隨變火鍋

營業中

休息中

係TIMES睇完戲都差唔多10點勁肚餓即刻上網搵有咩宵夜好食見到呢間火鍋有宵夜套餐， 10點開始時候剛剛好即刻衝上去唔SURE係唔係新開， 裝修好靚好新， 同埋無咩人心有D驚會中伏XD見到仲有間VIP房添太肚餓即刻叫個牛頸脊餐餐前小食有海帶， 我ORDER小辣都。。。幾麻幾惹味下！！  海帶好爽口， 會忍唔住係咁食其實本身對BBQ無咩期望但又出奇好食羊串完全唔酥， 雞軟骨柔硬適中兩樣都好香口！番茄濃湯真係好鬼濃同足料雞肉勁滑， 番茄同薯仔又多， 食到最後都係食唔晒D料架！牛肉睇得出超靚雪花分佈均勻係上到嚟有D覺得份量少咗但睇真D塊塊都有質量又有咬口勁正！菜好新鮮， 黑松露手蝦丸。。。兩樣味都唔係好食到反而鵝肝墨魚丸味道幾特別， 值得一試隨變粉唔知咩嚟所以叫嚟試下初頭見到以為係肥D嘅河粉但食落係好煙韌嘅肥河粉XD， 唔識形容 我覺得口感幾得意， 出面又食唔到， 要試！埋單仲有糯米糍送， 滿足晒

之前佐敦嗰間就成日食，現在隨變火鍋搬左新鋪之後一直都未有機會去試, 今次藉著有朋友生日, 一於去睇下隨變有冇變😊前菜就點左尖椒皮蛋同埋各式各樣既串燒,尖椒皮蛋有別於平常食到的皮蛋, 較深色的皮蛋屬廣東醃法，而金蛋則是四川醃法, 蛋味更甘香不得不讚係佢地既串燒, 即叫即燒, 特別係牛舌和雞泡魚干, 吃量不多的大家都忍不住要再點呢!至於火鍋方面選擇好多, 今次就試感覺比較健康的蕃茄湯底, 湯底茄味濃郁, 一片片既靚牛肉配以鮮甜既湯汁係一絕!最後不得不提既係隨變火鍋的服務態度, 主動加湯加水, 更不時幫大家換骨碟, 真係好少火鍋店做到😊利申：不是廣告！純報告

一大班人想食雞煲、串燒、打邊爐，於是我就提議左去隨變雞煲，佢搬咗之後都未試過，搬咗之後個景靚好多👍🏼 仲可以一次過滿足晒我哋咁多個要求。雞煲我們點了小辣，醬汁調味十分好，麻辣得很過癮👍🏼 而且雞肉很滑，很新鮮，啖啖肉😋打邊爐我們另外再多點了一個蕃茄湯底，很鮮甜😋這個麻辣皮蛋晶瑩剔透而且不太辣，適合我這種不能吃太辣的人👍🏼牛舌超爽口👍🏼👍🏼👍🏼而且好juicy 雞軟骨又是超爽口👍🏼😋 而且不會燒到很乾👍🏼牛肉高質👍🏼👍🏼👍🏼 超新鮮嫰口Yummy

今晚同朋友去左銅鑼灣行街 朋友話付近都開左隨變雞煲 咁即時去啦 我地7.30到 已經爆場 等左一陣就有位 銅鑼灣風格環境都很舒適餐廳更貼心地準備了一包紙巾 每次都會食我最愛既麻辣雞煲 雞煲加入了大量 乾椒麻子 芹菜 麻辣撲鼻 叫了中辣 雞件很滑 肉質鮮嫩 不過提提中辣會越會越辣👍🏻👍🏻點了 涼拌萵筍 涼拌青瓜 好好食 夠辣魚皮新鮮香脆 食左2碟 牛頸脊 肉味濃 油脂分布均勻 入口即溶 配上麻辣雞煲 一流 燒豬頸肉 用左佢鋪頭特製醬汁 非常之香 竟然食雞煲可以食埋串燒👍🏻👍🏻還有甜品贈送👍🏻👍🏻 人均消費 三佰多，餐廳環境服務食物質素都令我地好滿意

