霸嗎拉麵 (德己立街)

營業中

休息中

周末跟朋友在兰桂坊喝酒。到了散场的时候感觉有点饿了，于是跑到这家日本拉面店随便吃一点。他们家的装修感觉还是可以的。比较有日式风情，之前尖沙咀和铜锣湾的分店也光顾过，感觉他家的水平挺一般的，做的东西也没有太多的特色。点了鸡肉拉面和炙烧玉子海苔豚肉拉面，上菜速度不算很快吧，拉面的分量一般般，面的味道一般，汤底更是一般，配菜还算丰富吧，但是在日本拉面店里。不算特别好吃。服务态度一般般吧。说不上好。总体而言在香港的日本拉面店里不算突出的一家店。

突然想食拉麵，於是走進了這家霸嗎拉麵。我們進餐時大約晚上七時半，店內尚有位置，因為翻桌速度很快，我們點餐後大約十分鐘也不用，麵就送到了。我點了灸燒豚肉味玉拉麵，而友人點了辛辣灸燒豚肉味玉拉麵。湯底很濃郁，很足味。而豚肉也十分有口感，也不會太軟或太硬，味道可口。溏心蛋水準也很好，我和友人的蛋也是溏心的，不會過熟。 值得一讚是湯底雖濃郁，但進餐後不會太口渴，因為在一些餐廳吃麵時喝湯，接著整天的口也很乾。

百吃不厭的霸嗎拉麵，原來中環都有分店，店內地方比尖沙咀細好多，但依然容納到唔少枱客👍👍 款式和價錢跟其他店一樣，冇因為係中環就貴d，都幾有良心😆😆加入做會員仲有餃子送𠻹！我每次都必點炙燒豚肉味玉拉麵，依然是一貫的水準，叉燒超大超厚，肥瘦相間的紋理分明，肉質好腍身，帶有小許焦香的味道，加上湯底咸度調配恰當！男友喜歡這裡的雞叉燒味玉雞白湯拉麵，雞白湯不算濃，口味較豬骨湯清淡。雞叉燒啖啖肉有咬口，完全冇雪藏味。仲有醬料任添👍👍👍🙌🏽

以我所知中環好少拉麵店，或者我唔係成日出去蒲啦⋯⋯經過見到呢間好似幾好食咁，入去試下先。今日試咗呢個豬骨豚肉玉子拉麵，淨係豚肉都有四大塊！而且係厚切！湯底味道好濃郁、豬骨味夠重！👍🏻我最鍾意就係食玉子、唔係間間都可以整到流心㗎！呢度都整得幾好食！羽根燒餃子同我幻想就有啲出入、我以為係雞翼入面讓左啲肉、個名係「羽根」呀嘛、所以先入為主左、點知淨係一碟餃子。😅唐揚炸雞食完一件都覺得好熱氣，所以，我最後係打包左，不過佢係炸得幾好味⋯⋯#霸嗎拉麵

拉麵好食，所以試過很多家，今次黎到霸嗎拉。環境，其實一般拉麵都是大同小異，服務也是大同小異。其實本身對食的要求沒有太高，所以今次試到霸嗎的紫菜叉燒拉麵，因為大部分拉麵內的叉燒都是煮熟，但今次的叉燒，是有燒過的，肥瘦均勻，燒過所以很香口及脆脆地，很好食。拉面黎講，有時是湯是驚喜點，有時是麵，有時可能是貼心的服務，或精緻的裝潢，而今次明顯是叉燒帶來驚喜了。見到師傅煎餃子，其實很想試，無奈時間太短，唯有留待下次吧。

喺中環Something Classy整完眼睫毛後有D肚餓，本來4點想食個下午茶，但落番斜路見到有龍蝦拉麵，雙眼即可發光哈哈！果然無令我失望，食完成手龍蝦汁既味道嘿嘿！香港拉麵店林林總總，好似大家都差不多咁，不過霸嗎拉麵期間限定“極上原隻龍蝦玉味拉麵”真係值得一推，龍蝦對半開，有膏有肉，湯底都係鮮甜既龍蝦濃湯，兩隻鉗都係啖啖肉，先食半隻龍蝦再食麺吧哈哈！拉麵店有附上手套、裝殼小碗（唔夠裝殼呢）以及濕紙巾（比多一張好D），好細心呢！

