霸嗎拉麵 (金巴利道)

營業中

休息中

好喜歡呢個期間限定拉麵！之前都食過其他店嘅檸檬／柚子拉麵，但霸嗎呢個檸檬豚肉拉麵仍然Surprise到我！湯底比原味拉麵清，未督檸檬前帶有微微酸味，熱愛檸檬嘅我當然落力加多啲檸檬汁添酸！湯底較清令每樣配料都令個湯有唔同嘅變化！一匙加小小櫻花蝦又混出海鮮嘅味道，咬一口叉燒浸落湯又為湯底添多兩份肉香，食到最後檸檬香味愈來愈濃，整個麵由開始到最後有不同味道嘅演變！啖啖都係驚喜！另外，配菜西蘭花有都是用心之作，唔係普通白烚，有蝦煮過嘅味道！期待更多期間限定！

講到食拉麵，霸嗎拉麵算係我第二鐘意食嘅拉麵，自己鐘意食辣的辣麵，之前食過一間有辣味拉麵，辣到跟本食唔到，破壞曬拉麵本身嘅味道。而霸嗎嘅拉麵辣得黎會令你好想繼續食😋😋😋餐廳坐位唔算多，繁忙時間去好有可能都要等下位。豚肉係厚身嘅質感而唔係好薄身嗰種，所以其實食一兩塊對我黎講已經飽飽地，男朋友點左特盛豚肉，見到都飽啊🙈🙈🙈拉麵係好食架，味道都係較濃嘅菜式，喜歡濃味嘅吃貨不妨試一下😌餃子香脆，不過冇咩太大嘅特別，唔想淨係食拉麵，可以點一份食下，唔貴份量又唔係太多，兩個人分岩岩好👍🏻👍🏻

去完日本旅行食真-日本拉麵，始終覺得霸嗎最好。返到香港啦啦臨忍唔住食返碗，延續下旅行嘅感覺。今次叫左辛辣炙燒豚肉味玉拉麵，秋風起暖暖身，湯底係看得見嘅濃郁，超濃豬骨湯上浮住一隻具阻嚇力嘅指天椒，一啖淺嘗，冇我想像中辣，大概係譚仔小辣程度，不致辣到我失去味覺。糖心蛋唔係白烚，帶味醂酒香，蛋黃香甜軟綿，正！最愛霸嗎叉燒，第一次食霸嗎就係比個叉燒吸引，叉燒非常出色，係其他拉麵鋪冇嘅炙燒叉燒，表面輕輕燒過帶一層焦香，肥肉少左肥膩嘅感覺，我總係留係最後先捨得食。食完拉麵將湯一飲而盡，滿足。

身為拉麵控既我，總係對好食既拉麵店好有興趣，但往往好味既拉麵店都總係要排晒隊呢間霸嗎拉麵由開張到而家, 行過都係排晒隊, 今日見到好似唔太多人wor...機會黎啦飛雲, 試下先!店內位置都唔少, 咁都排晒隊應該幾有期望, 睇下Menu先拉麵有3種系列, 豚肉/辛辣/雞肉, 不同系列就會有肉+玉子(旦) / 肉 / 海苔咁我就選左個炙燒豚肉味玉拉麵（$88）,  另外再叫左客餃子拉麵上檯熱辣辣, 高分! 豚肉就燒既, 好香口, 爆分!口味想再重d既話, 可以拎檯上準備好既乾蒜, 胡椒, 真係好貼心!有唔同口味既拉麵，另有辛辣，雞肉系列炙燒豚肉味玉拉麵（$88），餃子

今日同朋友去行尖沙咀，都唔知有咩地方好去，就周圍行下啦，我地入左the one行左陣，跟住行完出番路面對到依間霸嗎拉麵咁多人排隊等食既，係依個八掛又想試下既心態，一於都去排隊試下，排呀排，排左成半個鐘，終於有位啦，裡面既裝修都幾日式，我地坐係煮麵師傅既橫枱，可以睇住佢地整麵，佢地d麵係即時整出黎，我地睇到佢有部整麵機，個師傅將d 整好既麵團放入部機。而我點餐就叫左個豚肉拉麵，試下d普通野先試到好唔好食，跟住碗麵黎到，賣相都唔錯，麵條彈性適中，豚肉都ok，不過我覺得佢個湯底太鹹啦。如果個湯淡番d就好啦

