雲來軒 (已結業)

其他菜式ok 好食（水芙蓉蒸蝦)，最後食左30年陳皮紅豆沙，一食就知中伏，根本食唔出有30年，俾盡都係1x年（因為我家也有近20年陳皮），最後食唔晒拎走先出事，扣起部分都唔緊要，堂食好砂好「結」，外賣那些好水，根本唔係堂食那些質地！以後一定唔會再食！

再嘗水芺蓉帶子為動力，約友人慶祝擢升。今次冇訂菜只訂座，叫了六人餐。先來足料螺頭湯，做到清而豐富海產的甜湯，很滋味。之後五小碟，金磚豆腐很出色，炸得皮薄豆腐滑，調味很好。食叉燒也看到廚師的水準，味微甜，淋，蜜皮量適中，上乘。芺蓉帶子，保持水準。龍躉球及腩，爆炒及蒸都很對板，棒棒骨配麵包也很配這個汁。最後亮點係陳皮紅豆沙，真係沙嚟的有陳皮回甘。唯一係阿姐太勤力，有少少趕住收工之感

這間雲來軒雖然在尖沙咀，但位置極其偏僻，餐廳還要上樓；但上到去全場滿座，必有過人之處。這次飯局是友人安排，不用費心點菜，全部都是一早寫好，吃得很幸福。先來搆盤，叉燒直達米芝蓮水準，其它的也很好味。然後每人來一個燉湯，火喉十足，竹絲雞，喝了真是心曠神怡。這個蝦球是全日最亮麗之作，在外面絕對吃不到，我也是第一次吃。蝦球全部都是大大隻，水蛋蒸得甚香，堪稱創作料理。魚也是很有咬勁，而且荷蘭豆也排得很整齊，足見師傅的用心。牛肉味道甚濃，很合我意。炸子雞也是做得甚好，雞肉不會很硬。咕嚕肉則一般，我嫌肉不夠軟熟。菜也是一般，比較老。全日的最高潮，是這個日本黑蒜炒飯，在外面真的吃不到，黑蒜的味道甚香，而且份量很多，好像一個金字塔一樣。到最後，還有這個三十年陳皮紅豆沙，真是落足本錢。這碗紅豆沙煮得甚好，紅豆也溶了在裏面，而且有很香的陳皮味，很有誠意。全日的菜單：全餐飯整體感覺很好，招呼達到五星級水準，全部服務員都是帶著個心去上班的；主動換碟，加茶，很窩心。這比起吃 buffet 只吃那些九流生蠔及三文魚好多了，同一個價錢，我覺得來這裏結結實實吃一頓更好。

螺頭功夫湯足料湯濃保溫👍🏻👍🏻可以慢慢品嚐旦白底加蝦球旦白加咗個湯汁一齊蒸，有鮮味同埋夠香滑，蝦球好彈牙三十年陳皮好野味骨炸得啱啱好，唔會過硬，應該加咗話梅粉，所以好香，夠味金磚豆腐真係好出色，外脆內軟，香口野味面包豬脾骨炸物火候剛好，外脆內軟，但我鍾意個面包多啲，好鬼脆再加埋個咖哩汁簡直係絕配

與閨蜜安排飯局，最適合找一間餐廳可以長聊而又不會被趕的地方。左挑右選終於決定試雲來軒。提起菜單都是跟隨著大路來點菜，首先先點招牌菜金𥖁豆腐。豆腐炸到外酥內嫩，一咬下去好像吃豆腐花一樣嫩。令人忍不住不停夾來吃。 吃完了煎炸食物，最好有滋潤的湯水補充，於是點了花菇雞腳燉螺頭的功夫湯。燉湯放足料又夠火喉，值得推薦。接著點了招牌陳皮香酥骨，一上菜馬上聞到淡淡的陳皮味僕鼻。襯以炸到剛剛好的香酥骨，味道剛好又不會被陳皮蓋過。點了主菜當然少不了點個飯，這道菜叫黑蒜炒飯。飯炒到粒粒分明，配以香氣撲鼻的黑䔉。最後以原隻陳皮燉雪梨，友人點了陳皮紅豆莎，但是上菜後就立刻見到分別。燉雪🍐的陳皮較突出，相反紅豆沙反而聞不秒陳皮味。總括來説菜式非常出色~

