隨變火鍋

營業中

休息中

今晚同好友食宵夜, 佢提議黎V POINT 新開既隨變火鍋，因為呢度夠高質～我地唔洗諗，直接叫左個宵夜套餐，有勁多野食呀！！餐前涼菜叫左涼拌海帶，又辣又爽滑，正～之後有２串燒可以叫，叫左內蒙羊肉串同雞軟骨。 內蒙羊肉串出奇地羊羶味唔算重，食落香口；而雞軟骨香脆又好味～招牌雞煲要左個蕃茄湯底，D 湯都可以飲埋，好香濃，而雞肉十分嫩滑，唔錯！手打丸叫左墨魚丸、蝦丸，２款都大粒又彈口 =]之後就到主角牛頸脊，油花分佈平均，食落牛味重，好正～最後仲有響鈴卷，同蔬菜，仲叫埋個隨變炒，爽爽滑滑，好特別，必試！！埋單時仲有雪米糍送～～OVERALL 環境舒服, 食物高質, 下次會再黎~

在銅鑼灣的隨變，裝修走精緻路線，跟男友訂二人位，幸運地獲安排坐全場最自閉但同時最美的位置！兩人可並排坐互相依偎，前面和右邊都是街景，夜晚來好有情調啊！來到當然是吃招牌雞煲！火鍋配料的選擇超多。看來一大班人來吃更好！最驚喜的地方是他們有即叫即燒的串燒！忍不住要叫點來吃吃看~很快就整桌都是食物了，超豐富啊燒牛舌心一串三件，每件都又大又厚！選了走辣，只用點鹽調味已很出色！入口充滿牛香，口感爽中帶嫩有肉汁，perfect燒白鱔又是大條厚身！燒很曲超來證明新鮮，皮煙靭有豐腴魚油香，肉質厚既爽，每一口都鮮味十足應該要叫多點串燒吃啊！終於捨得吃雞煲了，跟我平常吃的醬汁乾身雞煲不同，這裡是湯雞煲。湯底用了大量蔬菜類加香料，味道香時也清甜，相對不會太濃味。雞件每件都大大件、肉又厚，肉質煮久都不會粗糙。日本廣島蠔22元一隻，肥美飽滿，煮後沒有縮小很多，味道鮮，質感嫩。吃火鍋怎麼可以沒牛呢！我倆點了小份頂級手切牛頸脊，雪花紋分佈平均，不會覺得油膩，反而會充滿牛香，軟軟的口感也很好。除了牛，我也喜歡吃不同火鍋店的手打丸和滑類，試試手勢。今次只點了手打蝦丸，上菜時是灰白色的，證明是用鮮蝦製造。咬下去非常爽口彈牙

今晚收工同一個朋友黎試下呢間位於 V Point，一幢乜野餐廳款式都有既大廈食個 Dinner，今晚我哋就揀咗呢間，決定食個雞煲打個邊爐！上到嚟，感覺都幾唔錯，餐廳環境幾開揚，仲有得望到維港，淨係個景色，都幾有驚喜，因為真係好少機會可以咁樣打邊爐食物選擇都幾多，單單只係雞煲。都有分乾濕兩種食法，仲有其他多款唔同口味嘅湯底，真係好多選擇 ; 你要返都有少少所有配料可以揀，如果唔夠嘅話，後面仲有好多選擇，包括海鮮添餐廳整體而言所有嘢都比較簡約，例如枱面嘅餐具亦都唔花巧，最特別最有驚喜嘅，餐廳竟然每台客人都比一包Tempo紙巾使用，用包裝Tempo紙巾黎供應比客人做餐巾都真係第一次見，都幾高成本喎今晚我同朋友就揀咗一個濕嘅雞煲，意思係入面既雞都係浸湯嘅，餐廳就用咗瓦煲黎做個雞煲及火鍋煲，所以體型都幾大隻，夠晒特別，夠晒風味浸晒湯，濕嘅雞煲原來都幾正，大家可以睇下，色香味俱全，入面包括大量配料，令到成個雞煲都非常香味，一啲都唔平凡因為一路浸湯既關係，相對乾嘅食法，雞件既口感就冇咁滑，不過味道都係香濃既，湯汁入曬雞件入面，肉質豐富，食落嘅感覺仲冇咁熱氣添開始介紹配料啦，有一啲配料係特別要推介俾大