前排睇電視有美食節目介紹呢間隨變火鍋，睇到我落哂口水就決定帶埋屋企人黎食啦！呢間餐廳位於銅鑼灣既V Point, 地理位置方便，而且環境真係一流！連食雞煲都可以望住靚景，夠哂chill!重口味既我地揀左隨變麻辣湯雞煲，隨變雞煲有別於一般重慶雞煲，唔係濃稠左既醬汁，而係用麻辣雞湯做成既湯底，好特別！我地點左小辣，湯底隨左有雞既精華外，充滿住唔同既香料，辣油同花椒，真係岩哂重口味既朋友！好正！火鍋配料方面我地仲點左即炸響鈴，隨變粉，手工雲吞，手工魚皮餃同招牌手打咸蛋豬肉丸等等想特別推介咸蛋豬肉丸 比較少地方會食到，豬肉丸包住流沙咸蛋，好特別，呢個組合食落好夾頂級手切牛頸瘠價錢偏貴，但肉質真心好靚，肉味好濃，無令我失望啊除左雞煲之外呢到仲可以點串燒嫁！必點燒白鱔 好鮮甜另外仲點左「一夜情 」哈即係雞翼夾住腸仔燒得夠香脆 略嫌唔夠咸最後仲有燒芝士年糕 ，外皮好脆好香，年糕好煙軔仲要包住芝士，超邪惡啊！總括黎講，性價比高，環境服務都好好！抵讚

麻辣火鍋這回事, 不適合細路吃, 所以已經好多年無食過啦! 但其實心中總有一鋪辣癮, 尤其過完年不久, 吃傳統中菜或西餐多, 感覺得厭悶, 想起醒胃刺激的辣椒和酸菜香, 竟不自覺吞起口水來! 於是就相約朋友們一齊暫放下仔女, 去吃一餐豐富的麻辣火鍋雞煲. 友人住離島, 回程要趕船期, 自然找港島區的餐廳來試. 銅鑼灣比較方便大家, 找到位於V Point的隨變火鍋試試.​以食店為集中地的V Point十分新簇, 這裡的食店都走中高檔路線, 店內地方寛敝, 樓底高, 枱和枱之間並不貼近, 空間感充足. ​酒吧位置設有吧枱, 同時可以邊飲酒邊吃雞煲, 中西合璧很有風味.​店內更有落地大玻璃, 日間自然採光開揚, 晚上則可眺望港島夜景, 在這裡看煙花也不錯呢!​雞煲是必吃之選, 有多款可選擇, 另外更有羊腩煲, 田雞煲, 水魚煲等, 很有地方菜的風味. 隨變麻辣雞煲 (半隻) - $168 同行友人嗜辣度一般, 而店員說辣度較強, 所以我們只敢點微辣. 雞煲份量不少, 上枱時已飄來陣陣香氣, 令人食慾大增. 除雞件和一般配菜外, 還特別地加入年糕同煎, 窩底汁料稠杰, 十分香濃. ​雞件切

今日落雨凍凍地途經銅鑼灣，朋友提意去打邊爐，上Openrice search下，見到有個雞煲好似幾好食，就咁我哋就決定去試下。呢間川式火鍋店「隨變火鍋」位於銅鑼灣登龍街，Sogo前一條街，十分就腳。上到去未到食飯時間，唔洗訂位都可以即刻入坐。餐廳位置都算多，連吧枱位置都有位可以坐，可以食雞煲，睇住廚師鐵板燒一串串出菜，又可以好快叫待應倒生啤出黎，吧枱其實都係唔錯的選擇。今次職員帶咗我哋去餐廳中間的一張枱，免強都睇到窗外好靚的街景，如果坐窗邊就好啦。枱上用平板電磁爐，唔小心摸到都會怕辣親，真係唔可以帶小朋友黎呢到食啊！！餐廳環境光猛， 空氣流通，直得一讚，呢到冇平時一般火鍋餐廳嗰陣火鍋味，應該唔會食到成身火鍋味咁出去~究竟隨變火鍋有幾隨便定可以隨時變?職員話我知我哋可以叫呢到出名的(1)以麻辣雞煲最為出名，雞煲以花椒、辣椒、洋蔥、大蔥等香料熬製，香辣兼備，吃光後，可加入平常的火鍋配料，如海鮮、牛肉、餃子、蝦丸、墨魚丸等(2)散叫一個鍋選湯底(清湯/鮮茄/麻辣/香辣/酸菜/饒咀)，同時再叫其他野食亦得，雞煲變火鍋，火鍋變雞煲亦可~呢到比其他火鍋店特別之處為火鍋店都有串燒！~ 所以我哋比較貪

