隨變火鍋

營業中

休息中

朋友呢幾日不斷話想打邊爐，佢平時又好食得辣，最後一齊去左隨變食，佢地辣雞煲比較出名呢個係大辣麻辣湯雞煲（半隻雞）一出雞煲Ｄ辣味已經好勁顏色十分深紅，辣椒怖滿整個湯底食得辣鍋就一定要食靚牛肉牛肉先可以完美配合麻竦湯底呢碟本地手切新鮮牛肉，份量真係又大又多我地再要ＵＰＧＲＡＤＥ　做頂級牛肉　＋＄１００真係超班，好味到不得了，香軟溶化菜都好新鮮，無黃＄１３８　刀貝八隻好大隻，半隻手掌咁大肉質好爽彈，好正手打墨魚丸，好彈牙中山脆鯇骨腩，十分爽口，魚肉透澤，絶對新鮮最後當然要返杯汽水下下Ｄ辣氣啦，ｈａｈａ

約了同事在公司開完會後，出去吃晚飯聊天。 同事之前在銅鑼灣吃過隨變火鍋，有提供串燒及火鍋，味道十分好。一聽到串燒火鍋也是我至愛，今次更有齊兩樣，滿足了我為食慾望。 餐廳門口位旁邊，就見到有個隔著玻璃燒烤位，看到廚師正在忙著燒串燒中。 再向前行就見到有吧枱，看見客人坐在那邊，飲住生啤吃著串燒丶雞煲，好relax感覺。 燒物有好多選擇，又可自選辣度，好细心。可選火鍋，一路食一路滾打邊爐。亦可選乾鍋，吃完食材後加水再打邊爐。燒多春魚，好厚身又肥美多春魚，燒至甘香。一夜情即雞中翼夾芝士腸，燒至雞皮好香，加上芝士腸，好邪惡。燒豬頸肉，燒至外層焦香，內𥚃肉嫩，用斜刀薄切，令辣粉分佈平均。酸燙豬肚雞煲半隻，豬肚夠稔好足料，湯底帶酸菜芫茜味，用來打邊爐好特別。脆鯇腩切得好厚又新鮮，肥美脆脆鯇腩，口質超正。 蟹籽丸，內有超多卜卜脆蟹籽。本地手切新鮮牛，肥脂分佈平均，肉質嫩滑。手工西洋菜餃仍看出帶青綠西洋菜，材料新料，啖啖新鮮青菜味道。同事也有提及原來10點後宵夜時段有85折，下次可以放工先睇完戲再來打邊爐吃宵夜。

銅鑼灣燈籠屆，本身是一條食街，這次朋友介紹V-Point 23樓隨變火鍋，我們上到區店内地方很舒服，又有景觀，遠處可望到海景，坐低之後服務員招呼十分細心，這次我想試下隨便招牌乾鍋，因爲乾鍋會送一個精選湯底，可打邊爐，又有送食，一舉兩得。店内很多牛肉選擇，我就選了特級本地新鮮手切牛肉，魚嘴，蔬菜等。每樣食材都很新鮮，牛肉在鍋内滾幾下就剛剛好，入口好重牛肉味又嫩滑，龍背翅乾鍋分量很大，肉質很好，味道很濃郁，湯底都好正，上次朋友食雞煲已經話好好食，下次可叫多幾個朋友包房坐，食齊雞煲和乾鍋。正，正，正。。。

每次坐車回家，總會經過「隨變火鍋」，一直都很想找個機會試試，這次機會來了，因為餐廳在銅鑼灣開了分店，放工後就與好友一同來到，試試它們的雞煲。 這間分店位於V Point 23樓全層，佔地非常大，環境舒適，遠望無敵香港夜景。 我們點了宵夜二人餐，內容非常豐富，有前菜、雞煲半隻、手打丸、配菜、主食及甜品。 涼拌青瓜 青瓜挺大碟，口感清爽，味道酸酸的，配上芝麻及蒜蓉，吃後令人胃口大開。 內蒙羊肉串 羊肉串非常香口，味道偏重，鹹中帶辣，羊羶味可以接受。 芝士年糕 年糕燒香後，外層微脆，而內層口感軟綿得來又不失煙韌，一口咬下就已經有流心芝士效果，讚。 招牌雞煲的選擇不少，不過，我和朋友都不愛麻辣，所以點了酸燙豬肚做雞煲湯底，有點於一般的餐廳，這裏的雞煲預先加了湯底，而不是乾炒雞煲的那一種。 湯底加了鹹酸菜，所以味道份外惹味，而雞肉的份量足夠２人享用，肉質超級嫰滑，豬肚煙韌有嚼勁。 特級本地牛頸脊（小） 大力推介這個本地牛頸脊，牛肉入口甘香，油腴豐富，脂香及牛肉味都非常濃郁，加上肉質超嫰滑，十萬個推介。 田園拼盤 拼盤內放了各式各樣的蔬菜，包括有金菇菜、冬菇、娃娃菜、皇帝菜

