雞駅花膠雞米線專門店

營業中

休息中

好耐無去過駱駝漆了，見到有未食過嘅藥饍雞（無雞不歡😆），呢間睇相好似幾開心，而且仲可以轉上海麵（本人唔太like米線）。藥饍雞一黎就有好大陣川弓白芷味，有好幾件大雞，湯色算ok，仲有幾條蟲草花點聚。湯飲落又唔大藥材味，飲多啲都唔怕鹹。係上海麵有點過火，比較淋，佢話係自家製，其實又唔係好食得出有咩分別。花膠好似有4, 5舊，唔係好大舊，似係一般桶膠仔，呢個價錢有咁多舊俾你都唔錯，比其他單單買個花膠雞湯仲多花膠。最好係啲雞，真係好滑，雞胸都好滑，而且好有雞味。雖然雞好出色，仲有咁多花膠，呢個價錢都幾正，可惜湯同麵差少少，如果湯再濃啲，麵唔好咁淋就更好（或者下次才都係食返米線🙈）。