男朋友仔知我最鐘意打邊爐上網刨文發現左一間既可以食干鍋又可以打邊爐既鋪頭鋪頭就坐落係出名食拉麵既登龍街既V Point 23樓我地搭Lift搭到去23樓一開門已經聞到陣陣既燒烤味因為鋪頭唔單止有干鍋、打邊爐、仲有串燒比你做前菜而且仲要見到個師傅係門口係到燒簡直流晒口水肚仔餓既我地拿到點菜紙 即刻就點番d串燒來食我地就叫左兩樣串燒燒牛舌心 $48牛舌心就係講緊牛舌最中間既部份 而依個部份係成個牛舌來講口感最軟腍既一個部份唔單止口感軟腍而且依然帶少少脆口既感覺拿來炭燒簡直係一流！！燒羊架 $38我個人唔單止鐘意食牛 都幾鐘意食羊因為羊新鮮既話 羊味同膻味係兩碼子既事而店家既羊架係好新鮮 炭燒過後，再撒上少少鹽同埋孜然粉惹味既程度～８令人再三回味！～當然都唔少得我地今日既主菜在場既姐姐好熱心甘樣介紹我地食干鍋食任何干鍋就可以附送埋湯底比我地打邊爐用今次我地就揀左我地就叫左隨變麻辣干鍋波士頓龍 $348係大陸食唔少干鍋但成日都遇到一個困擾就係肉質炸得過老但今次既干鍋令我驚喜十足第一，雖然我地叫少辣，都絕對惹味，辣味同麻度岩岩好第二，肉質炸得岩岩好，既香口又不失龍蝦既鮮甜第三，配菜既椰菜花同埋椰

每次在銅鑼灣睇完戲必定會去登龍街搵好野食。 今次竟然搵到間有串燒食既雞煲, 岩曬我呢d咩都想食又要坐得舒服既人。其實之前都聽過隨變火鍋幾好食,估唔到到佢開左分店先有機會黎食.第一次食必定要點招牌麻辣隨變雞煲, 個職員仲好有心機咁講解招牌隨變雞煲同回味香辣雞煲既分別. 跟住順便點埋至愛既魚卜, 手打黑松露蝦丸, 手工雲吞王，鮮魚腐, 棍打牛筋丸同個好神秘既” 隨變”粉. 等緊雞煲個時就點埋串燒. 其實一入餐廳已經比佢個大大個串燒廚房吸引住. 睇住廚師即點即燒已經流曬口水. 我地兩個人就點左燒羊架(有得簡5成熟), 燒雞軟骨,燒雞皮同燒白鱔, 全部都係即燒先好食既. 當然唔少得食串燒同辣野必點既啤酒啦. 估唔到竟然仲有得叫生啤,認真一流! 質素方面, 個招牌麻辣隨變雞煲我地點左小辣,所以味道岩岩好, 完全食到唔同配料既味道, 有厚切洋蔥，大蔥等既甜味，而且雞肉好嫩又夠麻,愈食愈肚餓.至於其他菜, 一定要激讚個手工雲吞王, 鮮蝦彈性牙爽口超級好食.魚卜都好大份,又夠新鮮,仲好細心咁比竹簽我地吉爆佢手打黑松露蝦丸大大粒, 黑松露味道濃郁,又彈牙鮮魚腐同棍打牛筋丸吸左雞煲既麻辣味都好食十倍 燒雞

今日女朋友唔開心，決定帶佢食餐好既打邊爐。黎到v-point呢到靜中帶旺既地區，試食呢間主打雞煲同邊爐既餐廳。食雞煲唔食辣就唔好食，所以叫左個招牌隨變雞煲試試佢！佢地好貼心咁比左個前菜我地 就係木耳啦 清新得黎唔會太搶味佢地既雞煲有既火鍋好特別 似細個用既沙鍋 令到鍋中食物 更加香同保溫 係出邊係食唔到咁有心機既雞煲一食落去 就知d雞好滑似係新鮮既雞，加上麻辣味認真好食 女朋友仲食到lam lam利tim xd！食完打邊爐，叫左幾樣女友鐘意食既牛肩肉同墨魚滑。牛肩肉食落好有牛既鮮味加上小小脂方，比起食其他部位都更重口味。墨魚滑亦好出色，爽口彈牙重墨魚味！呢到既特色係有串燒叫，叫左幾串試下，牛舌心、雞腎同鵪春蛋。每串都係有辣椒粉，叫左中辣都辣到個咀麻麻地。但麻得黎都食得出d鮮味。

與舊同事吃麻辣雞鍋，這間 "隨變火鍋" 是最近新開的，居住港島的她日後又多了個選擇，位於二十三樓，開陽有海景，坐位寬闊，有房間、Bar枱，看到Bar枱放上了火鍋與爐，應可在那裡點吃；另外未下單已端枱上的雲耳小吃，可在醬油區內再添；有些食品可點一碟或一份(通常是4件)，有大小份量供選擇，真是細心。燒牛舌心 $48 (甘香厚身爽嫩，中辣很美味)燒羊架 $38  (五乘熟，有點點肥，腍中帶點點羶味，中辣已把大部份的羶蓋掩)燒雞腎 $30  (煙煙韌韌，嚼勁十足)燒多春魚$38/4條   (魚身脹脹的，皮香肉實，不會燒至過乾)麻辣豬肚絲$48加上麻辣醬，花生碎的豬肚絲，煙韌有咬口。隨變麻辣雞鍋 一隻 $258中辣、料頭份量足，麻麻的感覺在口腔留連，煲上一段時間後，紅椒的辣滲透入湯中，很刺激(以往我們通常點小辣的) ，第一次仍可加辣湯，第二次已轉了上湯，雞肉鮮嫩，可能有醃製過，直至我們差不多吃完，雞件仍嫩滑。即劏田雞 $116點了兩份，端上枱時田雞的肌肉仍在跳動，新鮮無比，灼熟後鮮嫰啖啖肉，美味。(大)頂級手切牛頸脊 $308滿佈牛脂的牛頸脊，轉色即吃，軟嫩不膩，雖然牛味不及特級本地新鮮牛肉重，

