雞駅花膠雞米線專門店

營業中

休息中

超愛滋補型米線🍜第一次喺駱駝漆搵食俾到驚喜！有花膠雞、胡椒豬肚雞、椰子雞、藥膳黃酒花膠雞...每款口味都好啱我心水，樣樣都好想試！性價比高👍🏻招牌花膠雞米線💰68雞肉真係好出色，好好好嫩滑！花膠係爽口質感，份量都算俾得多米線煮得剛好，淋硬度適中麻藥蛋·雞拌麵💰68雞髀同樣地好嫩滑！彈牙麵條拌上微辣醬汁+麻油，瞬間胃口大開多款醬汁醃製而成的麻藥蛋，味道香濃金磚豆腐💰42外層好脆又薄身，內裡豆腐極滑一啖食到兩款口感幾得意凍檸檬薏米水（跟餐）💰18甜度適中，好多薏米凍柚子蘇打（跟餐）💰12少甜剛好，解渴一流

今日中午去開觀塘攞野，諗住約朋友仔黎個快閃lunch, 佢係地頭蟲梗係叫佢諗食乜，佢知我鐘意食粉麵類，就叫我去呢間餐廳排住隊等佢。。。。嘩好彩我去攞位先，原來呢間食花膠雞湯咁受歡迎，2點後都仲full house 等位，好期待😍😍我同朋友每人叫咗一碗粉+ 1個小食：～1. 姬松茸竹笙花膠雞米線 💰$78雞湯夠濃味，米線夠滑，掛住雞湯啜入口，唔怕有味精感覺好養身好正👍🏻，我地加咗$10 轉雞脾🍗， 雞肉嫩滑，材料當然有主角花膠，竹笙，姬松茸，蟲草花，全部都好夾2. 胡椒豬肚雞上海麵 💰$65呢個必食推介，我朋友話佢黎親都會叫呢款，果然無介紹錯🤩本身跟米線$60,我地加咗$5轉上海麵，上海麵店內話每日新鮮製作，超大碗好似加底嘩好抵食，鐘意食白麵既朋友可以試下，胡椒味夠濃，少少辣辣地😋😋除咗有豬肚同雞，仲有雲耳，蟲草花，同樣足料3. 悍匪雞翼💰$42本身我好鐘意食雞翼，去到餐廳有既通常同必點🤭，一碟有4隻，岩岩好加小食既份量，胡椒孜然味，外皮脆脆，裡面嫩滑😋不過可以再重味少少就perfect👍🏻佢另外仲有4款唔同口味供選擇，下次再試埋輕食又養身之選，無論夏天同冬天都好適合😍

6:30左右，共3位，其中有1位等緊lift就到。門口冇人，我地坐咗入去，被趕返出黎，話要齊人先入得。我話朋友搭緊lift上黎，你話有客搭lift都搭咗40分鐘！咁唔緊要，我地出返去等。未食已經feel到唔友善，黑口黑面咁。食物質素唔講，冇特別。就黎食完，趕住收晒台上d野，見我地仲唔走，即刻去印張單拍落枱話多謝晒！令人唔舒服下次唔再黎！ 我明你做生意想搵錢，增加個翻枱率。你可以好聲好氣講話出面好多客等緊，麻煩你地埋咗張單先，唔該晒！我同朋友講下次唔好再黎，d態度咁差，你聽到跟埋出黎，問系咪個收銀令我地唔高興，本身我都唔想點醒你地，繼續甘做生意啦下！但你點都要追問，我唯有直接答，令我唔高興嗰個唔系收銀！ 系你呀！ 如果你真系介意我話「下次唔好再黎，d態度咁差」而跟出黎追問，證明你系care人地咁講。但你偏要做到趕客咁。 有時你咩都唔講，但客人都feel到你d態度差，想人快食快走咪阻住你搵錢咁！

