雞駅花膠雞米線專門店

營業中

休息中

呢間餐廳啲職員很有問題！我跟我的朋友一同三人，我朋友兩人先到，我5分鐘後到，朋友們想入去坐住等，但係遭遇拒絕，並且態度惡劣，說如果你地現在入去只能坐吧台，之後你朋友到左都唔可以轉🙄都明白做飲食甚艱難，但都唔洗咁既態度既！語氣好差！直到我地齊人可以入去啦，安排左四人枱，手機落單同時有個女仔安排左坐我地張枱，職員全無知會同沒有隔塊板，個人覺得比較尷尬……到我地食到7788既時候，其一職員定老闆娘，我唔肯定，直接隊張單俾我地，話咩埋單前面！ 擺明想趕我地走😠在此留言，希望餐廳有所改善，有再好吃的食物都不會再幫襯比錢仲要受錢，我唔係M底！

二訪呢間花膠雞米線專門店😍今次係咁啱要去駱駝漆大廈買嘢，順便係就道食個lunch先🌟招牌花膠雞米線✨招牌之一嘅米線，上次都係食呢款！湯底清甜，雞味濃郁花膠有成3-4片咁多😍雞都有成6件，認真好多料！雞件啖啖肉，肉質鮮甜嫩滑多汁😋🌟藥膳黃酒花膠雞米線✨同上面嗰款啲餸一樣，不過係湯底加咗藥膳黃酒藥膳味非常濃郁，滋補健康養生之選！👍🏻🌟金磚豆腐✨差唔多每台都有一碟金磚豆腐！外皮脆卜卜，入邊係嫩滑Q彈嘅豆腐😋😋鹹鹹地好好食呀！🌟燒豚肉配生菜惹味嘅燒豚肉，點埋韓國辣椒醬更加好食！價錢貼地之餘啲料又多又靚，觀塘區嘅打工仔真係有福啦！

➲ 觀塘 雞駅花膠雞米線專門店隱身駱駝漆工廈的米線界黑馬！主打真材實料雞湯，標榜無味精熬煮，開業兩年已擴至3間分店，午市排隊人龍不絕。人均$60+歎足料養生米線，CP值高到犯規～ ➳ 招牌花膠雞米線湯底用三黃雞每日生滾熬製，金黃雞油浮面卻不膩口，入口鮮甜帶膠質黏唇感，飲完喉嚨零乾渴感！雞件選用去骨雞髀肉，嫩滑到「骨肉分離」無難度，搭配3-4塊厚切花膠，口感爽滑無腥味，蟲草花+雲耳增添口感層次。 ➳ 姫松茸竹笙花膠雞米線升級版養生之選！湯底加入姬松茸、竹笙、紅棗、當歸等藥材，藥膳香氣溫潤不嗆喉，竹笙吸飽湯汁如海綿爆發鮮味，花膠量多到鋪滿碗面，雞肉依舊嫩滑無雪味。 ➳ 金磚豆腐豆腐界MVP！外層炸衣酥脆到咬下「咔嚓」作響，內裡豆腐嫩如豆花，入口即化且豆香濃郁。秘訣在於二次油炸鎖住水分，撒上椒鹽粉同蔥花提味。 ⤵ 觀塘開源道60號駱駝漆大廈第三座1樓I室

觀塘(駱駝漆)雞駅🐥📍觀塘開源道60號駱駝漆大廈第三座1樓1室* 1️⃣#沙薑雞濃湯米線 ($52.0): 湯底濃郁，雞肉嫩滑，米線爽口彈牙。沙薑味恰到好處，不會過於濃烈。😋* 2️⃣#胡椒花甲粉 ($77.0): 花甲份量十足，鮮味湯底勁惹味！奶白色雞湯果然名不虛傳👀配上米線，米線口感彈牙。我加了雞肉($15.0)，令整碗胡椒花甲粉更豐富。🐔* 3️⃣#香草雞翼 ($42.0): 雞翼烤得外脆內嫩，香草牛油味香濃，令人回味無窮。* 4️⃣#手拍青瓜 ($36.0): 青瓜爽脆清甜，酸辣醬汁開胃，解膩一流。🥒* 5️⃣熱檸檬茶($4.0) 酸酸甜甜，很適合配辣的食物。🍋雞駅的菜式質量高，餐廳環境舒適，裝潢現代化，座位寬敞舒適。👍服務態度親切有禮，上菜速度快。😊價錢合理，值得推薦。💯 #觀塘美食 #雞駅 #駱駝漆 #香港美食#地道美食 #香港餐廳