同事生日飯，又係食好嘢嘅時候。今次揀咗位於登龍街嘅隨變火鍋！佔用vpoint全層地方，座位闊落，坐得舒適！一出門口會見到有師傅燒串燒，質素不會差吧！麻辣豬耳$45辣味十足，豬耳爽口，作為餐前小食一流！清湯羊腩排煲$218用上羊腩排，大量白蘿蔔，湯底清甜，羊腩不會過騷，有十多件，炆得好入味👍以呢個價錢來講算係抵食！燒白鱔$45厚燒大白鱔，外皮燒至金香，肉質鮮嫩，大啖肉啊！美國安格斯肥牛$268肉質鮮嫩，牛味重，脂肪紋分布平均,輕輕淥幾秒就食得！炸魚皮$38鮮炸魚皮，十分爽脆，非常惹味！最尾還有雪米糍贈送餐廳用料質量不錯，人均消費三百多元，坐窗邊還可望到維多利亞景，算不錯吧！

係電視節目見到介紹此店，行開銅鑼灣附近就上去試試服務很好，一坐底就先幫我哋倒水，同即時送上餐前小食-涼伴豆乾，調味調得好好，好香麻油味，令人食完想再食下單後，去整個混醬，原來醬料吧內也有豆乾可再添燒牛舌心-燒到焦香味，外脆內嫩，入面淋到似牛肉咁師父只用牛脷嘅中間部分所特別淋滑一夜情-其實係雞中翼夾芝士腸，中翼皮燒至脆皮，中間夾芝士腸，有創意又過誘嘅一道菜不怕熱的話可以一啖一件，口感更豐富乾鍋龍躉背翅-所以乾鍋也揀辣度，有(大，中，少，微，不)，由於我唔食辣，所以揀左不辣的龍躉背翅，但仍然很野味，雖然我要求走辣，但䦿師父仍有一些麻的感覺，麻而不辣，我啱食，不吃辣人士也可一試，個味超濃，背翅肉超滑令人一試難忘另外order任何乾鍋可免費附送一個湯底，我地揀左雜菌鍋雜菌鍋-湯底本身已經好多料，有冬菇，雞脾菇，秀珍菇...所以菇味極濃頂級手切牛頸脊-起初叫了碟細，點知食落超好味，其他牛肉也不試，再叫多了碟大雪花分佈在整塊牛肉上，非常平均，所以極香滑

今日天氣有點涼又落大雨，好想食啲辣野暖下個肚。朋友帶左我去呢間位於V point 既火鍋店到食雞！仲安排左我對住靚靚既景打邊爐添，真係令人心曠神怡呀😻我覺得呢間無論環境同食物質素都幾好，10點後宵夜時段有85折優惠，唔怪得坐滿客人啦！呢間野除左食火鍋，仲有得叫串燒，鐘意既話仲可以坐係吧枱食雞煲、飲生啤添！又幾好！我地揀左 隨變辣雞煲🐥微辣岩岩好。黎到已經嗅到好香又惹味既麻辣香味！雞煲以花椒、辣椒、洋蔥、大蔥等香料熬製，好足料。令到啲雞索哂啲汁，食落好入味好香！叫左半隻雞份量，好快俾我地食哂，太開胃！😸食完雞煲就可以打邊爐喇！叫左手切本地新鮮牛，質素唔錯，色澤好靚！唔會話好瘦。滾幾下就食得，食落好重牛味又夠嫩。正😋棍打牛筋丸(全部都可以叫半份，岩哂兩個人又想食多啲唔同款，太好了）呢粒牛筋丸好夠彈性又煙韌！同平時食野好唔同，質素好好！推薦👍不可錯過既手工雲吞王，大大粒，好足料，每粒都包有蝦，食落爽口彈牙，夠哂鮮！😸魚腐 都唔錯，尤其配埋呢個湯，夠哂惹味。食落啲湯汁流哂出黎🤤隨變粉👍推薦！呢個粉真係好岩呢個湯底，完全吸收哂成個湯，成落好煙韌又啲似薯粉，但口感更好味！好味到食唔停口🤤串燒方面都