霸嗎拉麵 (金巴利道)

營業中

休息中

無論咩時候，每次經過都有好多人排隊，今次難得見無人排即刻入試。店舖內的環境是非常寬敞，裝潢跟一般日式拉麵店一樣，有一個開放式廚房價錢同幾間連鎖日本過江龍差不多灸燒豚肉味玉拉麵有很大塊炙燒過的叉燒，表面帶微微焦香，脂肪比例平均，口感偏軟稔。湯底味道濃郁，質感濃稠，麵質略為軟身。值得一讚霸嗎的溏心蛋，層次分明味道足夠，非常出色的溏心蛋雞叉燒味玉雞拉麵一舨拉麵都只有豚肉叉燒，甚少有雞肉叉燒，是個意想不到的配搭，某程度上我覺得比豚肉叉燒更好味，肉質很嫰滑，調味非常。

由於今晚同男朋友睇戲，晏晝就決定去呢間to do list嘅拉麵店試吓之前成日夜晚經過呢度都見排長龍就一直無試。可能晏晝嘅關係，而且咁啱又有幾枱埋單，所以今日排咗一陣就可以入座了。男朋友揀咗辛辣灸燒豚肉味玉拉麵（中辣）今次我無試到呢碗，男朋友話有辣味，但辣味就蓋過咗豬骨湯嘅味，至於溏心蛋就一般，蛋味唔太出。而我就揀咗灸燒豚肉海苔味玉拉麵因為我係蔥怪，所以我就加咗十蚊蔥，其實碗蔥都幾大碗，不過我影得太求其所以睇落好似好少份量咁。至於我就覺得湯底唔錯嘅，麵質都算煙韌，但可惜掛湯力不足。海苔就係圖中所見嘅三大塊，浸晒喺湯入面吸收晒係最好食，但啲蔥就失望咗啲喇，倒晒成大碗落去都唔覺有蔥嘅香味溏心蛋都係同男朋友講嘅一樣，無乜蛋香味囉。我哋仲叫咗辣汁唐揚炸雞，不過影漏咗其實都無乜特別，唔juicy，雞肉唔滑，唔覺好食。整體嚟講都係一般，如果要排長龍先食到嘅話我就寧願唔食喇😂

在尖沙咀拉麵店都幾多，呢間每次午市或晚市都要排隊，總是沒耐性去等，今日剛好中午前去開尖沙咀工作，11點見人流唔算多就馬上跟朋友去食了餐廳環境以木系爲主，好有日本拉麵店感覺，我同朋友都點了餐牌上第一頁最上這款灸燒豚肉味玉拉麵一上檯就聞到好香濃的豬骨湯底，叉燒厚身肥美，肉與肉之間有一層油脂好香口，經灸過更多一份香氣，湯底好香濃豬骨味，掛麵能力好高，麵質我選了軟麵剛好，食落有點煙韌，而隻溏心蛋非常流心好味，蛋香好重蛋白位置軟綿綿好好食喔！！

當肚餓嘅時候，真係隨便去一間餐廳食飽個肚，就已經好滿足！做完運動一落樓，就見到霸嗎拉麵，冇人排隊，即刻衝過去！🤩🤩🤩入到去都幾多人！最後一張空枱周瑾俾我坐咗啦！😆😆😆本身想食限定特濃魚介魚乾豚骨拉麵！但係比辛辣灸燒豚肉味玉拉麵吸引左😂😂😂辛辣灸燒豚肉味玉拉麵 -大辛 ($93)拉麵到咗！就咁睇滿缸紅，以為好辣啦！其實都唔算好刺激既辣！可能我比較重口味😂😂😂辛辣果一會令到湯底更加惹味！不過如果唔食得辣嘅人就最好揀返”小辛”🤭🤭🤭一啖一啖咁食就真係停唔到口！湯底濃郁，拉面都沾滿左拉麵嘅湯底！豚肉肥瘦分明，有別其他拉麵店！呢度嘅豚肉係肥美好多，油脂分布得好平均！味玉即係半熟糖心蛋😝😝😝味玉落去係好軟滑，好香濃相你食個口唔會好制，但係好飽！😂😂😂不錯！可以再食！前提係冇咩人排隊嘅時候😂😂😂

今天吃了brunch 後，逛了好長時間的街，感覺有點餓，所以去了吃個拉麵當下午茶。之前來過一次，印象很深刻。這個時間來真好，不用排隊。這裡雖然很細小，顏色很鮮艷，很有風格。這次坐在可以看到廚師煮麵的位置。拉麵主要分䐁肉及雞叉燒，各自要了一碗。炙燒䐁肉味肉拉麵，䐁肉厚切一大塊，半肥瘦䐁肉，入口即溶。湯底十分濃郁，如果怕油膩感重的，記得要少油。雞叉燒味玉雞白湯拉麵賣相很吸引，雞叉燒肉質夠實，配上半熟玉子，好滋味。來一罐青梅梳打酒，好爽。