我其實好鍾情日本菜，但總係不多會舉手要食拉麵。每次經過呢間拉麵店都要排隊，忍唔住去試試有咩咁吸引。我試左雞叉燒味玉雞白湯拉麵：味道好清好香唔會太鹹（我最怕鹹），拉麵軟硬度適中，雞肉唔太肥，選擇左少油所以唔太油膩剛剛好。試埋羽根燒餃子，又係好正~唔好拉麵的我都一定會再去幫襯😄

係尖沙咀返工食飯時間必定多人 ,同事見呢間拉面食評唔錯, 一於去試下,lunch 時間等左一陣好快就有位, 一入到去店員好快手比memu, 比冰水我地 , 叫左雞肉拉麵, 等一陣好快有得食, 第一啖飲湯都算唔錯, d 面係差d 好林 ,雞肉就好un, 咬好耐  ,有d 失望 

系尖沙咀行完街想食拉麵🍜之前一直想試霸嗎拉麵終於食到了復古波子汽水好懷舊嘅味道照燒餃子每次食拉麵都必點煎餃子味道正常可以過下口癮都吾錯。我走青辛辣炙燒豚肉味玉拉麵湯底唔算太濃容易入口不會粘喉嚨面質軟硬適中豚肉好厚既一塊咬一啖好滿足整體黎講經過尖沙咀又想食拉麵既各位都可以試下過下拉麵口癮之選擇

其實好鍾意食拉麵，每次去親日本都會有幾餐係食拉麵，係屋企都會自己煮嚟食，其實呢間鋪頭都開咗一段時間，但係每次經過都好多人排隊，所以都無理食過，咁岩今次想完堂經過尖沙咀見到冇乜人排隊，所以就即刻上嚟試吓啦，喺門口排咗5分鐘左右就已經有位啦。入邊嘅裝修都好日式，同日本食肆嘅裝修都好相似，好有日式嘅風格。侍應走埋嚟向我哋推介鋪頭最出名嘅就係炙燒豚肉拉麵，佢哋嘅團肉好淋，個湯底味道好濃，佢嘅面都可以自己選擇硬度，如果湯底可以選擇多油少油。我就揀咗個炙燒豚肉味肉拉麵再加多隻蛋。個湯底好香同埋好濃郁，但係食落去完全唔覺得鹹，佢嘅面嘅硬度適中，而佢塊豚肉真係好好味，一啖咬落去好易咬，仲有佢嘅蛋真係做得好出色，係流心蛋，正！到最後仲叫咗枝生啤，配落個拉麵，一流！

晚上10點幾這間長龍店仍然多人前面兩個人、排了5分鐘有位點了雞叉燒味玉雞白湯拉麵麵來到急不及待先喝一口湯再喝了兩口後有點失望湯頭看上濃稠但確實有點淡個人比較重口味，偏愛附油脂的豚骨湯拉麵可能我的味蕾出了一點問題，總是喝到冬菇的味道來一口期待的雞叉燒略嫌雞叉燒的肉太厚太硬還是普通的豚肉叉燒較合適配麵、沾上湯較好吃平時從不會加粟米，但今天很餓所以忍不住加點了粟米另上、涼的、沒有什麼特別糖心味玉非常好吃下次不用排隊的話會試試豚肉拉麵

Coming here to have a ramen 🍜 with my friend!! This restaurant is quite famous so I have high expectation for it. They have launched a very specialRamen which is Lemon ramen with Chashu 🍜🍜($78). The idea is cute so I choose it haha. It quite fresh to be honest, the lemon actually neutralised the salty taste of that soup. It make the overall ramen not that heavy! The chashu is nice, very juicy. But my friend really not interested with that 🤦🏻‍♀️