做完野去港島搵食😮見到呢間排哂隊既日本拉麵店，盲中中咁就入左去，原本係打算叫普通野既，但坐低睇到menu有原隻龍蝦拉麵😱😱😱不行鳥！即轉陣！—中上價錢既餐廳緊係要講下環境，店不大，人手唔算多，接待及上菜有些少慢，大概20分鐘左右上菜，所有野都要問先比😮落單果位都黑黑地面，無咩服務可言，但都無話大不滿既，志在搵食～—極上原隻龍蝦玉子拉麵 $128大多數中上價錢拉麵都係可以選擇麵既軟硬，呢間都唔例外，小編揀左硬麵～一上檯🤤🤤🤤已經聞到好香濃濃蝦味！！即刻忍唔住飲左淡～個湯係超級鮮甜，蝦味激濃，湯麵不太油😱😱😱！！真係會飲唔停😂未食完已經比我飲哂D湯😂😂飲得出係真材實料！不過隻龍蝦就較為失色，肉質鞋口，不過呢個價錢都唔會有咩超靚龍蝦期望🤪玉子都煮得好靚！堅。流心～總括：麵質、湯底、配菜都可以比到好高分，隻龍蝦就算啦唔係重點😂不過就算扣左分都推介你地去試下～

今日同女朋友食飯，特意去左中環食佢最既霸嗎拉麵。主打雞叉燒既拉麵店不多，唯獨霸嗎最岩佢口味！雞叉燒比厚切豚肉更加吸引！湯底濃香香甜，濃郁度無豚肉豚骨湯底咁高，但係香甜鮮味度非常出色！雞白湯湯底唔會好膩。拉麵彈牙麵粉味突出，爽口掛湯力極高！雞叉燒厚厚一件煎香後再上枱，入口香嫩香口，鮮甜味道香甜。雞叉燒包成雞卷狀，入口肉嫩口感豐富，女朋友最愛溏心蛋，每次食拉麵都必定會點，霸嗎溏心蛋入口蛋味濃香，溏心度極高，而且中間蛋漿流心蛋香味濃！香滑蛋白更是滋味！

今日到中環逛完公司，想話去萬邦行買曲奇，點知揾唔倒間店舖，去食D下午茶，行到德己立街，有間霸嗎拉麵店，入去幫襯吓先。我點了鷄肉拉麵，湯底清香鲜甜，葱粒好香，鷄肉厚厚片装，肉質嫩滑，唔會太韌，拉麵十分爽滑彈牙，唔會腍劈劈，呢碗拉麵真係清新和好味。唐揚炸鷄製作需時，因為係即叫即炸，確保新鲜熱辣，炸漿夠晒香脆，味道啱啱好，鷄肉夠嫩滑，保持肉汁，過由於剛剛炸好，要小心燙嘴。炸鷄份量十足，每碟有五大件，抵食。紅豆抹茶雪糕好冰凍，紅豆夠晒腍甜，抹茶雪糕好香滑，作為甜品非常合適。

行經蘭桂芳，有D肚餓，呢度都有間霸嗎拉麵，地方不算很大，顧客都唔少。點了豚肉石鍋飯，另加唐揚炸鷄，甜品為紅豆芝麻雪糕。豚肉石鍋飯熱鍋奉上，仍然聽見唧唧聲，熟蛋切粒連豚肉鋪在飯面上，賣相唔錯，熱辣辣飯粒甘香，豚肉焗在熱飯内，吸收埋飯焦香味，豚肉夠腍滑，唔覺膻味，鹹度啱啱好，加少少水浸埋飯焦，估唔到都幾好味，飯焦香脆，口感特別，相當唔錯。唐揚炸鷄即叫即炸，份外香脆，肉汁豐富，肉質嫩滑惹味。紅豆芝麻雪糕好滋味，紅豆夠甜香滑，芝麻雪糕冰凍清甜，正好清除石鍋飯及炸鷄嘅起熱氣。