公眾假期黎食 排隊排左幾個字到有位 坐得都舒服唔迫 兩個人食叫左兩個小食同拉麵 都係例排叫佢招排野 炸雞幾好食 肉入口唔老 都唔會太多炸粉 個皮好薄 油唔算多 可接受餃子就正常啦 不過賣相幾ok豚肉味玉拉麵 叫左個小辣同唔辣既 豚肉易入口 夠林 落單個陣可以簡少油少蔥走蔥走荀 麵身有硬適中同軟簡 埋單2xx 本身見佢好多人排隊 都有dd期望 不過食落只係覺得一般 正正常常 所以一次俾我就夠喇

因為之前嗰晚去飲，所以平時周日會去飲茶，呢日都唔想去，反而想簡簡單單食個拉麵，於是老公又帶我來呢間拉麵店，順便食完行吓街拍吓拖。他真係好清楚我的心意，所以只是把餐牌看了兩下，便迅速的點了想食的拉麵。看看四周，有吧枱和方枱，差不多坐滿了人，我們找到座位坐好後，已經開始門外有人排隊了。濃厚豬骨豚肉拉麵把中間的辣醬撈落碗麵度，濃濃的豬骨湯味加上微辣的味道，十分開胃。另外，叉燒大大塊又厚肉，由外到內咬落去都係軟腍腍的。因為突然想解渴下，所以配咗罐 雀巢檸檬茶，涼涼地十分爽。豬骨豚肉紫菜玉子拉麵除咗湯底同豚肉同樣美味，連隻蛋中間也是超流心的，加埋大大塊脆脆的紫菜，更添惹味。

平時成日食豚骨豚肉做嘅拉麵，用雞來做湯底嘅今次係第一次，之前喺open rice嘅焦點食評中，見一篇大讚雞肉拉麵嘅文章，印象深刻，由主食到湯頭都係用雞來做嘅拉麵，好似真係未試過，所以今次來到霸嗎，就試下雞肉拉麵喇:: ೖ(⑅σ̑ᴗσ̑)ೖ ::平時行過都見有不少人排隊，所以我一放lunch 就狗衝過去，都係要排隊😑，好彩1個人比較容易有位，等咗大約15分鐘就可以入去了，但喺出面無遮無掩，太陽直射15分鐘，都幾難受。傳統日式拉麵店裝修，牆上面掛咗好多食物畫，加上又大又粗線條嘅字樣，感覺豪邁，我諗就係那種要你大大聲「𠽌」啲麵入口嘅設定。因為喺排隊嘅時候，店員已經俾張order紙我落單，比較特別嘅係張order紙上可選少油，健康第一，揀少油先，埋位一陣，拉麵已經來了。碗麵嘅2片雞义燒令到我超興奮，超級厚✪ω✪，將雞脾肉好似普通豚肉义燒咁卷埋，定形後切開，就會圓形一片咁，雞义燒嫩滑入味，真係唔捨得食哂佢。湯頭清甜，比起豚骨嘅湯頭，雞湯係比較清淡，無豚湯嘅濃郁感，可能就係因為咁，比較少拉麵店用雞來做拉麵，但霸嗎嘅雞义燒拉麵並唔係淡而無味架，只係無咁濃郁，雞嘅精華依然係度，事實上，我地都無理由將雞拉麵同豚

每次去尖沙咀地鐵站A出口the one 時不輪上或下班會見到一條很長人龍排在霸嗎。今天下午跟朋友一嚐滋味！ 餐廳佈置跟日本傳統味道。 拉麵選有數種選擇： 豚肉/ 雞肉子供套餐、小食、雪糕、啤酒等。。。特濃魚介魚乾豚骨拉麵 （期間限定）HKD 93 逢期間限定東西感興趣，這個名副其實明顯用了很多豚骨㶭出來，非常濃烈、夠熱又不升太多油。拉麵做到軟硬度適中，木耳爽脆，肉有被輕輕燒過，香得來啖啖肉，有咬口。桌上還有辣粉 及胡椒提供。雞叉燒味玉雞白湯拉麵 HKD 88 雞肉比平常來的大塊又厚，肉質夠白夠鮮。內裡還有水汪汪溜心蛋，增添層次。最後我們把湯水喝得半光了。

