雞駅花膠雞米線專門店

營業中

休息中

服務態度不是很理想，一開始將個袋放喺隔籬個位度，員工就叫我"拎開啦，轉頭有人坐架"，唔該/唔好意思都冇聲，態度差到極點，食咁多間餐廳第一次有人咁同講野，仲要個時個場唔多人。食到最尾幾啖，企喺側邊望你兩眼。好似趕住收你走你個碗咁，感覺令人唔舒服。嗌咗一碗招牌花膠雞湯米線，並冇加$10去轉雞髀。花膠同雞嘅份量都正常，花膠都有三嚿，雞未算去到好滑，但都可以接受。米線係偏幼同煙靭個種。花膠雞湯底沒有評論寫得那麼好食感覺好似俾啲好評呃咗入嚟食咁，很普通。試過一次就夠，諗唔到下次再嚟食嘅原因。希望大家睇路，睇吓願唔願意比d 好評中伏啦。

剛剛入坐都無乜問題。但一黎野食就趕頭趕尾喺你身邊叱咤咁轉。而且佢哋餐廳嘅員工都唔算少，仲要一邊食一邊望住你食野進度，唔講以為你食緊omakase，當你差唔多就企你隔離扮望其他人，比壓力你食快d，食完就秒速收碗。態度好有問題，知你多客，但真係無下次。食物唔會稱得上係好食，有其他嘅花膠雞專門店一定會好食過呢一間。而且食完會想飲好多水，可能落咗大量嘅味精。食物份量算正常，如果女仔去食嘅話一定夠飽。男士就可能要加多一份小食。總結嚟講絕對係網紅過度吹奏，不值一試。中晒伏。

🩷駱駝漆就最多嘢食！同媽咪喺附近做完運動，就過嚟食下午茶❤️天氣轉涼，食啲補嘢潤潤佢🧡花膠雞聽落好吸引，補充骨膠原最啱💛媽咪點咗藥膳黃酒花膠雞上海麵！雞肉好嫩好鮮味，花膠好大舊，湯底都好鮮甜帶又少許酒香！💚我就試左胡椒豬肚雞米線，湯底胡椒味辣辣地，全個人暖笠笠！豬肚又咬口又唔會霉爛或者太韌，雞件數量都好多💙豆腐超好食😋外層薄薄脆皮一碰即裂，內裡豆腐水嫩嫩，又唔重味，一口接一口！💜麻藥蛋正常發揮

喺觀塘駱駝漆好出名嘅花膠雞米線🍜小編作為花膠雞湯愛好者梗係唔可以錯過！夜晚8:00去到都排晒長龍等咗起碼半個鐘先入到去不過好彩係值得㗎！🐥招牌花膠雞米線 $68雞肉淡淡肉唔會過分柴雞湯唔會好似味精湯咁超濃郁雞味飲完唔會好頸渴花膠爽口彈牙超好食！🍜椰子花甲粉 $62椰子湯頭好重奶味入邊加埋雞湯同花甲嘅味超濃郁花甲超鮮甜！竟然小編我鍾意食呢個都過花膠雞米線🤣⭐️金磚豆腐 $42切到細細粒嘅豆腐好嫩滑而調味料超惹味令人食到一啖接一啖🤤🤤

週六特地到觀塘的駱駝漆大廈拜訪這間人氣花膠雞米線專門店🐓中午1點多未到店門已看到人龍，想不到大家都是衝着花膠雞湯而來🤣幸好才排了大概15分鐘便能入座🍜 姬松茸竹笙花膠雞米線（$78）雞湯味道非常順喉🥰花膠厚身，雞肉還帶點嫩滑，味道確實不錯👍🏻加了$18配了白桃烏龍冷泡茶🍜 藥膳黃酒花膠雞米線（$68）友人直接把米線轉成了飯🍚黃酒的香味與花膠雞的配搭感覺超補身的，冬天暖身之選❤️‍🔥加了$4加配熱檸茶🥚麻藥蛋（$28/2隻）非常入味的溏心蛋

#foodiezo食在觀塘 #foodiezo九龍篇我諗好多人都食過花膠雞米線，我自己都試過唔同嘅鋪頭，湯底各有特色😌 有啲著重生滾雞骨嘅味道，湯底都係呈黃色；有啲就著重雞肉+豬骨湯嘅奶白湯底，真係好睇個人口味😗 而我就兩樣都欣賞😘 今次食呢間正係濃雞湯嘅湯頭，果然長期有人排隊係有原因㗎！—————————————————————🍜姬松茸竹笙花膠雞米線 $78 （轉雞髀+$10）因為有姬松茸同蟲草花嘅加持，湯底超甜同濃厚！花膠有嚼口，比較花膠筒又係另一番滋味😉 雞髀肉好滑，加錢係值得㗎！雞皮無毛，滑到好想食埋😛 竹笙索曬湯又係超甜，爽滑，食到停唔到haha 米線屬於幼身米香味濃☺️ 口感紥實又掛湯食完好滿足😋 encore!

