叫的小食就係沙律唐揚炸鷄。本身我唔太食生既葱，但係呢碟野，葱卻係唔走得的，因爲生葱的辛辣同沙律醬既奶香，炸鷄的肉汁意外地搭配，一口一個真係超開心！！黎左至少有10次，雖然多人排

今日路經過尖沙咀，the one 對面。見到有間拉麵店門口，未夠12點就已經好多人係出面排緊隊。咁誇張！😳好似好厲害咁！等我又排下隊先。雖然多人排隊。但唔洗等好耐，好快就入得去😋😋入到去就好似去左日本既feel咁。裝修得都幾特別。被安排坐了卡位，幾舒適 👍點單方面，自己劃單，可選擇拉麵既軟硬度同配料。我比較喜歡清d既湯底，感覺無咁邪惡 😋所以點了 雞叉燒味王雞白湯拉麵 🍜有兩塊大大塊的雞肉，面頭有d蒜 ，很香口。個湯底唔會話好油脷，好香既雞湯味！雞肉咬落好嫩滑。雞脾肉咁。好好味！😍拉麵我揀左 最軟的。 口感岩岩好！連埋個雞湯一齊食，好滿足。最令人驚喜既係個溫泉蛋，一咬開，個蛋黃就流出黎！好 juicy! 鐘意清湯既一定揀呢個。如果鐘意重口味濃湯，就要揀炙燒豚肉味王拉麵喇！炙燒豚肉 面頭有d辣醬，豚肉唔會話好瘦，同唔會燒到好乾。連埋d肥膏一齊食。好有口感。好好味。個豚肉都幾大塊又好厚。食到好飽！個湯底 好重既豬骨味！令到個拉麵好入味。愈食愈開胃 😋😋果然係最受歡迎既拉麵！咁多人排隊，真係有佢既原因既😋😋👍