雞駅花膠雞米線專門店

營業中

休息中

招牌花膠滑雞濃湯米線招牌花膠雞米線 ($68)湯底用咗好足料嘅三黃雞熬煮，花膠同雞肉嘅鮮味，湯底濃郁又清甜無味精。另外，雞肉十分鮮嫩，唔係雪藏雞，加$10仲可以轉雞髀，雞髀肉質更鮮嫩豐滿！仲有4,5塊花膠、爽口木耳、甘香蟲草花，$60幾蚊真係性價比十足！最尾仲成碗湯飲曬！🌟 評分: 8.5/10酸菜魚米線 ($68)魚片鮮嫩，酸菜帶少少微辣，湯底酸酸甜甜非常開胃，好啱鍾意酸嘅朋友。米線軟硬適中，有少少彈牙，吸收了湯汁的味道，口感一流！🌟 評分: 8.5/10金磚豆腐 ($42)金磚豆腐外脆內嫩，外皮好金黃酥脆，豆腐十分軟滑，口感相當豐富，仲有椒鹽嘅香味，真係好值得一試！新鮮出爐熱辣辣，差唔多枱枱都叫呢款小食，十分推薦！🌟 評分: 9/10凍柚子蜜 ($12)清新解膩，柚子的香氣十足，甜度適中。🌟 評分: 7.5/10🎖️整體評分🎖️ ❤️ 味道: 8.5/10🧡 環境: 8/10💛 服務: 8/10💙 性價比: 9/10 📍雞駅花膠雞米線專門店 (觀塘)觀塘開源道60號駱駝漆大廈第三座1樓I室

餐廳：雞駅花膠雞米線專門店 (觀塘)地址：觀塘開源道60號駱駝漆大廈第三座1樓I室相信喺觀塘住或者返工嘅人，都唔會未聽過雞駅花膠雞米線專門店🍜，原來唔經唔覺佢哋已經開咗兩年，仲喺啱啱1月開咗第3間分店，事關駱駝漆大廈嘅分店長期爆滿，就算有埋東廣場同埋駿業里分店都依然繼續有好多客人，認真誇張🤪究竟喺咩因素令到咁多人走去幫襯呢間米線專門店呢？望望餐牌見到有接近20款米線(可以轉做米粉、上海麵或者飯)，主食價錢多數四十幾至六十幾蚊為主，而湯底就專心做好濃雞湯、蕃茄湯、胡椒湯同麻辣湯🌶️，亦有水煮湯同埋拌麵比你揀，另外有10幾款小食同飲品，有部分仲喺自家製👏，例如今次飲嘅凍檸檬薏米水咁(+$18)✝️招牌花膠雞上海麵 $73話明喺招牌冇理由唔試，湯底用咗足料三黃雞熬製，雞湯濃郁鮮香無味精，三黃雞嫩滑無雪藏味🐔，另外有好幾塊爽滑花膠，加埋蟲草花、木耳等配料，配埋每日鮮製嘅彈牙上海麵，夠晒豐富又飽肚👍✝️胡椒花甲粉 $58雞駅嘅花甲粉務求做到碗碗都咁鮮甜，每日都喺新鮮製唔會留過夜，花甲嘅鮮味加埋純厚嘅胡椒辣香，成為咗成碗粉嘅靈魂😍，我好鍾意呢個湯底，忍唔住連埋米線一齊喺咁飲。除咗接近十隻鮮甜飽滿又唔腥嘅

去官塘駱駝漆大廈睇野。經過呢間米線店。真系排哂長龍，望下個menu，原來好抵食。一於跟隊排。🐓 招牌花膠雞米線一大碗有好多花膠、雞件，雞湯底夠濃郁鮮甜，雞夠滑嫩，配料有蟲草花、木耳等⋯米線份量夠又滑。好足料好味。金磚豆腐 豆腐外脆內嫩，帶有小小椒鹽味，一口一件，唔覺意就食哂🐔 藥膳黃酒花膠雞米粉 香濃藥膳香帶有淡淡黃酒味，花膠夠大舊，煮到好腍，三黃雞肉夠滑，索曬啲湯汁好入味。個米粉吸曬啲精華，啖啖都系藥膳同酒香，好足料，抵食。**總結：性價比夠高。

响網上睇到有人介紹响觀塘非常出色嘅米線專門店，就趁有空閒時去試吓。店面唔算好大，我四點幾過去就唔使等位。第一次嚟當然點佢個招牌花膠雞米線，加多10蚊雞轉雞髀。一如既往，麵嚟到第一時間就試個湯得唔得。呢個雞湯可以話有驚喜，雞味濃郁，而且清甜，比起拉麵果種雞白湯更濃郁，絕對係我想要嘅味道。加上花膠，感覺好滋補養生。雞脾好嫩滑，冇雪味，食落好新鮮，如果無骨嘅話就更加perfect🤣。米線有口感同彈性，同出面食嘅有啲唔同，麵身比較幼，我幾鍾意呢種口感。呢個米線暫時食過咁多間嘅No. 1，下次要試吓佢其他款式嘅米線同小食，尤其佢有個花膠雞煲翅配飯，相信都會有驚喜。

