霸嗎拉麵 (德己立街)

營業中

休息中

作為霸嗎拉麵的忠實粉絲，拉麵癮起都會想起它。坐位舒適，服務周到，價錢相宜😍😍😍喜歡圖文並茂既大餐牌，點餐紙可自由選擇麵條軟硬度及配料。各種拉麵必備配料👍👍灸燒豚肉拉麵👍👍👍即叫即製，熱辣辣上桌，依舊大塊炙燒豚肉，經炙燒過，豚肉既油份即時散發香味，減肥中也不得不吃。雞叉燒味玉雞白湯拉麵👍👍👍细细蒽粒鋪在拉麵上散發清香，拉麪幼滑而彈牙，湯底亦美味，雞叉燒香口嫩滑，不肥不腻，加埋糖心蛋，蛋香和配合，令拉麵口感提昇。第一次見的綠茶可樂🥰可樂加上綠茶味道又幾唔錯！

中秋節公司早放工，決定去食碗拉麵慶祝一下。霸嗎拉麵有多間分店，我去了位於德己立街的分店，鄰近中環地鐵站，估唔到好多人同我一樣，都係有得早放工，所以越食越多人越熱鬧。門面設計好搶眼，店內設計亦像日本拉麵店。拉麵選擇主要包括濃厚豚骨湯拉麵、雞白湯拉麵和期間限定湯拉麵，還有其他小食及飲品等。辛辣炙燒豚肉味玉拉麵拉麵一上枱就香噴噴，熱辣辣。湯底好有層次，豚骨湯底濃厚，拉麵爽滑亦都掛湯。豚肉是厚切的，微微炙過減輕了肥膩感。糖心蛋的蛋白軟滑入味，當然也有流心，高質素。羽根燒餃子食拉麵當然唔少得食日式餃子，餃子燒得皮脆內嫩，豬肉及菜的比例恰當，味道清甜可口。辣汁唐揚炸雞炸雞即叫即炸，上枱時熱辣辣。炸雞調味得好入味，炸得外脆內嫩，配上少少辣汁及蔥，好配合。可樂最後飲番罐冰凍的可樂，熱氣全消。

這晚來到霸嗎拉麵，每次吃拉麵，日式的裝潢總令人覺得置身日本，心情特別輕鬆。炙燒豚肉味肉拉麵湯頭豬骨味頗濃，質感厚厚的，帶點黏，能充分地掛上麵條。選了硬麵，吃下去qq的還不錯。這裡最特別的可算是炙燒豚肉了，半肥瘦的豚肉吃下去便溶化在口中，滿滿的脂肪香氣十足，但吃多真的會膩。辛辣炙燒豚肉味肉拉麵多了一份辣勁，選了小辣，辣度不高，但惹味了不少。最後吃口茶味雪糕，解一解膩，滿足！偶爾吃一下拉麵，還是不錯的！

好耐無食拉麵，腦海中第一間浮現嘅係霸嗎拉麵👍🏻之前都食過好幾次，唔知咁耐無食會唔會有唔同呢，所以就同朋友去咗中環、鄰近蘭桂坊嘅分店。最近有兩款期間限定，分別係天婦羅軟殼蟹櫻花蝦湯拉麵($93) 同埋霓虹雞叉燒冷拉麵 ($88)。不過因為太想食豚肉！所以最後叫咗炙燒豚肉味玉拉麵，石頭燒豚肉飯，沙律豚肉丼😍炙燒豚肉味玉拉麵（$88）賣相唔錯，豚肉都幾大件，我叫咗少油，湯底味道依然好濃郁！味玉可以再熟多少少，荀都好入味，拉麵夠爽，唔會太硬或腍👍🏻睇真啲，原來件豚肉唔單止大件，仲超級厚，真係好抵食！豚肉十分入味，肉質都唔錯，一啖邪惡嘅脂肪，一啖激厚豚肉，好滿足啊😋石頭燒豚肉飯（$68）豚肉切成大大粒，鋪滿係飯嘅上面，而個飯就加入蛋去炒～因為有豚肉嘅肉汁，所以就算係石頭飯都唔會好乾好硬。沙律豚肉丼（$35）一開始以為$35咁平係細細碗，點知原來都幾多飯！沙律醬唔係淨係同炸物夾，原來同豚肉一齊都好好食😍一晚試晒豚肉嘅三種味道、食法，好正👍🏻另外見到梅酒好平$28，當然要試下啦！梅味夠香，雖然話酒精度12%，飲落去一啲都唔覺～整體嚟講，水準唔單止無跌，仲有進步、有驚喜👏🏻