幾年前去過佐敦食過隨變雞煲,仲記得間鋪吾大係普通一般餐廳形式。估吾到今日已經喺銅鑼灣V Point開左另一分店。上到去裝修簡約環境座位舒適,座位之間亦吾太窄或太近。首先坐低經理介紹點左個乾鍋醬汁雞半隻送一個火鍋湯底,個乾鍋醬雞味道濃郁都唔錯又有椰菜花同年糕,但只有半隻雞選擇,所以兩個人食未夠飽。我哋之後加98元叫咗個隨變麻辣雞煲半隻雞,好耐冇食已經唔記得咗原來隨變麻辣雞煲係麻辣湯雞煲來 。湯雞煲湯底唔錯夠濃,不過係同出面既麻辣醤炒出來既雞煲吾一樣味道同感覺。吾想食乾炒既又想食麻辣湯雞煲可以點呢個。如果想食乾炒麻辣雞可以點乾鍋醬雞但只有半隻雞選擇。食完兩個吾同煮法之後都開始飽,所以只點左幾樣燒烤小食同幾樣火鍋配料已經飽。整體來講要坐得舒服環境好地點好,隨變火鍋雞煲係一個唔錯嘅選擇,有少有既bar台坐位可以坐,仲有佢地有生啤酒,又有我最愛黑啤Guinness,食到熱同麻既時候最好嘆返杯冰凍生啤酒,除外亦有好多吾同既酒選擇,而且十點後宵夜時段又有八五折優惠,另外每枱會有一包貼心Temple紙巾,而且最後亦會送甜品雪米糍,係一間有用心既店。

今日同朋友去銅鑼灣行街，行到八點幾開始覺得肚餓，於是就搵下附近有咩食。見今日凍凍哋就決定去打邊爐啦！不過麻麻地鍾意食任食嗰啲邊爐所以就搵咗呢間隨變火鍋試下。喺燈籠街街口都幾方便。我哋點咗佢最傳統嗰個隨變湯底，再嗌咗牛脊骨，雲吞呀水餃呀魚皮嗰啲嚟試下，兩個人唔使食太多。湯底方面我哋嗌咗小辣，佢個湯底都幾特別，嗰陣辣味好香但係又唔會覺得好刺鼻，個人嚟講覺得同出面嗰啲好唔同，勁開胃。然後就食下佢個牛仔骨先啦佢個牛脊骨超級好食又新鮮又淋，唔好淥到熟哂，勁正！雲吞水餃嗰啲都好新鮮，好似係手打嘅。 呢間火鍋店原來仲有燒嘅嘢食賣，我同男朋友一人嗌咗一隻蟶子皇，超級鮮甜新鮮！雖然個價錢都唔算平，但係絕對冇後悔買，如果唔係太飽一定會再嗌多粒！嘢飲方便就嗌咗汽水同埋花茶，佢個花茶清清地，聽講係老闆娘自己整嘅，完全可以解辣又唔會好似汽水咁脹住個肚。最值得一提嘅係呢度嘅服務超級好，會好主動咁幫你落單甚至會換碟，同埋幫你講解下唔同嘅食物，係一個非常好嘅晚餐體驗！

再次嚟到銅鑼灣登龍街食飯，上幾次都係食日本野！跟住呢就試吓食雞煲火鍋！上到去個裝修好靚仲要旁邊都係落地玻璃！成個環境好大好舒服！落地玻璃望出去，因為佢23樓高，睇到銅鑼灣向海嘅夜景，真係好靚令到個人都即刻放鬆晒！去到佢好細心會有個箱俾你放袋！所以會令你坐嘅位置變得好舒服好大！之後就叫嘢食啦！真係樣樣都好想食！佢呢度比較特別嘅係佢仲有串燒！我就揀咗微辣一隻雞嘅雞煲（$258）——————-隨變麻辣雞煲交左單上去之後好快就到左啦！嘩！佢啲雞好足料同事都有好多配料！雞嘅肉質好滑好新鮮唔會好老！佢個湯底已經好夠味，雖然佢已經係好似打邊爐嘅湯底，唔係平時食開嘅醬料湯底！不錯不錯！——————燒雞軟骨乾左少少，但味道好夠！—————-蔬菜好新鮮，洗得好乾淨！