霸嗎拉面，出名好食，去到已經開始要排隊今期還有新口味： 特濃魚介魚乾豚骨拉面，湯底濃濃豬骨味，骨膠原多，配上介魚碎，介魚味更鲜更甜， 竹笋入味，葱花香，拉面軟硬度適中，最最重要的是那塊厚厚的豚肉，有兩對筷子的闊度呀！很正呀！！來到，一定點燒汁唐揚炸雞，炸雞炸得皮脆肉嫰，配上燒汁同芝麻，口感滿分最後，點了蜜瓜酒作飲品，用了靜岡縣蜜瓜汁，蜜瓜味濃，配上碳酸飲料，味道一流侍應生都細心又禮，上菜時都會叮囑客人小心湯麵太滾會燙傷

今日去尖沙咀行街街,路過成日都見有間拉麵勁多人排隊。由於本人平日不太好拉麵,加上禁多人,真係冇咩衝動排隊。今日可能時間尚早,只見幾個人排,就拉埋老公試試他。排左唔洗3分鐘就入得。睇睇menu先,款式唔算多,主打豚肉同雞叉燒。今次就試左新野,魚乾豚肉拉麵。本身對叉燒冇咩興趣,但見個個都叫。就試下啦唔試由自可,一試會上癮。舊豚肉勁大舊,比平時食開既起碼厚2-3倍,但食落肉質柔軟,似食緊豬軟骨禁,正呀。而且可以選少油,岩哂女士。跟住就黎雞叉燒拉麵。豬肉就食得多,雞都有叉燒真係未試過。他應該係將d雞捲埋一齊,好似壽司禁 雞肉都幾入味,溫泉旦原隻上,都幾好食 最後食埋。辣味炸雞。新鮮即炸,又唔會勁多肥肉,唔錯。辣味可以,唔食得既都可一試 。

今日去左尖沙咀行街，中午經過The One附近見到有條長長人龍，原來排隊食日本拉麵。早早之後試過一次佢地既人氣灸燒豚肉拉麵，豚肉燒香後有炭香味，食落好過癮。今日中午就排隊試下另一款味道啦午市有優惠架唐揚炸雞。大大件好抵食，件件炸雞都脹卜卜。炸粉超薄，雞肉即叫即炸肉汁好豐富雞叉燒雞白湯拉麵。雞湯好甜，雞肉非常嫩滑拉麵彈牙掛湯力又高，好鐘意佢地既雞肉肉質好嫩好鮮甜，溏心蛋是另一重點，流心度高蛋味濃郁入味。

上年吃過銅鑼灣的霸嗎拉麵分店後印尼麻麻，今天在尖沙咀朋友說想吃位於The One對面的霸嗎拉麵，我心裡的確不太願意，但最後還是給它一個機會。點了比較清的《醬燜雞叉燒味玉拉麵 $88》。這次的嚐試令我改觀，拉麵入口有嚼感，而且很掛湯，湯底沒有口喝的死咸。大愛青蔥的我加了 $10另上一碗青蔥。醬燜雞的雞肉比預嫩滑，而且燒得入味。拉麵中還加入了我喜愛的雲耳絲，口感爽脆。《沙拉野菜炸餃子5件 $38》餃子雖炸但餃子皮不會全炸至黃金，所以仍保留煙韌口感。內裡有肉餡，汁甜。《蜜瓜酒 $28》日本我蜜瓜超清甜，原來蜜瓜酒亦同樣好味。

今日大約1點左右在尖沙咀整想吃霸嗎拉麵，但門外的人龍打消了我的諗頭。於是我於3時多工作完畢後再去看看，幸好人潮已散，好讓我吃碗想吃的豬骨豚肉紫菜玉子拉麵。《豬骨豚肉紫菜玉子拉麵 $98》湯低很香濃，而且浮於湯面的油份少，所以膩感比一般的豬骨湯底拉麵低；玉子有溏心效果；麵條我選擇了適中的軟硬度，效果亦合乎預期，有口感得來不會有生硬的位置；豚肉燒得香口軟腍，肉與肉之間的脂肪不算多，所以不太油膩，而且不會很薄身。加《野菜 $20》其實就是芽菜、甘筍絲和雲耳絲，微咸輕怡。《信州蘋果酒 $28》日頭輕輕喝點水果酒都很不錯，蘋果味清甜又不假，日本的蘋果汁確有不錯～

這間拉麵店真的很誇張，即使附近有更多更便宜的選擇，但每天中午和晚上都有長長的人龍，想吃的話真的要花點時間來排隊！今天約朋友兩點半來吃，還好不用等就立刻入座。特濃魚介魚乾豚骨拉麵 $93麵一來到的時候已經有強烈的魚乾味，原來是麵上有不少魚乾碎，而湯的魚介味也是很突出，鮮甜而不會太咸。叉燒肥瘦適中，燒得很香，拉麵也挺有咬勁。午間拉麵升級+$12 有羽根餃子一客五件，$12真的非常划算！最喜歡餃子旁邊的脆脆，而餃子餡料很香甜，值得一試。