假期的下午兩點幾，時晴時雨，行過尖沙咀長龍拉麵店，竟然冇咩人排隊，即刻入去試下！店入面東洋味十足，好似地道日式料理店，好好氣氛。睇餐牌見到有個限定版檸檬豚肉拉麵，睇落好似好清新咁，即試。朋友點左個豚肉味玉拉麵，兩個人加多個燒汁餃子。燒汁餃子好juicy！加埋燒汁喺面，味道濃淡剛剛好，美味！碗麵一上就試啖湯，小小檸檬汁吊起左成碗豬骨湯嘅鮮味，重點係冇咁膩，好清新，小小酸酸地，好飲。不過我覺得三塊檸檬似伴碟，因為本身個湯嘅味都夠。而塊豚肉就好似五花腩咁，食左大半舊都覺得好夠喉。朋友碗味玉豬骨，我試左啖湯，覺得太濃，朋友偏好重味，話個湯夠味又唔油，剛剛好。見到佢隻糖心蛋好似好正，忍唔住影張相。三樣野埋單$204，以拉麵價黎講算正常價。推介限量版檸檬豚肉拉麵，減膩之選！

最近很紅的霸嗎拉麵，特別選中午時段來，星期五中午十二時半到，竟然不需要排隊，lucky！原本想試雞叉燒，但係裡面冇筍同糖心蛋，所以就選了豬肉，麵裡面有少量筍同一隻溏心蛋，溏心蛋我覺得煮的一般，雖然一隻蛋好豪，但裡面糖心一般，冇自己煮的好味。選擇軟面and中辛，但都冇覺得軟身，好似一蘭略勝一籌。辣度就好一般，食的辣可以選擇大辣。湯底都算濃味，好味。另外叫了一份餃子，我就覺得餃子好一般，裡面應該係有韭菜。

成日行過呢間舖門口都見有好多人排緊隊, 今晚番學早到左決定試試；6點半未夠去到唔駛排隊, 一坐低職員就俾張order紙我, 跟住就好細心咁同我介紹佢地既秘製叉燒係經過低溫慢煮超過10小時既豚肉, 做出黎既叉燒脂肪比例較少, 咁我就被佢介紹吸引左, 於是order左炙燒豚肉海苔味玉拉麵...結果係無介紹錯👍🏻👍🏻；豚肉本身有豬肉香(我本人喜歡豬肉本身膻味), 咬落確實唔覺油膩, 就算係肥羔位置都無成口油既感覺；最另我驚喜既係佢既湯底, 不但有醬油香而且味道適中不太濃, 只是塊紫菜唔夠脆身, 有少許美中不足； 我已經有成年無係香港食日式拉麵, 原因是貴同中伏太多, 食完呢次之後, 我諗我終於可以係香港食番拉麵😋

拉麵店開到成行成市而且越來越多日本過江龍係香港開咗分店不過我始終都係我愛食比較清甜嘅雞湯拉麵今晚就點左張醬燜雞叉燒味肉拉麵而且拉麵仲要係店舖內新鮮製作絕不馬虎一上枱果一下除咗相機食先之外就梗係即刻試一試佢哋個湯底果然冇令我失望完全係一個清甜嘅雞湯底唔會好似其他店好浮誇咁加上其他濃烈的味道而且個拉麵嘅硬度都仲非常之咁適中拉麵仲可以剛剛好吸收左湯底嘅味道另外雞叉燒都係唔可以忽視的用上了雞腿肉包成雞卷再用醬汁去燜制這個雞叉燒食落口除咗有醬油嘅味道鮮甜嘅雞肉簡直令人眼前一亮另外我再加左粟米粒用上了雞湯再加上粟米粒令到粟米的甜度更加提升見到佢哋個拉麵咁好食所以我就加左一款照燒餃子用上了日式的餃子製法上台的時候五隻餃子剛剛好吸收晒照燒汁的味道餃子味道不過不失最後甜品叫咗黑芝麻雪糕這裏的黑芝麻非常之香而且仲會有紅豆蓉拌上黑芝麻雪糕再加上紅豆蓉簡直係最佳組合