米線關注組都好多人推介，但我成日都見到要排隊, 加上駱駝漆大廈🫕藥膳黃酒花膠雞米粉 $72  🫕一上枱就聞到濃濃藥膳黃酒香✨ 湯底用黃酒同藥材一齊熬煮，飲落順喉又暖胃💯 花膠咬落爽滑彈牙，雞肉嫩滑得黎仲吸晒湯汁精華，可以叫米粉或米線，其實米粉掛湯更加好~ 食完成個人~ 㷫烚烚! 好爽🥰  🫕胡椒豬肚雞米線 $68  🫕豬肚處理得超乾淨，完全冇異味👍 胡椒湯底辛香夠喉，飲完成個胃即刻舒服晒~ 雞肉份量足，仲有埋爽脆雲耳同蟲草花，口感豐富到爆🎉  🫕燒豬頸肉 $58  🫕即外層微焦脆口🔥，內裡juicy到爆汁！燒烤醬甜甜地，配埋爽彈肉質，食到停唔到口~所以結論是... 排隊都值得再食... 個黃色的雞金湯... 令人回味~ 

【美食篇】｡ 𝕂𝕨𝕦𝕟 𝕋𝕠𝕟𝕘✨嚟觀塘梗係要食人氣花膠雞米線🍜🤤藥膳黃酒花膠雞米線🍜藥膳味好濃郁,有紅棗,杞子亦有浸浸酒嘅香味飲啖藥膳湯成個身都暖笠笠☺️花膠同雞份量好足,大大件又軟腍腍一啲都唔韌#想補身一定要食藥膳花膠雞😊椰子🥥雞米線🍜椰子味都好濃郁,湯底好清甜一點都唔油膩梛子🥥片好爽,雞滑捋捋大大件好好食#喜歡梛子🥥雞的必定要來試🤤米線🍜真係好好食🤤滑捋捋又彈牙😋#米線控必食#排長龍也是常識吧😁

米線不過不失，我叫咗豬肚雞，感覺湯底雞味唔濃。有冇搞錯呀？🤬🤬🤬🤬平日晚上過來食，四個人人均都差唔多七八十，米線嚟講都唔平架。食得20分鐘你哋侍應叫我哋畀錢叫咗兩次，大佬真係幾十年來第一次遇到咁急嘅餐廳😨😨😨😨😨唔理解喎已經開喺工廈租金已經平啲啦，仲要平日晚上喎。開頭已經好急喇門口排隊唔可以攞飛，然後仲要數定二維碼落餐。睇返張收據二維碼落餐去到埋單全程25分鐘，我喺門口再額外排多五分鐘先坐到入去有枱，即係真係又坐低去到你哋係噉叫我畀錢埋單走人真係20分鐘🥵🥵🥵🥵

昨天颱風「韋帕」襲港，今天香港持續下雨，在濕漉漉的天氣下就會想吃暖身的湯水食物。今天晚上需要上課，所以在附近工廠大廈找到一間評價高的米線。因為我大約5:30去到，所以沒人在排隊，很快可以安排入店用餐。招牌花膠雞米線 （$68）第一啖當然是先嘗米線的湯底，湯底濃郁，就算飲好多都不口渴（不像是味精湯）。米線又滑又彈牙，雞剛巧是雞髀部分又嫩又香。有很多花膠，每塊花膠都不細，花膠很吸湯，但個人喜歡很冧的花膠，如果花膠再冧些會更好。

雞駅位於觀塘駱駝漆樓上舖，人氣長龍米線店，今日同朋友來嚐新。肥牛胡椒湯米線：湯底呈奶白黃色胡椒清湯，不太辣，還有腐竹、雲耳為湯㡳料，肥牛味濃郁，米線彈牙順滑，感覺很健康清淡又補身。手拍青瓜：青瓜爽脆，搭配芝麻油，辣醬汁，充滿芝麻油香味，開胃前菜。泰泰雞翼：新鮮炸雞翼，外皮香脆，肉質嫩滑，搭配泰式甜辣醬，非常滋味。金磚豆腐：外皮金黃酥脆，內裏豆腐保持軟嫩滑溜，撒上椒鹽粉，香口惹味，一口一粒停不了！熱柚子蜜/熱檸檬水：甜蜜蜜柚子水，飲落好舒服。朋友飲健康熱檸檬水幫助消化。雞駅花膠雞米線專門店 (觀塘)觀塘開源道60號駱駝漆大廈第三座1樓I室#雞駅花膠雞米線專門店 #觀塘駱駝漆