第二次嚟食，估唔到今次有龍蝦拉麵！仲要係$148就有原隻龍蝦，超開心！炙燒豚肉海苔味玉拉麵 ($98)湯底濃郁唔油膩；慢煮豚肉燒得啱啱好，肥瘦適中，入口有油香但唔膩；份量夠大，好似食極都未食完咁！極上原隻龍蝦味玉拉麵 ($148)龍蝦雪藏味唔濃，係有鮮味㗎，肉質彈牙！仲有超級多膏，啲膏入口即溶，雖然好邪惡但真係不能抗拒！湯底一流，香濃到不得了，一啲都唔鹹，好在啲麵條夠晒掛湯，一滴都唔會浪費！仲好貼心咁提供剝蟹嘅用具及膠手套。食完仲送杯雪糕，正！

今日嚟到霸嗎拉麵嘅中環分店，店舖門面裝潢吸晴，好有日本拉麵風，晚市六點入座都已經有幾枱客人。座位以拉麵店的風格來講都算係舒適，適合同朋友邊食邊吹水呢到嘅侍應服務態度好炙燒豚肉海苔味玉拉麵 $98湯底濃郁，好重豬骨味，慢煮嘅豚肉燒得剛好，食落香口，調味唔錯，而且份量都幾多，肥瘦分明，入口即溶。麵質我揀咗硬身，啱我口味。玉子半生熟拿捏得唔錯，好食海苔有三大塊，比其他拉麵店嘅份量多雞叉燒味玉雞白湯拉麵 $88湯底比豬骨清，淡淡的雞肉鮮味，雞肉調味有驚喜，好食。鍾意清淡啲可以揀雞湯野菜 $20好大碟，兩個人share都可以，調味清新唔會太重口味一個人$100樓下，中環打工仔可以當飯堂

係中環返工十年，日日都要諗lunch 食咩好苦惱，好多間餐廳都食厭哂同事知我係海鮮控，介紹霸嗎拉麵有個龍蝦拉麵，比相我睇十分吸引，琴日即刻自己走去試下！我特登揀2點後先去，唔駛排隊！哇，個拉麵一黎，相機食先！賣相好靚，原隻龍蝦，啖啖肉！仲有佢個湯底都好正，係櫻花蝦+豬骨熬製而成！大愛我飲哂d湯咁滯加$10粟米，我估唔到係咁大碗，好抵食！紫菜浸落d湯到食，一流～佢地好細心，會提供埋鉗、膠手套一對同濕紙巾比你食兩隻蟹鉗，又唔會整污糟雙手店鋪裝修都好日式風格！最後值得一讚既係幾位店員都好好禮貌同笑容！好親切！

喺附近睇Toy Story4，距離開場只有半小時，為食貓又話要黎食拉麵～　平時尖沙咀分店都要大排長龍，但呢間一般唔洗點等，趕時間啱哂！　雞叉燒味玉雞白湯拉麵雞叉燒係將2件連皮雞肉卷住紮實而成，味道香滑，雖然感覺有點油膩但湯仍喝了大半碗而且沒口渴～醬油色既溏心蛋，蛋白甜甜的，蛋黃周邊呈綿密既膏狀，半熟的蛋黃流出，非常滋味。此刻已分不清呢碗拉麵既主　配角色，因為無論係麵條湯底雞肉市還是蛋，每一樣都重要不可或缺的。另外唐揚炸雞皮脆肉滑，一碟5件，大大件，不錯！　

想喺中環prime area食好西，又要唔過$100嘅呢，我呢個低層打工仔誠意推介呢間位於德己立街嘅拉麵店！我去到大概十二點搭八搭九左右，喺我前面條隊已經有五六個人等緊。本身都諗住要先成20分鐘，丫點知唔使10分鐘就有得入啦，Yesss!佢間鋪頭雖然好細，但坐落都唔會太迫，傾計又一啲都唔嘈喎，正！呢間同其他拉麵店都一樣啦，有得揀湯濃度、麵條硬度、同埋剔走唔食嘅配菜，我同朋友都揀左炙燒豚肉味玉拉麵！由於我第一次食呢間，我樣樣野都揀咗適中，出嚟我覺得個湯都係有少少太濃，而麵條都略硬。哇！但係個叉燒真係好正，超級淋滑、又甘香🥺！個糖心蛋都好味🥺🥺🥺又發現到中環平民價好西勝地！開心😗P.S. 唔知係咪我飲咗太多拉麵湯，油得制，食完之後成個下晝都胃脹脹，好唔舒服😓而我朋友就冇呢個情況啦🤷🏻‍♀️大家去食嗰陣要克制啲啦！

My second time here and was okay. The situation is after work, so you can imagine that we have 3 tired and hungry people. The latest visit we had to wait 15 minutes because they couldn't get seats for 3 people...Slow, but the food was okay. The ramen that came was average. The soup had a strong taste to bring out the flavour of the reman. The noodle, was not good. I know we had choices but the noodle didn't go with the ramen at all. The dumpling came out on a plate like it was just plobbed there

中環既中午時段周圍都係人，去到邊都要排隊排長龍。雖然呢間都好多人排，但我同朋友兩位，好快就有得入座了叫左碗叉燒拉麵Lunch,佢既叉燒好大塊拉麵軟硬適中，而且可以係落單果陣寫明要軟d定硬d，湯底好香濃豬骨味，好好食