呢間餐廳啲職員很有問題！我跟我的朋友一同三人，我朋友兩人先到，我5分鐘後到，朋友們想入去坐住等，但係遭遇拒絕，並且態度惡劣，說如果你地現在入去只能坐吧台，之後你朋友到左都唔可以轉🙄都明白做飲食甚艱難，但都唔洗咁既態度既！語氣好差！直到我地齊人可以入去啦，安排左四人枱，手機落單同時有個女仔安排左坐我地張枱，職員全無知會同沒有隔塊板，個人覺得比較尷尬……到我地食到7788既時候，其一職員定老闆娘，我唔肯定，直接隊張單俾我地，話咩埋單前面！ 擺明想趕我地走😠在此留言，希望餐廳有所改善，有再好吃的食物都不會再幫襯比錢仲要受錢，我唔係M底！

二訪呢間花膠雞米線專門店😍今次係咁啱要去駱駝漆大廈買嘢，順便係就道食個lunch先🌟招牌花膠雞米線✨招牌之一嘅米線，上次都係食呢款！湯底清甜，雞味濃郁花膠有成3-4片咁多😍雞都有成6件，認真好多料！雞件啖啖肉，肉質鮮甜嫩滑多汁😋🌟藥膳黃酒花膠雞米線✨同上面嗰款啲餸一樣，不過係湯底加咗藥膳黃酒藥膳味非常濃郁，滋補健康養生之選！👍🏻🌟金磚豆腐✨差唔多每台都有一碟金磚豆腐！外皮脆卜卜，入邊係嫩滑Q彈嘅豆腐😋😋鹹鹹地好好食呀！🌟燒豚肉配生菜惹味嘅燒豚肉，點埋韓國辣椒醬更加好食！價錢貼地之餘啲料又多又靚，觀塘區嘅打工仔真係有福啦！

➲ 觀塘 雞駅花膠雞米線專門店隱身駱駝漆工廈的米線界黑馬！主打真材實料雞湯，標榜無味精熬煮，開業兩年已擴至3間分店，午市排隊人龍不絕。人均$60+歎足料養生米線，CP值高到犯規～ ➳ 招牌花膠雞米線湯底用三黃雞每日生滾熬製，金黃雞油浮面卻不膩口，入口鮮甜帶膠質黏唇感，飲完喉嚨零乾渴感！雞件選用去骨雞髀肉，嫩滑到「骨肉分離」無難度，搭配3-4塊厚切花膠，口感爽滑無腥味，蟲草花+雲耳增添口感層次。 ➳ 姫松茸竹笙花膠雞米線升級版養生之選！湯底加入姬松茸、竹笙、紅棗、當歸等藥材，藥膳香氣溫潤不嗆喉，竹笙吸飽湯汁如海綿爆發鮮味，花膠量多到鋪滿碗面，雞肉依舊嫩滑無雪味。 ➳ 金磚豆腐豆腐界MVP！外層炸衣酥脆到咬下「咔嚓」作響，內裡豆腐嫩如豆花，入口即化且豆香濃郁。秘訣在於二次油炸鎖住水分，撒上椒鹽粉同蔥花提味。 ⤵ 觀塘開源道60號駱駝漆大廈第三座1樓I室

觀塘(駱駝漆)雞駅🐥📍觀塘開源道60號駱駝漆大廈第三座1樓1室* 1️⃣#沙薑雞濃湯米線 ($52.0): 湯底濃郁，雞肉嫩滑，米線爽口彈牙。沙薑味恰到好處，不會過於濃烈。😋* 2️⃣#胡椒花甲粉 ($77.0): 花甲份量十足，鮮味湯底勁惹味！奶白色雞湯果然名不虛傳👀配上米線，米線口感彈牙。我加了雞肉($15.0)，令整碗胡椒花甲粉更豐富。🐔* 3️⃣#香草雞翼 ($42.0): 雞翼烤得外脆內嫩，香草牛油味香濃，令人回味無窮。* 4️⃣#手拍青瓜 ($36.0): 青瓜爽脆清甜，酸辣醬汁開胃，解膩一流。🥒* 5️⃣熱檸檬茶($4.0) 酸酸甜甜，很適合配辣的食物。🍋雞駅的菜式質量高，餐廳環境舒適，裝潢現代化，座位寬敞舒適。👍服務態度親切有禮，上菜速度快。😊價錢合理，值得推薦。💯 #觀塘美食 #雞駅 #駱駝漆 #香港美食#地道美食 #香港餐廳