佢哋嘅湯底真係100分，可以食唔晒啲麵，但一定唔可以飲唔晒啲湯🤤Omg兩樣都食晒，平時出去食麵好少飲湯，但呢個椰子雞湯超級creamy，又夠濃鮮雞湯味，椰香十足🥥😍椰子雞米線 $60一定要加$5轉每日鮮製上海麵😍口感好好！又索湯😋+$10轉左雞髀🍗肉超嫩！好正😍藥膳黃酒花膠雞米線 $83呢款藥材味較重，好養生嘅感覺❤️不過我鍾意椰子雞湯多啲😝麻藥蛋 $28超級糖心蛋😍蛋黃有啲芝麻油香😋凍檸檬薏米水 跟餐+$18唔會好甜！好清新🥳

位於駱駝漆大廈一樓，lunch time 比較多人需要排隊🐔 姬松茸竹笙花膠雞米線 $78呢碗米線真係好足料😍 雞肉滑嫩，花膠又大塊，米線滑身又有咬口～ 湯底係香濃嘅雞湯，充滿雞嘅精華😋 呢幾日天氣凍凍地最啱食碗米線，又養生又暖身☺️另外餐廳仲有多款口味嘅米線或花甲粉比客人選擇由於餐廳空間有限，建議於非繁忙時間光顧～ 小熊貓通常3:00-4:00嚟食就唔使排隊～ 由於大廈wifi 接收比較差，所以餐廳貼心地提供Wi-Fi同密碼，方便客人掃QR code落單👍🏼

平時都有去開駱駝漆大廈行街，每次經過尼間食肆都唔少人排隊，剛巧平日6:15 左右經過冇人排隊，可能早啦，咁梗係要去試吓啦☺️。呢間主打花膠雞湯，總有椰子雞、胡椒豬肚雞、藥善黃洒花膠雞、松茸花膠雞等等的選擇。今次我試咗期間限定胡椒花甲雞湯米線 🍜（$82),奶白色又濃郁湯底，很香胡椒味又唔會太辣，個湯幾好飲，雞件花甲份量都唔少，雞件嫩滑，花甲好鮮甜，配埋胡椒湯同米線一齊食，真係唔錯，價錢都算大衆化，加上近日天氣凍凍地，飲完胡椒雞湯好暖胃。食完出嚟已經見有人龍排隊，果然係人氣米線店，大家如果去開觀塘可以去試吓，唔係想排隊就盡量避免繁忙時間去吃。

一直聽到呢到有隱世米線當日收工已經要排隊入座😍個個都必叫花膠米線❣️🍜藥膳黃酒花膠雞米線 $68極度推介😍個人幾鍾意養生湯底 果然冇失望材料非常豐富 有紅棗、蟲草花、雲耳等藥膳味道濃郁 米線滑溜最後清晒成碗湯😙🍜招牌花膠米線 $68果然出色🤤大大舊花膠雞件好嫩滑❣️米線吸收晒啲湯精華成碗米線食晒好滿足～🌽椒鹽粟米 $38燒到黃金吸引 表面灑上均勻嘅椒鹽鹹甜交集 提升層次感 ～✨炭燒豬頸肉豬頸肉燒到焦糖色 表面黃金酥脆配埋調味料 更加突顯到香味😍

位於駱駝漆的「雞駅花膠雞米線專門店」是當地的覓食熱點之一，吸引了不少食客慕名而來。餐廳人流旺盛，通常需要排隊等候才能入座，空間雖然不算寬敞，但整潔有序。服務方面值得一讚，店員貼心地提供籃子給食客放置個人物品，細節上顯出用心 ☺️🩷這次再訪，我選擇了偏重口味的擔擔麵，並搭配了一份口水雞。擔擔麵的醬料濃郁，花生香氣與辣度恰到好處；口水雞則選用了嫩滑的雞肉，配上酸辣的醬汁。不過，雞肉的份量相對較少，但考慮到$52的價格，性價比仍然不錯。相比之前試過的招牌花膠雞米線，這次的搭配更具刺激感，適合喜歡濃味的朋友 😋😋總結來說，這家專門店主打的米線和配料有一定水準，適合想要飽餐一頓又不想花太多的食客。整體用餐體驗依然令人滿意，值得一試 👍🏻

