霸嗎拉麵 (德己立街)

營業中

休息中

今晚朋友約了去蘭桂芳飲2杯。之前便在附近吃點東西。就在不遠處，就有間日本拉麵店，毫不猶豫進去試試。內裏裝修充滿活力色彩，紅色讓人興奮期待。我點了期間限定的，天婦羅軟殼蟹櫻花蝦濃湯拉麵。想不到吃拉麵也有蝦有蟹。上菜已很吸睛，大大的一隻軟殻蟹，霸佔著大碗位置，熱烘烘的剛炸好，多肉香脆，嚐一口湯，湯底非常濃郁，不是平常的清蝦湯，很有新意。朋友點了濃厚豬骨豚肉玉子拉麵，湯底豬骨味香，也是濃厚的，豚肉很腍，玉子原個上，流心，拉麵選了適中的口感，很滿足呢。

依家日本拉麵店嘅特色就係厚切豚肉，即係五花腩，同埋濃厚豚骨湯，屬於重口味嘅一種。兩個人來食，我點招牌最強醬油濃厚豚骨湯，湯底真係充滿肉香，骨質溶解，豚肉煎到金黃焦香，肥美到入口即溶，有一隻雞蛋，一級流心，拉麵都非常新鮮煙韌。朋友食石鍋燒豚肉飯，汁好多，豚肉勁入味，又唔算太鹹，鹹得來少少甜，肉與飯嘅比例肉更加多。食拉麵梗係要食埋餃子，本餃子的特色是串埋一齊，皮薄，豬肉白菜餡。最後食柚子雪葩，香甜嘅味道剛剛好平衡剛才食肉的飽滯。

近日氣氛太差, 好少出街食飯, 趁中午公幹完畢順便來到附近中環霸嗎拉麵吃碗拉麵。霸嗎拉麵裝修格局是典型的日本拉麵店所有食品自己tick, 拉麵按個人喜好軟硬度自己選擇, 亦可選擇走青、走一荀等, 方便快捷。濃厚猪骨豚肉玉子拉麵 ($88)拉麵有豚肉筍條溏心蛋青蔥, 配豬骨醬油湯底， 先來呷一口湯底， 有豬骨香及淡淡的醬油香， 湯底比較杰身， 味道適中， 不偏鹹 , 豚肉鹵得好冧滑， 瘦肉部分一啲都唔鞋口， 可惜只係得一塊， 下次要加碼。拉麵我選了中硬度, 口感軟彈煙韌兼備。沒想到溏心蛋係原隻上， 打開蛋黃呈流心狀態， 色澤紅豔， 入口香滑， 蛋白都浸得好嫩滑， 還有醬油的豉香， 好食!辛辣唐揚炸雞 ($38/五件)想食肉， 再來一個辛辣炸雞， 五大件炸雞收$38 抵食！炸漿薄薄的， 雞肉剛剛熟， 看得見的肉汁， 皮炸得脆脆的， 肉入口嫩滑， 配埋佢個辣醬勁香辣惹味, 食畢, 滿足離場!!

霸嗎一向响Openrice排名好高，尖沙咀長期排長龍，今日巧遇中環舖剛開門就試試。濃厚豬骨炙燒豚肉玉子拉麵🍜濃厚豬骨湯：名不虛傳，拉麵送上時見碗湯好「𠍇」好厚身，湯味濃而不羶，好味。豚肉🐷：一塊厚切腩肉，咬落鬆化，肥肉甘香。三高者危險品！玉子🥚：全隻上，小心！一咬蛋汁即流羽根餃子🥟韭菜豬肉，雖不是咬落有肉汁但煎得香唔油膩，加上餃子汁啱啱好。小意見：調味蒜粒可惜已潮，要注意。另外冷氣超弱，秋天都食到成頭汗，夏天就⋯⋯

在我來說吃拉麵的三大指標是湯底、麵質、配料，這三大要素就決定了一碗拉麵的好與壞， 這裏的湯底不會過鹹，重要的是沒有味精，麵質軟硬適中，配料使人驚喜萬分。這裡知名的就是炙燒豚肉味王拉麵，湯底是豬骨濃湯，感受到是長時間烹煮，油脂已經充分融入湯裏面，另外配料用了厚切叉燒，叉燒是慢煮的，上菜用燒的方法使肉有焦化的效果非常香，而且焦化了的油脂跟湯產生的化學反應使湯更加鮮甜，還有流心蛋，而麵質選了適中，真的做出不軟不硬的感覺，對著這一個湯底真的是要把最後一滴也 全部飲完，最後露出湯底的字是我對大廚的敬佩。天婦羅軟殼蟹櫻花蝦湯拉麵，這個蝦湯較清澈，鮮味跟豬骨湯對比強烈，麵質選了硬身的，出來的感覺是爽的，軟殼蟹天婦羅做得香脆可口。味道: 冇得輸衛生: 整潔乾淨環境環境: 內位置有限，但可接受服務: 尚可接受價錢: 經濟實惠