雲來軒真係一個請客聚會的好地方，我講緊的不是環境，是食物質素。帶親朋戚友黎食飯包無失禮。老公有長輩由外國返黎，第一時間諗到黎這裡食。當然我地食到變熟客又係考慮因素啦！請得人食飯當然要得得體體，我明白燒味係香港代表，阿叔長居外國當然會掛住，所以就點咗燒鵝，經理非常識做地俾個脾我地。我一般都唔食皮的，但這裡的鵝皮就令我破界，表皮燒得脆脆的，而鵝本身又不太肥，所以食落沒太大的罪惡感，鵝肉亦很香，正式鵝有鵝味，配上我最愛的酸梅醬就可以食一大碗飯。其實雲來軒的义燒亦很不錯，唔知可唔可以要雙拼一次滿足兩個願望呢？小食要咗個話梅骨，用咗西式擺位，好似即刻高級咗。排骨切到細細粒，炸到很乾身脆口，食落有少少話梅酸味，不會太搶但有層次。唯一缺點就是份量較少。之後到粉絲辣蟹煲登場，聽個名真係好普通，但簡單的先見真彰。蟹煲是足料的，粉絲吸咗蟹鮮味又加上少少辣，好食！蟹是實肉的一點也不削。雖然是肉蟹，但都有少少膏，就係呢少少膏令到個餸更香。老公剥咗個蟹鉗俾我，個鉗好似手掌咁大，啖啖肉.....正！話明摩登中菜，當然唔少得新派菜，呢個鬼馬油條饟咗嘢再炸，再點上甜酸醬，好啱我呢啲鍾意香口嘢嘅人。上湯清菜就無乜特別，

今次晚餐的菜式是以配黃酒為主。首先，來過五式頭盤，其中的叉燒真是超好味，半肥瘦夠軟熟，甜咸道剛剛好，也燒得很香，好正！之後飲了一個新嘗試的湯，用了特別材料叫"崖柏"來煲的，味道清甜特別，聽說是很有益的，值得一試。主菜我們特別欣賞'水芙蓉蒸醉大花蟹"，蟹肉質柔軟勁有鮮味，蛋白與花鵰汁液一起食，一絕！另外，一定要提及的是羊腩煲，湯汁調得超好味，羊腩炆得超軟熟，實在太好食了！還有，大大隻脆卜卜的黃金蝦，滑嫩花鵰雞，皮脆肉嫩馳名燒鵝，櫻花蝦臘腸臘味糯米飯等，其實樣樣都好好食，昨晚食完，今天仍然好回味呢！

今晚來到餐廳，見到大廚，原來就是經常在電視台教煮野嘅黃亞保師傅首先叫了一碟例牌燒鵝做前菜，份量也不少，皮脆肉嫩，可是鵝肉唔夠鵝味之後我們點了個6人套餐，包括七餸一湯，生炒糯米飯及這裡最有名的三十年陳皮紅豆沙另有6枝啤酒或汽水，全包免加一$2500有找，個餐8人也夠食，抵菜式味道也滿意，只是蒸頭腩大家也未能接受它的怪怪味道這𥚃的服務也不錯，只是可能要趕住兩小時交枱的關係，上菜速度趕了些

星期日中午與一班朋友找酒樓食點心是不容易的事，幸好致電雲來軒給我留坐位。當天叫了很多點心，而我特別推介 XO 醬籮白糕，碟上有蘿白兩食，一是煎得脆脆既糕，混起XO醬, 芽菜及蛋絲，非常可口美味，二是白灼蘿白條，味道清新帶有蘿白本身的甜味，一濃一淡，有創意又美味！另外，篜牛肉球也很好吃，因牛肉入面混有陳皮，香氣及味道皆出色。炸物是即叫即做，熱辣辣，鬆脆可口，尤其炸豆腐，超正！另外，也叫了柚子大蝦球，此乃必食推介，炸粉剛剛簿簿包著蝦球，蝦球又大又彈牙，加上柚子醬汁，絕配！另外，雲來軒的老火湯是十分美味，湯料十足，火喉剛剛好，也是必食推介！