🐓藥膳黃酒花膠雞米線 $72一上枱聞落已經有好香嘅藥材味，識食藥膳一定試湯底先，味道剛剛好，滋補嘅感覺。花膠算大片，勝在煮到淋。🌶口水雞飯 $52幸運地無加$10下，都有雞脾部分，好滑。飯底淋咗麻油同甜豉油，好味道。側邊再有青瓜refresh下d調味，加分。🐤悍匪雞翼(胡椒孜然) $42南乳雞翼嚟，入晒味，熱辣辣上台，咬落出晒煙又juicy。🍟黑松露醬薯條 $32勁大兜，以為用生菜托住，點知絕無呃秤。香噴噴新鮮炸出嚟，再點埋個黑松露醬，正。值得一讚係，每枱有雞骨碟，難怪舖頭d客一頭枱接一枱都好乾淨👍

觀塘駱駝漆大廈有好多嘢食，相信大家都知！！其中一間肯定係雞駅花膠雞米線專門店，舖頭由11點幾開始去到下午茶時段都依然大排長龍，你就知佢咩料啦！除咗花膠雞米線之外，佢哋仲有好多唔同選擇㗎！例如係我哋今次揀嘅酸菜魚米線🐟 $68 同埋 椰子花甲粉🐚$58，係咪估唔到呢度竟然連酸菜魚同花甲粉都有呢？🙈🙈想食得豐富啲嘅話，仲可以加$15叫碟雞，佢哋嘅雞肉都真係幾滑幾好食㗎！😉😉至於小食方面，我就推介麻藥蛋🥚$28，蛋黃真係做到剔透嘅橙黃色，食落仲略帶芝麻嘅香味！飲品方面，除咗檸茶檸水（跟餐+$8）之外，我都幾推介大家試吓佢哋幾款特飲，尤其是嚟緊春夏天天氣潮濕，飲番杯凍檸檬薏米水🍋（跟餐+$18）就啱晒！

今晚尼到位於觀塘開源道駱駝漆大廈三座1樓的一間名叫“雞駅花膠雞米線專門店”晚餐。這間食店真是客似雲來，舖頭門外大排長龍，我們都要等了差不多半小時才能由侍應帶位入座，想必定是一間食物質數都唔錯的食店。 這裏雖然是一間地方不大的店舖，但光線充足，感覺整潔，坐得都頗為舒適。 米線、小食和飲品有多款選擇，米線可轉米粉和飯，加$5可轉上海麵，上海麵是每日鮮製的。 招牌花膠雞米線 $68，跟餐熱柚子蜜 +$10招牌花膠雞米線有花膠、切雞、木耳、蟲草花和葱花。花膠食落爽脆，切雞雖然是浸在熱辣辣的湯裏，但都不會感覺過熟，恰到好處，雞的肉質感覺新鮮滑溜，而且吸收了濃郁的花膠湯鮮甜味，令雞的香味更上一層樓。米線不會太淋或太硬，恰到好處，感覺彈牙。 貴妃雞濃湯米線 $52，轉雞髀 +$10，跟餐熱柚子蜜 +$10貴妃雞和湯米線是分開上的，這樣貴妃雞可以保存原來雞的味道，食落感覺新鮮，雖然雞骨內還有少許紅色，但雞肉不會太生或過熟，恰到好處，而且食落感覺非常滑溜。湯米線混入了腐皮和木耳絲，米線煮得不硬也不淋，恰到好處，感覺彈牙。湯底清甜可口。 蜜糖雞翼 $42雞翼皮脆肉嫩，雞翼的外皮掛滿了甜甜的蜜糖和少許白芝麻