事緣阿妹又約我去食拉麵，今次我想去食軟殼蟹天婦羅(加上途經這間鋪頭今期推界天婦羅軟殼蟹櫻花蝦湯拉麵)所以我好強烈要求食霸嗎。所以就去這間拉麵店。先入去餐廳內，佈置與日本拉麵無異。主要以木製傢俱為主。檯上放了調味料和餐牌。感覺餐廳很整潔。天婦羅軟殼蟹櫻花蝦湯拉麵拉麵的湯底為深橙色，味道有很強的蝦的味道；上菜的時候，湯底頗熱。今次我選擇的拉麵硬度適中，拉麵偏向幼身：材料有主角軟殼蟹，蘿蔔絲和京蔥絲和紫菜：軟殼蟹很大，差不多有兩隻手掌的大；外層很脆口而且內裡有很多肉；而且有很多肉汁，再多上沾上蝦湯,會又有濃香蝦湯味。沙拉野菜炸餃子一份有五隻餃子，上面鋪上了蔥；餃子皮都炸得很香脆；而且肉味比較濃，加上沙律醬的味道。成件事很配合。

看戲時吃了爆谷，肚子仍有少少餓，又不想吃太多，就到附近食碗拉麵。店員有禮貌，風趣。天婦羅軟殼蟹櫻花蝦湯拉麵蝦膏湯底超濃味，軟殼蟹炸得很脆，脆漿不油膩又不會太厚， 而且軟殼蟹的蟹肉鮮，選了硬拉麵，口感適中。特盛炙燒豚肉拉麵這款拉麵比一般的拉麵份量加大了，豚肉真如其名字一樣是盛宴的份量，湯底很濃而不太鹹，豚肉用火炙過的關係，所以有一陣濃香的烤肉味道在湯裏面，豚肉嫩得機乎不用咬便可吞下去。雞叉燒雞白湯拉麵湯底較清，入口時卻有雞湯的味道，這湯清澈又不失濃香味，雞肉有兩大塊，而且肉身嫩滑 ，滑身而有咬口。靜岡蜜瓜梳打沒有藥水味而有蜜瓜味。

一個人係中環可以食啲咩？拉面都係一個好好嘅選擇！ 呢間嘅地點好方便，係正Lkf。我叫左濃厚豬骨豚肉玉子拉面，另加粟米（原來係另外成碗上的）湯底好濃，好稠身，但味道不會太濃，食多點都不會膩。而且，豚肉好大塊，好厚身，非常軟，易咬！玉子都係原隻上，當然都係流心蛋啦！我仲叫左辛口燒餃子！原來辛口係指外面加左辣椒醬，而隻餃子入面係冇辣味的。。。但外面煎得香脆，特別有塊薄脆係底部，口感獨特！讚！最後緊係要用甜品做句號，我點左柚子雪葩，係獨立包裝的，柚子味濃，口感輕盈，值得推介！

作為霸嗎拉麵的忠實粉絲，拉麵癮起都會想起它。坐位舒適，服務周到，價錢相宜😍😍😍喜歡圖文並茂既大餐牌，點餐紙可自由選擇麵條軟硬度及配料。各種拉麵必備配料👍👍灸燒豚肉拉麵👍👍👍即叫即製，熱辣辣上桌，依舊大塊炙燒豚肉，經炙燒過，豚肉既油份即時散發香味，減肥中也不得不吃。雞叉燒味玉雞白湯拉麵👍👍👍细细蒽粒鋪在拉麵上散發清香，拉麪幼滑而彈牙，湯底亦美味，雞叉燒香口嫩滑，不肥不腻，加埋糖心蛋，蛋香和配合，令拉麵口感提昇。第一次見的綠茶可樂🥰可樂加上綠茶味道又幾唔錯！

中秋節公司早放工，決定去食碗拉麵慶祝一下。霸嗎拉麵有多間分店，我去了位於德己立街的分店，鄰近中環地鐵站，估唔到好多人同我一樣，都係有得早放工，所以越食越多人越熱鬧。門面設計好搶眼，店內設計亦像日本拉麵店。拉麵選擇主要包括濃厚豚骨湯拉麵、雞白湯拉麵和期間限定湯拉麵，還有其他小食及飲品等。辛辣炙燒豚肉味玉拉麵拉麵一上枱就香噴噴，熱辣辣。湯底好有層次，豚骨湯底濃厚，拉麵爽滑亦都掛湯。豚肉是厚切的，微微炙過減輕了肥膩感。糖心蛋的蛋白軟滑入味，當然也有流心，高質素。羽根燒餃子食拉麵當然唔少得食日式餃子，餃子燒得皮脆內嫩，豬肉及菜的比例恰當，味道清甜可口。辣汁唐揚炸雞炸雞即叫即炸，上枱時熱辣辣。炸雞調味得好入味，炸得外脆內嫩，配上少少辣汁及蔥，好配合。可樂最後飲番罐冰凍的可樂，熱氣全消。