🐓藥膳黃酒花膠雞米線 $72一上枱聞落已經有好香嘅藥材味，識食藥膳一定試湯底先，味道剛剛好，滋補嘅感覺。花膠算大片，勝在煮到淋。🌶口水雞飯 $52幸運地無加$10下，都有雞脾部分，好滑。飯底淋咗麻油同甜豉油，好味道。側邊再有青瓜refresh下d調味，加分。🐤悍匪雞翼(胡椒孜然) $42南乳雞翼嚟，入晒味，熱辣辣上台，咬落出晒煙又juicy。🍟黑松露醬薯條 $32勁大兜，以為用生菜托住，點知絕無呃秤。香噴噴新鮮炸出嚟，再點埋個黑松露醬，正。值得一讚係，每枱有雞骨碟，難怪舖頭d客一頭枱接一枱都好乾淨👍

觀塘駱駝漆大廈有好多嘢食，相信大家都知！！其中一間肯定係雞駅花膠雞米線專門店，舖頭由11點幾開始去到下午茶時段都依然大排長龍，你就知佢咩料啦！除咗花膠雞米線之外，佢哋仲有好多唔同選擇㗎！例如係我哋今次揀嘅酸菜魚米線🐟 $68 同埋 椰子花甲粉🐚$58，係咪估唔到呢度竟然連酸菜魚同花甲粉都有呢？🙈🙈想食得豐富啲嘅話，仲可以加$15叫碟雞，佢哋嘅雞肉都真係幾滑幾好食㗎！😉😉至於小食方面，我就推介麻藥蛋🥚$28，蛋黃真係做到剔透嘅橙黃色，食落仲略帶芝麻嘅香味！飲品方面，除咗檸茶檸水（跟餐+$8）之外，我都幾推介大家試吓佢哋幾款特飲，尤其是嚟緊春夏天天氣潮濕，飲番杯凍檸檬薏米水🍋（跟餐+$18）就啱晒！

今晚尼到位於觀塘開源道駱駝漆大廈三座1樓的一間名叫“雞駅花膠雞米線專門店”晚餐。這間食店真是客似雲來，舖頭門外大排長龍，我們都要等了差不多半小時才能由侍應帶位入座，想必定是一間食物質數都唔錯的食店。 這裏雖然是一間地方不大的店舖，但光線充足，感覺整潔，坐得都頗為舒適。 米線、小食和飲品有多款選擇，米線可轉米粉和飯，加$5可轉上海麵，上海麵是每日鮮製的。 招牌花膠雞米線 $68，跟餐熱柚子蜜 +$10招牌花膠雞米線有花膠、切雞、木耳、蟲草花和葱花。花膠食落爽脆，切雞雖然是浸在熱辣辣的湯裏，但都不會感覺過熟，恰到好處，雞的肉質感覺新鮮滑溜，而且吸收了濃郁的花膠湯鮮甜味，令雞的香味更上一層樓。米線不會太淋或太硬，恰到好處，感覺彈牙。 貴妃雞濃湯米線 $52，轉雞髀 +$10，跟餐熱柚子蜜 +$10貴妃雞和湯米線是分開上的，這樣貴妃雞可以保存原來雞的味道，食落感覺新鮮，雖然雞骨內還有少許紅色，但雞肉不會太生或過熟，恰到好處，而且食落感覺非常滑溜。湯米線混入了腐皮和木耳絲，米線煮得不硬也不淋，恰到好處，感覺彈牙。湯底清甜可口。 蜜糖雞翼 $42雞翼皮脆肉嫩，雞翼的外皮掛滿了甜甜的蜜糖和少許白芝麻

