霸嗎拉麵 (金巴利道)

營業中

休息中

今天是星期日，醒來的時候已經是中午十二點，因為下午約了朋友在尖沙嘴逛街，所以就決定去霸嗎拉麵試試。平時見她店門一定排長龍，一定有她獨特的地方吧。我大概2.30到達，條龍應該有10個人吧，排了15分鐘就可以進去，比想像中快呢！因為自己喜歡吃辣，所以點了“辛辣炙燒豚肉拉麵”（中辣），還有一瓶綠茶可樂（之前有朋友極力推介）。拉麵終於來了，桌面還可以加蒜粒，湯底很濃，麵條QQ的，還有那炙燒豚肉，很像BBQ的，中辣對我來說不是很辣，下次可以試試大辣！。綠茶可樂還可以，但有點貴：）

Description: A super delicious restaurant serving ramen. W H A T IS G O O D ?It is a child-friendly restaurant. It has a kid menu. The fried dumplings are also tasty! They has a crispy ‘skin’ and I highly recommend you to eat them! The ramen that I ordered was in pork soup and it was just perfect!

話說係咁嘅⋯第一次食過印象唔錯列入左可以再黎嘅名單。就尋晚同朋友去左幫襯第二次當日大家因爲工作關係除左12點午餐，直至10點先食拉面做晚餐點左一個小辣嘅豬肉拉面，一個炙燒玉子豬肉拉面，再一份炸雞。我食炙燒，上枱時嗅到好似有啲「叔」味，可能係豬so味？汁味？定唔知乜味，怪怪地心諗應該係啲荀味姐，所以夾哂出黎無食。整個面都無乜特別感覺都係拉面一個係啲豬肉，有一個位係好「鞋」食完果個位即刻要撩牙其他位好肥好淋拉返勻|個炸雞食落唔會好厚粉，係唔錯嘅重點黎喇～差不多一個鐘到係小巴回程中，開始肚痛，返到屋企即柯全晚都係柯同肚痛唔係一個人，係兩個人都係，唔知邊到出事⋯可能食好野個賤肚受唔到

經過厚福街諗住食好西, 點知無日本野食, 有既又多人排隊, 於是轉戰隔離街既拉麵店同一般拉麵店差唔多, menu選擇唔多, 於是叫左個豚肉拉麵, 未食過所以叫d穩陣野 😂湯味濃郁, 唔算太重味精, 叉燒係厚切, 正 🤤因為同朋友食, 所以叫多份餃子share, 不過一般

今天天氣有點涼，想食熱哄哄拉麵暖下身。這兒一貫日本拉麵店子的裝修風格，還設有自家打製麵機在廚房房邊，製麵煮麵一條龍。餐牌有三大種十款拉麵，分別為炙燒豚肉味玉拉麵、辛辣炙燒豚肉味玉拉麵及雞叉燒味玉雞白湯拉麵，另外的只是配菜多少而已。各款拉麵由$83-$118，小食$35-$48，飯類$68-$78炙燒豚肉海苔味玉拉麵$98炙燒豚肉雖是半肥瘦，表面炙過，賣相吸引，但肉質有點硬；味玉是流心的，有旦香，味道可以；可是湯底真的無乜味，即使有稠的骨膠原質地，即使加了大量黑椒和蒜粉，依然無乜味。麵條雖說是自家製，是幼身麵，口感一般，沒有預期的煙韌。照燒餃子$38餃子煎得香脆，饀料是菜肉餡，唔係特別juicy,味道ok. 和一般餃子無異。雖然這家是要排隊的店子，可是同預期的實在有落差，可能比較喜歡濃味的拉麵，所以有點兒落空的感覺。

橫睇掂睇都唔值 $88去超級市場買個即食嘅日本麵自己煮 都仲好味過佢多多聲呢d係乜野日本面？咁hea 🔥由湯底到配菜 無一樣似日本面。服務又差。朋友話難食 死唔信邪，（心諗）如果難食點會日日排長龍啊原來唔係難食 係超難食渦🔥 湯碗：乜事好似兒童餐 咁小家湯底：杰撻撻，又唔香，又唔好味，又無油蔥：請問呢d係乜野蔥？雲吞面嗰d牙？蛋：隻蛋想点？硬掘掘，又唔流心😡猪肉：又乾又鞋，一啲juice都無！！到底係我唔好彩？定係d品質不留係咁？☹️🔥面：面質ok, 但点解都係杰撻撻，一餅野咁？炸雞小食：番炸又番炸，求求其其，出面熱入面暖！！鞋十十真心講：咁既質素，日日有人排隊食，舖頭無一樣有少少日本既質素，只係播下日本歌就話日本面。。。（超無言）p.s. 乜切隻開隻蛋有幾難啫！！我以為自己食緊腐竹蛋糖水，要自己咬開🔥

拉麵一向係我既最愛，見咁耐無食，呢到咁多人排隊，都覺得係好野，一於試試佢。好彩等左5-6分鐘就入得。呢到仲有雞拉麵食，咁就2個都要試一試佢啦。睇相都見到湯底非常濃郁，叉燒勁肥美，肥瘦適中，入口即熔。拉麵口感好好，有彈性。雞叉燒都好香口，應該係燒過，湯底亦好濃厚，會比岩岩個款稍稍清小小。睇下幾厚身，咬落去真係非常滿足。隻溫泉蛋岩岩好，食埋隻蛋，大滿足。仲有唔同配料，大家可以加落去，更岩自己既口味。