雲來軒的食物，水準十分高，我惠顧此店已差不多兩年，次次去都回味無窮，原因樣樣菜式都精緻美味，尤其以陳皮製作的食物特別好食，包括陳皮香酥骨及三十年陳皮紅豆沙。另外，燒鵝也是必叫之選，原因燒鵝皮燒得特別脆，比起深圳燒鵝更好味。其他還有水芙蓉北海道帶子皇及濃醬脆皮安格斯牛仔腩，也是做得十分出色。員工服務又特別好，老闆兼主廚"保哥"，為人更是一流，謙厚友善。每次帶朋友去，人人都一定滿足，絕無失望。

今日約了朋友到雲來軒食飯！這是我第2次朿來這裡吃飯！蒸蛋好滑，捧捧骨伴咖哩，我吃了2件麵包，因配咖哩，絕配！炒飯味道不錯，朋友們後話好飽，也將蝶。飯KO，厲害，👍。話梅我覺得就一般，沒有驚喜！比較可惜，坐得好迫。幸不是限時晚歺。我們的朋友飯後都表示滿意！會再來！

第一次去呢間餐廳，之前睇到介紹就shortlisted 左，到尋晚諗去邊度食飯先 loop 到呢間餐廳。佢訂位分兩輪（六點同八點），咁我地四個人就食六點鐘。 我地點左金磚豆腐，酥炸牛腩，蒸蝦芺蓉蛋，炒菜同紅豆沙。餸菜有驚喜，下次會再去試埋其他唔同菜式!

小妹我久仰雲來軒大名 終於有機會到此品嚐這裡的中菜 今次點了金磚豆腐 陳皮香酥骨 慢煮黑松露帶子 黑蒜炒飯 川貝陳皮燉原隻雪梨😋首先講下 金磚豆腐 上枱的時候還是熱的 既外脆內嫰而且皮薄 好香炸的味道 豆腐好甜又香滑 推介陳皮香酥骨 有12粒 好好味啊 味道適中 肉質口感彈牙 配埋自製的醬汁無得輸啊👍🏽👍🏽擺設都不錯 用個小木枱裝著陳酥骨 非常別緻及有心思 真係色香味俱全😄😁慢煮黑松露帶子 製作需時但值得等待 帶子有6粒 每粒都是食到有流心的口感 好正 一食難忘😍😍配菜有🍄🍄同露筍 所有食物都有沾上黑松露 聞起好香 口感味道更最一流 黑松露的味道還停留在口中👍🏽👍🏽😁黑蒜炒飯 名字可能有點奇怪 但吃起上來好好味 飯粒乾爽 味道好棒 有黑蒜 青葱粒 火箭菜為伴菜 新穎又美味😊川貝冰糖陳皮燉原隻雪梨 須時15-20分鐘 整個甜品很滋潤很清甜 雪梨好大個啖啖肉 配上陳皮 整體都好夾 可以再encore!!!

今晚為了暫別好朋友，搵間就腳好味嘅中菜。另一目的是三十年陳皮紅荳沙。叫咗陳皮香酥骨，酥脆，帶些少話梅味，酥炸咖哩牛腩；牛腩好腍；金磚豆腐，酥脆不油；胡麻鮮淮山；什菜煲，用上大隻蝦干；黑松露炒飯，當然主角是三十年陳皮紅豆沙做完美句號啦。

依間中菜館既位置唔算係一個好容易找的位置，估唔到星期六中午可以唔駛等位就入到去~ 我地叫左日本花菇雞腳燉螺頭湯，蟹籽鮮蝦燒賣，金醬鳳爪，金銀流沙奶皇包，香芋黑豚肉脆春卷，荔枝柴燒鵝飯~燉湯係以茶壺形式上幾特別，飲落去好香&清甜，等一會先將湯倒去黎，味道更濃~ 燒賣無論賣相&味道都普普通通啦~ 鳳爪味道真係一般，唔夠入味，鳳爪比較瘦，而且d汁唔係太夠~ 金銀奶皇包原來係指炸左同唔炸既奶皇包，我只係食左唔炸既奶皇包，味道幾好，但體積比較細小，屋企人就話炸左奶皇包較好食~ 黑豚肉春卷食落口熱辣辣，好香豚肉味，而且好脆，好好味~ 燒鵝飯味道ok，但略嫌燒鵝唔夠滑~ 餐廳既服務唔錯，會有人不停幫你添茶~ 如果平日黎依度食午餐會比較便宜，因為$68個餐已經包左湯，點心，菜，飯/麵等，而且仲要免茶芥及加一~