好耐無去過駱駝漆了，見到有未食過嘅藥饍雞（無雞不歡😆），呢間睇相好似幾開心，而且仲可以轉上海麵（本人唔太like米線）。藥饍雞一黎就有好大陣川弓白芷味，有好幾件大雞，湯色算ok，仲有幾條蟲草花點聚。湯飲落又唔大藥材味，飲多啲都唔怕鹹。係上海麵有點過火，比較淋，佢話係自家製，其實又唔係好食得出有咩分別。花膠好似有4, 5舊，唔係好大舊，似係一般桶膠仔，呢個價錢有咁多舊俾你都唔錯，比其他單單買個花膠雞湯仲多花膠。最好係啲雞，真係好滑，雞胸都好滑，而且好有雞味。雖然雞好出色，仲有咁多花膠，呢個價錢都幾正，可惜湯同麵差少少，如果湯再濃啲，麵唔好咁淋就更好（或者下次才都係食返米線🙈）。

第一次在駱駝漆覓食，原本想吃「二撇雞」，但原來四點已收工，於是轉戰雞駅。風聞此處menu與「癡膠雞」幾乎一樣，今日天寒地凍，即管試試。攝氏11度的黃昏六點，幾乎坐無虛席。打開手機menu，發覺真的和癡膠雞很像，除了一般的花膠雞，連我平日常吃的姬松茸竹笙花膠雞和金磚豆腐也一樣有。一試之下，食味是相似的，唯姬松茸略遜一籌，不入味；但幼身米線的煙韌，則略勝「癡」的軟爛一籌。但奇怪的是，最近吃癡膠雞，上來的是雞髀，我以為我好運。但今次也一樣，明明沒指明要髀，但是也給髀。難道是姬松茸口味指定？餐牌上沒有說明，我以前吃黐膠雞的時候也不是，有沒有人可以告訴我？

宜間餐廳好受歡迎 長期有人排隊 所以mark左好耐 。終於可以係非繁忙時段黎試下。官塘有3間 分店 今次去駱駝漆分店試下先 果然好好食 價錢仲要幾平 🐣藥膳黃酒花膠雞米線 $68湯底勁香濃又滑 淡淡藥膳同酒香 又吾會搶哂整個雞湯底嘅味 配合得剛剛好。雞肉份量多 出奇地非常嫩滑又多肉 浸入湯底 juicy又入味 超推 花膠都足料 太約3-4塊 有厚度 👍🏻 米線軟硬適中 帶有少少彈牙 🐣招牌花膠雞米線 $68 （轉雞髀+$10）湯式望落同藥膳一樣 但一入口發現完全吾同味 。小左藥膳味 反而更食到本身三黃雞熬製嘅 濃郁鮮香雞湯。 搭配香滑花膠 爽口嘅雲耳 又係另一番風味 一樣咁好食🐥泰泰雞翼 （甜辣） $42雞翼新鮮即炸 勁脆口又夠大隻再加上酸酸辣辣嘅泰式醬 開胃又香口

喺工業大廈好多人排隊嘅花膠雞米線😱叫左招牌雞米線同椰子雞米線，一定要加錢轉雞髀，因為雞髀真係好滑😍😍😍 個湯底都正食過之後真係覺得好 impress！湯底十分之濃郁👍 叫咗個麻藥蛋小食，從來都未食過咁特別嘅糖心蛋，充滿麻油香味~加咗錢將米線改做每日鮮制嘅上海麵🤩 口感幾彈牙，好唔錯✨以下是圖中菜式及參考價錢💵・　招牌雞米線 ($78)・　椰子雞米線 ($75)・　麻藥蛋 ($28)・　轉雞髀 (+$10)・　轉上海麵 (+$5)