呢晚本身約左朋友仔食dinner，但佢臨時要開meeting加班收夜......等到佢收工都已經成十點啦！！！！我地既飯聚都由晚餐變成宵夜....朋友仔為左表示歉意，佢話要請我食返餐好啲既補返數佢帶左我黎v point呢度，話要睇住個view食正雞煲，原來呢度十點後有個宵夜二人餐，既有雞煲火鍋仲有埋前菜 串燒同甜品，望落都幾多野食咁啵呢個宵夜二人餐有四個價位，不同配菜有唔同既價位，個晚我地就揀左“頂級本地牛頸脊（小）”HKd$588+10%既宵夜二人餐先黎既係我地喺套餐入面揀既涼菜同串燒：“涼拌海帶”、“內蒙羊肉串”同“芝士年糕”估唔到呢度既串燒都幾出色，羊肉串好重孜然香，而芝士年糕燒到外脆内流心，睇返相都想encore雞煲方面本身想試下佢地招牌既隨變麻辣，不過朋友仔話佢睇梗中醫，呢排要介口唔可以食辣，所以我地就要左個“酸燙豬肚（半隻）”當中既雞肉嫩滑，加上有不少酸菜調味，真係愈食愈開胃手打丸有三款可以揀，我地試左“鵝肝墨魚丸”同“黑松露蝦丸”兩款手打丸既味道都唔錯，食落仲好彈牙添配菜除左有呢碟色澤粉嫩而食落嫩腍又重牛味既“頂級本地牛頸脊（小）”之外仲有份“即炸響玲卷”同“田園拼盤”主

抱着期待的心情第一次嘗試，因為知係佐敦好出名，但作為港島人好少去果邊，開左係銅鑼灣就馬上試！坐升降機一出門口已經聞到火鍋香味同其他火鍋店有所不同，這裏提供bar枱也可供食雞煲、食串燒及飲生啤，別有一番風味，感覺非凡。這次點了酸菜豬肚雞煲，用料新鮮，湯底的味道非常開胃，材料的鮮味也突出，值得一試！其他配料例如自製香菇雞肉餃子🥟真材實料口感豐富。另外點了雞泡魚干和牛舌串燒，都好出色，啖啖肉，又吾老。除了新鮮美食，這裏的裝潢和座位都令人感到舒服，若果坐卡位，對着大玻璃窗口時邊食邊看的風景，都是放鬆之選。十點後宵夜時段好似仲有85折優惠，我下次會簡宵夜黎食多次

新年相約舊同事聚會，他們揀左火鍋，鐘意烚下烚下餐廳位於銅鑼灣登龍街V Point，地點方便餐廳設有醬汁自助區，亦有蒜香雲耳作為前菜 呢度火鍋及煲有多款選擇，之前試過招牌雞煲，今次選左酸菜豬肚雞煲先呷一啖湯，湯味道酸酸甜甜，好開胃，豬肚爽口，又唔太腍雞肉肉質唔駭，仍然好滑手切牛頸脊 （小）牛頸脊新鮮，油脂分佈平均，賣相吸引牛頸脊厚薄適中，入口幼嫰多汁，唔靭，牛味香濃手打三寶丸 138.00三寶丸分別為墨魚丸、蝦丸及豬肉丸，上枱時每一粒丸用瓷匙盛載著，賣相精緻墨魚丸爽囗彈牙，蝦丸鮮味十足，豬肉丸好有驚喜，肉質幼嫰，冇燥味桂花蚌，新鮮有光澤，入口爽甜，有口感，令人回味

很多地方都有雞煲食，呢處最特別嘅地方係...食肆居然畀你嚮吧枱食雞煲，仲有串燒同生啤可以order，真真正正既 "fusion"。10點半後來仲有85折添!串燒有不同辣可揀，叫左一串孜然牛肉串，腌得很入味，香料也很惹味。呢度食辣雞煲出名，我地叫了一鍋中辣度的酸菜湯豬肚雞煲，豬肚夠晒爽，雞件又夠滑，果真名不虛傳。侍應話給我們用黎點雞煲的特製辣醬，真的很辣呀！紐西蘭羊肉片肉味濃而不騷，肥牛以外必食。炸魚皮很新鮮很脆，即食或yam少少湯底再食均可。芹菜木耳餃不是很多地方有供應的!這裡的鴨紅也不錯，爽而不靭!