招牌花膠米線 ($78)椰子花甲粉 ($58)蒜蓉牛油醬薯條 ($32)麻藥蛋 ($28)餐廳真係好多人嚟排隊，所以第一樣建議大家要早少少嚟避免最多人嘅時間就會好啲👍🏻👍🏻咁當然就要講下招牌花膠米線啦，湯底有好濃嘅雞味而且好香🤩唔會話好似味精個種，食完個米線真係成碗飲哂都得😆😆而花膠雞方面就特別加錢轉做雞髀，食落口好滑，件數都幾多👍🏻而花膠就好爽滑，一啖湯一啖花膠就係正🤤另外就發現小食真係一個小驚喜😍蒜蓉牛油醬薯條真係超級出色！！薯條就係大家食得多個隻幼薯，但係個蒜蓉牛油醬🧈就係佢嘅獨特之處，牛油味好重再加上少少蒜蓉之後味道甜甜地，係好少何會試到嘅味道，真係值得一試😚😚評分：9/10

週末又來到藏著不少美食寶藏的工廈覓食，挑了一家花膠雞米線專門店小店主打養生雞湯，堅持零味精，湯底每日新鮮熬製環境簡約舒適，木質桌椅搭配暖黃燈光，營造溫馨氛圍牆上有各種湯底和配料的圖片，很有港式小店的親切感花膠雞煲翅配粉絲湯底濃郁，花膠厚實Q彈，雞肉嫩滑，粉絲吸滿湯汁，入口順滑，味道鮮甜不膩沙薑雞濃湯米線則是另一番風味，湯底麻辣中帶沙薑的辛香，雞髀肉質軟嫩，米線爽口彈牙，辣度適中，令人回味飲品凍檸檬茶清新微甜，檸檬香濃，解膩一流

喺鬧市一角，駱駝漆大廈樓上有間養生花膠米線小店一上到去，冇咩花巧裝潢，但最吸引梗係呢度嘅「養生花膠雞米線」，湯底濃厚得嚟清潤，雞湯溝埋花膠，飲落真係感覺身體即刻升呢。米線夠煙韌，花膠有啲口感，滋補得嚟又唔失口感。想再進階啲，一定要食「藥膳黃酒花膠雞」！香氣一上枱就聞到，藥膳唔會太壓場，黃酒味反而溫柔咁滲入每一啖湯，雞件嫩滑得黎啖啖充滿膠質，真係好正🍟呢度嘅小食款式都多，仲有即炸薯條，仲係我鍾意嘅幼薯條❤️樓上鋪雖然唔就腳，但正所謂「好嘢要揾」，呢間就係值得你行上樓梯，食到好嘢會特別滿足

上網搵到呢間米線，見到好多人推介，去到都好多人排隊，抱好大期望入去，但花膠米線一般般，湯底唔算好濃，雞幾嫩，米線份量偏大碗。個人覺得最好食係藥膳黃酒花膠米線，酒味濃！

今日去左之前去開間雞駅既另一間分店同老公去食，因為咁岩係駱駝漆呢邊有野做，所以搵到呢度我中意食果間餐廳。我叫左個胡椒豬肚雞湯配淮山麵加凍檸茶🩷🩷🩷🩷🩷我好中意食淮山麵無諗過竟然呢度都有得食，好索湯汁之餘，雞味依然保持到水準，好滑又夠淋。同埋又食得到胡椒既辣辣地味道。另外叫左個沙薑雞飯配可樂🩷🩷🩷🩷🩷個沙薑味好濃，加埋個雞肉一齊食，好惹味同埋分量又多，夠飽肚。我仲叫左我最鍾意食既黑松露薯條同埋甜辣雞翼🩷🩷🩷🩷🩷個雞翼都好入味，食得出有用醃料醃過。

又到lunch時間， 出動覓食，哩間花膠米線餐廳其實之前係佢東廣場分店已經食過一次， 都覺得唔錯， 所以今日又黎啦餐廳內部不大， 大概可容納廿零30個客，佢都算幾勁， 我大概14：40到，都仲有3,4台客已經食緊， 平時哩d時間其他餐廳都冇咩人。今次叫左個沙薑雞擔擔麵+ 椒鹽粟米 +杯凍檸茶， 埋單 $98個擔擔麵幾好食， 一食入口幾香花生味， 不過個沙薑雞味道就普通D...唔多岩我口味， 下次有機會要揀其他。椒鹽粟米就普通d， 唔夠香， 下次可能揀金磚豆腐 （見網上評價唔錯）不過整體上哩間餐廳都唔錯， 會再食。