收工同朋友去銅鑼灣時代廣場行街，跟住順理成章蕩左去銅鑼灣登龍街 V Point，好耐無食過雞煲，就去試吓（隨變雞煲）。入到去，個環境已經令人感覺好舒服，裝潢簡潔，光線柔和。行過吧枱見到枱上都有gas爐，可以一邊飲生啤、一邊食串燒同雞煲。今次安排坐有落地大玻璃嘅卡位，可以邊欣賞風景邊食飯，幾有Feel。每張枱都有足夠空間放多碟配料。食物方面都一樣有水準。朋友唔食辣，所以點左個原味清湯雞煲。第一次食有湯嘅雞煲，個湯好飲唔似平時啲味精湯咁，都濃味，雞肉好嫩。呢度仲有串燒，Order左燒牛舌心、燒豬頸肉、牛油燒香菇同7成熟嘅燒羊架，燒羊架真係好好食，肉質比較嫩滑juicy, 同放題羊架完全係兩個 level, 朋友讚不絕口，仲要encore。食完雞煲後打邊爐，基本火鍋配料都有齊，例如響鈴、生菜、肉丸、餃子等。比較推介嘅係招牌手打咸蛋黃豬肉丸同鬼肉魔芋。鬼肉魔芋口感彈牙，喺湯度煮幾耐都仍然爽口。手打咸蛋黃豬肉丸都一樣彈牙鮮味, 加上中間配上咸蛋黃碎, 正! 咸蛋黃愛好者可以一試。除左食物之外，呢間餐廳有D細節位幾貼心，例如每台會提供tempo紙巾一包，洗手間仲提供hand cream添。總括來講

銅鑼灣登龍街這間隨變火鍋都想試很久了，今日終於有時間上來一嘗心願。一出電梯，已經見到優雅的餐廳，裏面已經非常多人。鍋底有湯鍋及干鍋兩種選擇，干鍋食完后可免費選用餐廳提供的壹佰多元的湯底。回味香辣湯雞煲(半隻)$198我們要了回味香辣湯雞煲，微辣，鍋底裡面非常多配菜，有青紅椒、洋蔥、香芹菜、芫茜蔥及大蒜...等。雞肉切得大小適中，雖然要的是微辣，雞肉入口已食到花椒及辣椒的味道，湯㡳麻辣清甜，所以雞肉嫩滑之餘帶著麻辣的香，也很美味。白鱔片$128白鱔片切得長長的，由此可以知道白鱔是比較大條，白鱔片灼的時間不宜太長，我覺得灼約12-15秒為適中，白鱔片剛好熟，因剛好熟，會爽口很多，鱔味新鮮再點上自調辣醬汁，令鮮甜的白鱔片味道帶麻香辣更為惹味。日本廣島蠔3隻$66日本廣島蠔，比平時食的略為大隻，肥嘟嘟，入口嫩滑。牛柏葉$22牛柏葉，爽口程度由自己控制，不宜灼太長時間，因時間長會軔，點上麻辣的醤油，麻辣得來又爽口。蟹子墨魚滑$88蟹子墨魚滑，面上一粒粒橙色的蟹子非常誘人，侍㒣很貼心，主動地幫我們放墨魚滑，墨魚滑本來已帶爽，面上的蟹子卜卜脆，令墨魚滑更有口感。出前一丁$22要了個出前一丁，出前一丁

今晚很夜才出來，同朋友約食宵夜，佢介紹食這間個名好特別的-隨變火鍋，我們兩人，被安排坐一個超靚的雅座，就係望住個180度的港島區夜景，心情即時變得開懷，看見餐牌，火鍋都有宵夜套餐， 10點開始的，有4款選擇，選了時令海鮮併盤鍋，有原隻龍蝦、蟶子、鮮鮑魚、象拔蚌、廣島蠔、花甲和大蝦。先來餐前小食，選了海帶， 點了小辣，超惹味，少少麻辣，辣油同蒜好香。海帶粗條有口感，又好爽口。套餐包了串燒，重口味的孜然味羊肉串，香口肉嫩。另一串叫了燒雞皮，好有卓頭，平時唔食雞皮，但原來燒完出曬油，係咁香脆，唔肥膩呀！見有酸菜豬肚做湯底的雞煲，一大煲瓦煲上枱，保持溫度，足料，有大量豬肚，因平時較少食。海鮮鍋中最喜愛原隻龍蝦，好大隻，肉質彈牙，好鮮甜；蟶子爽口；鮮鮑魚夠彈牙；廣島蠔夠肥美；大蝦彈牙，好有鮮味，所有食材都很高質。蔬菜、響鈴、隨變粉，類似寬粉，用薯仔做成。還有兩料丸，有黑松露手蝦丸和鵝肝墨魚丸，兩者同樣彈牙，而墨魚丸有濃濃的鵝肝味，好香。最後上埋甜品，雪糕糯米糍，好滿足。其實呢餐的海鮮真係好新鮮好靚，建議下次叫清湯會夾好多，保留海鮮原有的鮮甜味。走時見到還有VIP房，相信可以作包廂飯局。