龍蝦面有原隻龍蝦，有菜，原隻糖心蛋，好濃厚好香的龍蝦湯底，全部都好好味。仲提供兩個手套，鉗，濕紙巾，比你鉗兩隻蟹鉗，淡淡肉，之後抹手，另有一隻碗比你放蟹殼，好周到。龍蝦算新鮮，重有好多蝦膏，好濃味足料，D配菜都好好味，有黑木耳，蔥同西蘭花，糖心蛋堅流心，又入味。最後最愛的是龍蝦湯低，好好飲，個面食吾停口，食哂，好飽。一碗足料面148，好抵食👍👍好足料

是日六月五日，星期三，難得放半天假見見陽光，放工已是下午三時多，便在街上走走找吃的，突然想食日本拉麵，轉了個彎看到這間門面掛了紅白燈籠的霸嗎拉麵。進店時人很少，可能不是飯市所以只有四五位人客，坐下來點了雞叉燒味玉子拉麵，跟一小瓶清酒，後來侍應回覆沒有啤酒，我說我叫的是清酒，她才說我們所有酒類都沒有。哦，咁即係酒牌有問題啦，咁加 $8 要可樂算了。不消三四分鐘，麵就來了，很有效率啊！放好一看，湯的顏色半清不濁，明顯一浸油浮於湯上，那雞叉燒厚得夠像白切雞一件咁厚，色澤一般吧。日式拉麵定律，先來一口湯，蔥，炸蒜味濃，再來是一種鹹味，說好了的雞湯呢？再夾起一抽麵條，突然就傳來一陣令人反胃的悶味，就像用熱水淥浸碗布那種氣味，油油的又熱騰騰的感覺。本死的放入口，又不是太離譜，咬得下，吞得落，不過就真係好難食，又冇雞味又送毛巾味，加上兩件雞個心仲係凍嘅，多謝晒，隻味玉子是我唯一食晒的東西。食品外，連罐可樂都係唔凍的，所以我叫了冰底。完了，冇下次精選又一傑作。

•ʜᴀᴠɪɴɢ ᴀ ʙᴀᴅ ᴅᴀʏ ? ᴇᴀᴛ ʀᴀᴍᴇɴ•-今日去霸嗎拉麵店試左兩款拉麵🍜急不及待同大家分享-1️⃣極上原隻加拿大龍蝦配櫻花蝦豬骨濃蝦湯拉麵🦞$128個名好長同埋好吸引🤣見佢都係貴其他拉麵$30左右 一於破費試試佢一尼到賣相已經令人哇哇聲 加晒分即刻試一試個湯底 好夠味 好濃 真係好濃蝦味 🦐亦唔會太咸 最後仲成碗湯飲晒😋龍蝦方面的確係原隻龍蝦好多蝦膏超正啊不過肉身有少少un 😣蝦鉗位置既蝦肉會好啲拉麵可以自選軟硬程度 所以唔怕覺得大un/太林拉麵仲送埋一隻唐心蛋 🥚 一咬開啲蛋黃流晒出尼😆-2️⃣炙燒豚肉味玉拉麵（豬骨湯底）$88可能係有比較既情況下 呢款拉麵顯得無咁突出湯底係濃味豬骨湯一樣飲晒成碗🤤不得不讚既係舊豚肉真係好好食唔似其他拉麵店咁豚肉係薄薄一片呢間係厚身好多大家不防去試試😙-另外仲叫左信洲蘋果梳打🍹$28雖然有貴 但真係好好飲 唔係糖水-#霸嗎拉麵 #霸嗎拉麵🍜 #中環美食#中環餐廳#日本#日本餐廳#日本菜#拉麵#龍蝦

同朋友夜晚諗住去蘭桂坊飲酒，去飲酒之前食啲嘢打底先，蘭桂坊附近嘅呢間拉麵成為咗我的晚餐。霸媽拉麵嘅裝修不錯，好有日本風情，成個感覺干淨利落。一坐低店家就預備左茶俾我哋，而我和友人就叫左點左最暢銷炙燒豚肉味玉拉麵和特盛炙燒豚肉拉麵。係拉麵上之前見到有個貼子寫住‘我們的秘製叉燒用上等豚肉低溫慢火㓎煮超過10小時，最後以明火炙燒增添脂香，慢工出美食‘見到呢個貼紙都覺得個豚肉真係花咗好多心機。拉麵來左，豚肉真係好大塊，好入味，果然係煮左10個鐘的材料。拉麵就自己決定要偏林定偏硬，我就揀咗普通拉麵，而豬骨湯底好濃味，拉麵份量好足夠。而朋友就眼闊肚窄，因為原來個特盛真係好誇張好多叉燒，而每一件真係好大件，叉燒層次分明，豚肉入口之後慢慢喺口入面溶化。而味玉就好流心，時間煮得岩岩好。雖然特盛好正，但真係太多肉，但下次都係叫返普通😆