這晚來到霸嗎拉麵，每次吃拉麵，日式的裝潢總令人覺得置身日本，心情特別輕鬆。炙燒豚肉味肉拉麵湯頭豬骨味頗濃，質感厚厚的，帶點黏，能充分地掛上麵條。選了硬麵，吃下去qq的還不錯。這裡最特別的可算是炙燒豚肉了，半肥瘦的豚肉吃下去便溶化在口中，滿滿的脂肪香氣十足，但吃多真的會膩。辛辣炙燒豚肉味肉拉麵多了一份辣勁，選了小辣，辣度不高，但惹味了不少。最後吃口茶味雪糕，解一解膩，滿足！偶爾吃一下拉麵，還是不錯的！

好耐無食拉麵，腦海中第一間浮現嘅係霸嗎拉麵👍🏻之前都食過好幾次，唔知咁耐無食會唔會有唔同呢，所以就同朋友去咗中環、鄰近蘭桂坊嘅分店。最近有兩款期間限定，分別係天婦羅軟殼蟹櫻花蝦湯拉麵($93) 同埋霓虹雞叉燒冷拉麵 ($88)。不過因為太想食豚肉！所以最後叫咗炙燒豚肉味玉拉麵，石頭燒豚肉飯，沙律豚肉丼😍炙燒豚肉味玉拉麵（$88）賣相唔錯，豚肉都幾大件，我叫咗少油，湯底味道依然好濃郁！味玉可以再熟多少少，荀都好入味，拉麵夠爽，唔會太硬或腍👍🏻睇真啲，原來件豚肉唔單止大件，仲超級厚，真係好抵食！豚肉十分入味，肉質都唔錯，一啖邪惡嘅脂肪，一啖激厚豚肉，好滿足啊😋石頭燒豚肉飯（$68）豚肉切成大大粒，鋪滿係飯嘅上面，而個飯就加入蛋去炒～因為有豚肉嘅肉汁，所以就算係石頭飯都唔會好乾好硬。沙律豚肉丼（$35）一開始以為$35咁平係細細碗，點知原來都幾多飯！沙律醬唔係淨係同炸物夾，原來同豚肉一齊都好好食😍一晚試晒豚肉嘅三種味道、食法，好正👍🏻另外見到梅酒好平$28，當然要試下啦！梅味夠香，雖然話酒精度12%，飲落去一啲都唔覺～整體嚟講，水準唔單止無跌，仲有進步、有驚喜👏🏻

第二次嚟食，估唔到今次有龍蝦拉麵！仲要係$148就有原隻龍蝦，超開心！炙燒豚肉海苔味玉拉麵 ($98)湯底濃郁唔油膩；慢煮豚肉燒得啱啱好，肥瘦適中，入口有油香但唔膩；份量夠大，好似食極都未食完咁！極上原隻龍蝦味玉拉麵 ($148)龍蝦雪藏味唔濃，係有鮮味㗎，肉質彈牙！仲有超級多膏，啲膏入口即溶，雖然好邪惡但真係不能抗拒！湯底一流，香濃到不得了，一啲都唔鹹，好在啲麵條夠晒掛湯，一滴都唔會浪費！仲好貼心咁提供剝蟹嘅用具及膠手套。食完仲送杯雪糕，正！

今日嚟到霸嗎拉麵嘅中環分店，店舖門面裝潢吸晴，好有日本拉麵風，晚市六點入座都已經有幾枱客人。座位以拉麵店的風格來講都算係舒適，適合同朋友邊食邊吹水呢到嘅侍應服務態度好炙燒豚肉海苔味玉拉麵 $98湯底濃郁，好重豬骨味，慢煮嘅豚肉燒得剛好，食落香口，調味唔錯，而且份量都幾多，肥瘦分明，入口即溶。麵質我揀咗硬身，啱我口味。玉子半生熟拿捏得唔錯，好食海苔有三大塊，比其他拉麵店嘅份量多雞叉燒味玉雞白湯拉麵 $88湯底比豬骨清，淡淡的雞肉鮮味，雞肉調味有驚喜，好食。鍾意清淡啲可以揀雞湯野菜 $20好大碟，兩個人share都可以，調味清新唔會太重口味一個人$100樓下，中環打工仔可以當飯堂

係中環返工十年，日日都要諗lunch 食咩好苦惱，好多間餐廳都食厭哂同事知我係海鮮控，介紹霸嗎拉麵有個龍蝦拉麵，比相我睇十分吸引，琴日即刻自己走去試下！我特登揀2點後先去，唔駛排隊！哇，個拉麵一黎，相機食先！賣相好靚，原隻龍蝦，啖啖肉！仲有佢個湯底都好正，係櫻花蝦+豬骨熬製而成！大愛我飲哂d湯咁滯加$10粟米，我估唔到係咁大碗，好抵食！紫菜浸落d湯到食，一流～佢地好細心，會提供埋鉗、膠手套一對同濕紙巾比你食兩隻蟹鉗，又唔會整污糟雙手店鋪裝修都好日式風格！最後值得一讚既係幾位店員都好好禮貌同笑容！好親切！