辛苦了一星期，終於計劃完成，老板為了慰勞我連曰來OT ，今晚帶我去食宵夜。宵夜二人套餐有四種價錢，視乎揀選的，老板話要食就食最豪的海鮮拼盤。案當天時令的，真係好期待啊！餐前涼拌青瓜帶有少少辣度，開胃爽口。風味燒烤幾有驚喜。雞軟骨有嚼口，香口惹味。燒芝士年糕，外脆內軟，入面有芝士之外還有芝士忌廉，充滿濕潤感不會乾巴巴。雑菌雞煲夠養生，滾後先嚐湯底，鮮甜得不得了，多飲補身。半隻雞份量不少。肉質嫰滑。期待主角的出場，騰雲駕霧的好有氣勢。有龍蝦，鮑魚，蟶子，大蝦，蠔和蜆。淨睇都末知新鮮程度，食過先知番唔到轉頭，以後都要叫老板帶我多多嚟食。每款都鮮味盡出，好似龍蝦肉質厚，啖啖鮮甜。大蝦彈牙無得輸。蠔隻的蠔味持久掛在口腔內。頂瓜瓜👍！隨了海鮮了得之外，配菜亦不遜色。兩款招牌手打丸，鹹蛋豬肉丸最得我心。鹹鹹香香的味道配合豬肉丸的軟腍，兼且爆汁，好滋味。鵝肝墨魚丸勁爽彈，鵝肝味濃厚，不錯。炸響鈴不油不膩，吸盡精華，一流。隨變粉幾特別，外型似粗大的河粉，只三分鐘左右的㷛煮時間，煙煙韌的口感很好。一頓豐盛的宵夜，連日來的辛勞一掃而空了。

以前喺灣仔嘅舊舖已經試過一次而家搬咗上嚟可以欣賞全海景 性價比即刻上升呢度除咗打邊爐仲有一系列串燒最啱就係作為火鍋前小食牛舌心 $48豬頸肉 $58即點即烤 新鮮可口牛舌心同豬頸肉都口感十足加上七味粉微微辣啦好惹味雖然呢度主打辣雞煲但係唔代表海鮮咪喺度搵唔到好嘢食今次就試吓佢哋嘅招牌酸菜桂魚煲 $338酸酸地非常開胃 桂花魚肉質好嫩滑魚味亦都好鮮味突出份量亦都唔少之後仲可以慢慢品嚐魚頭魚尾真花甲 12隻 $88花甲除咗鮮甜之外仲好欣賞呢度嘅心思店員會比一個筲箕你用咁就唔怕啲肉飛走晒或者成個鍋都係殻三黃雞 半隻 $98三黃雞脂肪同肉嘅比例適中而且雞味濃郁 雞肉爽滑即使係酸菜湯底 味道都非常配合整體食物質素非常好而且服務都幾妥貼

隨變雞煲聞名很久，終於第一次來吃！原來銅鑼灣vpoint這家店的吧枱也可供雞煲、串燒及飲生啤，10點後的宵夜時段仲平啲，啱曬我呢啲中意食宵夜嘅為食鬼😍😍😍這次我們揀選了微辣的隨變麻辣雞煲（半隻），食雞煲之外，這裡還有大量的火鍋配料可供選擇，而且可點選半份或一份，因為這次我們只有兩個女🙋🏻生，點半份來吃剛剛好，又可以多試幾款配料，特別一提他們的隨變粉，原來是用蕃薯造的，口感很好，吃得很滿足。💪🏻💪🏻💪🏻

當同朋友諗緊食火鍋定雞煲好既時候，竟然比我地搵到依間可以一次食哂2款既餐廳，so nice～ 餐廳環境開揚，如果坐近窗邊仲可以睇到景，氣氛唔錯！餐廳採用電池爐，油煙比較少，值得一讚！隨變麻辣雞湯煲－貼心地有半隻同一隻雞，仲有3款辣度比你揀～今次我地叫左微辣，如果唔食得辣既都可試試，而且會愈食愈過癮。串燒類－難得有雞泡魚乾當然要食啦，仲order 左雞軟骨，唔乾而且香脆，燒得啱啱好～英國安格斯肥牛（半份）－ 非常軟滑，厚薄適中。推！黑松露蝦丸－出面好少會有，黑松露味好出，十分香濃彈牙，必試！墨魚滑＆手打蝦滑－ 感覺真材實料，肉質爽口。總括依間既環境同食物都中上，如果鍾意飲酒都有好多選擇，下次可以再試試其他野食～