襯天氣仲凍緊，我地又去左食火鍋，今次簡左呢間新開既隨變火鍋，餐廳係食街之稱既登龍街入面既v point 大廈！上到去，基本呢座大廈既餐廳有落地窗係常識吧？所以環境非常好！店員推介我地試下呢個干鍋醬田雞煲，呢個係會由店家煮好送上黎，田雞肉好嫩滑！唔會太辣，辣味剛剛好，好惹味呢！火鍋湯底我地叫左番茄湯底，好足料，內有多個番茄，湯頭十分濃郁鮮甜！牛丸好彈牙大粒！咬口十足配料我地仲叫左生菜，冬菇同雲吞等等，雲吞皮薄多餡，蝦肉大隻爽彈！佢地仲有串燒，燒蝦好惹味，蝦身好大隻，蝦肉好彈牙鮮甜，好多肉呢！呢度打邊爐黎講環境好舒適，好乾淨，岩哂同一班姊妹黎傾計打邊爐呢！

今日帶父母黎試下呢間新式火鍋店，聽講質素都唔錯！一黎到見好多人，心諗好在我地有book位咋！但都要等多三十分鐘先可以入座🥺🥺如果可以再快就更好！入座後我同父母就好善用佢個自助bar，我地食左幾碟麻油雲耳，入口好香麻油味！食物方面，我地點左幾個串燒，燒得幾香口，牛肉偏肥，個人會喜歡瘦少少，但整體燒得唔錯！材料方面，我地點左膳片、鴨血、足料雲吞、准山、隨變粉、響鈴、本地手切肥牛！全部都好新鮮！！！

一早都聽朋友講過呢間雞煲好出名，終於有機會黎到食啦！仲有吧枱提供雞煲，串燒及生啤，一大班人黎chill下亦得！而且10點後宵夜時段仲有85折優惠，抵食揀左招牌麻辣隨變雞煲，可以選擇大中小辣度！可見佢地個配料都幾足😆😆雞嘅分量亦可以揀半隻或者全隻！雞肉嫩滑，吸收左湯底嘅精華帶有麻香味，超惹味呀建議先食晒啲雞再落火鍋配料！紐西蘭羊肉卷$98值得一叫！肉質吾會好乾硬，食得出好新鮮，亦有濃郁嘅羊肉’蘇‘香配料份量亦都算係適中！值得一試嘅係海膽流心丸，好juicy嘅海膽醬流出呀！而凍豆腐就可以吸收湯底嘅味道！必叫仲有隨變粉，口感滑而且有煙軔感，有啲似薯粉加烏冬嘅混合，浸過雞煲湯好好味另外見到佢哋有串燒所以就試吓啦，即叫即燒！內蒙羊肉咬落仲滲出肉汁，夠香口！一夜情雞翼！雞肉內包住芝士腸，一口咬落去脆皮芝士腸卜一聲，口感特別 ！串燒質素亦做得吾錯，好滿意！

我幾鐘意去銅鑼灣食飯，交通方便不在話，高層更可享無敵海景。登龍街雖不近海皮，前面大廈係遮左少少，但總算望到遠景，傍晚6點左右來，望住天空慢慢變暗，其實幾浪漫的。如果淨睇夜景，十點半後才入坐會好d，因那時侯有宵夜時段八五折。用瓦煲的好處是傳熱快及保溫，爐的溫度不用調到很大也可淥熟火鍋材料，湯底也不會因為滾得太厲害而蒸發晒水份，令湯底變得太鹹。三色丸是手打的，所以特別嫩滑之餘，也特別彈牙。安格斯肥牛很吸引吧!鮮鵝腸是有膏的，而且很爽口。菜的份量不算很多，但ok啦！始終主角不是它!諗住加單時，睇到剛才睇漏左的串燒，火煱配串燒幾特別，點都要叫番兩串食吓。話時話，我見到有客嚮bar枱位置食雞煲同食生啤，邊烚邊吹、邊燒邊飲又是另一番風味，下次我都要坐吧枱感受一下至得。