好耐無去過駱駝漆了，見到有未食過嘅藥饍雞（無雞不歡😆），呢間睇相好似幾開心，而且仲可以轉上海麵（本人唔太like米線）。藥饍雞一黎就有好大陣川弓白芷味，有好幾件大雞，湯色算ok，仲有幾條蟲草花點聚。湯飲落又唔大藥材味，飲多啲都唔怕鹹。係上海麵有點過火，比較淋，佢話係自家製，其實又唔係好食得出有咩分別。花膠好似有4, 5舊，唔係好大舊，似係一般桶膠仔，呢個價錢有咁多舊俾你都唔錯，比其他單單買個花膠雞湯仲多花膠。最好係啲雞，真係好滑，雞胸都好滑，而且好有雞味。雖然雞好出色，仲有咁多花膠，呢個價錢都幾正，可惜湯同麵差少少，如果湯再濃啲，麵唔好咁淋就更好（或者下次才都係食返米線🙈）。

第一次在駱駝漆覓食，原本想吃「二撇雞」，但原來四點已收工，於是轉戰雞駅。風聞此處menu與「癡膠雞」幾乎一樣，今日天寒地凍，即管試試。攝氏11度的黃昏六點，幾乎坐無虛席。打開手機menu，發覺真的和癡膠雞很像，除了一般的花膠雞，連我平日常吃的姬松茸竹笙花膠雞和金磚豆腐也一樣有。一試之下，食味是相似的，唯姬松茸略遜一籌，不入味；但幼身米線的煙韌，則略勝「癡」的軟爛一籌。但奇怪的是，最近吃癡膠雞，上來的是雞髀，我以為我好運。但今次也一樣，明明沒指明要髀，但是也給髀。難道是姬松茸口味指定？餐牌上沒有說明，我以前吃黐膠雞的時候也不是，有沒有人可以告訴我？

宜間餐廳好受歡迎 長期有人排隊 所以mark左好耐 。終於可以係非繁忙時段黎試下。官塘有3間 分店 今次去駱駝漆分店試下先 果然好好食 價錢仲要幾平 🐣藥膳黃酒花膠雞米線 $68湯底勁香濃又滑 淡淡藥膳同酒香 又吾會搶哂整個雞湯底嘅味 配合得剛剛好。雞肉份量多 出奇地非常嫩滑又多肉 浸入湯底 juicy又入味 超推 花膠都足料 太約3-4塊 有厚度 👍🏻 米線軟硬適中 帶有少少彈牙 🐣招牌花膠雞米線 $68 （轉雞髀+$10）湯式望落同藥膳一樣 但一入口發現完全吾同味 。小左藥膳味 反而更食到本身三黃雞熬製嘅 濃郁鮮香雞湯。 搭配香滑花膠 爽口嘅雲耳 又係另一番風味 一樣咁好食🐥泰泰雞翼 （甜辣） $42雞翼新鮮即炸 勁脆口又夠大隻再加上酸酸辣辣嘅泰式醬 開胃又香口

喺工業大廈好多人排隊嘅花膠雞米線😱叫左招牌雞米線同椰子雞米線，一定要加錢轉雞髀，因為雞髀真係好滑😍😍😍 個湯底都正食過之後真係覺得好 impress！湯底十分之濃郁👍 叫咗個麻藥蛋小食，從來都未食過咁特別嘅糖心蛋，充滿麻油香味~加咗錢將米線改做每日鮮制嘅上海麵🤩 口感幾彈牙，好唔錯✨以下是圖中菜式及參考價錢💵・　招牌雞米線 ($78)・　椰子雞米線 ($75)・　麻藥蛋 ($28)・　轉雞髀 (+$10)・　轉上海麵 (+$5)

見到食評咁多哈哈笑，所以就求其揀咗呢間食。入到用QR code落單，但係開唔到佢個落單網站，待應侍應要求我用佢提供的wifi和密碼登入，表現網絡問題所以開唔到，但係奇怪在我開其他網站又冇問題喎😅做乜一定要人登入wifi唔肯人手落單？花膠同雞正常冇特別，無甚麼特別，湯底懷疑加咗味精，食完好口渴要不斷咁飲水先得。湯有碎骨。埋單限制多，唔可以俾信用卡，俾現金又嫌硬幣唔靚拒收，收銀員疑似老闆娘大大聲話唔收，令人尷尬，其他客人望住，使到群眾壓力下冇堅持落去要佢收下，食完一肚氣。