隨變雞煲已經聞名已久... 之前喺佐敦食過.. 大排長龍 😱 新開嘅銅鑼灣店又大又舒服又靚，仲設有吧枱，喺吧枱都可以食雞煲同全消飲生啤勁好feel。 10點後宵夜時段有八五折真係好抵食。 一定要食串燒，我今次叫咗白鱔串燒同埋芝士年糕串燒，兩樣都勁正，白鱔肉肥美嫩滑，外皮烤得香脆，有微微炭烤煙熏味，一啖咬落去仲有魚油流出，勁正。芝士年糕又係勁正，一咬開裏面嘅芝士溶咗流出嚟，趁熱食小心辣親咀添啊。 醬汁乾鍋田雞煲亦同平時一樣美味，之後再用清湯打邊爐，完美嘅一餐啊。

今日約左幾位舊同事到銅鑼灣行街～街到又攰又肚餓，諗下食咩先！天氣咁凍食個麻辣火鍋都唔錯～其中一個同事提意同帶路～地方也夠大，亦有房提供～食物由同事發版～先上左小食～涼拌青瓜，麻辣豬耳～麻香帶辣～👍燒牛舌，牛舌厚，肉質較淋燒白鱔～皮乾帶脆，肥大肉厚但又幾滑～麻辣雞煲上了～很香的麻辣味～點了的是中辣～邊食邊出汗，辣度較重～配上響玲，吸收一下辣湯，不得了～牛肉油脂比例剛好～這個麻辣火鍋中辣比預期更辣，湯底配上響玲或紅薯粉，吸湯食物，入囗一流～ 食到咁飽，甜品就食粒糯米糍，簡簡單單已經足夠下次要帶班愛辣之友來一試

常常讀錯呢間雞煲店的店名，不過見佢由佐敦開到過嚟銅鑼灣，仲要喺V point，無理由唔試試，到了才發現現在有做優惠，十點後有八五折，早知就宵夜時段來喇。不過算了反正一出來度，點了招牌雞煲再加串燒就成了今天的晚餐。這裏的雞煲和別家不同的是他一來便是湯鍋的形式去做，當然你想要是平常乾鍋的style也有供應，那我們今晚當然要試招牌喇。我們試的是微辣，湯鍋來的時候香氣迫人湯料豐富，急不及待試一試雞肉，肉質都頗嫰建議如果吃得慢，先將雞肉撈起放在一旁，避免過熟。之後再叫了一些配料一齊吃，自家製墨魚滑必試，非常鮮味雲吞入面的蝦肉亦十分爽口彈牙，脆魚腩加上湯汁亦好好味最有驚喜的是鮮田雞，如果不怕的話，一定要試試，上的時候還會郁的隨變粉非常滑溜，口感煙韌不可不提的就是這裡也有串燒供應，我們點了雞腎和牛肉串，雖然是微辣，但已入味非常

真係唔講唔知原來銅鑼灣登龍街金朝陽對面有作銀座式食肆開咗幕，叫v point。喺樓下見到個大大招牌寫住叫隨變火鍋，原來係食雞煲打邊爐，脆脆地去試吓。佢連個吧枱都可以去食雞煲。佢哋安排左我坐係一個角落嘅位置，右邊就見到維港嘅景色同睇到幻彩耀香江，左邊仲見到馬場，咁啱嗰日禮拜三有夜馬。見到佢有串燒就叫左兩串先，嗌咗個白鱔同埋芝士年糕頂一頂先，又估唔到佢哋串燒都幾好味喎，仲可以送啤酒添。當日我點左個龍躉煲價值，包送多個湯底俾你打邊爐，我揀咗個雜菌湯。上到嚟有好多舊龍躉，啖啖肉，個味道雖有少少鹹，但係都唔錯，又覺得唔算貴。最後嗌埋個牛頸脊加多兩碟丸去打邊爐，個雜菌湯底又幾好飲喎。臨走嘅時候發覺原來佢入10點後入座有八五折，如果食宵夜嘅話可以考慮下。

部門同事升職一齊來慶祝吃飯，由於天氣稍涼，雞煲火鍋首當其衝成為首選，先點了個涼拌貓耳朵，爽脆帶點辣辣的，很惹味。黃金皮蛋，第一次吃金色的皮蛋，色澤通透，平常很少見到，比灰色皮蛋甘香一點。秘製雞煲，雞件很入味，吃起來辣辣麻麻的，而且鮮嫩肉滑，不會太多脂肪。手打墨魚滑，肉質很彈牙，有嚼口。鯇魚片，很新鮮，肉質頗嫩滑，不用沾醬油也很鮮甜。皇帝菜，青綠新鮮，浸在雞煲內，很惹味。整體來說，上菜速度迅速，而且新鮮，我們都對這頓晚餐感覺滿意的。