姬松茸竹笙花膠雞米線好足料，湯頭有好濃郁嘅雞湯味道，食材好豐富，包括有姬松茸、竹笙同埋花膠！姬松茸味道帶甜，竹笙同埋花膠都吸滿哂雞湯嘅精華，花膠仲好軟腍，雞件嫰滑又入味！椰子雞上海麵，一上枱就聞到好香嘅椰子味，加入左椰奶，更加香濃口感更加順滑！湯底都幾清甜，雞件同上海麵嘅份量都唔少，雞肉仲好嫩滑多汁，仲有其他配料，好飽肚金磚豆腐熱辣辣上枱，外脆內滑，帶有椒鹽香味！調味啱啱好，幾惹味嘅小食凍柚子梳打夠晒解渴，夏天飲啱晒！餐廳舒適，上菜速度快，價錢合宜幾抵食，大排長龍嘅餐廳！

招牌雞米線🍜湯底令人驚艷，鮮甜的風味讓人一試成主顧。湯底清澈而富有層次，花膠的加入不僅增添了滋味，還為湯底帶來了獨特的香氣。滑順的米線吸收了湯底的精華，每一口都能感受到雞肉的鮮嫩與花膠的彈性，讓人感到無比滿足。這道米線不僅是味覺上的享受，更是一種滋補的體驗🥰胡椒豬肚湯雞米線🐷湯底濃郁而香氣四溢，胡椒的辣味與豬肚的柔軟形成了完美的搭配。湯底的胡椒香氣撲鼻而來，每一口都帶有一絲溫暖的刺激感。豬肚的口感彈牙，米線的滑順讓整道菜充滿了層次感，讓人忍不住想要再來一碗。這道米線展現了廚師對傳統口味的創新詮釋，十分值得一試。土匪雞翼🪽雞翼外層酥脆，裡面肉質鮮嫩，調味以胡椒和孜然為主，讓每一口都充滿了濃厚的香氣和層次感。這道小食無論是搭配米線還是單獨享用，都能讓人感受到一種香脆的滿足感，是聚會中的絕佳選擇。雞米線專門店湯底選擇多樣，各種口味的雞米線搭配特色小食，讓食客可以根據自己的喜好自由搭配，體驗到不同美味🤤

之前朋友介紹觀塘有間米線店好高質🤩🤩小店主打養生雞湯米線，湯底以豬筒骨、西施骨、三黃雞等熬煮而成，標榜不含味精！而家天氣涼涼地食就最啱😆😆🍜姬松茸竹笙花膠雞米線 $78✨份量十足！湯頭濃郁鮮甜，裡面有姬松茸、竹笙、花膠、蟲草花等配料～～雞肉肉質嫩滑、啖啖肉，花膠厚身、口感軟腍入味！食完米線再飲返碗湯，成個人暖笠笠🔥🔥💛金磚豆腐 $42✨呢個係佢地的人氣小食，必點！豆腐外層炸到金黃色，咬落外脆內軟、好惹味😋😋🍹凍檸檬茶 (+$8)✨茶底清香，口感清爽解渴～而且甜度啱啱好，唔錯👍🏻👍🏻

觀塘向來都係美食據點，鄰近地鐵站，又有巴士站，交通方便。今日同朋友去觀塘「雞駅花膠雞米線專門店」。呢間米線經常出現人龍等位，非常旺場。藥膳黃酒花膠雞米線$68上枱已聞到一陣陣酒香味，再加上當歸、杞子、川芎、白芷、紅棗、木耳等食材，味道豐富。花膠和雞肉都好嫩滑，感覺好滋補。椰子雞米線$60湯底係奶白色，湯頭濃郁鮮甜，有淡淡嘅椰子香味，雞件足料，配料有蟲草花和木耳。米線軟硬度剛好，爽口亦都好掛湯。金磚豆腐$42熱辣辣，外面香口鬆脆裏面軟滑，加咗七味粉和黑芝麻，更加惹味。凍檸檬梳打(跟餐+12）酸酸甜甜，清爽解膩。凍檸檬薏米水(跟餐+18)冰涼好飲，味道清新。餐牌選擇都多，有米線、米粉、上海麵、飯和小食。雞駅花膠雞米線專門店觀塘開源道60號駱駝漆大廈第三座1樓1室