今日隌男朋友去左睇背囊，點知山長水遠出到黎但竟然睇唔岩，於是乎就喺附近搵野食，結果就比我見到呢個龍蝦拉面，男朋友話見既然冇野買到慳返一筆，就不如食餐豪少少嘅午餐 原隻龍蝦味玉拉麵賣相好吸引，龍蝦中間切開一半，輕輕打開就會見到好吸引嘅龍蝦肉同埋蝦膏，睇見都令人垂涎三尺 龍蝦嘅size都算大隻！櫻花蝦湯底味道好濃郁，不過濃郁嘅唔係櫻花蝦味，反而係龍蝦味好重仲有隻糖心蛋添最後我地再一人一個小食就完左呢個豐富嘅午餐

好耐之前試過呢間，感覺無乜特別，但最近路過見到佢既龍蝦麵麻告實在太吸引(我係龍蝦既fans),於是就搵左個平日放假既中午過黎咯…12點半左右到，有少少人龍，不過可能一個人(又撇低左返工既老公)，等左唔夠十分鐘就到我，入到去就點菜，黎到既時候真係嘩一聲!超大呀～忍唔住飲啖湯，好鮮，有龍蝦味，不過講真係有點鹹。跟住，店員有比到蝦鉗比我，我心諗有點唔好意思添因我附近既食客朋友大多係附近返工，大家都係叫正常拉麵，如果我好大力鉗隻龍蝦飛彈到隔離就唔好意思。於是我細細力小小心咁鉗，發現原來龍蝦殼已整到好淋所以，鉗一次細細就得，唔駛好大力咁壓落去。肉質都唔錯，未至於頂級，但以148蚊價錢，我覺得稱職。蝦頭都有膏，食得滋味又開心，不過可能中午真係比較少人食龍蝦^^“因為佢，我再幫襯呢間，下次可以再來

🍜初時霸嗎係銅鑼灣剛開第一店時試過辛辣豚肉拉麵🥵🥵辣到印象深刻😂😂今次試下唔辣既雞湯拉麵🐔😚·🥢雞叉燒味玉雞白湯拉麵（$88）雞肉卷厚身啖啖肉❤️食肉獸一定愛上！湯底比豚骨湯清淡，浮上薄薄一層雞油🐥加埋最愛糖心蛋🥚整體不錯啊🐥🐥

今日專登同女朋友去中環睇名牌特價開倉，但睇完之後發覺冇野好買於是乎就喺附近搵食，結果女朋友就比拉面門口宣傳嘅龍蝦拉面吸引住話要食，我見既然冇野買到慳返一筆，就不如食餐豪少少嘅午餐啦原隻龍蝦味玉拉麵賣相好吸引，龍蝦中間切開一半，輕輕打開就會見到好吸引嘅龍蝦肉同埋蝦膏，睇見都令人垂涎三尺龍蝦嘅size都算大隻！櫻花蝦湯底味道好濃郁，不過濃郁嘅唔係櫻花蝦味，反而係龍蝦味好重我地仲一人一個小食最後叫多個雪糕SHARE 就完左呢個豐富嘅午餐

另一家在樓梯中間的拉麵店已去過, 原來公司附近的這家霸嗎拉麵反而一直未去過, 乘著星期六人流較少, 大約2點半進去. 過了黃金午飯時間, 竟然還是坐了接近8成滿. 受店面形狀所限, 座位較其他分店為擠逼. 坐下不久, 店員推介了限定的原隻龍蝦味玉拉麵, 其實也有拉麵推出過龍蝦拉麵, 但一直未試過. 今天即管一試. 送上鉗蟹的工具, 濕紙巾, 準備十足. 上桌很有氣勢, 龍蝦佔了碗面的一大半.  豬骨櫻花蝦湯底濃郁又鮮味. 流心蛋做得不錯. 麵條的掛湯能力十足. 這個龍蝦是足足有一整隻, 裡頭的蝦膏也有不少, 雖然估計是冰鮮貨, 但啖啖龍蝦肉特別過癮. 蝦膏挑出來與湯同飲, 湯頭的蝦味更加提升. $148的價格雖稍貴, 但有足一整隻龍蝦還是值得一吃.