由於經過登龍街見過有不少人輪候等食，想必人氣推介既拉麵一定有番甘上下水準。今次黎到尖沙咀既分店就排一排，等了差不多40分鍾就能入坐。可能對拉麵期望太高，所以覺得味道好一般，沒有什麼驚喜。叉燒係一塊肥肥軟林的五花腩，烹煮得似係煲湯豬肉，煮完仲用火槍炙燒過既老火五花腩肉，本想像是一片粉嫩慢煮既五花腩，略為有點失望。值得一讚係豬骨湯很濃厚，飲完都不會話好想飲水。但佐料方便感覺有啲馬虎，蔥花感覺很不清新似係準備了好久還在用，而荀片更是罐頭貨，食落冷冷的，與湯頭好不和諧。 整體真的比較失望，不竟是人龍店！

It was my 2nd visiting to this ramen shop. I tried pork ramen last time and ordered spicy chicken ramen this time.The pork ramen was really good and spicy ramen was also good. It was not that spicy and very rich. Chicken chasu was also good. And No service charge! I paid just $88 for the ramen. It is very reasonable price.

又係老公發板食乜好之夜，我地兩公婆好鐘意食拉麵。所以喺尖沙咀行左陣老公話不如試下呢間霸嗎拉麵。都係要排隊，但好好彩我地唔使排好耐就到我地, 之後後面仲黎左好多人，lucky lucky ☺️霸嗎除左拉麵好食之外，小食亦同樣出色！可以一試綠茶可樂添！☺️

再出發去日本之前食日式拉麵感覺零瀉不同！很喜歡這間拉麵譜的裝修，很有日式的風格和吸睛的燈籠😁😁😁其中餐廳亦標榜慢煮叉燒的拉麵，令人非常期待我愛了一本普通經典的叉燒拉麵。麵上的叉燒和一般的日式叉燒不同，反而像五花腩一樣。吃的時候，口感一流，而且吃得出醬汁的味道！至於麵條只是一般的水平，沒有很彈牙的感覺，但配上那個拉麵的湯吃落下去，也有不錯的感覺😝攝於另外亦order了一個炸雞，外脆內軟！而且能夠鎖住雞汁！😂味道真的不錯～

今日下午係老尖再血并 行過一間叫霸嗎拉麵 🍜 之前聽同事講一般般 見少人排隊就試下啦 叫左個辛辣灸燒豚肉味玉拉麵 首先講下隻蛋 蛋唔夠蛋香 之後個肉 可以接受 肥瘦都適中 麵質還可以 不過食到尾 個麵會開始淋 係呢到扣左少少分

成日夜晚經過霸嗎拉麵，總係有唔少人係度排隊。星期日幫個朋友搬完貨，諗住食個下午茶，二時左右係尖沙咀，都仲有人排但係比夜晚少，所以決定試下呢度既拉麵。排到差唔多入座時，侍應會遞定點菜單可以諗下食咩，等到一有位既時候，就可以一坐低即刻落單。天氣好凍，所以叫左個特盛炙燒䐁肉拉麵來暖胃。本身係炙燒得兩塊，因為搬完野太餓所以加多兩塊變特盛。個麵一上黎，嘩塊肉好大塊同好香！塊肉既脂肪比例啱啱好，肥瘦適宜，令到口感覺得唔錯！加上秘製醬汁和烤過的煮法，好啱鐘意食肉既我。拉麵的湯底恰到好處，濃郁又不會過油味。有機會係會再番黎試下既！

每次經過這間拉麵店都有人排隊，今日終於的起心肝排隊試下！之前我都未食過，因為本身我怕拉麵的鹼水味，但聽同事話這間好食過Ｘ蘭拉麵，搞到我好好奇佢好食程度， 於是決心一試！今次我揀左佢期間限定的 檸檬豚肉拉麵賣相吸引即刻飲左－啖湯試下，有好濃厚的豬骨湯味，還帶點酸酸的檸檬清新香味，兩者味道異常配合，再者檸檬還可以去除豬骨湯嘅油膩，好！配料當中有櫻花蝦乾，－起同湯飲帶出了湯嘅鮮味，淨係個湯已經飲到有三種口味，而且不會太咸及太油，實在好好飲呀拉麵配料還有木耳絲及西蘭花，第一次食拉麵有西蘭花，通常出面食只有蔥同大蒜 。而豚肉係—塊烤過的厚切五層肉，肥瘦均勻，肉有烤過的香味肉質嫩滑 好食過其他拉麵店得兩片薄薄的叉燒多多聲！而且有三片檸檬，我夾住豚肉一起食，味道變得好清新也可以去油膩 至於靈魂人物拉麵， 麵質爽滑 彈牙， 一點鹼水味也沒有， 啱曬我口味超好食！我同事真係無介紹錯最正係無加一收費！

晚上經過幾次，都大排長龍。今次有幸二點幾三點經過，門口得兩個人就去試下，到底羊群人龍係代表啲乜？店員安排左我同友人坐bar 枱 。我地各自點左炙燒豚肉拉麵同炙燒豚肉味玉拉麵。木櫈下面好似有個格放嘢既，但冬天大袋同大褸就塞唔入，唯有攬住食。個麵好快都到，我係食冇蛋同今次走左筍，其他都係揀左適中( 🤦🏻‍♀️早餐太遲食有啲飽) 。個湯，我個人認為係有濃味，但唔香。所以係普通。個灸燒豚肉係好有燒起既肉香。上面有小小好似微辣既醬同個肉係夾既。肉既肥膏比例係高，層肥同個肉差唔多。我就有小小怕啲膏，所以要揀番出黎唔食啲肥。喜歡滿口肉加肥既話，應該唔錯。友人既蛋，佢分享都入味唔錯。Um....總括老實而言。普通普通。食過都唔會話特別再番去食咁囉 ...