見到食評咁多哈哈笑，所以就求其揀咗呢間食。入到用QR code落單，但係開唔到佢個落單網站，待應侍應要求我用佢提供的wifi和密碼登入，表現網絡問題所以開唔到，但係奇怪在我開其他網站又冇問題喎😅做乜一定要人登入wifi唔肯人手落單？花膠同雞正常冇特別，無甚麼特別，湯底懷疑加咗味精，食完好口渴要不斷咁飲水先得。湯有碎骨。埋單限制多，唔可以俾信用卡，俾現金又嫌硬幣唔靚拒收，收銀員疑似老闆娘大大聲話唔收，令人尷尬，其他客人望住，使到群眾壓力下冇堅持落去要佢收下，食完一肚氣。

呢間人氣花膠雞米線係觀塘有成三間分店, 果日去食既時候全場爆滿仲要排隊, 招牌花膠雞米都係$68, 咁抵食難怪咁受歡迎. 🍽️ 招牌花膠雞米線 $68雞肉份量好多, 而且雞肉嫩滑, 雞皮又夠爽彈, 我加$10轉做雞髀, 啖啖肉仲更加正, 花膠口感柔軟, 唔會太薄身. 至於湯底亦十分醇厚, 食完都唔會覺得頸渴, 🍽️ 藥膳黃酒花膠雞米線 $68一上枱已經聞到香濃藥膳味, 入口仲有小小酒香, 藥膳味同雞湯既味道配合得好平衡, 令湯底既香氣更多提升. 米線則仍然保持韌性, 唔會浸到淋哂. 🍽️ 泰泰雞翼 $42炸得幾香脆, 上面加咗泰式甜辣醬, 令雞翼更惹味!

雞駅花膠雞米線專門店觀塘開源道60號駱駝漆大廈3座1樓I室味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐⭐食物推介：麻藥雞拌麵 $68，燒豚肉飯$50，日本芝士年糕 $38，蟹肉忌廉薯餅 $38麻藥雞拌麵：，將嫩滑的雞肉與彈牙的麵條結合，帶來絕佳的口感。雞肉經過醃製後，吸收了醬料的滋味，令其更加鮮美可口。拌麵的麵條口感彈牙，能夠充分吸附醬汁。搭配熱咖啡只需加$4，十分抵！😄😄😄燒豚肉飯：新鮮的豚肉，經過精心的醃製和烤製，外皮金黃酥脆，肉質鮮嫩多汁，搭配白飯後更能讓人好好享受。客人可以選擇多飯，讓喜愛米飯的食客滿足。燒豚肉的香氣與飯的柔軟相互融合，形成了絕妙的口感體驗！👍👍👍日本芝士年糕：用糯米製作的年糕，經過蒸煮後，外皮柔軟，內部則包裹著融化的芝士，令人垂涎欲滴，每一口都能感受到芝士的濃郁與年糕的彈性！😍😍😍蟹肉忌廉薯餅：新鮮的蟹肉和香濃的忌廉結合，製作出外脆內嫩的薯餅。薯餅外層裹上一層麵包屑，炸至金黃酥脆。每一口都能感受到蟹肉的鮮甜與馬鈴薯的綿密！😋😋😋

見呢度咁多好評就膽粗粗約埋朋友一齊試吓大約六點左右舖頭入面人影都冇過出於禮貌問老闆娘我早咗到可唔可以提前入座佢答我唔得（可能入錯咗好多見唔到嘅客人）等嘅過程已經一肚氣 不過諗住既然book咗位都無謂要人嘥咗張枱，就姑且試吓 畢竟啲好評都寫到好好食咁點知個椰子雞米線啲湯淡到好似溝水咁 份量又細嗌嘅蟲草雞，連蟲草都唔多充分懷疑啲好評嘅真實性，講真你服務正常水準參差我都唔會負評！食物又差服務仲差，我都忍唔住要開個Account嚟提醒一下咁多位